ჰამასი
ჰამასი, აკრონიმი, სრული სახელი - „ჰარაკატ ალ-მუქავამაჰ ალ-ისლამიიაჰ-ისა“ (არაბ. حركة المقاومة الاسلامية), პირდაპირი თარგმანი: „ისლამური წინააღმდეგობის მოძრაობა“ — პალესტინის სუნიტური-ისლამისტური ფუნდამენტალური მოძრაობა,[1][2] რომელიც მჭიდრო კავშირშია მუსლიმთა საძმოსთან. მისი მიზანია პალესტინის განთავისუფლება ისრაელის ოკუპაციისგან და დასავლეთ სანაპიროზე ისლამური რესპუბლიკის შექმნა.[3][4]
ჰამასი ტერორისტულ ორგანიზაციადაა მიჩნეული ევროკავშირის, კანადის, აშშ-სა და ისრაელის მიერ და მისი თავდასხმები ისრაელის მოქალაქეებზე და სხვა ადამიანის უფლებათა დარღვევის ფაქტები დაგმობილ იქნა გაეროს ადამიანის უფლებათა კომისიის, საერთაშორისო ამნისტიისა და ჰუმან რაითს ვოჩის მიერ. ეს ორგანიზაცია განსაკუთრებით პოპულარულია პალესტინელთა შორის ღაზის სექტორში, თუმცა მას საკმაოდ ბევრი მიმდევარი ჰყავს დასავლეთ სანაპიროზეც და სხვა ქვეყნების პალესტინის დიასპორაში, ისრაელის ჩათვლით. ამ მოძრაობის პოპულარობა განპირობებულია მის მიერ პალესტინის ღატაკთათვის შემწეობისა და სოციალური უზრუნველყოფის გაწევით და, ნაწილობრივ, შეიარაღებული მოქმედებებით. არაბული სამყაროს გარეთ ჰამასი ცნობილია თვითმკვლელი ამფეთქებლებით ისრაელის მჭიდროდ დასახლებულ ურბანულ რეგიონებში. ორგანიზაცია, როგორც წესი, ამგვარ თვითმკვლელების ოჯახებს უხვ კომპენსაციას უხდის.
2008 წლის 26 აგვისტოს ჰამასის სპიკერი მიესალმა რუსეთის მიერ აფხაზეთისა და ე.წ. სამხრეთ ოსეთის დამოუკიდებლობის გამოცხადებას.[5][6][7]
ორგანიზაციის მიზანია გააერთიანოს პალესტინა ისლამური სახელმწიფოს ქვეშ, რომელიც სრულიად მოუღებს ბოლოს ისრაელს. (ისრაელის სახლემწიფოს მიერ მიჩნეულია საბაბად იმისა, რათა ამ ორგანიზაციის ლიდერები განადგურებულ იქნან.) ჰამასის ლიდერების განადგურების მცდელობები გატარებულ იქნა ისრაელის საჰაერო ძალების მიერ მის მიერ ოკუპირებულ ტერიტორიებზე, ასევე სხვა მეთოდებითაც, მათ შორის ავტომანქანათა აფეთქებით, ცეცხლსასროლი იარაღით, მომწამვლელი ინიექციებით მოსადის აგენტების მიერ ისრაელსა და ოკუპირებულ ტერიტორიებს გარეთ.
რესურსები ინტერნეტში
ლიტერატურა
- Mishal, Shaul (2006). The Palestinian Hamas: Vision, Violence, and Coexistence. New York: Columbia University Press. ISBN 978-0231140072.
- Mueller, Sebastian (June 6, 2006). Hawala. An Informal Payment System and Its Use to Finance Terrorism, 1, Saarbrücken, Germany: VDM Publishing, გვ. 84. ISBN 978-3-86550-656-6. ციტირების თარიღი: იანვარი 4, 2017. დაარქივებული June 7, 2011[Date mismatch], საიტზე Wayback Machine.Category:Webarchive-ის თარგის შეტყობინებები
- Roy, Sara (2011). Hamas and Civil Society in Gaza: Engaging the Islamist Social Sector. Princeton, NJ: Princeton University Press. ISBN 978-0-691-12448-3.
- Yousef, Mosab Hassan (March 3, 2010). Son of Hamas. Carol Stream, Illinois: Tyndale House, გვ. 288. ISBN 978-1-4143-3307-6. ციტირების თარიღი: იანვარი 4, 2017. დაარქივებული June 7, 2011[Date mismatch], საიტზე Wayback Machine.Category:Webarchive-ის თარგის შეტყობინებები