Die Libanesisch Republik (oder au de Libanon, arabisch: Lubnān لبنان) isch en Staat in Vorderasie und wird im allgemeine Sprachgebruch als Libanon bezeichnet. De Libanon gräntzt a Syrie, Israel und as Mittelmeer und zehlt zu de Maschrek-Staate. Er isch vorallem für sini religiös Diversität bekannt und für si kulturelli Offeheit, was im arabische Ruum eender sälte vorchunnt.
Öppe 54 % vo de Bevölgerig sind Moslems (27 % Schiite; 27 % Sunnitä). Chrischte bildet mit 41 % (21 % Maronitä; 8 % Griächisch Orthodox; 4 % Armenisch Orthodox; 3 % restlichi Sekte) die zweitgröscht Religionsgruppä im Libanon. Die reschtliche 5 % sind Druse, wo nüme zu de Schiite grächnät wärdet.
Da de Libanon i de letschte 50 Jahr e sehr starchi Landflucht ufwist, zum Tail weg em Bürgerchrieg, wo s Land meriri Johrzent erschütteret het, lebt de Grossteil vo de Bevölkerig i Städt, vor allem i de Hauptstadt Bairut und Vorort. Dört lebet meh als d'Helfti vo de Libanese und no meh schaffet da.
Grössti Städt mit Iwohnerzahl (gschätzt; sit 1932 häts kai offizieli Volkszählig me ge)
Die vier höggste Staatsämter si für bestimmti religiösi Grubben reserviert: Dr Staatsbresidänt muess e maronitische Christ si, dr Bresidänt vom Parlamänt e schiitische Muslim, dr Brömieeminister e sunnitische Muslim und dr Oberbefäälshaaber vo dr Armee e Christ. Die Verdäilig stützt sich uf d Aadäil vo de respektive religiööse Grubbe in dr Bevölkerig, wie s vor mee as eme halbe Joorhundert gsi isch, wo d Christe en absoluti Meerhäit gsi si. E Hufe Maronite si aber in de letschte Joorzäänt emigriert, so dass die Verdäilig d Wirkligkäit nüm reflektiert.
Dr Libanon het scho sit Joore kä Regierig mee, wo d Laag im äigene Land in dr Hand het. Im Süde herscht die schiitischi Miliz Hisbollah, wo vo Sürie understützt wird und sich vo dr Regierig nüt loot lo vorschriibe, und im Norde häi d Sunnite und d Maronite iiri Gebiet, wo si sälber mit äigene Milize verdäidige.
