500 Millas de Indianapolis de 1951

As 500 Millas de Indianapolis de 1951 foi unha carreira de automobilismo de Fórmula Un, celebrada o 30 de maio de 1951 no Circuíto de Indianapolis. Foi incluída na tempada de Fórmula 1 de 1951, da que foi a segunda carreira.

Gran Premio de 500 Millas de Indianapolis de 1951

Detalles da carreira
Carreira 2 de 8 no Campionato Mundial de Fórmula 1 de 1951.
Trazado do circuíto de Indianapolis.
Data	30 de maio 1951
Nome oficial	XXXV Indianapolis International Motor Sweepstakes
Localización	Indianapolis Motor Speedway, Indianapolis, Estados Unidos
Percorrido	Percorrido permanente de carreira 4´023 km
Distancia	200 voltas, 804´600 km
Pole position
Piloto	Duke Nalon	Kurtis Kraft - Novi
Tempo	1:05.935
Volta rápida
Piloto	Lee Wallard	Kurtis Kraft-Offenhauser
Tempo	1:07.260 na volta 159
Podio
Primeiro	Lee Wallard	Kurtis Kraft-Offenhauser
Segundo	Mike Nazaruk	Kurtis Kraft-Offenhauser
Terceiro	Manny Ayulo	Kurtis Kraft-Offenhauser

Por segundo ano consecutivo, de novo non houbo equipos europeos de Fórmula Un na carreira.

Duke Nalon, que sufrira queimaduras graves nun accidente en 1949, e que se perdera a carreira de 1950, fixo a súa reaparición na Indy, e gañou a pole position cun Novi.

O forte desgaste da carreira provocou que so remataran oito coches. O coche do gañador Lee Wallard perdeu os seus freos sufriu danos no tubo de escape, e rompeu un amortecedor.^[1][2] Ademais tivo unha carreira totalmente incómoda, Wallard puxera un traxe ignífugo, creado por inmersión do seu uniforme nunha mestura de cristais de bórax e auga. Debido a que non levaba camiseta, Wallard sufriu graves rozaduras na pel, e requiriu tratamento no hospital despois da celebración da vitoria. Estimouse que perdeu 15 libras durante a carreira.^[2] It was estimated he lost 15 pounds during the race.^[2]

Ao redor dunha semana logo de gañar a carreira, Wallard sufriu queimaduras graves nun accidente en Reading, que puxeron fin á súa carreira como piloto profesional.

O tres veces gañador Mauri Rose, na súa 15º participación na Indy, estrelouse e envorcou na volta 126. Foi o seu último 500, se retirou das carreiras despois do accidente.