Naruhito

Naruhito (徳仁; f. 23. febrúar 1960) er núverandi keisari Japans. Hann tók við krúnunni þann 1. maí árið 2019 eftir að faðir hans, Akihito keisari, sagði af sér. Samkvæmt hefðbundinni talningu er hann 126. keisari Japans og fyrsti keisari landsins sem er fæddur eftir seinni heimsstyrjöldina.

Keisari Japans Japanska keisaraættin
Naruhito 徳仁
Ríkisár	1. maí 2019 –
Skírnarnafn	Naruhito (徳仁)
Fæddur	23. febrúar 1960 (1960-02-23) (64 ára)
	Kýótó, Japan
Konungsfjölskyldan
Faðir	Akihito
Móðir	Michiko
Keisaraynja	Masako
Börn	Aiko

Keisaratíð Naruhitos ber nafnið „Reiwa-tímabilið“, sem merkir „tímabil fagurs samhljóms“.^[1] Samkvæmt japanskri hefð verður Naruhito þekktur sem Reiwa keisari eftir andlát sitt.

Naruhito hefur verið kvæntur Masako Owada frá árinu 1993. Hjónin eignuðust dótturina Aiko árið 2001. Þar sem japönsk erfðalög gera ekki ráð fyrir að konur geti erft keisarakrúnuna mun þó krúnan að öllu óbreyttu ganga til yngri bróður hans, Fumihitos, eftir að Naruhito deyr.^[2] Hugmyndir hafa þó verið viðraðar um að breyta erfðalögunum að krúnunni og skoðanakannanir sýna að drjúgur meirihluti Japana styður lagabreytingar til að heimila konum að erfa krúnuna.^[3]