Křesćan Černik
serbski ludowy herc
Křesćan Černik (němsce Christian Tschernick; * 29. januara 1877 w Trjebinje, † 12. septembra 1934 w Grodku) bě serbski ratar a ludowy herc.
Narodźi so jako syn Trjebinskeho žiwnosćerja a dźěłaše jako małoratar a wikowar z wuhlom w Slepom. Černik hraješe jako Slepjanski ludowy herc na třitrunatych małych serbskich husličkach. Ze skupinu ludowych hercow wustupowaše na serbskich zjězdach, za rozhłós w Lipsku a Berlinje kaž tež na zajězdach Serbow do wukraja, kaž na přikład do Prahi a Mladeje Boleslavy.
W dwacetych lětach běše městopředsyda Slepjanskeho serbskeho towarstwa Swěrnosć.
Literatura
- Nekrolog. W Serbskich Nowinach čo. 216/1934, dnja 15. septembra
Žórło
- Achim Brankačk: Černik, Křesćan. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 99
🔥 Top keywords: Hłowna stronaWikipedija:PomocDruha swětowa wójnaWikipedijaJendźelšćinaSpecialnje:Aktualne změnyWikipedija:KorčmaWaginalny wobchadZjednoćene staty AmerikiDiskusija:Hłowna stronaHornjoserbšćinaCSSFinskaSpecialnje:PytaćIndiskaWikipedija:Ekscelentne nastawkiZjednoćene kralestwoDonjeckKozarcyHTMLGooglePředłoha:Cite webIndoneskaWikipedija:Požadane přełožkiWikipedija:ŽórłaPornografijaSernjanyKumkwatJužna KorejaPomoc:Kak stronu spisaćRuskaPomoc:PřizjewjenjeNižozemskaWikipedija:AdministratorojoEuropaWodowa krasnica17. aprylaBiologijaKoordinowany swětowy čas