Partido Republikano (Estados Unidos)

Ti Partido Republikano ket maysa kadagiti dua a kangrunaan a politiko a partido idiay Estados Unidos, a kaduana ti Partido Demokratiko. Daytoy ket binangon dagiti kontra-tagabu nga aktibista idi 1854, daytoy ket kaaduan a nangituray kadagiti nailian a politika idi paset ti panawen ti 1860–1932. Agnanayon nga ammo iti Iggles a kas ti GOP (Grand Old Party), adda dagiti 18 a presidente ket Republikano.

Iti agdama ti plataporma ti partido ket sapsap a mangiballatek ti Amerikano a konserbatismo iti espektro ti politiko iti Estados Unidos.^[1][2][3] Ti Amerikano a konserbatismo ti Partido Republikano ket saan a sibubukel a naibatay ti panaglikud ti politiko nga ideolohia iti liberalismo, a kaaduan kadagiti pamunganayan ti Amerikano a konserbatismo ket naibatayda ti klasiko a liberalismo.^[4] Ngem ti panakakonserbatismo ti Partido Republikano ket kaaduan a naibatay par iti panangisuportana iti klasiko a pamunganayan a sumuppiat kadagiti moderno a liberalismo iti Partido Demokratiko a naikapanunotan nga Amerikano a liberalismo iti kontemporario nga Amerikano a diskurso.^[4]

Iti maika-112 a Kongreso, a nabutosan iti 2010, ti Partido Republikano ket agtengtengngel kadagiti kaaduan a tugaw idiay Kamara dagiti Pannakabagi ken dagiti minoridad atugaw idiay Senado. Ti partido ket agdama nga agtengtengngel kadagiti kaaduan kadagiti panakagobernador ken ti pay kaaduan kadagiti estado a lehislatura.