Լոռամրգի

Լոռամրգի
Դասակարգում
Թագավորություն	Բույսեր (Plantae)
Տիպ/Բաժին	Անոթավոր բույսեր (Tracheophyta)
Ենթատիպ	Սերմնավոր բույսեր (Spermatophytes)
Կարգ	Հավամրգածաղկավորներ (Ericales)
Ընտանիք	Հավամրգազգիներ (Ericaceae)
Ենթաընտանիք	Հապալասենայիններ (Vaccinioideae)
Ցեղ	Հապալասենի (Vaccinium)
Ենթացեղ	Լոռամրգի (Oxycoccus) A.Gray, 1848

Լոռամիրգ (լատին․՝ Oxycoccus), հապալասազգիների ընտանիքի բույսերի ցեղ։ հայտնի է 4 տեսակ, որոնք տարածված են Եվրոպայի, Ասիայի, հյուսիսային Ամերիկայի բարեխառն և հյուսիսային մարզերում։ Լոռամրգին բազմամյա թուփ է կամ կիսաթուփ, մագլցող ցողուններով, տերևները մանր են, կաշեկերպ, ձվաձև։ Ծաղիկները երկար ծաղկակոթուններով գոյանում են տերևածոցերում, պտուղները՝ բազմասերմ, կարմիր, կլոր կամ երկարավուն, պարունակում են շաքարներ, կիտրոնաթթու, բենզոյաթթու, քինաթթու, պեկտինային նյութեր, վիտամիններ՝ C և P։ Պտուղներն օգտագործվում են վերամշակված վիճակում, պատրաստում են կիսել, ժելե, մուրաբա, օշարակ, հյութեր։ Պտուղները և թուրմը ունեն բուժիչ նշանակություն (հակալնդախտային, ջերմությունն իջեցնող են)։ Բերքատվությունը՝ 100 ց/հա։ Բազմանում է կտրոններով։