Էլսեիդ Հյուսայ
Էլսեիդ Հյուսայ (ալբ․՝ Elseid Hysaj, փետրվարի 2, 1994[1], Շկոդեր, Ալբանիա), ալբանացի պրոֆեսիոնալ ֆուտբոլիստ։ Ներկայումս հանդես է գալիս Նապոլիի և Ալբանիայի ազգային հավաքականի կազմում։ Խաղում է աջ պաշտպանի դիրքում, թեև կարող է խաղալ նաև որպես ձախ պաշտպան[2]։
Հյուսայը Ալբանիայի Մ21 հավաքականի կազմում 2014 թվականին | |||
Անձնական տվյալներ | |||
Ամբողջական անուն | Elseid Gëzim Hysaj | ||
Քաղաքացիությունը | Ալբանիա | ||
Ծննդյան ամսաթիվ | փետրվարի 2, 1994[1] (30 տարեկան) | ||
Ծննդավայր | Շկոդեր, Ալբանիա | ||
Հասակ | 182 սմ | ||
Քաշ | 75 կգ | ||
Դիրք | աջ պաշտպան | ||
Ակումբային տեղեկություններ | |||
Ներկա ակումբ | Նապոլի | ||
Համար | 23 | ||
Պատանեկան կարիերա | |||
2002-2009 | Շկոդրա | ||
2009-2012 | Էմպոլի | ||
Մասնագիտական կարիերա* | |||
Տարի | Ակումբ | Խաղ (գոլ) | |
2012-2015 | Էմպոլի | 102 | (1) |
2015-ներկա | Նապոլի | 100 | (0) |
Ազգային հավաքական‡ | |||
2010 | Ալբանիա Մ17 | 3 | (0) |
2013-2014 | Ալբանիա Մ21 | 4 | (0) |
2013-ներկա | Ալբանիա | 37 | (0) |
* Մասնագիտական կարիերայում ընդգրկված են միայն առաջնության խաղերը և գոլերը |
Հյուսայը կարիերան սկսել է Ալբանիայում, սակայն 2009 թվականին տեղափոխվել է Իտալիա իր հոր մոտ[3]՝ միանալով Էմպոլիի ակադեմիային։ Իր պրոֆեսիոնալ դեբյուտը նշել է 2011 թվականին և շուտով դարձել թիմի հիմնական կազմի խաղացող՝ 2012-13 մրցաշրջանում Էմպոլիի հետ որակավորվելով Սերիա A: 2015 թվականի ամռանը Հյուսայը տեղափոխվել է Նապոլի՝ 6 միլիոն եվրոյի դիմաց՝ դառնալով երկրորդ ամենաթանկ ալբանացի ֆուտբոլիստը Լորիկ Ցանայից հետո։
Ակումբային կարիերա
Էմպոլի
Հյուսայը ֆուտբոլիստի կարիերան սկսել է Շկոդրայում[4], սակայն 2009 թվականին՝ 14 տարեկան հասակում տեղափոխվել է Իտալիա[5]՝ միանալով Էմպոլիի ակադեմիային։ Առաջին անգամ Հյուսայը Էմպոլիի հայտացուցակում ընդգրկվել է 2011 թվականի հոկտեմբերի 9-ին՝ Վարեզեի դեմ խաղում, սակայն այդպես էլ խաղադաշտ դուրս չի եկել[6]։ Իր պրոֆեսիոնալ դեբյուտը նշել է 2011 թվականի նոյեմբերի 24-ին՝ Ֆիորենտինայի դեմ Իտալիայի գավաթի խաղում[7]։ Իր առաջին հանդիպումը առաջնությունում ալբանացին անցկացրեց 2012 թվականի հոկտեմբերի 22-ին՝ Վիրտուս Լանչանոյի դեմ խաղում[8]։ 2012-13 մրցաշրջանում Հյուսայը անցկացրեց 35 հանդիպում՝ օգնելով իր թիմին հասնել Սերիա B-ի փլեյ-օֆֆի եզրափակիչ, որտեղ սակայն Էմպոլին 2-1 ընդհանուր հաշվով պարվեց Լիվորնոյին[9][10]։
