An tataramon na Banjar sa sinyal nin Iskriturang Jawi kan opisina nin nayong Lok Tamu sa Mataraman, sa sub-distritong Rehensiyang Banjar, Sur na Kalimantan, Indonesya
An Banjar (Banjar: Bahasa/Basa Banjar, Indonesya: Bahasa Banjar, Jawi: بهاس بنجر), sarong tataramon na Austronesyo na pigtataram kan mga tawo nin Banjar sa provincia nin Sur na Kalimantan kan Indonesya. Kaidto na an Banjares kun sa historiya, saróng nomadikong mga parakalakal, an Banjares pigtataram na sa bilog na Indonesya asin sa kinában nin Malay.
Espesyal sa isla nin Kalimantan, kayang ikonsiderar na an Banjares bilang sarong lingua franca, tibaad halawig ining piggagamit sa toló kan limáng mga provincia kan Kalimantan: Sur na Kalimantan, Subangan na Kalimantan, asin Sentral na Kalimantan, na may eksepsyon sa Sulnupan na Kalimantan asin Norteng Kalimantan, kun saen mas popular an Malay.
Miski an Banjares pigkokondiser minsan na magin Malay,[1] bakó ining partikular na harani sa ibang mga tataramon na Malayan.[2] Nababangâ ini sa duwáng mayoridad na mga diyalektos; an diyalektos na itaas na salog (Banjar Hulu) asin an ibabang salog (Banjar Kuala). An panginot na pagkakaibá kan duwáng diyalektos mahihiling sa ponolohiya asin mga leksiko, alagad maririsá man na may diit na mga pagkakaibá sa estruktura nin sintaktiko. An Banjar Hulu igwa lang nin tolóng vowel, iyo an /i/, /u/, asin /a/. Kun an tataramon nagkaigwá nin ibang vowels apwera sa toló, mariribayan an dayuhang vowel kan saró sa mga ini pigbase sa pagkaharanihan kan langkaw asin iba pang kalidad kan mga vowel.
Halimbawá, titistingon kan parataram na Banjarese na ipronounce an tataramon nin Ingles na "logo", an tanog kaini nasasayód sa tataramon nin Indonesya para sa inosenté, an "lugu". An tataramon nin Indones na "orang" na para sa tawo maisasayod sa "urang". An tataramon nin "ke mana" (saen/sain) maitataram miski sa pagbaybay, magigin "ka mana". An iba pang naiibang katangian kan diyalektos na Banjar Hulu an mga tataramon minapuón sa saróng vowel mas arog sa pagsasayod kan tanog na /h/ sa atubangan kan mga tataramon. An kadagdagan kan tanog na /h/ kaya man marisá sa pagbaybay
