შროშანი

შროშანი (ლათ. Lilium) — მრავალწლოვანი ბოლქვიანი ერთლებნიანი ბალახოვანი მცენარეების გვარი შროშანისებრთა ოჯახისა.

შროშანი
შროშანი
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ერთლებნიანები რიგი:  შროშანისნაირნი ოჯახი:  შროშანისებრნი გვარი:  შროშანი
ლათინური სახელი
Lilium (L., 1753)
სისტემატიკა ვიკისახეობებში სურათები ვიკისაწყობში ITIS   42722 NCBI   4688 EOL   32531 GRIN   g:6829 IPNI   24448-1

90-ზე მეტი სახეობა გავრცელებულია ჩრდილოეთ ნახევარსფეროს ზომიერ სარტყელში. აქედან საქართველოში 8 სახეობა იზრდება, უმეტესობა კავკასიის ენდემია (ლათ. Lilium caucasicum, ლათ. Lilium georgicum, ლათ. Lilium kesselringianum და სხვანი).

დეკორატიული მიზნით აშენებენ ბაღებში, პარკებში. დიდი თეთრი, ყვითელი ან მონარინჯისფრო ყვავილები აქვთ, ბოლქვზე ერთმანეთზე კრამიტივით მიწყობილი ქერქლები.

იზრდება მინდვრებზე, ტყისპირებზე, სუბალპურ მდელოებზე, მაღალ ბალახეულობაში. გამოყვანილია შროშანის მრავალი დეკორატიული ჯიში. ვეგეტაციის პირველ წელს მცენარე, ჩვეულებრივ, არ ყვავილობს, მაგრამ იკეთებს მიწაში პატარა ბოლქვს, რომლის ზომა თანდათან იზრდება შემდეგ წლებში. მხოლოდ ბოლქვში მარაგების გარკვეული რაოდენობის მიღწევის შემდეგ მცენარე იწყებს ყვავილობას და მას შემდეგ ყვავილობს ყოველ წელს.