Móst (gmejna)
Móst (němsce Heinersbrück[2]) je delnjołužiska gmejna w Braniborskej. Ma někak šěsć stow wobydlerjow a słuša do připóznateho sydlenskeho ruma Serbow w Braniborskej. Móst je dźěl Picnjanskeho hamta.
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj |  Braniborska | |
| wokrjes | Sprjewja-Nysa | |
| wysokosć | 62 metrow n.m.hł. | |
| přestrjeń | 23,98 km² | |
| wobydlerstwo | 590 (31. dec 2021)[1] | |
| hustosć zasydlenja | 25 wob. na km² | |
| póstowe čisło | 03185 | |
| předwólba | (+49) 035601 | |
| awtowa značka | SPN, FOR, GUB, SPB | |
| Politika a zarjadnistwo | ||
| adresa | Šulska 6 03185 Picnjo | |
| Połoženje w Braniborskej | ||
 | ||
wikidata: Móst (Q574750) | ||
Geografija
Móst leži we wokrjesu Sprjewja-Nysa njedaloko wot hranicy mjez Němskej a Pólskej we wysokosći 62 metrow nad mórskej hładźinu. Mjezuje na juhowuchodźe z Baršćom, na juhozapadźe z Choćebuzom, na zapadźe z Gatojcami a na sewjerowuchodźe z Janšojcami. We wuchodnej połojcy gmejny nadeńdźe so Janšojska brunicowa jama.
Přez Móst ćeče rěčka Małksa.
Do gmejny słuša wjesny dźěl Groźišćo (wot 2003) kaž tež wobydlene městna Wutwarki, Radowiza (wot 1950) a Zawóda.
Stawizny
Wjeska naspomni so k prěnjemu razej pisomnje w lěće 1411 jako Henrichsbrugk („Henrichowy móst“). Mjeno poćahowaše so na přez Małksu wjedźacy móst. Po sydlišćowej formje je Móst dołhi dróhowc. Wot lěta 1462 słušeše wjes jako dźěl Picnjanskeho knjejstwa do Braniborskeho kurwjerchowstwa.
Wobydlerstwo
Přez lětstotki běše wobydlerstwo Mosta nimale bjez wuwzaća serbskorěčne. Po Mukowej statistice z 1880tych lět běchu tehdy wot cyłkownje 632 wobydlerjow 624 Serbow a jenož wósom Němcow.[3] Tež po Druhej swětowej wójnje rěčeše hišće wjetšina Mósćanarjow serbsce – 74,5 % w lěće 1956.[4] Móst bě tehdy jedna z najwjetšich zwostawacych serbskich wsow w Delnjej Łužicy.
Žórła
Wotkazaj
Commons: Móst – Zběrka wobrazow, widejow a awdiodatajow- Móst w datowej bance delnjoserbskich městnych mjenow na dolnoserbski.de (delnjoserbsce)
Baršć (Forst) |Bórkowy (Burg) |Brjazyna (Briesen) |Cersk (Tschernitz) |Derbno (Döbern) |Derbno (Schenkendöbern) |Dešno-Strjažow (Dissen-Striesow) |Dolina Nysy a Małksy (Neiße-Malxetal) |Drjenow (Drehnow) |Drjowk (Drebkau) |Feliksowy Jazor (Felixsee) |Gatojce (Teichland) |Gołkojce (Kolkwitz) |Góry (Guhrow) |Grodk (Spremberg) |Gubin (Gubin) |Hochoza (Drachhausen) |Janšojce (Jänschwalde) |Jemjelica-Źěwink (Jämlitz-Klein Düben) |Kopańce (Neuhausen/Spree) |Łukojce (Wiesengrund) |Móst (Heinersbrück) |Picnjo (Peitz) |Smogorjow-Prjawoz (Schmogrow-Fehrow) |Tśěšojce-Žymjerojce (Groß Schacksdorf-Simmersdorf) |Turjej (Tauer) |Turnow-Pśiłuk (Turnow-Preilack) |Wjelcej (Welzow) |Wjerbno (Werben)
Hamty:
Bórkowy |Derbno-kraj |Picnjo |