| Զբիգնև Ռաու | |
 | |
| Կուսակցություն՝ | Օրենք և արդարություն |
|---|---|
| Կրթություն՝ | Լոձի համալսարան (1977) |
| Գիտական աստիճան՝ | դոկտորի աստիճան (1982), հաբիլիտացիա (1996) և scientific professorship degree? (2005) |
| Մասնագիտություն՝ | քաղաքական գործիչ, իրավագետ և համալսարանի դասախոս |
| Ծննդյան օր | փետրվարի 3, 1955(1955-02-03) (69 տարեկան) |
| Ծննդավայր | Լոձ, Łódzkie Voivodeship, Լեհաստանի Ժողովրդական Հանրապետություն |
| Քաղաքացիություն |  Լեհաստան |
| Պարգևներ | |
Զբիգնև Վլոդզիմեժ Ռաու (լեհ.՝ Zbigniew Włodzimierz Rau, փետրվարի 3, 1955(1955-02-03), Լոձ, Łódzkie Voivodeship, Լեհաստանի Ժողովրդական Հանրապետություն), Լեհաստանի քաղաքական և պետական գործիչ, Լեհաստանի Հանրապետության արտաքին գործերի նախարար։
1977 թվականին ավարտել է Լոձի համալսարանի իրավաբանական ֆակուլտետը։ 1981 թվականից եղել է Գերմանիայի, Նիդեռլանդների, Մեծ Բրիտանիայի, ԱՄՆ-ի և Ավստրալիայի համալսարաններում կրթաթոշակառու և դասախոս։ 1982 թվականին ստացել է իրավունքի դոկտորի, 1996 թվականին՝ հաբիլիտացված դոկտորի աստիճան։
2005 թվականին ստացել է իրավաբանական գիտությունների պրոֆեսորի գիտական կոչում և գլխավորել է Լոձի համալսարանի իրավաքաղաքական դոկտրինների ամբիոնը[2]։
2005 թվականին նախագահական ընտրություններում Լեխ Կաչինսկու աջակցության կոմիտեի անդամ էր։ Նույն թվականին խորհրդարանական ընտրություններում ընտրվել է «Իրավունք և արդարություն» կուսակցության սենատոր[3]։ 2006-2008 թվականներին Լեհաստանի խորհրդարանը ներկայացրել է Եվրոպայի խորհրդի Խորհրդարանական վեհաժողովում[4]։
2015 թվականի դեկտեմբերի 8-ին գլխավորել է Լոձի վոյեվոդությունը[5]։ 2019 թվականի նոյեմբերի 11-ին ընտրվել է Սեյմի պատգամավոր[6] և ավարտել է իր աշխատանքը որպես վոյեվոդ[7]։ Սեյմում նշանակվել է արտաքին գործերի հանձնաժողովի նախագահ[8]։ 2020 թվականին դարձել է Եվրոպայի Խորհրդի Խորհրդարանական վեհաժողովում Լեհաստանի խորհրդարանի պատվիրակության նախագահ[4]։
2020 թվականի օգոստոսի 26-ին Զբիգնև Ռաուն նշանակվել է Լեհաստանի Հանրապետության արտաքին գործերի նախարար[9][10]։
 | Վիքիպահեստն ունի նյութեր, որոնք վերաբերում են «Զբիգնև Ռաու» հոդվածին։ |
| ||||||||||||||||
