Celowc
Celowc (němsce Klagenfurt am Wörthersee, słowjensce Celovec ob Vrbskem jezeru) je wulkoměsto na juhu Awstriskeje a krajna stolica Korutanskeje. Ze sto tysac wobydlerjemi je Celowc najwjetše korutanske město a šeste najwjetše w cyłej Awstriskej. Město leži wosrjedź Celowskeho korta a ma přestrjeń wot 120 km².
| swójske mjeno | Klagenfurt/Celovec | |
| ||
| Wopon | ||
|---|---|---|
| ||
| Zakładne daty | ||
| stat |  Awstriska | |
| zwjazkowy kraj |  Korutanska | |
| wysokosć | 446 metrow n.m.hł. | |
| přestrjeń | 120 km² | |
| wobydlerstwo | 100.369 (2018) | |
| hustosć zasydlenja | 836,4 wob./km² | |
| póstowe čisło | 9020, 9061, 9063, 9065, 9073, 9201 | |
| předwólba | (+43) 0463 | |
| adresa | Neuer Platz 1 9020 Klagenfurt am Wörthersee | |
| webstrona | klagenfurt.at | |
| Politika | ||
| měšćanostka | Maria-Luise Mathiaschitz (SPÖ) | |
Celowc je so 1192 abo 1199 prěni raz pisomnje naspomnił a běše hač do darjenja města přez kejžora Maksimiliana I. korutanskim krajnym stawam małe městačko bjez wulkeho wuznama. Po darjenju sta so město z korutanskej stolicu a kulturnym centrumom.
Dźensa je Celowc sydło korutanskeho krajneho knježerstwa, romsko-katolskeje diecezy Gurk, uniwersity Alpow a Adrije, mjezynarodneho lětanišća a wjele institucijow korutanskich Słowjencow kaž na přikład jich gymnazija a młodźinskeho domu. Dla swojeho stareho města, wjele kulturnych poskitkow a bliskosće k jězorej ma město tež turistiski wuznam.
Wobrazy
Napohlad města z lěta 1649
Stare město
Celowska katedrala
Landhaus
Žórła
Wotkazaj
Commons: Celowc – Zběrka wobrazow, widejow a awdiodatajow- Oficielna webstrona města (němsce)