ოქტომბერი 2011

• უკრაინაში ადგილობრივი დროით 12:12 სთ-ზე 4,1 მაგნიტუდის სიმძლავრის მიწისძვრა მოხდა. (earthquake.usgs.gov)

• სტოკჰოლმში დაასახელეს ნობელის პრემიის ლაურეატები მედიცინასა და ფიზიოლოგიაში. იგი წილად ხვდა სამ მეცნიერს თანდაყოლილი იმუნიტეტის აქტივიზაციას შესწავლისადმი მიძღვნილი ნაშრომისათვის. ნობელის პრემიის ლაურეატები გახდნენ ბრუს ბეტლერი (აშშ), ჟიულ ჰოფმანი (ლუქსემბურგი) და რალფ შტეინმანი (კანადა). რალფ შტეინმანი 30 სექტემბერს გარდაიცვალა. რადიო თვისუფლება
• დანიის ისტორიაში ქვეყნის პრემიერ-მინისტრი პირველად გახდა ქალი ჰელე ტორნინგ-შმიტი. newsinfo.ru

• კორპორაცია „Apple“-ის ერთ-ერთი დამაარსებელი და ყოფილი გენერალური დირექტორი სტივ ჯობსი 56 წლის ასაკში სიმსივნით გარდაიცვალა. მის მიერ დაარსებული კომპანია უკვე დიდი ხანია მსოფლიოში უნაკლო ხარისხისა და სტილის სიმბოლოა. (1 არხი)
• ქიმიის დარგში 2011 წლის ნობელის პრემიის ლაურეატად გამოცხადდა დანიელ შეხტმანი ისრაელიდან. შეხტმანმა აღმოაჩინა „კვაზიკრისტალები“, რომელთა არსებობა მანამდე შეუძლებლად იყო მიჩნეული და ამით „ძირეულად შეიცვალა ქიმიკოსთა წარმოდგენა მყარ მატერიაზე“. (რადიო თავისუფლება)

• ხანგრძლივი ავადმყოფობის შემდეგ, 77 წლის ასაკში, მომღერალი, კომპოზიტორი და პოეტი ოთარ რამიშვილი გარდაიცვალა. მისი გარდაცვალების მიზეზი გულის უკმარისობა გახდა. მას მინიჭებული აქვს საპატიო თბილისელის წოდება. ოთარ რამიშვილს დიდუბის პანთეონში დაკრძალავენ. (1 არხი)
• თბილისობის დღესასწაულთან დაკავშირებით, მხოლოდ თბილისში 7 ოქტომბერი უქმე დღედ გამოცხადდა. ამ თხოვნით თბილისის მერიამ საქართველოს პრეზიდენტის ადმინისტრაციას რამდენიმე დღის წინ მიმართა. ადმინისტრაციამ დედაქალაქის მერიის თხოვნა დააკმაყოფილა და 7 ოქტომბერი ერთჯერადად უქმე დღედ გამოაცხადა. შესაბამისი ინფორმაცია განთავსებულია საქართველოს პრეზიდენტის ოფიციალურ საიტზე და მიხეილ სააკაშვილის პირად გვერდზე Facebook-ში. (1 არხი)
• ლიტერატურის დარგში ნობელის პრემია მიენიჭა შვედ პოეტს, ტომას ტრანსტრომერს (რადიო თავისუფლება).

• კონცერტები, ხელნაკეთი ნივთებისა და აქსესუარების გამოფენები, ხილისა და ღვინის ფესტივალი, ტრადიციული ტივით სეირნობა და გრანდიოზულ საწნახელში ყურძნის დაწურვა – თბილისობა 2011 დაიწყო. დღესასწაულის მთავარ მოვლენებს ძველი თბილისი, რიყის პარკი, აბანოთუბანი, მეიდანი და ევროპის მოედანი უმასპინძლებს. წლევანდელი თბილისობის დღესასწაული სამ დღეს გაგრძელდება. (1 არხი)

