Hochoza
Hochoza (němsce Drachhausen) je delnjołužiska wjes a gmejna w braniborskim wokrjesu Sprjewja-Nysa. Leži we wysokosći 61 metrow nad mórskej hładźinu mjez Choćebuzom w juhu a Luboraskej holu w sewjeru a ma něhdźe 800 wobydlerjow. Słuša do připóznateho sydlenskeho ruma Serbow w Braniborskej a k wonym delnjołužiskim gmejnam, w kotrychž je delnjoserbšćina hišće žiwa. Kóžde druhe lěto je Hochoza nimo Budyšina a Chrósćic zarjadowanišćo Mjezynarodneho folklorneho festiwala Łužica. Hochoza je dźěl Picnjanskeho hamta.
| němsce | Drachhausen | |
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj |  Braniborska | |
| wokrjes | Sprjewja-Nysa | |
| wysokosć | 61 metrow n.m.hł. | |
| přestrjeń | 38,4 km² | |
| wobydlerstwo | 779 (31. dec 2021)[1] | |
| hustosć zasydlenja | 20 wob. na km² | |
| póstowe čisło | 03185 | |
| předwólba | (+49) 035609 | |
| awtowa značka | SPN, FOR, GUB, SPB | |
| Politika a zarjadnistwo | ||
| wjesnjanosta | Fryco Wojto | |
| adresa | Šulska droga 6 03185 Picnjo | |
| Połoženje w Braniborskej | ||
 | ||
wikidata: Hochoza (Q574799) | ||
Geografija
Gmejna nadeńdźe so něhdźe 15 kilometrow sewjernje Choćebuskeho stareho města a dźesać kilometrow južnje Luboraza při južnej kromje Luboraskeje hole. Susodne gmejny su Luboraz na sewjeru, Turnow-Pśiłuk a Drjenow na wuchodźe, Choćebuz a Dešno-Strjažow na juhu kaž tež Smogorjow-Prjawoz na zapadźe.
Južnje wot gmejny ćečetej Sprjewja a Małksa.
Gmejnske dźěle
K Hochozy słušeja wjesne dźěle Hugon (němsce Aue, do 1937 Plonitza), Wjas (Dorf), Pěski (Sand) a Pódgóla (Heide). K tomu přińdźetej wobydlenej městnje Gólnikaŕnja na Dołku (Forsthaus Kiefernheide, do 1937 Dolk) a Gólnikaŕnja w Škrjokach (Forsthaus Tannenwald).
Wobydlerstwo a rěč
Po statistice Arnošta Muki měješe Hochoza srjedź 1880tych lět 1138 wobydlerjow, z nich 1038 Serbow (91 %) a sto Němcow.[2] Arnošt Černik zwěsći w lěće 1956 serbskorěčny podźěl wobydlerstwa wot hišće 73,5 %, štož bě jedyn z najwjetšich podźělow we wšěch delnjołužiskich gmejnach.[3]
Žórła
Wotkazaj
Commons: Hochoza – Zběrka wobrazow, widejow a awdiodatajow- Hochoza w datowej bance delnjoserbskich městnych mjenow na dolnoserbski.de (delnjoserbsce)
Baršć (Forst) |Bórkowy (Burg) |Brjazyna (Briesen) |Cersk (Tschernitz) |Derbno (Döbern) |Derbno (Schenkendöbern) |Dešno-Strjažow (Dissen-Striesow) |Dolina Nysy a Małksy (Neiße-Malxetal) |Drjenow (Drehnow) |Drjowk (Drebkau) |Feliksowy Jazor (Felixsee) |Gatojce (Teichland) |Gołkojce (Kolkwitz) |Góry (Guhrow) |Grodk (Spremberg) |Gubin (Gubin) |Hochoza (Drachhausen) |Janšojce (Jänschwalde) |Jemjelica-Źěwink (Jämlitz-Klein Düben) |Kopańce (Neuhausen/Spree) |Łukojce (Wiesengrund) |Móst (Heinersbrück) |Picnjo (Peitz) |Smogorjow-Prjawoz (Schmogrow-Fehrow) |Tśěšojce-Žymjerojce (Groß Schacksdorf-Simmersdorf) |Turjej (Tauer) |Turnow-Pśiłuk (Turnow-Preilack) |Wjelcej (Welzow) |Wjerbno (Werben)
Hamty:
Bórkowy |Derbno-kraj |Picnjo |