Paul Thomas Anderson
Paul Thomas Anderson, nado en Studio City, un barrio dos Ánxeles (California) o 26 de xuño de 1970 é un director, guionista e produtor estadounidense.
(2007) | |
Biografía | |
---|---|
Nacemento | 26 de xuño de 1970 (53 anos) Studio City, Estados Unidos de América |
Datos persoais | |
Residencia | Val de San Fernando Los Angeles |
País de nacionalidade | Estados Unidos de América |
Educación | Universidade de Nova York Colexio Montclair Escola Preparatoria The Buckley School (en) Cushing Academy (en) Campbell Hall School (en) Emerson College (en) Santa Monica College John Thomas Dye School (en) |
Actividade | |
Ocupación | director de cinema , director de fotografía , produtor de cinema , guionista , realizador |
Período de actividade | 1988 - |
Membro de | |
Influencias | |
Lingua | Lingua inglesa |
Familia | |
Parella | Maya Rudolph (2001–) |
Fillos | Pearl Anderson (en) |
Premios
| |
|
Traxectoria
Paul Thomas Anderson naceu en 1970, fillo de Edwina Gough e Ernie Anderson.[1][2] Ernie foi actor de voz e presentador dun programa de terror en Cleveland titulado "Ghoulardi" (que logo daría nome á produtora de Paul Thomas Anderson).[1][2] Anderson creceu no Val de San Fernando.[3] Tivo unha relación complexa coa súa nai, máis estaba próximo ao seu pai, que o apoiou para converterse en guionista e director.[4] Estivo involucrado na creación de cinema e nunca tivo outro plan que ser director.[5] Fixo o seu primeiro filme con oito anos[6] e comezou a gravar vídeos coa cámara Betamax que o seu pai comprou en 1982. Comezou a escribir na adolescencia.
Escribiu e filmou a súa primeira produción real no instituto usando o diñeiro que gañou limpando gaiolas nunha tenda de animais.[7] O filme foi un falso documental de trinta minutos titulado The Dirk Diggler Story (1988), sobre un actor pornográfico inspirado en John Holmes, que foi tamén a inspiración para Boogie Nights.[4]
Anderson pasou dous semestres no Emerson College e dous días na Universidade de Nova York antes de comezar a súa carreira como axudante de produción en telefilmes, vídeos musicais e concursos.[8][9] Con algún diñeiro que gañara en apostas, a tarxeta de crédito da súa moza e 10 000 dólares que o seu pai gardara para a universidade decidiu facer un filme de vinte minutos que sería a súa "universidade".[8] O filme foi Cigarettes & Coffee (1993), que se viu no Festival de Sundance de 1993.
En 1996 realizou a súa primeira longametraxe, Sydney, retitulada como Hard Eight.[4] O filme foi exhibido na sección Un Certain Regard do Festival de Cannes.[10][11]
O filme que lanzou a Anderson foi Boogie Nights (1997),[7][12] que tamén reviviu a carreira de Burt Reynolds[13][14] e deu os seus primeiros grandes papeis a Mark Wahlberg[15] e Julianne Moore.[16]
Tralo éxito de Boogie Nights, a produtora New Line dixo a Anderson que podía facer o que quixese no seu seguinte filme e deulle o control creativo.[4] A pesra de que inicialmente Anderson quixo facer un filme "pequeno e íntimo", o guión creceu e converteuse no filme coral Magnolia (1999).[17][18] A continuación decidiu que quería traballar con Adam Sandler nun filme de noventa minutos.[12][17] Foi a comedia romántica Punch-Drunk Love (2002), con Emily Watson.
There Will Be Blood (2007) estaba en parte baseado na novela Oil!, de Upton Sinclair[19] e valeulle a Daniel Day-Lewis o Oscar ao mellor actor.[20] The Master (2012) trata sobre un "intelectual carismático" que comeza unha nova relixión na década de 1950.[21] Aínda que o filme non fai ningunha referencia, está "amplamente asumido que está baseado na Ciencioloxía."[22] O seguinte traballo foi Puro vicio (2014), baseada na novela de Thomas Pynchon.
Filmografía
Longametraxes
Ano | Filme | Acreditado como | Rotten Tomatoes[23] | Metacritic[24] | ||
---|---|---|---|---|---|---|
Director | Guionista | Produtor | ||||
1996 | Hard Eight (tamén coñecida como Sydney) | Si | Si | 83% | 78 | |
1997 | Boogie Nights | Si | Si | Si | 92% | 85 |
1999 | Magnolia | Si | Si | Si | 84% | 77 |
2002 | Punch-Drunk Love | Si | Si | Si | 79% | 78 |
2007 | There Will Be Blood | Si | Si | Si | 91% | 92 |
2012 | The Master | Si | Si | Si | 85% | 86 |
2014 | Puro vicio | Si | Si | Si | 72% | 81 |
2017 | Phantom Thread | Si | Si | Si | ||
Media | 84% | 82 |
Documentais
- Junun (2015)
Curtametraxes
- The Dirk Diggler Story (1988)
- Cigarettes & Coffee (1993)
- Flagpole Special (1998)
- Couch (2002)
Vídeos musicais
- "Try" by Michael Penn (1997)
- "Across the Universe" by Fiona Apple (1998)
- "Fast as You Can" by Fiona Apple (1999)
- "Save Me" by Aimee Mann (1999)
- "Limp" by Fiona Apple (2000)
- "Paper Bag" by Fiona Apple (2000)
- "Here We Go" by Jon Brion (2002)
- "Hot Knife" by Fiona Apple (2013)