Խուան Գուայդո

Խուան Խերարդո Գուայդո Մարկես (հուլիսի 28, 1983(1983-07-28), Լա Գուայրա, Վենեսուելա, իսպ.՝ Juan Gerardo Guaidó Márquez), վենեսուելացի ինժեներ և քաղաքական գործիչ^[1] , Վենեսուելայի Հանրապետության Ազգային ժողովի նախագահ (2019 թվականի հունվարի 5-ից)։ Ժողովրդի կամք (en) կուսակցության անդամ է, հանդիսանում է նաև Ազգային Ժողովում Վարգաս նահանգի ներկայացուցիչ պատգամավոր։ 2019 թվականի հունվարի 11-ին Վենեսուելայի Հանրապետության Ազգային Ժողովի կողմից հռչակվել է Վենեսուելայի ժամանակավոր նախագահ։ 2019 թվականի հունվարի 23-ին Կարակասի Չակաո շրջանում ընթացող բազմահազարանոց ցույցի ժամանակ Գուայդոն «երդում է տվել», իրեն հռչակելով Վենեսուելայի ժամանակավոր նախագահ՝ 2019 թվականի հունվարին Նիկոլաս Մադուրոյի նախագահական երդմնակալությունից հետո առաջացած և դրան հաջորդող ու առայժմ ընթացող նախագահական ճգնաժամի (en) պայմաններում։ Գուայդոյի երդմնակալությունից հետո մի շարք պետություններ նրան ճանաչել են Վենեսուելայի նախագահ, այդ թվում՝ Արգենտինան, Բրազիլիան, Կանադան, Չիլին, Կոլումբիան և Միացյալ Նահանգները^{[2][3][4][5][6][7]}, սակայն Գուայդոյին հրաժարվել է նախագահ ճանաչել Մադուրոյի կողմից նշանակված Արդարադատության գերագույն դատարանը (en)^[8]:

Խուան Գուայդո իսպ.՝ Juan Guaidó
Կուսակցություն՝	Popular Will? և անկախ քաղաքական գործիչ
Կրթություն՝	Անդրես Բելո կաթոլիկ համալսարան և Ջորջ Վաշինգտոն համալսարան
Մասնագիտություն՝	քաղաքական գործիչ, արդյունաբերական ինժեներ և Ingenieros
Ծննդյան օր	հուլիսի 28, 1983(1983-07-28) (40 տարեկան)
Ծննդավայր	Լա Գուայրա, Վենեսուելա
Քաղաքացիություն	Վենեսուելա
Ի ծնե անուն	իսպ.՝ Juan Gerardo Antonio Guaidó Márquez
Ամուսին	Fabiana Rosales?
Զավակներ	Miranda Guaidó Rosales?
Ինքնագիր
Juan Guaidó