ಪಾಲ್‌ ನ್ಯೂಮನ್
Lua error in package.lua at line 80: module 'Module:Pagetype/setindex' not found.
| Paul Newman | |
|---|---|
 Paul Newman in 2007. | |
| ಹುಟ್ಟು ಹೆಸರು ಹುಟ್ಟಿದ ದಿನ ಹುಟ್ಟಿದ ಸ್ಥಳ | Paul Leonard Newman ೨೬ ಜನವರಿ ೧೯೨೫ , U.S. |
| ನಿಧನ | September 26, 2008 (aged 83) , U.S. |
| ವೃತ್ತಿ | Actor, director, humanitarian, entrepreneur |
| ವರ್ಷಗಳು ಸಕ್ರಿಯ | 1952–2007 |
| ಪತಿ/ಪತ್ನಿ | Jackie Witte (1949–1958) (divorced) Joanne Woodward (1958–2008) (his death) |
ಪಾಲ್‌ ಲಿಯೋನಾರ್ಡ್‌ ನ್ಯೂಮನ್ (1925ರ ಜನವರಿ 26 – 2008ರ ಸೆಪ್ಟೆಂಬರ್‌ 26),[೧][೨][೩] ಅಮೆರಿಕಾದ ಓರ್ವ ನಟ, ಚಲನಚಿತ್ರ ನಿರ್ದೇಶಕ, ಉದ್ಯಮಿ, ಮಾನವ ಹಿತಕಾರಿ, ಹಾಗೂ ವಾಹನಗಳ ಓಟದ ಪಂದ್ಯದ ಉತ್ಸಾಹಿ ಇವೆಲ್ಲವೂ ಆಗಿದ್ದ. 1986ರಲ್ಲಿ ಬಂದ ಮಾರ್ಟಿನ್‌ ಸ್ಕೊರ್ಸೆಸಿಯ ದಿ ಕಲರ್‌ ಆಫ್ ಮನಿ ಎಂಬ ಚಲನಚಿತ್ರದಲ್ಲಿನ ತನ್ನ ಪಾತ್ರನಿರ್ವಹಣೆಗಾಗಿ ದೊರೆತ ಒಂದು ಅಕಾಡೆಮಿ ಪ್ರಶಸ್ತಿಯೂ ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ಅವನು ಗೆದ್ದುಕೊಂಡ; ಇತರ ಎಂಟು ನಾಮನಿರ್ದೇಶನಗಳು,[೪] ಮೂರು ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗಳು, ಒಂದು BAFTA ಪ್ರಶಸ್ತಿ, ಒಂದು ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್‌ ಪ್ರಶಸ್ತಿ, ಒಂದು ಕ್ಯಾನೆಸ್‌ ಚಿತ್ರೋತ್ಸವ ಪ್ರಶಸ್ತಿ, ಒಂದು ಎಮಿ ಪ್ರಶಸ್ತಿ, ಹಾಗೂ ಅನೇಕ ಗೌರವಾರ್ಥ ಪ್ರಶಸ್ತಿಗಳು ಅವನ ತೆಕ್ಕೆಯಲ್ಲಿ ಸೇರಿಕೊಂಡಿವೆ. ಸ್ಪೋರ್ಟ್ಸ್‌ ಕಾರ್‌ ಕ್ಲಬ್‌ ಆಫ್ ಅಮೆರಿಕಾದ ರಸ್ತೆ ಓಟದ ಪಂದ್ಯದಲ್ಲಿ ಆತ ಹಲವಾರು ರಾಷ್ಟ್ರೀಯ ಚಾಂಪಿಯನ್‌ಗಿರಿಗಳನ್ನೂ ಗೆದ್ದುಕೊಂಡ, ಮತ್ತು ಅವನ ಓಟದ ಪಂದ್ಯದ ತಂಡಗಳು ಮುಕ್ತ ಚಕ್ರದ ಇಂಡಿಕಾರ್‌ ಓಟದ ಪಂದ್ಯದಲ್ಲಿ ಹಲವಾರು ಚಾಂಪಿಯನ್‌ಗಿರಿಗಳನ್ನು ಗೆದ್ದುಕೊಂಡವು.
ನ್ಯೂಮನ್'ಸ್‌ ಓನ್‌ ಎಂಬ ಆಹಾರ ಕಂಪನಿಯ ಓರ್ವ ಸಹ-ಸಂಸ್ಥಾಪಕನಾಗಿಯೂ ನ್ಯೂಮನ್ ತೊಡಗಿಸಿಕೊಂಡಿದ್ದ; ಈ ಕಂಪನಿಯ ನೆರವಿನಿಂದಲೇ ತೆರಿಗೆ ನಂತರದ ಎಲ್ಲಾ ಲಾಭಗಳನ್ನು ಹಾಗೂ ರಾಯಧನಗಳನ್ನು ಅನಾಥಾಶ್ರಮಕ್ಕೆ ನ್ಯೂಮನ್ ದೇಣಿಗೆಯಾಗಿ ನೀಡುತ್ತಿದ್ದ.[೫] 2008ರ ಅಕ್ಟೋಬರ್‌ ವೇಳೆಗೆ ಇದ್ದಂತೆ, ಈ ದಾನಗಳ ಮೊತ್ತವು 280 ದಶಲಕ್ಷ US $ನಷ್ಟು ಪ್ರಮಾಣವನ್ನು ಮೀರಿಸಿದ್ದವು.[೫]
ಆರಂಭಿಕ ಬದುಕು
ಓಹಿಯೋದ ಶೇಕರ್‌ ಹೈಟ್ಸ್‌ (ಕ್ಲೀವ್‌ಲ್ಯಾಂಡ್‌‌‌‌‌ನ ಒಂದು ಉಪನಗರ) ಎಂಬಲ್ಲಿ, ಥೆರೆಸಾ (ಜನ್ಮನಾಮ ಫೆಟ್ಜರ್‌ ಅಥವಾ ಫೆಟ್ಸ್ಕೊ; ಸ್ಲೋವಾಕ್:Terézia Fecková)[೬][೭] ಮತ್ತು ಅರ್ಥರ್‌ ಸ್ಯಾಮ್ಯುಯೆಲ್‌ ನ್ಯೂಮನ್ ದಂಪತಿಗಳ ಮಗನಾಗಿ ನ್ಯೂಮನ್ ಜನಿಸಿದ. ಅರ್ಥರ್‌ ಸ್ಯಾಮ್ಯುಯೆಲ್‌ ನ್ಯೂಮನ್ ಕ್ರೀಡೆಗೆ ಸಂಬಂಧಿಸಿದ ಸರಕುಗಳ ಒಂದು ಲಾಭದಾಯಕ ಅಂಗಡಿಯನ್ನು ನಡೆಸುತ್ತಿದ್ದ.[೮][೯] ನ್ಯೂಮನ್‌ನ ಅಪ್ಪ ಯೆಹೂದಿಯಾಗಿದ್ದ;ಪೋಲೆಂಡ್‌ ಹಾಗೂ ಹಂಗರಿಯಿಂದ ವಲಸೆ ಬಂದಿದ್ದ ವಲಸೆಗಾರು ಅವನ ತಂದೆ-ತಾಯಿಗಳಾಗಿದ್ದರು. ಕ್ರಿಶ್ಚಿಯನ್‌ ವಿಜ್ಞಾನವನ್ನು ಆಚರಿಸುತ್ತಿದ್ದ ನ್ಯೂಮನ್‌ನ ತಾಯಿಯು ಒಂದು ಸ್ಲೊವಾಕ್‌ ರೋಮನ್‌ ಕ್ಯಾಥಲಿಕ್‌ ಕುಟುಂಬದಲ್ಲಿ ಜನಿಸಿದ್ದಳು. ಹಿಂದಿನ ಆಸ್ಟ್ರಿಯಾ–ಹಂಗರಿಯಲ್ಲಿದ್ದ (ಈಗ ಸ್ಲೊವಾಕಿಯಾದಲ್ಲಿರುವ) ಟೈಸೀ (ಹಿಂದೆ ಟೈಸ್ಸೈ ಎಂದು ಕರೆಯಲಾಗುತ್ತಿತ್ತು) ಎಂಬಲ್ಲಿ ಈ ರೋಮನ್‌ ಕ್ಯಾಥಲಿಕ್‌ ಕುಟುಂಬವಿತ್ತು.