2013 թվականի սեպտեմբերի 19-ին Հյուսայը երկարաձգեց իր պայմանագիրը Էմպոլիի հետ մինչև 2015 թվականը։ Իր առաջին գոլը պրոֆեսիոնալ կարիերայում խփեց 2014 թվականի ապրիլի 17-ին՝ Վիրտուս Լանչանոյի դեմ խաղում[11]։ Այս մրցաշրջանում ալբանացին անցկացրեց 34 հանդիպում՝ դառնալով 1 գոլի հեղինակ, իսկ Էմպոլին տեղափոխվեց Սերիա А` 6 տարվա բացակայությունից հետո[12]։
Իր դեբյուտը Սերիա A-ում Հյուսայը նշեց 2014 թվականի օգոստոսի 31-ին՝ Ուդինեզեի դեմ խաղում[13][14]։ 2014 թվականի հոկտեմբերի 31-ին՝ Հյուսայը երկարաձգեց իր պայմանագիրը ակումբի հետ մինչև 2017 թվականը[15]։ 2015 թվականի հունվարի 6-ին՝ Վերոնայի դեմ գոլազուկ ոչ-ոքուց հետո[16] նա ընդրգկվեց Սերիա A-ի շաբաթվա խորհրդանշական հավաքականում։ 2014-15 մրցաշրջանում Հյուսայը անցկացրեց 36 հանդիպում առաջնությունում, ինչպես նաև 3 խաղ գավաթում[17], որտեղ Էմպոլին 1/8 եզրափակչում պարտվեց Ռոմային[18]։
Նապոլի
2015 թվականի օգոստոսի 3-ին Հյուսայը 5 տարվա պայմանագիր կնքեց Նապոլիի հետ[19][20]։ Ակումբը նրա համար վճարեց 6 միլիոն եվրո՝ դարձնելով երկրորդ ամենաթանկ ալբանացի ֆուտբոլիստը՝ Լորիկ Ցանայից հետո, ով 2011 թվականին Գալաթասարայից Լացիո էր տեղափոխվել 6․75 միլիոն եվրոյի դիմաց[21]։
Իր դեբյուտը Նապոլիի կազմում Հյուսայը նշեց 2015 թվականի օգոստոսի 23-ին՝ Սասուոլոյի դեմ խաղում[22][23]։ Իր առաջին հանդիպումը եվրոպական առաջնություններում անցկացրեց 2015 թվականի սեպտեմբերի 17-ին՝ Եվրոպայի Լիգայի Բրյուգեի դեմ խաղում[24]։ Հյուսայը դարձավ թիմի հիմնական կազմի խաղացող՝ քիչ դեպքերում իր տեղը զիջելով Քրիստիան Մաջոյին[25][26]։ 2016 թվականի փետրվարի 8-ին ալբանացին ընդգրկվեց Սերիա A-ի 11 լավագույն երիտասարդ ֆուտբոլիստների ցանկում՝ այնպիսի աստղերի հետ, ինչպիսին էին Պոլ Պոգբան, Պաուլո Դիբալան, Մաուրո Իկարդին և Մբայե Նյանգը։ Իր առաջին մրցաշրջանում Հյուսայը անցկացրեց 43 հանդիպում բոլոր մրցաշարերում[27]։
2016-17 մրցաշրջանում Հյուսայը անցկացրեց 45 հանդիպում՝ դառնալով Նապոլիի 3-րդ ամենաշատ րոպեներ խաղադաշտում անցկացրած ֆուտբոլիստը[28][29]։ Մրցաշրջանի վերջում նրա տրանսֆերային արժեքը բարձրացավ 18 միլիոն եվրո և նա դարձավ Ալբանիայի ազգային հավաքականի ամենաթանկ ֆուտբոլիստը[30]։ 2017 թվականի հոկտեմբերի 21-ին Հյուսայը անցկացրեց իր 100-րդ հանդիպումը Նապոլիի կազմում՝ խաղադաշտ դուրս գալով Ինտեր Միլանի դեմ խաղում[31][32]։ Ալբանացին համարվում է Սերիա A-ի լավագույն ֆուտբոլիստներից մեկը[33], և 2018 թվականին CIES-ը գնահատեց նրա տրանսֆերային արժեքը շուրջ 70․5 միլիոն եվրո[34]։
Միջազգային կարիերա