• მუსიკოსი, თბილისის კონსერვატორიის კათედრის გამგე ვაჟა ჩაჩავა გარდაიცვალა. საქართველოს სახალხო არტისტი ლა-სკალას, ლიცეოს, ჰამბურგის, დრეზდენის ოპერის თეატრებში მოღვაწეობდა. იყო ვერდის მეგობართა საზოგადოების საპატიო წევრი. წლების განმავლობაში იგი პედაგოგიურ მოღვაწეობას ეწეოდა თბილისის კონსერვატორიაში. ვაჟა ჩაჩავას სამშაბათს დიდუბის პანთეონში დაკრძალავენ. (1 არხი)
• ანომალიური სიცხე ევროპაში მოულოდნელმა თოვლმა შეცვალა. ერთ ღამეში ჰაერის ტემპერატურა ავსტრიასა და ხორვატიაში + 30-დან 0 გრადუსამდე დაეცა. ხორვატიაში მეხის ჩამოვარდნის შედეგად ქალაქ ბელოვარში ხანძარი გაუჩნდა მოხუცებულთა თავშესაფარს, დაიღუპა 4 ადამიანი, 11 კი დაშავდა. (1 არხი)

• საპატიო თბილისელის წოდება 16 მოქალაქეს მიენიჭა. ქვემოთ ჩამოთვლილია 2011 წლის თბილისის საპატიო მოქალაქეების სია:

თბილისობის დღესასწაულის ფარგლებში საპატიო მოქალქეების არჩევის ტრადიცია 1978 წლიდან იმართება. (GHN)

• ეკონომიკის დარგში 2011 წლის ნობელის პრემია ამერიკელ მეცნიერებს - ტომას სარჯენტსა და კრისტოფერ სიმსს - მაკროეკონომიკაში ემპირიული მიზეზებისა და ლოდინისთვის მიენიჭათ. GHN

• ევროკავშირმა გააუქმა უკრაინის პრეზიდენტის დაგეგმილი ვიზიტი მას შემდეგ, რაც კიევში პატიმრობა მიუსაჯეს ოპოზიციის ლიდერს, ყოფილ პრემიერ-მინისტრ იულია ტიმოშენკოს (რადიო თავისუფლება).
• ჰამასის ხუთწლიანი ტყვეობიდან გაათავისუფლეს ისრაელის არმიის ოფიცერი გილად შალიტი. (lenta.ru)

• აშშ-ის სახლემწიფო მდივანი, ჰილარი კლინტონი, მოულოდნელი ვიზიტით ჩავიდა ტრიპოლიში (რადიო თავისუფლება).

• ლიბიის ყოფილი ლიდერი, მუამარ კადაფი მისი დაკავებისას მიღებული ჭრილობების გამო გარდაიცვალა (GHN).
• სოფლის მეურნეობის მინისტრმა, ბაკურ კვეზერელმა თანამდებობა დატოვა (თავისუფლება).

• საუდის არაბეთის სამეფოს დამფუძნებლის შვილი, პრინცი სულთან ბენ აბდელ-აზიზ ალ-საუდი აშშ-ში გარდაიცვალა (GHN).

• ლიბიის გარდამავალი ეროვნული საბჭოს ლიდერმა მუსტაფა აბდელ ჯალილმა ბენღაზიში გამოაცხადეს, რომ ლიბია განთავისუფლებულია და ქვეყანაში რვა თვის განმავლობაში არჩევნები გაიმართება (რადიო თავისუფლება).

• აზერბაიჯანი ქვეყნის არსებობის ისტორიაში პირველად გაეროს უშიშროების საბჭოს წევრი გახდა არამუდმივმოქმედი წევრის სტატუსით (GHN).

• ყირგიზეთის საპრეზიდენტო არჩევნებში ალმაზბეკ ატამბაევი იმარჯვებს (რადიო თავისუფლება).
• იუნესკომ დღეს დააკმაყოფილა პალესტინელების თხოვნა, ამ ორგანიზაციაში სრულუფლებიან წევრად მიღების შესახებ (რადიო თავისუფლება).
• ყაზახეთის პროკურატურის წარმომადგენელთა განცხადებით, ქალაქ ატარაუში მოხდა ორი აფეთქება, რომელთაგან ერთი, სავარაუდოდ, მოაწყო თვითმკვლელმა თავდამსხმელმა (რადიო თავისუფლება).