გვადელუპა
გვადელუპა (ფრანგ. Guadeloupe) — არქიპელაგი სამხრეთ კარიბის ზღვაში, კოორდინატებით 16°15′ ჩ. გ. 61°35′ დ. გ. / 16.250° ჩ. გ. 61.583° დ. გ.. მისი ფართობი — 1628 კვ. კმ-ია. გვადელუპა საფრანგეთის ზღვისიქითა დეპარტამენტია, ასევე 26-დან ერთ-ერთი რეგიონი. 2007 წლიდან, იგი რესპუბლიკის ხელშეუვალი ნაწილია.
.svg)
საფრანგეთთან ერთად, გვადელუპა ევროპის კავშირის წევრია. როგორც ევროკავშირის უმეტეს ქვეყანაში, აქაც ვალუტა ევროა[1]. მიუხედავად ამისა, გვადელუპა არ იმყოფება შენგენის ხელშეკრულების ქვეშ. გვადელუპას პრეფექტურა არის ბას-ტერი. 1493 წელს, ქრისტეფორე კოლუმბმა ამ კუნძულს უწოდა სანტა მარია დე გვადელუპა, მარიამ ღვთისმშობლის პატივსაცემად.
გვადელუპა მოიცავს ხუთ კუნძულს. ესენია: ბას-ტერი, გრანდ-ტერი (გამოყოფილია ბას-ტერისაგან ვიწრო ზღვის არხით, სალტ-რივერით), ლა–დეზირადე, ლეს–დე–სენსი და მერი-გალანტი.
გვადელუპა იყოფა 2 ოლქად. ესენია: ბას-ტერი და პუენტ-ა-პირტი. თავად ოლქები იყოფიან 40 კანტონად, ხოლო კანტონები — 32 კომუნად.
დემოგრაფია
2006 წლის ივლისის მონაცემების მიხედვით, გვადელუპის მოსახლეობა 452 776 კაცია. აქედან 23,64 % 14 წლამდე ასაკის არიან, 67,1 % — 15 წლიდან 64 წლამდე, ხოლო 9,2 % — 65-ს გადაცილებული. სიცოცხლის საშუალო ხანგრძლივობა მამაკაცებში 74,91 წელია, ქალებში — 81,37 წელი, ორივე სქესის საშუალო მაჩვენებელი კი — 78,06 წელია.
კლიმატი
| წლიური ამინდი — Basse-Terre—capital of Guadeloupe | |||||||||||||
|---|---|---|---|---|---|---|---|---|---|---|---|---|---|
| თვე | იან | თებ | მარ | აპრ | მაი | ივნ | ივლ | აგვ | სექ | ოქტ | ნოე | დეკ | წელი |
| საშუალო მაღალი °C (°F) | 28 (82) | 28 (82) | 28 (82) | 29 (84) | 30 (86) | 31 (88) | 33 (91) | 31 (88) | 31 (88) | 30 (86) | 29 (84) | 29 (84) | 30 (86) |
| საშუალო დღიური °C (°F) | |||||||||||||
| საშუალო დაბალი °C (°F) | 20 (68) | 20 (68) | 21 (70) | 22 (72) | 23 (73) | 24 (75) | 25 (77) | 23 (73) | 23 (73) | 23 (73) | 22 (72) | 21 (70) | 22 (72) |
| ნალექი სმ (დუიმი) | 8 (3.1) | 6 (2.4) | 7 (2.8) | 11 (4.3) | 15 (5.9) | 12 (4.7) | 16 (6.3) | 19 (7.5) | 23 (9.1) | 22 (8.7) | 22 (8.7) | 14 (5.5) | 178 (70,1) |
| წყარო: Weatherbase[3] | |||||||||||||