Zoleka Mandela
Zoleka Mandela (1980ko apirilaren 9a - 2023ko irailaren 25a) hegoafrikar idazle eta aktibista izan zen, Nelson Mandelaren biloba izateaz gain.[1] Bere alabaren heriotzaz, drogadikzioaz eta bularreko minbizia izanaren bizipenei buruz idatzi zuen.[2]
Zoleka Mandela | |
---|---|
Bizitza | |
Jaiotza | Johannesburg, 1980ko apirilaren 9a |
Herrialdea | Hegoafrika |
Heriotza | Johannesburg, 2023ko irailaren 25a (43 urte) |
Heriotza modua | berezko heriotza: minbizia |
Familia | |
Ama | Zindzi Mandela |
Hezkuntza | |
Hizkuntzak | ingelesa |
Jarduerak | |
Jarduerak | idazlea eta aktibista |
Jasotako sariak | ikusi
|
Biografia
Zindzi Mandelaren alaba eta Nelson Mandela eta Winnie Mandelaren biloba izan zen.[3] Txikitan sexu-abusua jasan zuen, eta horretaz hitz egin du, baita farmakoekiko eta alkoholarekiko menpekotasunaz ere.[4]
2010ean, Mandelaren hamahiru urteko alaba auto istripu batean hil zen, Sowetoko Munduko Futbol Kopako kontzertu batetik etxerako bidean. Haren heriotzak mundu mailako zirkulazio-istripuen biktima kopuru handia ikusarazten lagundu zuen, eta familiako kideak bide-segurtasuneko aktibista bihurtu ziren.[5]
Trafiko-istripuek eragindako heriotzen aurkako kanpaina egin zuen, eta Saharaz hegoaldeko Afrikako haurrek dituzten arrisku bereziak azpimarratzen zituen. Haur horiek munduko beste edozein lekutan baino bi aldiz arrisku handiagoa dute auto-istripu batean hiltzeko.[6]
2013an argitaratu zuen autobiografia. Mandelak bularreko minbizia izan zuen, eta bost urtez tratamenduan egon zen. Komunikabide sozialak erabili ditu tumorea erauzteko ebakuntza eta haren kimioterapia tratamenduaren albo-ondorioak deskribatzeko.[7]
Zoleka Mandela minbiziak jota hil zen 2023ko irailaren 25ean, 43 urterekin.[8][9][10]
Aintzatespenak
2016an BBCren 100 emakumeetako bat izan zen.[11]
Erreferentziak
Bibliografia
- Mandela, Zoleka (14 April 2014). When Hope Whispers. Johannesburg: Jacana Media. ISBN 9781431409044.