Նապոլի (ֆուտբոլային ակումբ)

Նապոլի (իտալ.՝ S.S.C. Napoli), իտալական ֆուտբոլային ակումբ Նեապոլից։ Ակումբը հիմնադրվել է 1926 թվականին և ներկայումս հանդես է գալիս Սերիա A-ում. Ակումբի գույներն են կապույտը և սպիտակը։ Տնային խաղերն անցկացնում է Ստադիո Սան Պաոլո մարզադաշտում։ Նապոլիում են խաղացել այնպիսի ֆուտբոլիստներ, ինչպիսիք են Դիեգո Մարադոնան, Ջանֆրանկո Ձոլան, Ֆաբիո Կանավարոն, Գոնսալո Իգուաինը և Էդինսոն Կավանին։

Նապոլի
Ամբողջական անուն	Società Sportiva Calcio Napoli
Մականուն(ներ)	Gli Azzurri (Երկնագույներ) Partenopei (Պարտենոպեացիներ) I ciucciarelli (Փոքրիկ ավանակներ)
Հիմնադրում	օգոստոսի 1, 1926
Երկիր	Իտալիա
Մարզադաշտ	Ստադիո Սան Պաոլո
Տարողունակություն	60,240
Նախագահ	Աուրելիո դե Լաուրենտիս
Մարզիչ	Կառլո Անչելոտտի
Կայք	Պաշտոնական կայք
Լիգա	Սերիա A
2022-123	1-րդ
Տան դաշտ Մրցակցի դաշտ Երրորդ համազգեստ

Նապոլին 2 անգամ հաղթել է Իտալիայի առաջնությունը և 6 անգամ զբաղեցրել երկրորդ տեղը։ Բացի այդ, Նապոլին 5 անգամ հաղթել է Իտալիայի գավաթը և 2 անգամ՝ Իտալիայի սուպերգավաթը։ Ինչպես նաև, ակումբը 1988-89 մրցաշրջանում նվաճել է ՈՒԵՖԱ Գավաթը։

Երկրպագուների քանակով Նապոլին 4-րդն է Իտալիայում և Սերիա A-ի 5-րդ ամենաթանկ ֆուտբոլային ակումբն է։ Նապոլին Եվրոպական ակումբների ասոցիացիայի անդամ է և 2016 թվականի հունվարին համարվում էր Եվրոպայի 8-րդ և Իտալիայի 2-րդ լավագույն ակումբը։