Wyde (IPA: ['vi:də], amtlig Wieden) isch e Gmeind im Landchreis Lörrach in Bade-Württeberg. D Gmeind ghört zum Gmeindeverwaltigsverband Schönau im Schwarzwald.
Wyde isch als Erholigsort staatlig anerkännt und litt i me Hochdal im Naturapark Südschwarzwald, wo zwüsche Schauinsland (1286 Meter), Fäldberg (1493 Meter) und Belche (1414 Meter) ybettet isch, uff 740 bis 1280 Meter über em Meer.
D Gmeind gränzt im Nordoste und Oste an d Stadt Todtnau, im Süde an Utzefäld, im Weste an Aitere und im Nordweste an Münschterdal im Landchreis Brysgau-Hochschwarzwald.
Zu de Gmeind Wyde ghöre s Dorf Oberwyde, d Wyler Hüttbach, Lailehüser, Laitebach, Neßlerhüser, Säge und Warbach, d Zinche Bühl, Grabe, Rütte und Underwyde, d Höf Mittelbach, Neumatt und Schwaine und d Hüser Beckerain, Eckle, Chönigshütte, wo zum Deil au uff Utzefälder Gebiet litt, Nydermatt, Schürmatt, Steine, Wydener Äck und Wydematt.
Wyde isch sit 1809 e selbständigi Gmeind und isch durch d Züeghörigkeit zum Gmeindeverwaltigsverband Schönau im Schwarzwald eini blybe.[2]
Wyde ghört em Gmeindeverwaltigsverband Schönau im Schwarzwald a.
D Wahl am 13. Juni 2004 hät folgends Ergebnis brocht:
- Freii Wähler 50,4 % (-6,9) - 4 Sitz (-1)
- CDU 49,6 % (+6,9) - 4 Sitz (+1)
Ergebnis vo dr Landdagswahle sit 2006:[3]
Johr | CDU | SPD | FDP | Grüeni | Linki1 | AfD | Suschtigi |
2016 | 46,7 % | 9,8 % | 0,7 % | 29,6 % | 0,7 % | 8,7 % | 3,8 % |
2011 | 57,1 % | 18,8 % | 3,6 % | 14,6 % | 2,3 % | | 3,6 % |
2006 | 71,8 % | 11,4 % | 3,5 % | 5,1 % | 2 % | | 6,3 % |
1 2006: WASG, sit 2011: Die Linke
S Wappe vo de Gmeind zeigt uff de linke Hälfti uff em Silbergrund e griene Wydezweig, wo uff de Namme vom Ort hywyse soll. De Hirsch, wo uff de rächte Site uff blauem Grund am Springe isch, erinnert dra, dass Wyde über Johrhunderte zu de Dalvogtei Schönau vom Chloster St. Blasie ghört hät.
- Bsüecherbergwerch Finschtergrund
in de Nöchi:
- Bergwildpark „Steiwasepark“
Ändi Juli, noch em Heuet, fyred me z Wyle s Heugeißfeschd.
Z Wyde git s e gmeinsami „Grundschüel Wyde-Utzefäld“, wo vo Schieler vo Wyde und Utzefäld bsüecht wird. D Schieler ab de fümfte Chlass gönn uff d Realschüel z Zell oder d Hauptschüel bzw. s Gymnasium z Schönau.
- Freiwilligi Fürwehr
- Bergwacht Schwarzwald, Ortsgruppe Wyde
| Dä Artikel basiert uff ere fräie Übersetzig vum Artikel „Wieden_(Schwarzwald)“ vu de dütsche Wikipedia. E Liste vu de Autore un Versione isch do z finde. |