Pobo asirio
Os asirios[12] (en siríaco: ܐܫܘܪܝܐ), ou siríacos,[13] son un grupo étnico de Oriente Medio. Algúns deles identifícanse a si mesmos como arameos,[14] ou caldeos.[15] Falan diversos dialectos do arameo moderno así como outras linguas, dependendo do país de residencia.[16] Os asirios son cristiáns siríacos que descenden da antiga Asiria, unha das máis antigas civilizacións do mundo, que data do -2500 na antiga Mesopotamia.[17]
Pobo asirio | |
---|---|
Poboación | |
Poboación total: 3,3 – 5 millóns[1][2][3] | |
Rexións principais: | |
Siria | 400 000 (700 000 antes da guerra civil)[4][5][6] |
Iraq | 250 000-400 000 (1,4 - 2 millóns antes da guerra civil)[5][7][8] |
Irán | 20 000-50 000[9][10] |
Turquía | 15 000–65 000[8][9][11] |
Aspectos culturais | |
Lingua | Neoarameo (neoarameo asisio, neoarameo caldeo e turoyo) |
Relixión | Cristianismo: maioría cristianismo siríaco e minoría protestantismo |
Grupos relacionados | armenios, maronitas e xudeus mizrahi |
As áreas que forman parte da nación asiria son o norte de Iraq, o sueste de Turquía, o noroeste de Irán e o nordeste de Siria.[18][19] Moitos asirios migraron cara a outras rexións do mundo durante o pasado século, incluíndo América do Norte, o Levante, Australia, Europa, Rusia e o Cáucaso. A emigración foi provocada en grande medida polo xenocidio asirio do Imperio Otomán durante a primeira guerra mundial, o masacre de Simele en Iraq en 1933, a Revolución Iraniana de 1979, as políticas ba'athistas en Iraq e Siria such, o xenocidio kurdo de Saddam Hussein, e o xurdimento do Estado Islámico (ISIS).[20][21]