Troy Ruttman

Ruttman gañou as 500 Millas de Indianápolis de 1952, á idade de 22 anos e 80 días.

De 1950 a 1960, as 500 Millas de Indianápolis tamén contaban para o Campionato do Mundo de Pilotos (agora sinónimo de Fórmula 1), aínda que a maioría dos corredores non competían nas outras carreiras do Campionato. Ruttmann foi o primeiro gañador de Indianápolis 500 en participar nunha carreira da Fórmula Un máis aló da Indy^[1] e a súa vitoria de 1952 na Indy 500 valeulle a distinción de ser o piloto máis novo en gañar unha proba do Campionato do Mundo, un honor que ocupou ata que Fernando Alonso gañou o Gran Premio de Hungría de 2003.

Ruttmann participou co coche da familia nunha carreira de roadster en San Bernardino (California) en 1945 aos 15 anos, e gañou a carreira.^[2] gañou 19 das 21 carreiras desa tempada.^[2] En 1947 foi o campión da Asociación Roadster California (CRA). Tamén gañou as cinco primeiras carreiras da tempada midget. En 1948 repetiu como campión roadster da CRA, e gañou 23 carreiras de autos midget.

Andaina na Sprint Car

En maio de 1949 Troy deixou California para participar no campionato da AAA de Sprint Cars nos circuítos do Medio Oeste. Gañou tres campionatos da AAA de Sprint Car durante as seguintes tres tempadas e media, competiu en 51 carreiras de midget, gañando 16 e colocándose no top tres 28 veces.^[2]

Resultou ferido nun accidente de sprint car en agosto de 1952, o que retirou a Ruttmann por tempada e media. Ruttmann regresou en 1954 cun calendario moi reducido.

Andaina no Campionato de Monoprazas dos Estados Unidos

Pilotou no AAA e nas series do Campionato de Monoprazas USAC, participou nas carreiras das tempadas 1949-1952, 1954, 1956-1957 e 1960-1964 con 58 saídas, incluíndo as carreiras das 500 Millas de Indianápolis en 1949-1952, 1954, 1956-1957, e 1960-1964. Finalizou no top dez 26 veces, con 5 vitorias e foi finalista con Chuck Stevenson no Campionato Nacional de 1952.

Andaina nos Stock car

Ruttman gañou en 1956 o título da USAC Short Track Stock Car. Ruttmann tamén competiu en 7 carreiras nas series Grand National NASCAR (agora Sprint Cup) desde 1962 ata 1964, terminando no top dez 5 veces. O seu mellor resultado foi terceiro na carreira de 1963 no Circuíto Riverside International detrás de Dan Gurney e A. J. Foyt.^[3]

Andaina no Campionato do Mundo

As 500 Millas de Indianápolis formaron parte do Campionato do Mundo da FIA de 1950 a 1960, e os pilotos que competiron na Indy durante eses anos lograron puntos no Campionato Mundial. Troy Ruttman participou en nove carreiras do Mundial, sete veces na Indy máis os grandes premios de Francia e Alemaña de 1958. A súa vitoria nas 500 Millas de Indianápolis de 1952 foi a súa única vitoria e o seu único podio. Acumulou un total de 9 puntos e medio no campionato.

Resultados nas 500 Millas de Indianápolis

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

• † = Vehículo compartido