Filmes de Arabia Saudita propostos ó Óscar ó mellor filme internacional
Arabia Saudita presentou filmes para o Óscar ó mellor filme internacional[nb 1] por primeira vez no ano 2013.[3][4][5][6] O premio é concedido anualmente pola Academia das Artes e das Ciencias Cinematográficas dos Estados Unidos de América a unha longametraxe producida fóra dos Estados Unidos e cuxo diálogo estea principalmente nunha lingua diferente do inglés.[7] O galardón foi creado para a 28ª edición dos premios, sucedendo os premios honoríficos non competitivos que se presentaron entre 1947 e 1955 en recoñecemento dos mellores filmes en lingua estranxeira estreados nos Estados Unidos.[8]
Até o ano 2023, sete filmes sauditas foron propostos ó Óscar ó mellor filme internacional, mais ningún deles foi finalmente nomeado para o premio.
Propostas
A Academia das Artes e das Ciencias Cinematográficas convidou as industrias cinematográficas de varios países a presentar os seus mellores filmes para o Óscar ó mellor filme en lingua non inglesa dende o ano 1956.[9] O Comité desta categoría supervisa todo o proceso e revisa tódolos filmes enviados. Despois disto, realízase unha votación secreta para determinar os cinco nomeados ó premio.[7] A continuación amósase unha lista dos filmes que presentou Arabia Saudita para a súa valoración pola Academia co respectivo ano e cerimonia de entrega.
| Ano (Cerimonia) | Título | Lingua(s) | Director | Resultado |
|---|---|---|---|---|
| 2013 (86ª) | Wadjda[3] | Árabe | Haifa al-Mansur | Non nomeado |
| 2016 (89ª) | Barakah yoqabil Barakah[10] | Árabe | Mahmoud Sabbagh | Non nomeado |
| 2019 (92ª) | The Perfect Candidate[11] | Árabe | Haifa al-Mansur | Non nomeado |
| 2020 (93ª) | Scales[12] | Árabe | Shahad Ameen | Non nomeado |
| 2021 (94ª) | Had Al Tar[13] | Árabe | Abdulaziz Alshlahei | Non nomeado |
| 2022 (95ª) | 'Ughniat alghurab | Árabe | Mohamed Al-Salman | Non nomeado |
| 2023 (96ª) | Alhamour H.A.[14] | Árabe | Abdulelah Alqurashi | Non nomeado |