Gran Premio de Mónaco de 2024
O Gran Premio de Mónaco de 2024 (oficialmente Formula 1 Grand Prix de Monaco 2024) é unha carreira de Fórmula 1 que se celebrou o 26 de maio de 2024 no Circuíto de Mónaco, Monte Carlo, un circuíto urbano que atravesa o Principado de Mónaco.
Detalles da carreira[1] | ||
---|---|---|
Carreira 8 de 24 no Campionato Mundial de Fórmula 1 de 2024. | ||
Trazado do circuíto de Mónaco. | ||
Data | 26 de maio de 2024 | |
Nome oficial | Formula 1 Grand Prix de Monaco 2024 | |
Localización | Circuíto de Mónaco La Condamine e Monte Carlo, Mónaco | |
Percorrido | Percorrido permanente de carreira 3,337 km | |
Distancia | 78 voltas, 260,286 km | |
Clima | Asollado | |
Pole position | ||
Piloto | Charles Leclerc | Ferrari |
Tempo | 1:10.270 | |
Volta rápida | ||
Piloto | Lewis Hamilton | Mercedes |
Tempo | 1:14.165 na volta 63 | |
Podio | ||
Primeiro | Charles Leclerc | Ferrari |
Segundo | Oscar Piastri | McLaren-Mercedes |
Terceiro | Carlos Sainz | Ferrari |
Antecedentes
O evento celebrouse durante a fin de semana do 24 ao 26 de maio no Circuíto de Mónaco no Principado de Mónaco por 70ª vez na historia do circuíto.[2] O Gran Premio foi a oitava proba do Campionato Mundial de Fórmula 1 de 2024 e a 81ª edición do Gran Premio de Mónaco.[3]
Clasificación do campionato antes da carreira
De cara á fin de semana, Max Verstappen lideraba o Campionato de Pilotos con 161 puntos, 48 puntos por diante de Charles Leclerc segundo e 54 por diante do seu compañeiro de equipo Sergio Pérez en terceiro lugar. Red Bull Racing, con 267 puntos, lideraba o Campionato de Construtores por diante de Ferrari e McLaren, segundo e terceiro con 212 e 154 puntos, respectivamente.[4]
Pneus dispoñibles
- Artigo principal: Pneumáticos de Fórmula 1.
O provedor de pneumáticos Pirelli levou os compostos de pneumáticos C3, C4 e C5 (os tres máis brandos da súa gama) designados como duro, medio e brando, respectivamente, para que os equipos os usaran no evento.[5]
Pneus para pista seca | Pneus para chuvia | |||
---|---|---|---|---|
Duros (Tipo C3) | Medios (Tipo C4) | Brandos (Tipo C5) | Intermedios | Chuvia |
Práctica
Celbráronse tres sesións de adestramentos libres para o evento.[1] A primeira sesión de adestramentos libres celebrouse o 24 de maio de 2024, ás 13:30 hora local. (UTC+2),[1] e encabezouna Lewis Hamilton de Mercedes por diante de Oscar Piastri de McLaren e o compañeiro de equipo de Hamilton, George Russell. Sacouse unha breve bandeira vermella despois de que Guanyu Zhou de Sauber esparexese restos pola curva 1 logo de bater co muro.[6] A segunda sesión de adestramentos libres celebrouse o mesmo día, ás 17:00 hora local,[1] e encabezouna Charles Leclerc da Ferrari por diante de Hamilton de Mercedes e Fernando Alonso do Aston Martin.[7] Celebrouse a terceira sesión de adestramentos libres o 25 de maio de 2024, ás 12:30 hora local, liderouna Leclerc por diante de Max Verstappen de Red Bull Racing e Hamilton.[1]
Cualificación
A cualificación celebrouse o 25 de maio de 2024, ás 16:00 hora local (UTC+2).[1]
Clasificación da cualificación
Carreira
A carreira celebrouse o 26 de maio de 2024, ás 15:00 hora local (UTC+2), e disputouso sobre 78 voltas.[1]
Informe da carreira
Na primeira curva, Carlos Sainz tivo unha picada nunha roda e perdeu moitas posicións. O piloto español de Ferrari sufriu unha colisión cun dos McLaren e tivo que afastarse. Por detrás, no segundo sector, Sergio Pérez sufriu un grave accidente tras tocar co muro e levarse por diante a os dous Haas de Nico Hülkenberg e Kevin Magnussen, que saían desde o pit lane, os tres tivéronse que retirar. O choque provocou importantes danos nas barreiras e unha gran cantidade de restos espallados polas primeiras curvas poloque a carreira víu unha bandeira vermella, ademais, cando os Alpine saían de Portier, Esteban Ocon pechouse no camiño de Pierre Gasly, lanzando o coche do primeiro cara arriba. Ocon, que admitiu a responsabilidade do incidente, retirouse durante o período de bandeira vermella. A carreira reiniciouse as 15:45. A dirección de carreira considerou que as posicións para a saída serian as mesmas que na saída. Aínda que os coches pasaran polo primeiro sector, esa primeira volta accidentada considerarase "nula", en canto a posicións.
Leclerc mantivo o liderado tras o reinicio para gañar unha carreira en procesión por diante de Piastri, Sainz e Norris, a súa primeira vitoria dende o Gran Premio de Austria de 2022. Leclerc converteuse no primeiro piloto monegasco desde Louis Chiron en 1931 en gañar o seu Gran Premio de casa, e o primeiro en gañalo desde o comezo da Fórmula 1 en 1950.
Clasificación da carreira
Posicións logo da carreira
- Clasificación do campionato de construtores
Pos. | Construtor | Puntos | |
---|---|---|---|
1 | Red Bull Racing-Honda RBPT | 276 | |
2 | Ferrari | 252 | |
3 | McLaren-Mercedes | 184 | |
4 | Mercedes | 96 | |
5 | Aston Martin Aramco-Mercedes | 44 | |
Fonte:[16] |
- Nota: Só están incluídos os cinco primeiros postos en ambos os grupos de clasificación.
Notas
- Referencias
Véxase tamén
Bibliografía
Outros artigos
Ligazóns externas
Carreira anterior: Gran Premio da Emilia-Romaña de 2024 | Campionato Mundial de Fórmula 1 da FIA Temporada 2024 | Carreira seguinte: Gran Premio do Canadá de 2024 |
Carreira anterior: Gran Premio de Mónaco de 2023 | Gran Premio de Mónaco | Carreira seguinte: Gran Premio de Mónaco de 2025 |