Prěčecy
Prěčecy (němsce Prischwitz) su hornjołužiska wjes ze 159 wobydlerjemi[2] při přechodźe přez Čornicu, kotraž ke gmejnje Hodźij słuša. Wone leža w Hornjołužiskich honach sewjerozapadnje Budyšina.
| |||||
| gmejna: | Hodźij | ||||
| zagmejnowanje: | 1994 | ||||
| wobydlerstwo: | 159 (31. decembra 2022)[1] | ||||
| wysokosć: | 169 metrow n.m.hł. | ||||
51.20666666666714.304444444444169 | |||||
| póstowe čisło: | 02633 | ||||
| předwólba: | 035937 | ||||
| wotwodźene słowa: |
| ||||
 Něhdyši Prěčečanski młyn w lěće 1988 | |||||
wikidata: Prěčecy (Q160809) | |||||
Stawizny
Naspomnichu so prěni raz w lěće 1292 jako Prischewicz a stejachu pod ležownostnym knjejstwom klóštra Marijina hwězda.[3] Porno susodnym Myšecam a Běčicam, kiž běchu we wobsydstwje Mišnjanskeho biskopstwa a wot 1559 dźěl sakskeho kurwjerchowstwa, słušachu Prěčecy do Hornjołužiskeho markhrabinstwa.
W lěće 1963 załožichu w Prěčečanskej gmejnje Ludowy zawod za melioraciju Drježdźanskeho wobwoda. Na ležownosći něhdyšeho zawoda mjez Myšecami a Sulšecami dźěła dźensa spedicija. 1976/77 bu Čornica před a za Prěčecami zrunana a přetwarjena do kanala. Hakle 2023 bu rěčnišćo renaturěrowane.
Hač do lěta 1994 běchu Prěčecy samostatna gmejna z wjesnymi dźělemi Myšecy, Sulšecy (wobě wot 1936) a Baćoń (wot 1962).
Wobydlerstwo a rěč
Po Mukowej statistice mějachu Prěčecy we 1880tych lětach cyłkownje 131 wobydlerjow, z nich 117 Serbow (89 %) a 14 Němcow.[4] Arnošt Černik zwěsći w lěće 1956 serbski podźěl wobydlerstwa wot jenož hišće 13,4 %.[5]
Wobchad
Prěčecy leža při statnej dróze S100 (Budyšin–Kamjenc) a njedaloko awtodróhi A 4. Přez wjes wjedźe busowa linija 530, kotraž zwjazuje Prěčecy hodźinsce z Budyšinom a Kamjencom.
Žórła
Wotkaz
Commons: Prěčecy – Zběrka wobrazow, widejow a awdiodatajow.svg){kind=small}
| Hodźij: | Bóšericy | Brěza | Darin | Debiškow | Janecy | Zemichow |
| Koblicy: | Běčicy | Čěškecy | Dobranecy | Mała Praha | Njezdašecy |
| Mała Boršć: | Dźiwoćicy | Hornja Boršć | Nowe Błohašecy | Praskow | Tři Hwězdy |
| Prěčecy: | Baćoń | Čornecy | Haslow | Liboń | Myšecy | Pozdecy | Sulšecy |
| Spytecy: | |
| Žičeń: | |