Ալեք Գինես
Ալեք Գինես (անգլ.՝ Alec Guinness, ապրիլի 2, 1914[1][2][3][…], Մարլիբոն, Վեստմինստեր, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն[4] - օգոստոսի 5, 2000[1][5][6][…], Միդհյորստ, Չիչեսթեր, Արևմտյան Սասեքս, Հարավարևելյան Անգլիա, Անգլիա, Միացյալ Թագավորություն[7][8][9]), անգլիացի դերասան։
Կենսագրություն և կարիերա
Ալեք Գինեսը ծնվել է 1914 թվականի ապրիլի 2-ին Լոնդոնի աղքատ թաղամասերից մեկում։ Իր դերասանական կարիերան սկսել է որպես թատրոնի դերասան, խաղալով Ջոն Գիլգուդի թատրոնում, որտեղ 1938 թվականին խաղացել է Համլետի դերը։
Առաջին հաջողված աշխատանքը կինոյում կարելի է համարել 1949 թվականի «Բարի սրտեր և գահեր» սև կատակերգությունը, որտեղ Ալեք Գինեսը մարմնավորում է միանգամից 8 հերոսի, այդ թվում նաև կնոջ կերպար։
Կինոյում հաջողված աշխատանքներից են նրա՝ անգլիացի հայտնի ռեժիսոր Դևիդ Լինի նկարահանած ֆիլմերը, ինչպես նաև «Աստղային պատերազմներ» ֆիլմաշարում նրա խաղացած Օբի-Վան Քենոբի դերը։ Դևիդ Լինը տաղանդավոր դերասանին նկատել էր «Մեծ հույսեր» ներկայացման մեջ և առաջարկել էր նկարահանվել պիեսի էկրանավորման մեջ։ Դրանից հետո Գինեսը խաղում է Լինի գրեթե բոլոր նշանավոր ֆիլմերում («Կամուրջ Քվայ գետի վրայով», «Լոուրենս Արաբացի», «Դոկտոր Ժիվագո»)։
Ֆիլմագրություն
Խաղացել է մոտ 60 ֆիլմում, դրանցից առավել նշանավորներն են.
տարի | ֆիլմ | ռեժիսոր | խաղընկերներ |
---|---|---|---|
1946 | «Մեծ հույսեր» | Դևիդ Լին | Ջին Սիմմոնս |
1948 | «Օլիվեր Թվիստ» | Դևիդ Լին | |
1949 | «Բարի սրտեր և գահեր» | Ռոբերտ Համեր | Հյու Գրիֆիտ |
1957 | «Կամուրջ Քվայ գետի վրայով» | Դևիդ Լին | Ուիլյամ Հոլդեն |
1958 | «Նկարչի շուրթերով» | Ռոնալդ Նիմ | |
1962 | «Լոուրենս Արաբացի» | Դևիդ Լին | Պիտեր Օ'Թուլ Էնթոնի Քուին Օմար Շարիֆ Խոսե Ֆերրեր Կլոդ Ռեյնս Արթուր Քենեդի Միշել Ռեյ |
1964 | «Հռոմեական կայսրության անկումը» | Էնթոնի Մենն | Ջեյմս Մեյսոն Սոֆի Լորեն Օմար Շարիֆ Քրիստոֆեր Պլամմեր |
1965 | «Դոկտոր Ժիվագո» | Դևիդ Լին | Օմար Շարիֆ Ջերալդինա Չապլին Ռոդ Սթայգեր Ռալֆ Ռիչարդսոն |
1966 | «Պարադիզո հոթելը» | Էդրիեն Էդմոնդսոն | Վենսան Կասսել |
1966 | «Քվիլլերի Մեմորանդումը» | Մայքլ Անդերսեն | Մաքս ֆոն Սյուդով Ջորջ Սանդերս |
1970 | «Կրոմվել» | Քեն Հյուզ | Ռիչարդ Հարիս Թիմոթի Դալթոն |
1972 | «Եղբայր Արև, Քույր Լուսին» | Ֆրանկո Ձեֆֆիրելլի | |
1977 | «Աստղային պատերազմներ. Էպիզոդ IV. Նոր հույս» | Ջորջ Լուկաս | Հարիսոն Ֆորդ Ջեյմս Էրլ Ջոնս |
1980 | «Աստղային պատերազմներ. Էպիզոդ V. Կայսրությունը պատասխան հարված է տալիս» | Ջորջ Լուկաս | Հարիսոն Ֆորդ |
1983 | «Աստղային պատերազմներ. Էպիզոդ VI. Ջադեյի վերադարձը» | Ռիչարդ Մարկունդ | Հարիսոն Ֆորդ |
1984 | «Ուղևորություն դեպի Հնդկաստան» | Դևիդ Լին | Ջուդի Դևիս Ջեյմս Ֆոքս |
1993 | «Օտար դաշտ» | Չառլզ Ստարիջ | Ջերալդինա Չապլին Լորեն Բեքոլ Ժաննա Մորո |
Մրցանակներ և պարգևներ
Ընդհանուր թվով ստացել է 29 տարբեր կինոմրցանակներ, ներկայացված է եղել ևս 12-ի։ 6 անգամ ներկայացվել է Օսկարի, ստացել 2-ը, «Կամուրջ Քվայ գետի վրայով» Օսկար լավագույն դերասանի համար անվանակարգում և 1980 թ. ստացել է Օսկար կինոյում ունեցած ավանդի համար։ 3 անգամ ներկայացվել է Ոսկե Գլոբուսի, ստացել 1-ը։ Մյուս մրցանակների թվում են՝ 4 BAFTA, Բեռլինի և Վենետիկի կինոփառատոնների մրցանակ և այլն։
1955 թ. նա Անգլիայի թագուհու կողմից պարգևատրվում է Բրիտանական կայսրության մեդալով, իսկ 4 տարի անց հռչվակում է ասպետ։
Ամերիկյան բոլոր ժամանակների ֆիլմերի 100 լավագույն դրական և բացասական հերոսների ցանկում նրա «Աստղային պատերազմներ. Էպիզոդ IV. Նոր հույս» ֆիլմի հերոս Օբի-Վան Քենոբին 37-րդ տեղում է որպես դրական հերոս։
Ծանոթագրություններ
Գրականություն
- Chambers, Colin. Continuum Companion to Twentieth Century Theatre. London։ Continuum International Publishing Group, 2002. ISBN 0-8264-4959-X.
- Guinness, Alec. A Positively Final Appearance։ A Journal, 1996-1998. London։ Penquin Books, 2001. ISBN 978-0-14-029964-9.
- Guinness, Alec. My Name Escapes Me. London։ Penquin Books, 1998. ISBN 978-0-14-027745-6.
- Pearce, Joseph. Literary Converts։ Spiritual Inspiration in an Age of Unbelief. London։ Ignatius Press, 2006. ISBN 978-1-58617-159-9.
- Read, Piers Paul. Alec Guinness։ The Authorised Biography. New York։ Simon & Schuster, 2005. ISBN 978-0-7432-4498-5.
- Taylor, John Russell. Alec Guinness։ A Celebration. London։ Pavilion, 2000. ISBN 1-86205-501-7.
Արտաքին հղումներ
- IMDb-ում էջ
- ԿինոՊոիսկ կայքում
- Internet Broadway Database -ում
- Ալեք Գինեսի կենսագրություն allmovie կայքում(չաշխատող հղում)
- British Film Institute's Screenonline կայքում
Վիքիպահեստն ունի նյութեր, որոնք վերաբերում են «Ալեք Գինես» հոդվածին։ |