August Bebel
Ferdinand August Bebel (* 22. februara 1840 w Deutz pola Kölna; † 13. awgusta 1913 w Passugg, Šwicarska) bě socialistiski němski politikar a publicist. Wón bě jedyn ze załožerjow němskeje socialdemokratije a płaći hač do dźensnišeho k jeje wuznamnym historiskim wosobinam. Skutkowaše jako wliwapołny parlamentownik a awtor za čas němskeho kejžorstwa. Jeho popularita so w přimjenach „kejžor Bebel“, „přećiwny kejžor“ a „dźěłaćerski kejžor“ wotbłyšćuje.
Přez lětdźesatki dźěłaše wusko hromadźe z Wilhelmom Liebknechtom, z kotrymž załoži w lěće 1869 Socialdemokratisku dźěłaćersku stronu (SDAP). Za čas represionow přećiwo socialistam za čas Bismarcka sta so z wodźacej wosobu socialdemokratije. Wot 1892 bě jedyn z dweju předsydow Socialdemokratiskeje strony Němskeje (SPD). W sćěhowacych lětach reprezentowaše w stronje marxistiske lěhwo.
Za čas swojeho politiskeho skutkowanja bydleše Bebel hłownje w Lipsku a Berlinje.
Wotkazaj
- August Bebel – Literatura w katalogu Němskeje narodneje biblioteki (němsce)
August Bebel |Paul Singer |Alwin Gerisch |Hugo Haase |Friedrich Ebert |Philipp Scheidemann |Otto Wels |Hermann Müller |Arthur Crispien |Hans Vogel |Kurt Schumacher |Erich Ollenhauer |Willy Brandt |Hans-Jochen Vogel |Björn Engholm |Rudolf Scharping |Oskar Lafontaine |Gerhard Schröder | Franz Müntefering | Matthias Platzeck | Kurt Beck |Franz Müntefering |Sigmar Gabriel |Martin Schulz |Olaf Scholz (kom.) |Andrea Nahles |Malu Dreyer, Thorsten Schäfer-Gümbel, Manuela Schwesig (kom.) |Saskia Esken a Norbert Walter-Borjans