| Jorge González Aranguren | |
|---|---|
 | |
| Bizitza | |
| Jaiotza | Donostia, 1938 (85/86 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | gaztelania |
| Jarduerak | |
| Jarduerak | idazlea eta kazetaria |
Jorge González Aranguren (Donostia, Gipuzkoa, 1938) gaztelaniazko idazlea eta kazetaria da. Espainiako Adonáis Olerki Sari ospetsua irabazi duen euskal herritar bakanetariko bat da.
Donostian jaioa, 1960ko eta 1970eko hamarkadetan Donostiako bizitza kulturalean aktiboki lan egin zuen. 1971an Irun Hiria Poesia Saria eskuratu zuen, 1976an Espainiako Adonáis Olerki Saria, eta, urte berean, Bilboko Villa de Bilbao Narratiba Saria; bi urte lehenago Donostia Hiria Narratiba Saria lortu zuen. Kurpil (1973-1977) eta Kantil (1977-1981) literatura-aldizkarien sortzaile eta kolaboratzailea izan zen. Laurogeiko hamarkadan Mallorcara joan zen bizitzera. Urte horietan egunkari eta aldizkari desberdinetan idatzi zuen. Poesía española, Estafeta Literaria, Camp de l´arpa eta Kantil aldizkarietan eman ditu argitara lan aipagarrienak. 1989an Euskal Herriko Unibertsitateak ordura arteko poema-liburu guztien bilduma argitaratu zion erdaraz eta euskaraz Fuego lento-Gar mantsoa izenburuarekin. Familia-arazoak zirela eta, Euskal Herrira itzuli zen. 1997an Patxi Ezkiagaren Zauriaren salmoak liburua gazteleratu zuen. Egun Donostian bizi da, eta idazten jarraitzen du.[1] Zurgai aldizkariaren kolaboratzaile finkoa da.
Hona hemen González Arangurenen idazlan nagusien zerrenda:[2]
