Łobjo

Łobjo (němsce Elbe‚ čěsce Labe) je wuznamna srjedźoeuropska rěka. Wone je 1154 km dołhe a běži přez Čěsku (358 km) a Němsku (696 km) do Sewjerneho morja.

Łobjo

Elbe, Labe
Łobjo w Połobskich pěskowčinach blisko Děčína
ćeče přez	Čěsku, Němsku
žórło	w Kyrkonošach (S, 15° 32′ 11″ W50.77555555555615.536388888889 )
wysokosć	1386 m
wuliw	pola Cuxhavena do Sewjerneho morja (S, 8° 42′ 20″ W53.8933333333338.705555555555553° 53′ 36″ S, 8° 42′ 20″ W )
wysokosć	0 m
rěčina	Jizera, Wołtawa, Ohře, Ploučnice, Kamenice, Kirnitzsch, Wjazońca, Bystrica, Čorny Halštrow, Solawa, Habola
dołhosć	1154 km
přestrjeń rěčiny	144.055 km²

Wužórli so na sewjerowuchodźe Čěskeje w Kyrkonošach we wysokosći wot 1387 metrow a běži najprjedy přez Čěsku žłobinu do zapadneho směra. W Mělníku sewjernje Prahi přiwza wodu Wołtawy. Mjez Děčínom a Pěrnom předrěwa z hłubokej dolinu Połobske pěskowčiny a Saksku Šwicu a je tuž jenička rěka, kiž wotwódnja Čěsku do sewjera. Za Mišnom a Torhowom zastupi do Sewjeroněmskeje nižiny. Najwjetšej měsće při srjedźnym běhu stej Drježdźany a Dźěwin. Za Hamburgom, najwjetšim přistawom při rěce, wuliwa so do Sewjerneho morja.

Łobjo hraje wulku rólu jako wodowy puć, předewšěm jako zwisk Čěskeje ze swětowym morjom.