Golpo ti Aqaba
Ti Golpo ti Aqaba wenno Golpo ti Eilat (Arabiko: خليج العقبة, naitransliterado: Khalyj al-'Aqabah; Hebreo: מפרץ אילת, naitransliterado: Mifratz Eilat) ket ti dakkel a golpo idiay akin-amianan nga ungto ti Baybay Nalabbasit, iti daya ti Peninsula Sinai ken iti laud ti nangruna a daga ti Arabia. Ti aplayana ket nabingbingay iti nagbaetan dagiti uppat a pagilian: ti Ehipto, Israel, Hordania, ken Saudi Arabia.
| Ti Golpo ti Aqaba | |
|---|---|
 Ti Peninsula Sinai a nagraman ti Golpo ti Aqaba iti daya ken ti Golpo ti Suez iti laud | |
| Lokasion | Abagatan a laud nga Asia ken Amianan a daya nga Aprika |
| Nagsasabtan | 34°45′E / 28.750°N 34.750°E |
| Kita | Golpo |
| Kangrunaan a sumrekan | Baybay Nalabbasit |
| Pagpagilian ti labneng | Ehipto, Israel, Hordania, ken Saudi Arabia |
| Kadakkelan a kaatiddog | 160 km (99 mi) |
| Kadakkelan a kaakaba | 24 km (15 mi) |
| Kaadaleman | 1,850 m (6,070 ft) |
Heograpia
Ti golpo ket daya ti Peninsula Sinai ken laud ti Peninsula Arabiano. No ti adda Golpo ti Suez iti laud, daytoy ket sumakop manipud iti akin-amianan a paset ti Baybay Nalabbasit. Daytoy ket makaabot iti kaadalenm iti 1,850 m iti tengnga a lugarna: ti Golpo ti Suez ket nalawlawa ngem naab-ababaw ngem 100 m.
Ti golpo ket agrukod iti 24 kilometro (15 mi) iti kalawaan a puntona ken sumakop iti agarup a 160 kilometro (99 mi) iti amianan manipud iti Linglingsat ti Tiran nga idiay ti pagsabtan ti Israel iti Ehipto ken Hordania.
Sakup
Ti Gunglo ti Internasional a Hidrograpiko ket mangipalawag ti akin-abagatan a patingga ti golpo a kas "Ti linia nga agtartaray manipud iti Ràs al Fasma agpaabagatan a laud iti Isla Requin (27°57′N 34°36′E / 27.950°N 34.600°E) babaen ti Isla Tiran aginggana iti abagatan a laud a punto ken kalpasanna agpalaud a paralelo (27°54'N) iti aplaya ti Peninsula Sinai".[1]
Dagiti nagibasaran
Dagiti akinruar a silpo
Dagiti midia a mainaig iti Golpo ti Aqaba iti Wikimedia Commons