[೭][೧೦][೧೧][೧೨] ಓರ್ವ ವಯಸ್ಕನಾಗಿದ್ದಾಗ ನ್ಯೂಮನ್ ಯಾವುದೇ ಧರ್ಮವನ್ನು ಅನುಸರಿಸುತ್ತಿರಲಿಲ್ಲ, ಆದರೆ ತನ್ನನ್ನು "ಓರ್ವ ಯೆಹೂದಿ" ಎಂದು ವಿವರಿಸಿಕೊಳ್ಳುತ್ತಿದ್ದ ಆತ "ಇದು ಒಂದು ಹೆಚ್ಚಿನ ಸವಾಲನ್ನು ಒಳಗೊಂಡಿರುವಂಥದ್ದು" ಎಂದೇ ಈ ಕುರಿತು ಹೇಳಿಕೊಳ್ಳುತ್ತಿದ್ದ.[೧೩] ಪಾಲ್‌ ಮತ್ತು ಅವನ ಸೋದರ ಅರ್ಥರ್‌ನನ್ನು ಬೆಳೆಸುವಾಗ ನ್ಯೂಮನ್‌ನ ತಾಯಿ ಅವನ ಅಪ್ಪನ ಅಂಗಡಿಯಲ್ಲೇ ಕೆಲಸ ಮಾಡುತ್ತಿದ್ದಳು. ಪಾಲ್‌ನ ಸೋದರ ಅರ್ಥರ್‌ ಮುಂದೆ ಓರ್ವ ನಿರ್ಮಾಪಕ ಹಾಗೂ ನಿರ್ಮಾಣ ವ್ಯವಸ್ಥಾಪಕ ಎನಿಸಿಕೊಂಡ.[೧೪]
ನ್ಯೂಮನ್ ಸಾಕಷ್ಟು ಮುಂಚಿತವಾಗಿಯೇ ರಂಗಭೂಮಿಯಲ್ಲಿ ಆಸಕ್ತಿ ತಳೆದಿದ್ದ; ಇದಕ್ಕೆ ಅವನ ತಾಯಿ ಪ್ರೋತ್ಸಾಹ ನೀಡಿದಳು. ಏಳು ವರ್ಷ ವಯಸ್ಸಿನವನಾಗಿದ್ದಾಗ, ರಾಬಿನ್‌ ಹುಡ್‌ ಎಂಬ ಒಂದು ಶಾಲಾ ನಿರ್ಮಾಣದಲ್ಲಿ ಆಸ್ಥಾನ ವಿದೂಷಕನ ಪಾತ್ರವನ್ನು ವಹಿಸುವ ಮೂಲಕ ಆತ ನಟನೆಗೆ ಸಂಬಂಧಿಸಿದ ತನ್ನ ಪ್ರಥಮ ಪ್ರವೇಶವನ್ನು ಮಾಡಿದ. 1943ರಲ್ಲಿ ಶೇಕರ್‌ ಹೈಟ್ಸ್‌ ಹೈಸ್ಕೂಲ್‌‌‌ನಲ್ಲಿ ಪ್ರೌಢಶಿಕ್ಷಣವನ್ನು ಮುಗಿಸಿದ ಅವನು, ಓಹಿಯೋದ ಅಥೆನ್ಸ್‌‌‌ನಲ್ಲಿನ ಓಹಿಯೋ ವಿಶ್ವವಿದ್ಯಾಲಯದಲ್ಲಿ ಸಂಕ್ಷಿಪ್ತವಾಗಿ ಶಿಕ್ಷಣದಲ್ಲಿ ತೊಡಗಿಸಿಕೊಂಡ; ಇಲ್ಲಿರುವಾಗಲೇ ಫೈ ಕಪ್ಪಾ ಟೌ ಎಂಬ ಬಳಗಕ್ಕೆ ಆತನಿಗೆ ಪ್ರವೇಶ ಸಿಕ್ಕಿತು.[೧೪]
ಸೇನಾ ಸೇವೆ
IIನೇ ಜಾಗತಿಕ ಸಮರದ ಅವಧಿಯಲ್ಲಿ ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ನೌಕಾಪಡೆಯಲ್ಲಿನ ಪೆಸಿಫಿಕ್ ರಂಗಭೂಮಿಯಲ್ಲಿ ನ್ಯೂಮನ್ ಸೇವೆ ಸಲ್ಲಿಸಿದ.[೧೪] ಅ ವಿಮಾನ ಚಾಲಕ ತರಬೇತಿಗೆ ಸಂಬಂಧಿಸಿದಂತೆ ಪರಿಗಣಿಸಲ್ಪಡಬಹುದು ಎಂಬ ಭರವಸೆಯೊಂದಿಗೆ, ಓಹಿಯೋ ವಿಶ್ವವಿದ್ಯಾಲಯದಲ್ಲಿರುವ ನೇವಿ V-12 ಕಾರ್ಯಸೂಚಿಯಲ್ಲಿ ನ್ಯೂಮನ್ ನೋಂದಾಯಿಸಿಕೊಂಡ; ಆದರೆ, ಅವನು ವರ್ಣಾಂಧತೆಯ ಸಮಸ್ಯೆಯನ್ನು ಹೊಂದಿದ್ದಾನೆ ಎಂಬುದು ಪತ್ತೆಯಾಗುತ್ತಿದ್ದಂತೆ ಅವನನ್ನು ಕೈಬಿಡಲಾಯಿತು.[೧೪][೧೫] ಅದರ ಬದಲಿಗೆ ಅವನನ್ನು ತಳಹದಿ ಶಿಕ್ಷಣಕ್ಕೆ ದಾಖಲು ಮಾಡಲಾಯಿತು ಮತ್ತು ಆತ ನಂತರದಲ್ಲಿ ಓರ್ವ ರೇಡಿಯೋ ಸಂವಹನ ಸಿಬ್ಬಂದಿ ಹಾಗೂ ವಿಮಾನ ಕೋವಿಗಾರನಾಗಿ ಹೆಚ್ಚಿನ ತರಬೇತಿಯನ್ನು ಪಡೆದುಕೊಂಡ. ನೌಕಾಸ್ಫೋಟಕ ಬಾಂಬ್‌ದಾಳಿಯ ವಿಮಾನಗಳಲ್ಲಿನ ಓರ್ವ ಹಿಂಭಾಗದ-ಆಸನದ ರೇಡಿಯೋ ಸಂವಹನ ಸಿಬ್ಬಂದಿ ಹಾಗೂ ವಿಮಾನ ಕೋವಿಗಾರನಾಗಿ ಅರ್ಹತೆಯನ್ನು ಪಡೆದ ನಂತರ, 1944ರಲ್ಲಿ ಯುದ್ಧವಿಮಾನದ ರೇಡಿಯೋ ಸಂವಹನ ಸಿಬ್ಬಂದಿಯಾಗಿ ಮೂರನೇ ದರ್ಜೆಯನ್ನು ಪಡೆದ ನ್ಯೂಮನ್‌ನನ್ನು ಹವಾಯಿಯ ಬಾರ್ಬರ್‌'ಸ್‌ ಪಾಯಿಂಟ್‌ಗೆ ಕಳಿಸಲಾಯಿತು. ಪೆಸಿಫಿಕ್-ಮೂಲದ ಬದಲಿ ನೌಕಾಸ್ಫೋಟಕ ವಿಮಾನದಳಗಳಿಗೆ (VT-98, VT-99, and VT-100) ಅವನನ್ನು ತರುವಾಯದಲ್ಲಿ ನಿಯೋಜಿಸಲಾಯಿತು. ವಾಹಕ ನೌಕೆಯ ಇಳಿಯುವಿಕೆಗಳ ಮೇಲೆ ನಿರ್ದಿಷ್ಟ ಪ್ರಾಮುಖ್ಯತೆಯನ್ನು ಇಡುವುದರ ಮೂಲಕ, ವಿಮಾನ ಚಾಲಕರಿಗೆ ಹಾಗೂ ಯುದ್ಧದ ವಿಮಾನದ ಚಾಲಕ ತಂಡದವರಿಗೆ ಬದಲಿ ಬಳಸುವಿಕೆಯ ತರಬೇತಿಯನ್ನು ನೀಡುವುದರ ಜವಾಬ್ದಾರಿಯನ್ನು ಈ ನೌಕಾಸ್ಫೋಟಕ ವಿಮಾನದಳಗಳು ಪ್ರಧಾನವಾಗಿ ಹೊತ್ತಿದ್ದವು.[೧೫]