Հյուսայը հանդես է եկել Ալբանիայի մինչև 17 և մինչև 21 տարեկանների հավաքականների կազմում։ Հարցազրույցի ժամանակ նա հայտարարեց, որ հրավիրվել է Իտալիայի ֆուտբոլի ֆեդերացիա, սակայն մերժել է հրավերը՝ ասելով, որ ցանկանում է խաղալ Ալբանիայի հավաքականի կազմում[35]։
Հյուսայը Ալբանիայի ազգային հավաքականի կազմում առաջին անգամ խաղադաշտ դուրս եկավ 2013 թվականի փետրվարի 6-ին՝ Վրաստանի դեմ ընկերական խաղում[36]։ Իր պաշտոնական դեբյուտը նշեց 2013 թվականի մարտի 22-ին՝ Նորվեգիայի դեմ խաղում[37][38]։ 2016 թվականի մայիսի 28-ին՝ Քաթարի դեմ խաղւոմ Հյուսայը առաջին անգամ խաղադաշտ դուրս եկավ Ալբանիայի հավաքականի ավագի թևկապով[39]՝ դառնալով Ալբանիայի պատմության ամենաերիտասարդ ավագը։
2016 թվականի մայիսի 31-ին Հյուսայը ընդգրկվեց Ալբանիայի ազգային հավաքականի՝ Եվրո 2016-ի վերջնական հայտացուցակում։ Առաջնության ժամանակ նա մասնակցեց Ալբանիայի ամեն խաղի ամեն րոպեին[40][41][42], սակայն վերջինս դուրս մնաց խմբային փուլից՝ հավաքելով 3 միավոր[43]։
Կարիերայի վիճակագրություն
Ակումբային վիճակագրություն
2018 թվականի ապրիլի 13-ի դրությամբ[44]
Ակումբ | Մրցաշրջան | Առաջնություն | Գավաթ | Եվրոպա | Ընդհանուր | |||||
---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Էմպոլի | 2011–12 | Սերիա B | 0 | 0 | 1 | 0 | — | 1 | 0 | |
2012–13 | 34 | 0 | 1 | 0 | 35 | 0 | ||||
2013–14 | 32 | 1 | 2 | 0 | 34 | 1 | ||||
2014–15 | Սերիա A | 36 | 0 | 3 | 0 | 39 | 0 | |||
Ընդհանուր | 102 | 1 | 7 | 0 | 0 | 0 | 109 | 1 | ||
Նապոլի | 2015–16 | Սերիա A | 37 | 0 | 1 | 0 | 5 | 0 | 43 | 0 |
2016–17 | 35 | 0 | 3 | 0 | 7 | 0 | 45 | 0 | ||
2017–18 | 28 | 0 | 2 | 0 | 10 | 0 | 40 | 0 | ||
Ընդհանուր | 100 | 0 | 6 | 0 | 22 | 0 | 128 | 0 | ||
Կարիերայի ընդհանուր | 202 | 1 | 13 | 0 | 22 | 0 | 237 | 1 |
Միջազգային վիճակագրություն
2018 թվականի ապրիլի 13-ի դրությամբ
Ալբանիա | ||
---|---|---|
Տարի | Խաղեր | Գոլեր |
2013 | 5 | 0 |
2014 | 7 | 0 |
2015 | 5 | 0 |
2016 | 11 | 0 |
2017 | 9 | 0 |
Ընդհանուր | 37 | 0 |
Նվաճումներ
Ակումբային
- Էմպոլի
- Սերիա B․ երկրորդ տեղ․ 2013–14
- Նապոլի
- Սերիա A․ երկրորդ տեղ․ 2015–16
Ծանոթագրություններ
Արտաքին հղումներ
- Հյուսայի պաշտոնական Ինստագրամի էջը
- Հյուսայը transfermarkt-ում
- Հյուսայը soccerbase.com-ում
- Հյուսայը WhoScored.com կայքում
- Հյուսայը Նապոլիի պաշտոնական կայքում Արխիվացված 2016-06-18 Wayback Machine
- Հյուսայը ՈՒԵՖԱ-ի պաշտոնական կայքում
Վիքիպահեստն ունի նյութեր, որոնք վերաբերում են «Էլսեիդ Հյուսայ» հոդվածին։ |