Niue
Niue (prjedy Savage Island) je wotležana koralowa kupa w južnym Pacifiku, w bliskosći Tongi, južnje Samowy, zapadnje Cookowych kupow a 2400 kilometrow sewjerowuchodnje Nowoseelandskeje. Wot lěta 1974 je swobodnje asociěrowana z Nowoseelandskej. Hłowne sydlišćo je Alofi z 580 wobydlerjemi.
 |  |
| zakładne daty: | |
| swójske mjeno | Niuē |
| stolica | Alofi |
| přestrjeń | 260 km² |
| wobydlerstwo | 1.190 (2015)[1] |
| hustosć | 4,6 wob./km² |
| forma knježerstwa | samozarjadowany teritorij w swobodnej asociaciji z Nowoseelandskej |
| hłowa stata | kral Charles III. |
| šef knježerstwa | premier Toke Talagi |
| měna | nowoseelandski dollar |
| hamtska rěč | niuešćina a jendźelšćina |
| hymna | Ko E Iki He Lagi |
| časowe pasmo | UTC-11 |
| njewotwisnosć | 19. oktobra 1974 (nutřkowna awtonomija) |
| Top Level Domain | .nu |
| telefon | +683 |
| awtowa značka | NZ |
| Połoženje Niue na zemi | |
 | |
Kupa je jedyn z najwyšich atolow na zemi a wobsteji z wjerška něhdyšeho wulkana. Při kromje kupy nadeńdźe so hač do 30 metrow wysoki rif z wapnowca. Na Niue je cyłkownje štyrnaće wjeskow. Mjeztym zo ma Niue dźensa jenož hišće wokoło 1.100 wobydlerjow, je 20.000 ludźi z Niue w Nowoseelandskej žiwych.
Přerězna temperatura leži pola 25° C.
Stawizny
Kupa je so najskerje w 10. lětstotku wobsydliła a bu w lěće 1774 wot Jamesa Cooka za Europu wotkryta, kiž mjenowaše ju Savage Island („Kupu dźiwich“). W lěće 1901 anektowa Nowoseelandska Niue jako dźěl Cookowych kupow a tři lěta pozdźišo so kupa wot Cookowych kupow dźěli. 1965 dóstachu wobydlerjo wobmjezowane samozarjadnistwo a 1974 wotzamknychu zrěčenje wo swobodnej asociaciji z Nowoseelandskej.
Žórła
Wotkazaj
Commons: Niue – Zběrka wobrazow, widejow a awdiodatajow