ನಂತರದಲ್ಲಿ ಅವನು ವಿಮಾನವಾಹಕ ನೌಕೆಗಳಿಂದ ಓರ್ವ ತಿರುಗು ಗೋಪುರದ ವಿಮಾನ ಕೋವಿಗಾರನಾಗಿ ಒಂದು ಮುಯ್ಯಿಗಾರ ನೌಕಾಸ್ಫೋಟಕ ಬಾಂಬ್‌ದಾಳಿಯ ವಿಮಾನದಲ್ಲಿ ಹಾರಿದ. 1945ರ ವಸಂತ ಋತುವಿನಲ್ಲಿ ನಡೆದ ಒಕಿನಾವಾದ ಕದನದ ಅವಧಿಯಲ್ಲಿ ಓರ್ವ ರೇಡಿಯೋ ಸಂವಹನ ಸಿಬ್ಬಂದಿ-ವಿಮಾನ ಕೋವಿಗಾರನಾಗಿ USS ಬಂಕರ್‌ ಹಿಲ್‌ ಒಳಗೆ ಸೇವೆ ಅವನು ಸಲ್ಲಿಸಿದ. ಒಕಿನಾವಾದ ಸೈನಿಕ ಕಾರ್ಯಾಚರಣೆಗೆ ಸ್ವಲ್ಪವೇ ಮುಂಚಿತವಾಗಿ, ಬದಲಿಗಳ ಒಂದು ಪಡೆಯೊಂದಿಗಿನ ಹಡಗಿಗೆ ಹೋಗುವಂತೆ ಅವನಿಗೆ ಆದೇಶಿಸಲಾಯಿತು, ಆದರೆ ಯುದ್ಧದ ಒಂದು ಆಕಸ್ಮಿಕ ಘಟನೆಯಿಂದಾಗಿ ಅವನನ್ನು ತಡೆಹಿಡಿಯಲಾಯಿತು; ಏಕೆಂದರೆ ಅವನ ವಿಮಾನ ಚಾಲಕ ಕಿವಿ ಸೋಂಕಿನಿಂದ ಬಳಲುತ್ತಿದ್ದ. ಅವನ ವಿಶೇಷದಳದ ಉಳಿದವರೆಲ್ಲರೂ ಸತ್ತರು.[೧೬]
ಯುದ್ಧದ ನಂತರ ಅವನು ತನ್ನ ಪದವಿ ಶಿಕ್ಷಣಕ್ಕಾಗಿ [clarification needed] ಓಹಿಯೋದ ಗೇಂಬಿಯರ್‌‌ನಲ್ಲಿನ ಕೆನ್ಯನ್‌ ಕಾಲೇಜ್‌ ಸೇರಿಕೊಂಡು 1949ರಲ್ಲಿ ಪದವಿಯನ್ನು ಪಡೆದ.[೧೪] ನಂತರ ಯೇಲ್‌ ವಿಶ್ವವಿದ್ಯಾಲಯವನ್ನು ಸೇರಿಕೊಂಡು ರಂಗಕಲೆಯನ್ನು ಅಧ್ಯಯನ ಮಾಡಿದ ನ್ಯೂಮನ್ 1954ರಲ್ಲಿ ಅಲ್ಲಿ ಪದವಿಯನ್ನು ಪಡೆದ, ಮತ್ತು ನಂತರದಲ್ಲಿ ನ್ಯೂಯಾರ್ಕ್‌ ನಗರದಲ್ಲಿನ ಅಕ್ಟರ್‌'ಸ್‌ ಸ್ಟುಡಿಯೋದಲ್ಲಿ ಲೀ ಸ್ಟ್ರಾಸ್‌ಬರ್ಗ್‌ ಅಡಿಯಲ್ಲಿ ಅಧ್ಯಯನವನ್ನು ಮುಂದುವರಿಸಿದ.[೧೪]
ಆಸ್ಕರ್‌ ಲೆವಂಟ್ ಬರೆದು ದಾಖಲಿಸಿರುವ ಪ್ರಕಾರ, ಹಾಲಿವುಡ್‌ಗೆ ತೆರಳುವುದಕ್ಕೋಸ್ಕರ ನ್ಯೂಯಾರ್ಕ್‌ನ್ನು ಬಿಡಲು ನ್ಯೂಮನ್‌ಗೆ ಆರಂಭದಲ್ಲಿ ಅರೆ-ಮನಸ್ಸಿತ್ತು: "ಅದು ಅತ್ಯಂತ ಪ್ರಿಯವಾದ ಕೆಲಸಕ್ಕೆ ತೀರಾ ನಿಕಟವಾಗಿದ್ದರೂ, ಅಧ್ಯಯನಕ್ಕೆ ಅಲ್ಲಿ ಸ್ಥಳವಿಲ್ಲ" ಎಂಬುದಾಗಿ ನ್ಯೂಮನ್ ಹೇಳುತ್ತಿದ್ದುದನ್ನು ಲೆವಂಟ್ ಉಲ್ಲೇಖಿಸಿದ್ದಾನೆ.[೧೭]
ವೃತ್ತಿಜೀವನ
ಆರಂಭಿಕ ಕಾರ್ಯ
ವಿಲಿಯಂ ಇಂಜ್‌ ಎಂಬಾತನ ಪಿಕ್‌ನಿಕ್‌ ಎಂಬ ಕೃತಿಯ ಮೂಲ ನಿರ್ಮಾಣದಲ್ಲಿ ಕಿಮ್‌ ಸ್ಟಾನ್ಲೆ ಜೊತೆಯಲ್ಲಿ ತೊಡಗಿಸಿಕೊಳ್ಳುವುದರೊಂದಿಗೆ, ನ್ಯೂಮನ್ ಬ್ರಾಡ್‌ವೇ ರಂಗಭೂಮಿಯಲ್ಲಿ ತನ್ನ ಪ್ರಥಮ ಪರಿಚಯವನ್ನು ಮಾಡಿಕೊಂಡ. ನಂತರದಲ್ಲಿ ಆತ ಜೆರಾಲ್ಡೀನ್‌ ಪೇಜ್‌ ಜೊತೆಯಲ್ಲಿ ಸೇರಿಕೊಂಡು ದಿ ಡೆಸ್ಪರೇಟ್‌ ಅವರ್ಸ್‌ ಹಾಗೂ ಸ್ವೀಟ್‌ ಬರ್ಡ್‌ ಆಫ್ ಯೂತ್‌ ಎಂಬ ಬ್ರಾಡ್‌ವೇಯ ಮೂಲ ನಿರ್ಮಾಣಗಳಲ್ಲಿ ಕಾಣಿಸಿಕೊಂಡ. ನಂತರದಲ್ಲಿ ಆತ ಸ್ವೀಟ್‌ ಬರ್ಡ್‌ ಆಫ್ ಯೂತ್‌ ನ ಚಲನಚಿತ್ರ ರೂಪಾಂತರದಲ್ಲೂ ನಟಿಸಿದ; ಇದರಲ್ಲಿ ಪೇಜ್‌ ಸಹ ಕಾಣಿಸಿಕೊಂಡಳು.
ಹಾಲಿವುಡ್‌ಗೆ ಸಂಬಂಧಿಸಿದಂತೆ ದಿ ಸಿಲ್ವರ್ ಚಾಲೈಸ್‌ (1954) ಅವನ ಮೊದಲ ಚಲನಚಿತ್ರವಾಗಿತ್ತು; ಇದಾದ ನಂತರ ಬಂದ ಚಿತ್ರಗಳಾದ, ಸಮ್‌ಬಡಿ ಅಪ್‌ ದೇರ್‌ ಲೈಕ್ಸ್‌ ಮಿ (1956) ಚಿತ್ರದಲ್ಲಿ ಆತ ಮುಷ್ಟಿಯುದ್ಧ ಪಟು ರಾಕಿ ಗ್ರೇಜಿಯಾನೊ ಪಾತ್ರದಲ್ಲಿ ಕಾಣಿಸಿಕೊಂಡ; ಕ್ಯಾಟ್‌ ಆನ್‌ ಎ ಹಾಟ್‌ ಟಿನ್‌ ರೂಫ್‌ (1958) ಚಿತ್ರದಲ್ಲಿ ಎಲಿಜಬೆತ್‌ ಟೇಲರ್‌ ಎದುರು ನಟಿಸಿದ; ಮತ್ತು ಬಾರ್ಬರಾ ರಷ್‌ ಹಾಗೂ ರಾಬರ್ಟ್‌ ವೌಘನ್‌ ಜೊತೆಯಲ್ಲಿ ದಿ ಯಂಗ್‌ ಫಿಲಡೆಲ್ಫಿಯನ್ಸ್‌ ಚಿತ್ರದಲ್ಲಿ ನಟಿಸಿದ. ಈ ಎಲ್ಲದರಲ್ಲೂ ಅವನು ನಿರ್ವಹಿಸಿದ ಪಾತ್ರಗಳು ಮೆಚ್ಚುಗೆಯನ್ನು ಪಡೆದವು. ಆದಾಗ್ಯೂ, ಮೇಲೆ ನಮೂದಿಸಿದ ಎಲ್ಲಾ ಚಿತ್ರಗಳಿಗಿಂತಲೂ ಮುಂಚಿತವಾಗಿ ಒಂದು ಚಿಕ್ಕದಾದ ಆದರೆ ಗಮನಾರ್ಹವಾದ ಪಾತ್ರವು, ಟೇಲ್ಸ್‌ ಆಫ್ ಟುಮಾರೊ ವೈಜ್ಞಾನಿಕ ಕಾದಂಬರಿ TV ಸರಣಿಯ 1952ರ ಆಗಸ್ಟ್‌‌ರಂದು ಪ್ರಸಾರವಾದ "ಐಸ್‌ ಫ್ರಮ್‌ ಸ್ಪೇಸ್‌"[೧೮] ಎಂಬ ಶೀರ್ಷಿಕೆಯನ್ನುಳ್ಳ ಸಂಚಿಕೆಯಲ್ಲಿ ಅವನಿಗೆ ದಕ್ಕಿತು. ಇದರಲ್ಲಿ ಆತ ಸಾರ್ಜೆಂಟ್‌ ವಿಲ್ಸನ್ ಪಾತ್ರವನ್ನು ಆತ ವಹಿಸಿದ; ಇದು TV ಅಥವಾ ಚಲನಚಿತ್ರದಲ್ಲಿನ ಅವನ ಮೊದಲ ಕಾಣಿಸಿಕೊಳ್ಳುವಿಕೆ ಎನಿಸಿಕೊಂಡಿತು.
