Նարուհիտո
Նարուհիտո (ճապ.՝ 徳仁, փետրվարի 23, 1960[1][2][3], Չիյոդա, Տիյոդա, Տոկիո, Ճապոնիա), Ճապոնիայի կայրսը` սկսած 2019 թվականի մայիսի 1-ից[7][8][9], ով հաջորդում է իր հորը՝ Ակիհիտոյին[7][10]։ Ըստ ճապոնական թագաժառանգման ավանդական կարգի` նա աշխարհի ամենահին միապետութան 126-րդ կայսրն է։ Նա նաև առաջին կայսրն է, ով ծնվել է Երկրորդ համաշխարհային պատերազմից հետո[11][12]։ Իր ղեկավարման ժամանակաշրջանը կոչվում է Ռեյվա[8]։
Նարուհիտո | |
---|---|
Ծնվել է՝ | փետրվարի 23, 1960[1][2][3] (64 տարեկան) |
Ծննդավայր | Չիյոդա, Տիյոդա, Տոկիո, Ճապոնիա |
Երկիր | Ճապոնիա |
Տոհմ | Ճապոնիայի կայսերական տուն[4] |
միապետ և ազնվական | |
Շրջանավարտ | Gakushūin?, Գաքուշուինի համալսարան (մարտ 1982) և Մերթոն քոլեջ (1986) |
Հայր | Ակիհիտո[4] |
Մայր | Միտիկո[4] |
Երեխաներ | Այկո[4] |
Հավատք | սինտոիզմ |
Պարգևներ | |
Ստորագրություն |
Վաղ կյանք
Նարուհիտոն ծնվել է 1960 թվականի փետրվարի 23-ին ժամը 16:15-ին Տոկիոյի կայսերական հիվանդանոցում[13]։ Նա հետագայում նշել է, որ ծնվել է ախոռում[14]։ Նրա մայրը փոխեց սեփական հավատքը կաթոլիկությունից սինտոիզմ։ Նախքան Նարուհիտոյի ծնունդը այն ժամանակվա թագաժառանգ արքայազն Ակիհիտոյի և Միչիկո Շոդայի նշանադրությունը (հետագայում Միտիկո) մեծ ընդդիմության արժանացավ ավանդապաշտ խմբերի կողմից, քանի որ Միտիկոն սերում էր կաթոլիկների ընտանիքից[15]։ Չնայած նա երբեք չէր մկրտվել, նա սովորել է կաթոլիկ դպրոցում և ինչպես երևում էր, կիսում էր իր ծնողների հավատքը։ Խոսակցություններ էին պտտվում, որ կայսրուհի Կոջունը դեմ էր նշանադրությանը։ 2000 թվականին Կոջուն Կայրուհու մահից հետո Reuters-ը հայտարարեց, որ նա եղել է իր որդու ամուսնությանը ամենից շատ դեմ եղողներից մեկը և 1960-ականներին նա հասցրել է իր հարսին և թոռներին դեպրեսիայի՝ անընդհատ մեղադրելով հարսին, որ նա չի համապատասխանում իր որդուն[16]։
Կրթություն
Երբ Նարուհիտոն 4 տարեկան էր, նա սկսել է հաճախել էլիտար Գակուշին կրթահամալիրը, որտեղ ճապոնացի էլիտար շատ ընտանիքների և մեծահարուստների երեխաներն էին հաճախում[17]։ Հասուն տարիքում Նարուհիտոն անդմակցում է աշխարհագրական ակումբին[18]։ Նարուհիտոն ավարտում է Գակուշին կրթահամալիրը 1982 թվականի մարտին պատմության բակալավրի աստիճանով[19]։ Նույն տարվա հուլիսին նա սկսում է անգլերենի եռամսյա ինտենսիվ դասընթաց, մինչև Միացյալ Թագավորության Օքսֆորդի համալսարանի Մերթոնի քոլեջը ընդունվելը[20],, որտեղ նա սովորել է մինչև 1986 թվականը, չնայած Նարուհիտոն չպաշտպանեց իր թեզը մինչև 1989 թվականը[21]։
Անձնական կյանքը
Ամուսնություն
Իր կնոջ՝ Մասակա Օվադայի հետ Նարուհիտոն առաջին անգամ հանդիպել է 1986 թվականի նոյեմբերին Իսպանական դքսուհու տանը թեյելիս[22][23]։ 1993 թվականի հունիսի 19-ին նրանք նշանադրվեցին։ Հարսանիքը տեղի ունեցավ հունիսի 9-ին կայսերական Սիտնոյի պալատում, որին մասնակցեցին 800-ից ավել հյուրեր` ներառյալ եվրոպական արքայական շատ տոհմերի ներկայացուցիչներ։
Ծանոթագրություններ
Վիքիպահեստն ունի նյութեր, որոնք վերաբերում են «Նարուհիտո» հոդվածին։ |