Ալեք Գինես

Ալեք Գինեսը ծնվել է 1914 թվականի ապրիլի 2-ին Լոնդոնի աղքատ թաղամասերից մեկում։ Իր դերասանական կարիերան սկսել է որպես թատրոնի դերասան, խաղալով Ջոն Գիլգուդի թատրոնում, որտեղ 1938 թվականին խաղացել է Համլետի դերը։

Առաջին հաջողված աշխատանքը կինոյում կարելի է համարել 1949 թվականի «Բարի սրտեր և գահեր» սև կատակերգությունը, որտեղ Ալեք Գինեսը մարմնավորում է միանգամից 8 հերոսի, այդ թվում նաև կնոջ կերպար։

Կինոյում հաջողված աշխատանքներից են նրա՝ անգլիացի հայտնի ռեժիսոր Դևիդ Լինի նկարահանած ֆիլմերը, ինչպես նաև «Աստղային պատերազմներ» ֆիլմաշարում նրա խաղացած Օբի-Վան Քենոբի դերը։ Դևիդ Լինը տաղանդավոր դերասանին նկատել էր «Մեծ հույսեր» ներկայացման մեջ և առաջարկել էր նկարահանվել պիեսի էկրանավորման մեջ։ Դրանից հետո Գինեսը խաղում է Լինի գրեթե բոլոր նշանավոր ֆիլմերում («Կամուրջ Քվայ գետի վրայով», «Լոուրենս Արաբացի», «Դոկտոր Ժիվագո»)։

Խաղացել է մոտ 60 ֆիլմում, դրանցից առավել նշանավորներն են.

Ընդհանուր թվով ստացել է 29 տարբեր կինոմրցանակներ, ներկայացված է եղել ևս 12-ի։ 6 անգամ ներկայացվել է Օսկարի, ստացել 2-ը, «Կամուրջ Քվայ գետի վրայով» Օսկար լավագույն դերասանի համար անվանակարգում և 1980 թ. ստացել է Օսկար կինոյում ունեցած ավանդի համար։ 3 անգամ ներկայացվել է Ոսկե Գլոբուսի, ստացել 1-ը։ Մյուս մրցանակների թվում են՝ 4 BAFTA, Բեռլինի և Վենետիկի կինոփառատոնների մրցանակ և այլն։

1955 թ. նա Անգլիայի թագուհու կողմից պարգևատրվում է Բրիտանական կայսրության մեդալով, իսկ 4 տարի անց հռչվակում է ասպետ։

Ամերիկյան բոլոր ժամանակների ֆիլմերի 100 լավագույն դրական և բացասական հերոսների ցանկում նրա «Աստղային պատերազմներ. Էպիզոդ IV. Նոր հույս» ֆիլմի հերոս Օբի-Վան Քենոբին 37-րդ տեղում է որպես դրական հերոս։

• Chambers, Colin. Continuum Companion to Twentieth Century Theatre. London։ Continuum International Publishing Group, 2002. ISBN 0-8264-4959-X.
• Guinness, Alec. A Positively Final Appearance։ A Journal, 1996-1998. London։ Penquin Books, 2001. ISBN 978-0-14-029964-9.
• Guinness, Alec. My Name Escapes Me. London։ Penquin Books, 1998. ISBN 978-0-14-027745-6.
• Pearce, Joseph. Literary Converts։ Spiritual Inspiration in an Age of Unbelief. London։ Ignatius Press, 2006. ISBN 978-1-58617-159-9.
• Read, Piers Paul. Alec Guinness։ The Authorised Biography. New York։ Simon & Schuster, 2005. ISBN 978-0-7432-4498-5.
• Taylor, John Russell. Alec Guinness։ A Celebration. London։ Pavilion, 2000. ISBN 1-86205-501-7.

• IMDb-ում էջ
• ԿինոՊոիսկ կայքում
• Internet Broadway Database -ում
• Ալեք Գինեսի կենսագրություն allmovie կայքում(չաշխատող հղում)
• British Film Institute's Screenonline կայքում

Ալեք Գինես էջը Վիքիպահեստում

Վիքիպահեստն ունի նյութեր, որոնք վերաբերում են «Ալեք Գինես» հոդվածին։