1954ರ ಫೆಬ್ರುವರಿಯಲ್ಲಿ, ಜೋನ್‌ ಮಿಲಿ ಎಂಬಾತನಿಂದ ನಿರ್ದೇಶಿಸಲ್ಪಡಬೇಕಿದ್ದ ಈಸ್ಟ್‌ ಆಫ್ ಈಡನ್‌ (1955) ಎಂಬ ಚಲನಚಿತ್ರಕ್ಕಾಗಿ ಜೇಮ್ಸ್‌ ಡೀನ್‌ಜೊತೆಯಲ್ಲಿ ಒಂದು ಪರದೆ ಪರೀಕ್ಷೆಯಲ್ಲಿ (ಸ್ಕ್ರೀನ್‌ ಟೆಸ್ಟ್‌) ನ್ಯೂಮನ್ ಕಾಣಿಸಿಕೊಂಡ. ಆರನ್‌ ಟ್ರಾಸ್ಕ್‌ ಎಂಬ ಪಾತ್ರಕ್ಕಾಗಿ ನ್ಯೂಮನ್‌ನ ಪರೀಕ್ಷೆ ನಡೆದರೆ, ಆರನ್‌ನ ಸೋದರಿಕೆಯ ಅವಳಿ ಸೋದರನಾದ ಕ್ಯಾಲ್‌ ಪಾತ್ರಕ್ಕಾಗಿ ಡೀನ್‌ನ ಪರೀಕ್ಷೆ ನಡೆಯಿತು. ಡೀನ್ ತನ್ನ ಭಾಗದ ಪರೀಕ್ಷೆಯಲ್ಲಿ ಗೆದ್ದ, ಆದರೆ ನ್ಯೂಮನ್ ವಿಫಲಗೊಂಡ; ಅವನಿಗೆ ದಕ್ಕಬೇಕಿದ್ದ ಪಾತ್ರ ರಿಚರ್ಡ್‌ ಡವಲೊಸ್‌ ಎಂಬಾತನಿಗೆ ಸಿಕ್ಕಿತು. ಅದೇ ವರ್ಷದಲ್ಲಿ, ಅವರ್‌ ಟೌನ್‌ ಎಂಬ ಹೆಸರಿನ ನೇರಪ್ರಸಾರದ ಹಾಗೂ ಬಣ್ಣದಲ್ಲಿ ಬಂದ ದೂರದರ್ಶನ ಕಾರ್ಯಕ್ರಮದಲ್ಲಿ ಇವಾ ಮೇರಿ ಸೇಂಟ್‌ ಹಾಗೂ ಫ್ರಾಂಕ್‌ ಸಿನಾಟ್ರಾ ಜೊತೆಯಲ್ಲಿ ನ್ಯೂಮನ್ ಸಹ-ಪಾತ್ರಧಾರಿಯಾಗಿ ಕಾಣಿಸಿಕೊಂಡ; ಇದು ಅದೇ ಹೆಸರನ್ನು ಹೊಂದಿದ್ದ ಥಾರ್ನ್‌ಟನ್‌ ವೈಲ್ಡರ್ನ ರಂಗ ನಾಟಕದ ಒಂದು ಸಂಗೀತಮಯ ರೂಪಾಂತರವಾಗಿತ್ತು. ಜೇಮ್ಸ್‌ ಡೀನ್ ಬದಲಿಗೆ ಕೊನೇಕ್ಷಣದಲ್ಲಿ ನ್ಯೂಮನ್‌ನನ್ನು ಈ ಪಾತ್ರಕ್ಕೆ ಸೇರಿಸಲಾಗಿತ್ತು.[೧೯] 2003ರಲ್ಲಿ, ಅವರ್‌ ಟೌನ್‌ ಚಿತ್ರದ ಒಂದು ಮರುನಿರ್ಮಾಣದಲ್ಲಿ ನ್ಯೂಮನ್ ನಟಿಸಿದ; ಇದರಲ್ಲಿ ಅವನದ್ದು ರಂಗಮಂಚದ ವ್ಯವಸ್ಥಾಪಕನ ಪಾತ್ರವಾಗಿತ್ತು.
ಪ್ರಮುಖ ಚಲನಚಿತ್ರಗಳು
1950ರ ದಶಕದ ಚಿತ್ರರಂಗದಿಂದ 1960ರ ದಶಕ ಹಾಗೂ 1970ರ ದಶಕದ ಚಿತ್ರರಂಗಕ್ಕೆ ಹೊಂದಿಕೊಳ್ಳುವಂತೆ ಯಶಸ್ವಿಯಾಗಿ ರೂಪಾಂತರಗೊಂಡ ಕೆಲವೇ ನಟರ ಪೈಕಿ ನ್ಯೂಮನ್ ಒಬ್ಬನಾಗಿದ್ದ. ಅವನ ಬಂಡಾಯಗಾರ ವ್ಯಕ್ತಿತ್ವವು ಒಂದು ತರುವಾಯದ ಪೀಳಿಗೆಯ ವ್ಯಕ್ತಿತ್ವಕ್ಕೆ ಉತ್ತಮವಾದ ರೀತಿಯಲ್ಲಿ ರೂಪಾಂತರಗೊಂಡಿತು. ನ್ಯೂಮನ್ ಪಾತ್ರ ವಹಿಸಿದ ಚಿತ್ರದ ಹೆಸರುಗಳು ಹೀಗಿವೆ: ಎಕ್ಸೋಡಸ್‌ (1960), ದಿ ಹಸ್ಲರ್‌ (1961), ಹುಡ್‌ (1963), ಹಾರ್ಪರ್‌ (1966), ಹೊಂಬ್ರೆ (1967), ಕೂಲ್‌ ಹ್ಯಾಂಡ್‌ ಲ್ಯೂಕ್‌ (1967), ದಿ ಟವರಿಂಗ್‌ ಇನ್‌ಫರ್ನೊ (1974), ಸ್ಲ್ಯಾಪ್‌ ಷಾಟ್‌ (1977), ಮತ್ತು ದಿ ವರ್ಡಿಕ್ಟ್‌ (1982). ಬುಚ್‌ ಕ್ಯಾಸಿಡಿ ಅಂಡ್‌ ದಿ ಸನ್‌ಡಾನ್ಸ್‌ ಕಿಡ್‌ (1969) ಮತ್ತು ದಿ ಸ್ಟಿಂಗ್‌ (1973) ಚಿತ್ರಗಳಿಗಾಗಿ ತನ್ನ ಸಹವರ್ತಿ ನಟ ರಾಬರ್ಟ್‌ ರೆಡ್‌ಫೋರ್ಡ್‌ ಹಾಗೂ ನಿರ್ದೇಶಕ ಜಾರ್ಜ್‌ ರಾಯ್‌ ಹಿಲ್‌ ಜೊತೆಯಲ್ಲಿ ಅವನು ಸೇರಿಕೊಂಡ.
ತನ್ನ ಹೆಂಡತಿ ಜೊವಾನ್ನೆ ವುಡ್‌ವರ್ಡ್‌ ಜೊತೆಯಲ್ಲಿ ಅನೇಕ ದೀರ್ಘವಾದ ಚಲನಚಿತ್ರಗಳಲ್ಲಿ (ಫೀಚರ್‌ ಪಿಲ್ಮ್‌) ಅವನು ಪಾತ್ರವಹಿಸಿದ. ಅವುಗಳೆಂದರೆ: ದಿ ಲಾಂಗ್‌, ಹಾಟ್‌ ಸಮ್ಮರ್‌ (1958), ರ್ಯಾಲಿ 'ರೌಂಡ್‌ ದಿ ಫ್ಲ್ಯಾಗ್‌, ಬಾಯ್ಸ್‌! , (1958), ಫ್ರಂ ದಿ ಟೆರೇಸ್‌ (1960), ಪ್ಯಾರಿಸ್‌ ಬ್ಲೂಸ್‌ (1961), ಎ ನ್ಯೂ ಕೈಂಡ್‌ ಆಫ್ ಲವ್‌ (1963), ವಿನ್ನಿಂಗ್‌ (1969), WUSA (1970), ದಿ ಡ್ರೌನಿಂಗ್‌ ಪೂಲ್‌ (1975), ಹ್ಯಾರಿ & ಸನ್‌ (1984), ಮತ್ತು ಮಿಸ್ಟರ್‌ ಅಂಡ್‌ ಮಿಸ್ಟ್ರೆಸ್‌ ಬ್ರಿಜ್‌ (1990). ಅವರಿಬ್ಬರೂ HBO ಕಿರುಸರಣಿಯಾದ ಎಂಪೈರ್‌ ಫಾಲ್ಸ್‌ ನಲ್ಲಿ ನಟಿಸಿದರೂ ಸಹ, ಅವರಿಬ್ಬರೂ ಒಟ್ಟಿಗೆ ಕಾಣಿಸಿಕೊಂಡ ಯಾವುದೇ ದೃಶ್ಯಗಳು ಅದರಲ್ಲಿರಲಿಲ್ಲ.
