Bertil Roos
Bertil Roos, nado en Gotemburgo o 12 de outubro de 1943 e finado en East Stroudsburg (Pensilvania) o 31 de marzo de 2016[1] foi un piloto de automobilismo sueco. Participou nun único Gran Premio de Fórmula Un, o Gran Premio de Suecia de 1974, do que se retirou por unha falla na transmisión.
| Biografía | |
|---|---|
| Nacemento | 12 de outubro de 1943  Gotemburgo, Suecia |
| Morte | 31 de marzo de 2016 (72 anos) East Stroudsburg, Estados Unidos de América (pt)  |
| Datos persoais | |
| País de nacionalidade | Suecia |
| Actividade | |
| Ocupación | enxeñeiro , piloto de automobilismo , piloto de carreiras , piloto de Fórmula Un |
| Deporte | automobilismo |
Traxectoria
A pesar de gozar da promesa precoz de gañar o título da Fórmula Super Vee en 1973 e tamén da Fórmula 2 en Europa e na Fórmula Atlántica no Canadá, Roos recibiu unha sóa oportunidade na Fórmula Un. El e o seu equipo, Shadow, non saíron particularmente ben e, finalmente, o equipo optou por traballar con Tom Pryce. Roos volveu aos Estados Unidos e o Canadá, onde continuou correndo.
Foi o primeiro instrutor de pilotaxe da escola de carreiras de Fred Opert en Pensilvania, preto do Pocono Raceway.[2] Unha empresa que comprou máis tarde. A escola está acreditada pola [SCCA] para poder recomendar aos graduados licenzas de carreira a nivel rexional e nacional.[3]
Aínda correndo na década de 1980, Roos foi dúas veces campión da Can-Am na categoría de 2 litros.[4]
Roos morreu no Centro Médico Pocono, East Stroudsburg, Pensilvania, o 31 de marzo de 2016.[1]
Rexistro de carreiras
SCCA National Championship Runoffs
| Ano | Circuíto | Coche | Motor | Clase | Final | Saída | Status |
|---|---|---|---|---|---|---|---|
| 1987 | Road Atlanta | Martini Mk. 47 | Formula Atlantic | 13 | 4 | Ret |
Resultados completos na Fórmula Un
(Chave) As carreiras en letra grosa indican pole position; as carreiras en cursiva indican volta rápida.
| Ano | Equipo | Chasis | Motor | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | Pos. | Puntos |
|---|---|---|---|---|---|---|---|---|---|---|---|---|---|---|---|---|---|---|---|---|
| 1974 | UOP Shadow Racing Team | Shadow DN3 | Cosworth V8 | ARX | BRA | RSA | ESP | BEL | MON | SWE Ret | NED | FRA | GBR | ALE | AUT | ITA | CAN | USA | NC | 0 |