Naruhito
Ni Naruhito (徳仁, panangibalikas [naɾɯçi̥to]; nayanak idi 23 Pebrero 1960) ket ti Emperador ti Hapon. Naital-o isuna iti Trono ti Krisentamo idi 1 Mayo 2019, a mangirugi iti panawen ti Reiwa, kalpasan ti panagikkat iti amana, ni Emperador Akihito.[1] Isu ti maika-126 a monarko segun ti tradisional nga urnos ti panagsisinnaruno iti Hapon.
| Naruhito | |||||
|---|---|---|---|---|---|
.jpg) Ni Naruhito idi 2019 | |||||
| Emperador ti Hapon | |||||
| Panagturay | 1 May 2019 – agdama | ||||
| Hapon | 22 Oktubre 2019 | ||||
| Sinaruno | Akihito | ||||
| Agtawid | Fumihito | ||||
| Kangrunaan a Minsitro | Shinzō Abe | ||||
| Nayanak | Naruhito (徳仁) 23 Pebrero 1960 Ospital ti Ahensia ti Imperial a Sangkabalayan, Imperial a Palasio ti Tokyo, Tokyo, Hapon | ||||
| Asawa | Masako Owada (n. 1993) | ||||
| Sayasay | Aiko, Prinsesa Toshi | ||||
| |||||
| Kamara | Imperial a Kamara ti Hapon | ||||
| Ama | Akihito | ||||
| Ina | Michiko Shōda | ||||
| Relihion | Shinto | ||||
Nagan
Iti Hapon, ti Emperador ket saan a maibagbaga babaen ti naited a naganna, ngem imbes ket a maibagbaga a kas "Ti Katan-okan nga Emperador" (天皇陛下, Tennō Heika) a mabalin a maipangyababa iti "Ti Katan-okan" (陛下, Heika).[2] Iti maisurat, pormal pay a maibagbaga ti Emperador a kas "Ti Agturturay nga Emperador" (今上天皇, Kinjō Tennō). Ti panawen ti turay ni Naruhito ket agnagan iti "Reiwa" (令和), ken segun iti ugali managananto isuna iti Emperador Reiwa (令和天皇, Reiwa Tennō, kitaen ti "nagan kalpasan idi natay") babaen ti bilin ti Gabinete kalpasan ti ipupusayna. Ti nagan ti sumaruno a panawen babaen ti sumaruno kaniana ket maitakderto kalpasan ti ipupusayna wenno sakbay ti panagikkatna.[3]
Nasapa a biag
Naiyanak ni Naruhito idi 23 Pebrero 1960 idi 4:15 p.m. idiay Ospital ti Ahensia ti Imperial a Sangkabalayan iti Imperial a Palasio ti Tokyo.[4] Kas maysa a prinsipe, kinunana idi ket, "Nayanakak iti maysa a kamarin iti uneg ti banawang".[5] Ti inana ket naipagbaliw iti Shinto manipud iti Romano Katolisismo. Sakbay idi naiyanak ni Naruhito, ti pannakairangarang ti pannakaitulag ken pannakiasawa idi ni Balangat a Prinsipe Akihito ken ni Michiko Shōda (kalpasanna ket Empresa Michiko) ket nakaala iti suppiat manipud kadagiti tradisionalista a agrupo, gapu ta nagtaud ni Michiko manipud iti pamilia a Romano Katoliko.[6] Uray no isuna ket saan a nabunyagan, naiyadalan isuna kadagiti eskuela a Katoliko ken kasla nakibingay iti pammati kadagiti nagannak kaniana. Nangipagpagarup pay dagiti sayangguseng a sumuppiat ni Empressa Kōjun iti tulagan. Kalpasan ti ipupusay ni Empresa Kōjun ti apong a babai iti ama ni Naruhito idi 2000, inreporta ti Reuters nga isu ti kaingetan a sumuppiat iti pannakiasawa ti anakna a lalaki, ken kadagiti tawen idi 1960, nangiturong isuna ti a panagleddaang ti manugangna ken dagiti apona babaen ti kankanayon a panagpabasol kaniana nga isu ket saan a nasayaat para iti anakna a lalaki.[7]
Dagiti nagibasaran
Dagiti taudan
- Hills, Ben (2006). Princess Masako: Prisoner of the Chrysanthemum Throne. Penguin. ISBN 1-58542-568-0.
Dagiti akinruar a silpo
Dagiti midia a mainaig ken ni Naruhito iti Wikimedia Commons