Industria astun terminoa mineralak eta nekazaritzakoak ez diren bestelako lehengaiak erauzi eta eraldatu egiten duen industria da, eta, beste alde batetik, makineria handia eta astuna erabili edota ekoiztu egiten duten industria-jardueren multzoa da. Bestalde, industria astunetan eraldatzen dituzten kopuruak handiak izaten dira eta ekoizpenak masiboak. Horretarako behar dituzten fabrikak, lantegiak eta azpiegiturak ere handiak izaten dira eta ia beti energia asko behar izaten dute.
Adibide moduan, industria siderometalurgikoa, (labe garaiak, adibidez) eta industria kimikoak (petrolio-birfindegiak, adibidez) biltzen dira industria astunetan.