ಹ್ಯಾರಿ & ಸನ್‌ ಚಿತ್ರದಲ್ಲಿ ನಟಿಸಿ ಅದನ್ನು ನಿರ್ದೇಶಿಸುವುದರೊಂದಿಗೆ, ನಾಲ್ಕು ದೀರ್ಘವಾದ ಚಲನಚಿತ್ರಗಳನ್ನೂ ಸಹ (ಇದರಲ್ಲಿ ಅವನು ನಟಿಸಲಿಲ್ಲ) ನ್ಯೂಮನ್ ನಿರ್ದೇಶಿಸಿದ; ಇವುಗಳಲ್ಲಿ ವುಡ್‌ವರ್ಡ್‌ ಪಾತ್ರವಹಿಸಿದ್ದ. ಆ ಚಿತ್ರಗಳ ವಿವರಗಳು ಇಂತಿವೆ: ಮೊದಲನೆಯದು ರ್ಯಾಚೆಲ್‌, ರ್ಯಾಚೆಲ್‌ (1968) ಚಿತ್ರ, ಇದು ಮಾರ್ಗರೆಟ್‌ ಲಾರೆನ್ಸ್‌‌‌ನ ಎ ಜೆಸ್ಟ್‌ ಆಫ್ ಗಾಡ್‌ ಕೃತಿಯನ್ನು ಆಧರಿಸಿತ್ತು; ಎರಡನೆಯದು ಪುಲಿಟ್ಜರ್‌ ಪ್ರಶಸ್ತಿ-ವಿಜೇತ ನಾಟಕವಾದ ದಿ ಎಫೆಕ್ಟ್‌ ಆಫ್ ಗಾಮಾ ರೇಸ್‌ ಆನ್‌ ಮ್ಯಾನ್‌-ಇನ್-ದಿ-ಮೂನ್‌ ಮೇರಿಗೋಲ್ಡ್ಸ್‌ (1972) ಎಂಬುದರ ಚಲನಚಿತ್ರ ರೂಪಾಂತರವಾಗಿತ್ತು; ಮೂರನೆಯದು ಪುಲಿಟ್ಜರ್‌ ಪ್ರಶಸ್ತಿ-ವಿಜೇತ ನಾಟಕವಾದ ದಿ ಷ್ಯಾಡೋ ಬಾಕ್ಸ್‌ (1980) ಎಂಬುದರ ದೂರದರ್ಶನ ಚಲನಚಿತ್ರ ರೂಪಾಂತರವಾಗಿತ್ತು, ಮತ್ತು ನಾಲ್ಕನೆಯದು ಟೆನ್ನೆಸ್ಸೀ ವಿಲಿಯಮ್ಸ್‌‌‌ನ ದಿ ಗ್ಲಾಸ್‌ ಮೆನಗೆರೀ (1987) ಎಂಬ ಕೃತಿಯ ಒಂದು ಚಲನಚಿತ್ರ ರೂಪಾಂತರವಾಗಿತ್ತು.
ದಿ ಹಸ್ಲರ್‌ ಚಿತ್ರವು ಬಂದ ಇಪ್ಪತ್ತೈದು ವರ್ಷಗಳ ನಂತರ, ಆ ಚಿತ್ರದಲ್ಲಿ ತಾನು ವಹಿಸಿದ್ದ "ಫಾಸ್ಟ್‌" ಎಡ್ಡೀ ಫೆಲ್ಸನ್‌ ಪಾತ್ರವನ್ನು ಮಾರ್ಟಿನ್‌ ಸ್ಕೊರ್ಸೆಸಿ-ನಿರ್ದೇಶಿಸಿದ ದಿ ಕಲರ್‌ ಆಫ್ ಮನಿ (1986) ಚಿತ್ರದಲ್ಲಿ ನ್ಯೂಮನ್ ಪುನರಾವರ್ತಿಸಿದ; ಈ ಪಾತ್ರನಿರ್ವಹಣೆಗಾಗಿ ಅತ್ಯುತ್ತಮ ನಟನಿಗೆ ಮೀಸಲಾಗಿರುವ ಅಕಾಡೆಮಿ ಪ್ರಶಸ್ತಿಯು ಅವನಿಗೆ ಲಭಿಸಿತು. ತನ್ನನ್ನು ಸಂದರ್ಶಿಸಿದ ಓರ್ವ ದೂರದರ್ಶನ ಸಂದರ್ಶಕನೊಂದಿಗೆ ಅವನು ಮಾತನಾಡುತ್ತಾ, 62ರ ವಯಸ್ಸಿನಲ್ಲಿ ಒಂದು ಆಸ್ಕರ್‌ ಪ್ರಶಸ್ತಿಯನ್ನು ಗೆದ್ದಿದ್ದು, ಹಣ್ಣುಹಣ್ಣು ಮುದುಕನಾಗಿದ್ದಾಗ ತನಗೆ ಅದನ್ನು ಔಪಚಾರಿಕವಾಗಿ ನೀಡುವುದರ ಕುರಿತಾದ ತನ್ನ ಕಲ್ಪನೆಯನ್ನು ತಪ್ಪಿಸಿತು ಎಂದು ಹೇಳಿಕೊಂಡ.[೨೦]
ಕೊನೆಯ ಕೃತಿಗಳು
2003ರಲ್ಲಿ, ವೈಲ್ಡರ್ನ ಅವರ್‌ ಟೌನ್‌ ಚಿತ್ರದ ಬ್ರಾಡ್‌ವೇ ಮರುಪ್ರದರ್ಶನವೊಂದರಲ್ಲಿ ಅವನು ಕಾಣಿಸಿಕೊಂಡ ಮತ್ತು ತನ್ನ ಪಾತ್ರನಿರ್ವಹಣೆಗಾಗಿ ಮೊದಲ ಬಾರಿಗೆ ಟೋನಿ ಪ್ರಶಸ್ತಿಯ ನಾಮನಿರ್ದೇಶನಕ್ಕೆ ಪಾತ್ರನಾದ. PBS ಮತ್ತು ಷೋಟೈಮ್‌ ಎಂಬ ಕೇಬಲ್‌ ಜಾಲವು ನಿರ್ಮಾಣದ ಒಂದು ಧ್ವನಿಮುದ್ರಣವನ್ನು ಪ್ರಸಾರಮಾಡಿದವು, ಮತ್ತು ಒಂದು ಕಿರುಸರಣಿ ಅಥವಾ TV ಚಲನಚಿತ್ರದಲ್ಲಿನ ಮಹೋನ್ನತ ನಾಯಕನಟನಿಗೆ ಮೀಸಲಾದ ಎಮಿ ಪ್ರಶಸ್ತಿಯೊಂದಕ್ಕೆ ನ್ಯೂಮನ್ ನಾಮನಿರ್ದೇಶನ ಮಾಡಲ್ಪಟ್ಟ.
