ქარამანი
ქარამანი (თურქ. Karaman) — ქარამანის პროვინციის ადმინისტრაციული ცენტრი. მდებარეობს ცენტრალურ ანატოლიაში, სამხრეთ თურქეთში. მისი ფართობი შეადგენს 3,685.73 კმ²-ს. ქარამანში, 2012 წლის მონაცემებით, მოსახლეობის რიცხვი აღწევს 132,064 ადამიანს.[1]
| ქალაქი | |
|---|---|
| ქარამანი Karaman | |
 | |
| ქვეყანა |  თურქეთი |
| კოორდინატები | 37°10′55″ ჩ. გ. 33°13′05″ ა. გ. / 37.18194° ჩ. გ. 33.21806° ა. გ. |
| ქალაქის მერი | ერდემ სილაი |
| ფართობი | 3,685.73 კმ² |
| ცენტრის სიმაღლე | 1039 მეტრი |
| მოსახლეობა | 132,064 კაცი (2012) |
| სასაათო სარტყელი | UTC+2, ზაფხულში UTC+3 |
| სატელეფონო კოდი | 045 |
| საფოსტო ინდექსი | 72x xx |
| ოფიციალური საიტი | karaman.gen.tr |
  | |
ისტორია
ძველად ქარამანი ცნობილი იყო როგორც ლარანდა (ბერძ. Λάρανδα) — VI საუკუნეში გადავიდა აქემენიანთა იმპერიის მმართველობაში, შემდეგ ეკუთვნოდა ბიზანტიის იმპერიასაც. XII საუკუნეში იგი დაიპყრეს თურქ-სეულჩუკებმა. თურქეთის ბეგ ქარამანოღლუს პატივსაცემად ეწოდა ქარამანს ეს სახელი. 1299 წელს, მაშინ, როდესაც პირველად ჩამოყალიბდა ოსმალეთის სასულთნო, ქარამანი მის შემადგენლობაში არ იმყოფებოდა, მაგრამ იგი ოსმალებმა მალევე დაიპყრეს. 1483 წელს, ოსმალეთის იმპერიის სულთანმა, ბაიაზიდ II-მ, იგი შეიყვანა კონიის პროვინციის შემადგენლობაში. შემდეგში შეიქმნა ცალკე პროვინცია — ქარამანის პროვინცია, რომლის ადმინისტრაციული ცენტრი გახდა ქალაქი ქარამანი. ოსმალეთის დაშლის მიუხედავად, ქარამანი თურქეთის რესპუბლიკაში დარჩა.[2]