Ամեոբիազ

Վարակի հիմնական աղբյուրը ամեոբիազով հիվանդն է կամ բացիլակիրը, որոնց արտաթորանքի հետ հարուցիչներն ընկնում են արտաքին միջավայր։ Ամեոբան մարդու օրգանիզմն Է անցնում վարակված ջրի և սննդամթերքների հետ, տեղակայվում հաստ աղիքների պատերի լորձաթաղանթում և բազմանում։

Ախտանիշներն են՝ լուծ (օրվա ընթացքում 10 և ավելի անգամ), աղիքների ցավ, նքոց, լորձահեղուկային կղկղանք։ Չբուժվելու դեպքում հիվանդությունը վեր է ածվում քրոնիկականի և տևում տարիներ՝ առաջ բերելով բարդություններ (լյարդի, թոքերի, սեռական օրգանների ամեոբային թարախակալումներ, քրոնիկական բորբոքումներ)։

Բուժումը՝ դեղորայքային, դիետա, կլիմայաբուժում, թարախակալումների դեպքում՝ վիրահատական։

• 
  «Entamoeba histolytica»֊ի կյանքի շրջափուլ
• 
  «E. Histolytica»֊ով հարուցված հյուսվածքի վնասումը պայմանավորված է հետևյալ երեք հիմնական գործընթացներով՝ տիրոջ բջիջների մահ, բորբոքում և մակաբույծի ներթափանցում

• Amoebiasis - Centers for Disease Control and Prevention
• Amoeba infection symptoms Արխիվացված 2012-08-14 Wayback Machine

Վիքիպահեստն ունի նյութեր, որոնք վերաբերում են «Ամեոբիազ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 281)։