2002ರಲ್ಲಿ ಬಂದ ರೋಡ್ ಟು ಪೆರ್ಡಿಷನ್ ಚಲನಚಿತ್ರದಲ್ಲಿ ಟಾಮ್‌ ಹ್ಯಾಂಕ್ಸ್‌‌ಗೆ ಎದುರಾಗಿ ಓರ್ವ ಒಳತೋಟಿಗೊಳಗಾದ ಸಮೂಹ ನಾಯಕನ ಪಾತ್ರವನ್ನು ವಹಿಸಿದ್ದು ಚಲನಚಿತ್ರಗಳಲ್ಲಿನ ಅವನ ಕೊನೆಯ ಕಾಣಿಸುವಿಕೆಯಾಗಿತ್ತಾದರೂ, ಚಲನಚಿತ್ರಗಳಿಗಾಗಿ ಧ್ವನಿದಾನವನ್ನು ಒದಗಿಸುವ ಕೆಲಸವನ್ನು ಅವನು ಮುಂದುವರಿಸಿದ. ಕಾರು ಓಟದ ಪಂದ್ಯದಲ್ಲಿನ ತನ್ನ ಪ್ರಬಲವಾದ ಆಸಕ್ತಿಗೆ ಅನುಗುಣವಾಗಿ, ಡಿಸ್ನೆ/ಪಿಕ್ಸರ್‌‌‌‌‌ನ ಕಾರ್ಸ್‌ ಚಿತ್ರದಲ್ಲಿ ಡಾಕ್‌ ಹಡ್ಸನ್‌ ಎಂಬ ಒಂದು ನಿವೃತ್ತಿ ಹೊಂದಿದ ಕಾರಿಗೆ ಅವನು ಧ್ವನಿ ಒದಗಿಸಿದ. ಇದೇ ರೀತಿಯಲ್ಲಿ, ಪ್ರಸಿದ್ಧ NASCAR ಚಾಲಕನಾದ ಡೇಲ್‌ ಅರ್ನ್‌ಹಾರ್ಡ್‌ಟ್‌ ಎಂಬಾತನ ಕುರಿತಾಗಿ 2007ರಲ್ಲಿ ಬಂದ ಡೇಲ್‌ ಎಂಬ ಚಲನಚಿತ್ರಕ್ಕಾಗಿ ಆತ ನಿರೂಪಕನಾಗಿ ಸೇವೆ ಸಲ್ಲಿಸಿದ; ಇದು ಚಲನಚಿತ್ರ ಕಾರ್ಯನಿರ್ವಹಣೆಯ ಯಾವುದೇ ಸ್ವರೂಪದಲ್ಲಿ ನ್ಯೂಮನ್‌ನ ಅಂತಿಮ ಚಲನಚಿತ್ರ ಎನಿಸಿಕೊಂಡಿತು. 2008ರಲ್ಲಿ ಬಿಡುಗಡೆಯಾದ ದಿ ಮೀರ್‌ಕ್ಯಾಟ್ಸ್‌ ಎಂಬ ಸಾಕ್ಷ್ಯಚಿತ್ರಕ್ಕೂ ನ್ಯೂಮನ್ ನಿರೂಪಣೆಯನ್ನು ಒದಗಿಸಿದ.
ನಟನೆಯಿಂದ ನಿವೃತ್ತಿ
ತಾನು ನಟನೆಯಿಂದ ಸಂಪೂರ್ಣವಾಗಿ ನಿವೃತ್ತಿ ಹೊಂದುವುದಾಗಿ 2007ರ ಮೇ 25ರಂದು ನ್ಯೂಮನ್ ಘೋಷಿಸಿದ.
ತಾನು ಅಂದುಕೊಂಡ ಮಟ್ಟದಲ್ಲಿ ಅಭಿನಯವನ್ನು ಮುಂದುವರಿಸಲು ತನಗೆ ಸಾಧ್ಯವಾಗುತ್ತಿಲ್ಲ ಎಂಬುದನ್ನು ತಾನು ಕಂಡುಕೊಂಡಿರುವುದಾಗಿ ಅವನು ಈ ಸಂದರ್ಭದಲ್ಲಿ ತಿಳಿಸಿದ. "ನೀವು ನಿಮ್ಮ ಜ್ಞಾಪಕಶಕ್ತಿಯನ್ನು ಕಳೆದುಕೊಳ್ಳುತ್ತಿದ್ದಂತೆ ನಿಮ್ಮ ಆತ್ಮವಿಶ್ವಾಸವೂ ಕುಗ್ಗಲು ಪ್ರಾರಂಭಿಸುತ್ತದೆ, ನಿಮ್ಮ ಕಲ್ಪನಾಶೀಲತೆಯೂ ಕುಗ್ಗಲು ಶುರುವಾಗುತ್ತದೆ. ಆದ್ದರಿಂದ ನಟನೆಯೆಂಬುದು ನನ್ನ ಪಾಲಿಗೆ ಇನ್ನು ಮುಂದೆ ಒಂದು ಮುಚ್ಚಿದ ಪುಸ್ತಕ ಎಂದೇ ನನ್ನ ಭಾವನೆ" ಎಂದು ಈ ಸಂದರ್ಭದಲ್ಲಿ ಅವನು ಉಲ್ಲೇಖಿಸಿದ.[೨೧][೨೨]
ಲೋಕೋಪಕಾರ
ಬರಹಗಾರ A.E. ಹಾಚ್ನರ್ ಜೊತೆಯಲ್ಲಿ ಸೇರಿಕೊಂಡು, ನ್ಯೂಮನ್'ಸ್‌ ಓನ್‌ ಎಂಬ ಹೆಸರಿನ ಆಹಾರ ಉತ್ಪನ್ನಗಳ ಒಂದು ಶ್ರೇಣಿಯನ್ನು ನ್ಯೂಮನ್ 1982ರಲ್ಲಿ ಹುಟ್ಟುಹಾಕಿದ. ಸಲಾಡ್‌ ಅಲಂಕರಣದೊಂದಿಗೆ ಪ್ರಾರಂಭಗೊಂಡ ಈ ಬ್ರಾಂಡ್‌ ನಂತರದಲ್ಲಿ ವಿಸ್ತರಣೆಗೊಂಡು, ಪಾಸ್ತಾ ಸಾಸ್‌, ನಿಂಬೆಹುಳಿ ಪಾನಕ, ಮೆಕ್ಕೆ ಜೋಳದ ಅರಳು, ಸಾಲ್ಸಾ, ಹಾಗೂ ಮದ್ಯ ಇವೇ ಮೊದಲಾದವುಗಳನ್ನು ತನ್ನ ಉತ್ಪನ್ನಶ್ರೇಣಿಯಲ್ಲಿ ಸೇರಿಸಿಕೊಂಡಿತು. ತೆರಿಗೆಗಳ ನಂತರದ ಎಲ್ಲಾ ಹುಟ್ಟುವಳಿಯನ್ನೂ ಅನಾಥಾಶ್ರಮಕ್ಕೆ ದೇಣಿಗೆಯಾಗಿ ನೀಡಲಾಗುತ್ತದೆ ಎಂಬ ಕಾರ್ಯನೀತಿಯೊಂದನ್ನು ನ್ಯೂಮನ್ ಹುಟ್ಟುಹಾಕಿದ. 2006ರ ಆರಂಭದಲ್ಲಿದ್ದಂತೆ, ಈ ವಿಶೇಷಾಧಿಕಾರದ ಸಂಸ್ಥೆಯು 250 ದಶಲಕ್ಷ $ಗೂ ಮೀರಿದ ಹಣವನ್ನು ದೇಣಿಗೆ ನೀಡಿದೆ.[೫] ಈ ವಿಷಯಕ್ಕೆ ಸಂಬಂಧಿಸಿದಂತೆ ಷೇಮ್‌ಲೆಸ್‌ ಎಕ್ಸ್‌ಪ್ಲಾಯ್ಟೇಷನ್‌ ಇನ್ ಪರ್ಸೂಟ್‌ ಆಫ್ ದಿ ಕಾಮನ್‌ ಗಾಡ್‌ ಎಂಬ ಪ್ರಬಂಧವನ್ನು ಹಾಚ್ನರ್ ಜೊತೆಗೆ ಸೇರಿಕೊಂಡು ಅವನು ಬರೆದ. ಇತರ ಪ್ರಶಸ್ತಿಗಳ ಪೈಕಿ, PEN/ನ್ಯೂಮನ್'ಸ್‌ ಓನ್‌ ಫಸ್ಟ್‌ ಅಮೆಂಡ್‌ಮೆಂಟ್‌ ಪ್ರಶಸ್ತಿಗೆ ನ್ಯೂಮನ್'ಸ್‌ ಓನ್‌ ಸಂಸ್ಥೆ ಸಹ-ಪ್ರಾಯೋಜಕನಾಗಿದೆ. 25,000$ನಷ್ಟು ಮೊತ್ತದ ಒಂದು ನಗದು ಬಹುಮಾನದ ಸ್ವರೂಪದಲ್ಲಿರುವ ಈ ಪ್ರಶಸ್ತಿಯು ಅದರ ಲಿಖಿತ ರೂಪಕ್ಕೆ ಅನ್ವಯಿಸುವಂತೆ, ಫಸ್ಟ್‌ ಅಮೆಂಡ್‌ಮೆಂಟ್‌‌ನ್ನು ಸಂರಕ್ಷಿಸುವವರನ್ನು ಗುರುತಿಸಲೆಂದು ವಿನ್ಯಾಸಗೊಳಿಸಲ್ಪಟ್ಟಿದೆ. ಅವನ ಸಾವಿನ ನಂತರ ಕಂಪನಿಯ ಚುಕ್ಕಾಣಿಯನ್ನು ಅವನ ಮಗಳಾದ ನೆಲ್‌ ನ್ಯೂಮನ್ ಕೈಗೆತ್ತಿಕೊಂಡಳು.[೨೩]
ಗಂಭೀರ ಸ್ವರೂಪದ ಅಸ್ವಸ್ಥತೆಯನ್ನು ಹೊಂದಿರುವ ಮಕ್ಕಳಿಗೋಸ್ಕರ ಅವನು ಸ್ಥಾಪಿಸಿರುವ ಹೋಲ್‌ ಇನ್ ದಿ ವಾಲ್‌ ಗ್ಯಾಂಗ್‌ ಕ್ಯಾಂಪ್‌ ಎಂಬ ಒಂದು ವಾಸಯೋಗ್ಯ ಬೇಸಿಗೆ ಶಿಬಿರವು, ಅವನ ಲೋಕೋಪಕಾರದ ಫಲಾನುಭವಿಗಳಲ್ಲಿ ಒಂದೆನಿಸಿದೆ; ಇದು ಕನೆಕ್ಟಿಕಟ್ನ ಆಶ್‌ಫೋರ್ಡ್‌‌‌‌ನಲ್ಲಿ ನೆಲೆಗೊಂಡಿದೆ. 1988ರಲ್ಲಿ ಸ್ಥಾಪಿಸಲ್ಪಟ್ಟ ಈ ಶಿಬಿರದಲ್ಲಿ ನ್ಯೂಮನ್‌ನದು ಸಹ-ಸಂಸ್ಥಾಪಕನ ಪಾತ್ರವಾಗಿತ್ತು; ಬುಚ್‌ ಕ್ಯಾಸಿಡಿ ಅಂಡ್‌ ದಿ ಸನ್‌ಡಾನ್ಸ್‌ ಕಿಡ್‌ (1969) ಎಂಬ ತನ್ನ ಚಲನಚಿತ್ರದಲ್ಲಿ ಬರುವ ತಂಡದ ಹೆಸರನ್ನು ಈ ಶಿಬಿರಕ್ಕೆ ಇಡಲಾಗಿತ್ತು. ಫೈ ಕಪ್ಪಾ ಟೌ ಎಂಬ ಹೆಸರಿನ ನ್ಯೂಮನ್‌ನ ಕಾಲೇಜು ಬಳಗವು ಹೋಲ್‌ ಇನ್ ದಿ ವಾಲ್‌ನ್ನು 1995ರಲ್ಲಿ ತಮ್ಮ "ರಾಷ್ಟ್ರೀಯ ಲೋಕೋಪಕಾರ"ದ ಸ್ವರೂಪದಲ್ಲಿ ಸ್ವೀಕರಿಸಿತು. ಒಂದು ಶಿಬಿರವಾಗಿ ಪ್ರಾರಂಭಗೊಂಡಿದ್ದು, U.S., ಐರ್ಲೆಂಡ್‌, ಫ್ರಾನ್ಸ್‌, ಹಾಗೂ ಇಸ್ರೇಲ್ ಇವೇ ಮೊದಲಾದ ಕಡೆಗಳಲ್ಲಿ ಹಲವಾರು ಹೋಲ್‌ ಇನ್ ದಿ ವಾಲ್‌ ಶಿಬಿರಗಳು ಸ್ಥಾಪಿಸಲ್ಪಡುವವರೆಗೆ ವಿಸ್ತರಿಸಲ್ಪಟ್ಟಿತು. ಈ ಶಿಬಿರಗಳು ಪ್ರತಿವರ್ಷವೂ 13,000 ಮಕ್ಕಳಿಗೆ ಉಚಿತವಾಗಿ ಸೇವೆ ಸಲ್ಲಿಸುತ್ತವೆ.[೫]
1999ರ ಜೂನ್‌ನಲ್ಲಿ, ಕೊಸೊವೊದಲ್ಲಿನ ನಿರಾಶ್ರಿತರಿಗೆ ನೆರವಾಗುವ ದೃಷ್ಟಿಯಿಂದ, ಕ್ಯಾಥಲಿಕ್‌ ರಿಲೀಫ್‌ ಸರ್ವೀಸಸ್‌ ಸಂಸ್ಥೆಗೆ ನ್ಯೂಮನ್ 250,000$ನಷ್ಟು ಹಣವನ್ನು ದೇಣಿಗೆ ನೀಡಿದ.[೨೪]
ಕೆನ್ಯನ್‌ ಕಾಲೇಜಿನ ಪ್ರಸಕ್ತ 230 ದಶಲಕ್ಷ $ನಷ್ಟು ನಿಧಿ-ಸಂಗ್ರಹಣಾ ಪ್ರಚಾರಾಂದೋಲನದ ಅಂಗವಾಗಿ ಒಂದು ವಿದ್ಯಾರ್ಥಿ ವೇತನದ ನಿಧಿಯನ್ನು ಸ್ಥಾಪಿಸಲು, ನ್ಯೂಮನ್ ಶಾಲೆಗೆ 10 ದಶಲಕ್ಷ $ನಷ್ಟು ಹಣವನ್ನು ದೇಣಿಗೆ ನೀಡಿದ್ದನೆಂದು ಕೆನ್ಯನ್‌ ಕಾಲೇಜು 2007ರ ಜೂನ್‌ 1ರಂದು ಪ್ರಕಟಿಸಿತು. ನ್ಯೂಮನ್ ಮತ್ತು ವುಡ್‌ವರ್ಡ್‌ ಇಬ್ಬರೂ ಸಹ ಹಿಂದಿನ ಪ್ರಚಾರಾಂದೋಲನವೊಂದರ ಗೌರವಾರ್ಥ ಉಪಾಧ್ಯಕ್ಷರಾಗಿದ್ದರು.[೨೫]
ಕಮಿಟಿ ಎನ್‌ಕರೇಜಿಂಗ್‌ ಕಾರ್ಪೊರೇಟ್‌ ಫಿಲಾಂತ್ರಪಿ (CECP) ಎಂಬ ಸಂಸ್ಥೆಯ ಸಂಸ್ಥಾಪಕರಲ್ಲಿ ಪಾಲ್‌ ನ್ಯೂಮನ್ ಒಬ್ಬನಾಗಿದ್ದ. ಇದು CEOಗಳು ಹಾಗೂ ಸಾಂಸ್ಥಿಕ ಅಧ್ಯಕ್ಷರ ಒಂದು ಸದಸ್ಯತ್ವ ಸಂಘಟನೆಯಾಗಿದ್ದು, ಜಾಗತಿಕ ಸಾಂಸ್ಥಿಕ ಲೋಕೋಪಕಾರದ ಮಟ್ಟ ಹಾಗೂ ಗುಣಮಟ್ಟವನ್ನು ಮೇಲಕ್ಕೆತ್ತುವುದರ ಕಡೆ ಬದ್ಧತೆಯನ್ನು ಹೊಂದಿತ್ತು. ನ್ಯೂಮನ್ ಹಾಗೂ ಕೆಲವೊಂದು ಅಗ್ರಗಣ್ಯ CEOಗಳಿಂದ 1999ರಲ್ಲಿ ಸಂಸ್ಥಾಪಿಸಲ್ಪಟ್ಟ CECP ಸಂಸ್ಥೆಯು 175ಕ್ಕೂ ಹೆಚ್ಚಿನ ಸದಸ್ಯರನ್ನು ಒಳಗೊಳ್ಳುವಷ್ಟು ದೊಡ್ಡದಾಗಿ ಬೆಳೆದಿದೆ. ಅಷ್ಟೇ ಅಲ್ಲ, ವಾರ್ಷಿಕ ಕಾರ್ಯಕಾರಿ ಸಮಾವೇಶಗಳು, ವ್ಯಾಪಕ ಮಾನದಂಡದ ಸಂಶೋಧನೆ, ಹಾಗೂ ಅತ್ಯುತ್ತಮ ಪರಿಪಾಠದ ಪ್ರಕಟಣೆಗಳನ್ನು ಹಮ್ಮಿಕೊಳ್ಳುವ ಮೂಲಕ, ಸಮರ್ಥನೀಯ ಹಾಗೂ ಕಾರ್ಯತಂತ್ರದ ಸಮುದಾಯ ಪಾಲುದಾರಿಕೆಗಳನ್ನು ಲೋಕೋಪಕಾರದ ಮೂಲಕ ಅಭಿವೃದ್ಧಿಪಡಿಸುವಲ್ಲಿ ಈ ಸಂಸ್ಥೆಯು ವ್ಯವಹಾರ ಸಮುದಾಯಕ್ಕೆ ಮಾರ್ಗದರ್ಶನವನ್ನು ನೀಡುತ್ತಿದೆ.[೨೬]
Givingback.org ನ್ಯೂಮನ್‌ನನ್ನು 2008ರ ಅತ್ಯಂತ ಉದಾರಿ ಗಣ್ಯವ್ಯಕ್ತಿ ಎಂದು ಹೆಸರಿಸಿತು. ವೈವಿಧ್ಯಮಯ ಅನಾಥಾಶ್ರಮಗಳಿಗೆ ನಿಧಿಗಳನ್ನು ವಿತರಿಸುವ ನ್ಯೂಮನ್'ಸ್‌ ಓನ್‌ ಫೌಂಡೇಷನ್‌ಗೆ, 2008ರ ವರ್ಷದಲ್ಲಿ ಅವನು 20,857,000 $ನಷ್ಟು ಹಣವನ್ನು ಕೊಡುಗೆಯಾಗಿ ನೀಡಿದ.[೨೭]
ನ್ಯೂಮನ್‌ನ ಸಾವಿನ ನಂತರ, ಎಲ್‌'ಒಸ್ಸೆರ್‌ವಟೋರ್‌ ರೊಮಾನೊ ಎಂಬ ಇಟಲಿಯ ವೃತ್ತಪತ್ರಿಕೆಯು (ರೋಮ್‌ನ ಪೀಠದ ಒಂದು "ಅರೆ-ಅಧಿಕೃತ" ಪತ್ರಿಕೆ) ನ್ಯೂಮನ್‌ನ ಲೋಕೋಪಕಾರವನ್ನು ಶ್ಲಾಘಿಸುವ ಪ್ರಕಟಣೆಯೊಂದನ್ನು ಪ್ರಕಟಿಸಿತು. "ನ್ಯೂಮನ್ ಓರ್ವ ಉದಾರ ಹೃದಯಿ, ಹಾಗೂ ಹಾಲಿವುಡ್‌ ನೆಲೆಗಳಲ್ಲಿ ಅಪರೂಪವಾಗಿರುವ ಘನತೆ ಮತ್ತು ಶೈಲಿಯನ್ನು ಒಳಗೊಂಡಿದ್ದ ನಟನಾಗಿದ್ದ" ಎಂದೂ ಸಹ ಈ ಪತ್ರಿಕೆಯು ವ್ಯಾಖ್ಯಾನಿಸಿತು.[೨೮]
ಮದುವೆs ಮತ್ತು ಕುಟುಂಬ
ನ್ಯೂಮನ್ ಎರಡು ಬಾರಿ ಮದುವೆಯಾದ. ಜಾಕೀ ವಿಟ್ಟೆ[೧೪] ಎಂಬಾಕೆಯನ್ನು ಅವನು ಮದುವೆಯಾದ; 1949ರಿಂದ 1958ರವರೆಗೆ ಅವರ ವೈವಾಹಿಕ ಜೀವನ ಸಾಗಿತು. ಸ್ಕಾಟ್‌ (1950) ಎಂಬ ಒಬ್ಬ ಮಗ, ಹಾಗೂ ಸುಸಾನ್‌ ಕೆಂಡಾಲ್‌ (1953) ಮತ್ತು ಸ್ಟೆಫಾನೀ ಎಂಬ ಹೆಣ್ಣು ಮಕ್ಕಳನ್ನು ಅವರು ಪಡೆದರು.[೧೪] ಅತಿಯಾದ ಮಾದಕವಸ್ತುವಿನ[೨೯] ಸೇವನೆಯ ಪರಿಣಾಮವಾಗಿ 1978ರ ನವೆಂಬರ್‌ನಲ್ಲಿ ಅಸುನೀಗಿದ ಸ್ಕಾಟ್‌ ನ್ಯೂಮನ್, ಬ್ರೇಕ್‌ಹಾರ್ಟ್‌ ಪಾಸ್‌ , ದಿ ಟವರಿಂಗ್‌ ಇನ್‌ಫರ್ನೊ ಚಲನಚಿತ್ರಗಳಲ್ಲಿ, ಮತ್ತು 1977ರಲ್ಲಿ ಬಂದ ಫ್ರಟರ್ನಿಟಿ ರೋ ಎಂಬ ಚಲನಚಿತ್ರದಲ್ಲಿ ಕಾಣಿಸಿಕೊಂಡ. ಮಾದಕವಸ್ತುವಿನ ವ್ಯಸನವನ್ನು ತಡೆಗಟ್ಟುವುದಕ್ಕೆ ಸಂಬಂಧಿಸಿದ ಸ್ಕಾಟ್‌ ನ್ಯೂಮನ್ ಸೆಂಟರ್‌ ಎಂಬ ಸಂಸ್ಥೆಯನ್ನು ತನ್ನ ಮಗನ ನೆನಪಿಗಾಗಿ ಪಾಲ್‌ ನ್ಯೂಮನ್ ಪ್ರಾರಂಭಿಸಿದ.[೩೦]
ಸುಸಾನ್‌ ಓರ್ವ ಸಾಕ್ಷ್ಯಚಿತ್ರ ಚಲನಚಿತ್ರೋದ್ಯಮಿ ಹಾಗೂ ಲೋಕೋಪಕಾರಿ ಎನಿಸಿಕೊಂಡಿದ್ದು, ಬ್ರಾಡ್‌ವೇ ಹಾಗೂ ಚಲನಚಿತ್ರಗಳಲ್ಲಿನ ಅಭಿನಯವನ್ನು ತನ್ನ ಖಾತೆಗೆ ಸೇರಿಸಿಕೊಂಡಿದ್ದಾಳೆ. ಐ ವಾನ್ನಾ ಹೋಲ್ಡ್‌ ಯುವರ್‌ ಹ್ಯಾಂಡ್‌ (1978) ಎಂಬ ಚಲನಚಿತ್ರದಲ್ಲಿ ಬೀಟಲ್ಸ್‌ನ ನಾಲ್ಕು ಅಭಿಮಾನಿಗಳ ಪೈಕಿ ಓರ್ವಳಾಗಿ ಗಮನಾರ್ಹ ಪಾತ್ರದಲ್ಲಿರುವುದು, ಮತ್ತು ಸ್ಲ್ಯಾಪ್‌ ಷಾಟ್‌ ಎಂಬ ಚಲನಚಿತ್ರದಲ್ಲಿ ತನ್ನ ತಂದೆಗೆ ಎದುರಾಗಿ ಒಂದು ಪುಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿರುವುದು ಇದರಲ್ಲಿ ಸೇರಿವೆ. ದಿ ಷ್ಯಾಡೋ ಬಾಕ್ಸ್‌ ಎಂಬ ಹೆಸರಿನ ನ್ಯೂಮನ್‌ನ ದೂರದರ್ಶನ-ಚಲನಚಿತ್ರದ ಸಹ-ನಿರ್ಮಾಪಕಿಯಾಗಿಯೂ ಅವಳು ಒಂದು ಎಮಿ ನಾಮನಿರ್ದೇಶನವನ್ನು ಸ್ವೀಕರಿಸಿದ್ದಾಳೆ. ನ್ಯೂಮನ್‌ಗೆ ಇಬ್ಬರು ಮೊಮ್ಮಕ್ಕಳಿದ್ದರು.
1958ರ ಫೆಬ್ರುವರಿ 2ರಂದು ಜೊವಾನ್ನೆ ವುಡ್‌ವರ್ಡ್‌ ಎಂಬ ನಟಿಯನ್ನು ನ್ಯೂಮನ್ ಮದುವೆಯಾದ.[೩೧] ಅವರಿಗೆ ಮೂರು ಹೆಣ್ಣು ಮಕ್ಕಳು ಜನಿಸಿದರು. ಅವರೆಂದರೆ: ಎಲಿನಾರ್‌ "ನೆಲ್‌" ತೆರೆಸಾ (1959), ಮೆಲಿಸಾ "ಲಿಸ್ಸಿ" ಸ್ಟೀವರ್ಟ್‌ (1961), ಹಾಗೂ ಕ್ಲೇರ್‌ "ಕ್ಲಿಯಾ" ಒಲಿವಿಯಾ (1965). ದಿ ಎಫೆಕ್ಟ್‌ ಆಫ್ ಗಾಮಾ ರೇಸ್‌ ಆನ್‌ ಮ್ಯಾನ್‌-ಇನ್-ದಿ-ಮೂನ್‌ ಮೇರಿಗೋಲ್ಡ್ಸ್‌ ಎಂಬ ಚಲನಚಿತ್ರದಲ್ಲಿ ಎಲಿನಾರ್‌‌ಳನ್ನು (ರಂಗನಾಮ ನೆಲ್‌ ಪಾಟ್ಸ್‌) ಅವಳ ತಾಯಿಯ ಜೊತೆಗೆ ಪ್ರಧಾನ ಪಾತ್ರವೊಂದರಲ್ಲಿ ನ್ಯೂಮನ್ ನಿರ್ದೇಶಿಸಿದ.
ಕನೆಕ್ಟಿಕಟ್ನ ವೆಸ್ಟ್ಪೋರ್ಟ್ನಲ್ಲಿ ತಮ್ಮದೇ ಆದ ಮನೆಯನ್ನು ನಿರ್ಮಿಸಿಕೊಂಡು ನೆಲೆಸುವ ಮೂಲಕ, ನ್ಯೂಮನ್ ಕುಟುಂಬದ ಸದಸ್ಯರು ಹಾಲಿವುಡ್‌ ಪರಿಸರದಿಂದ ದೂರವುಳಿದರು. ತನ್ನ ಹೆಂಡತಿ ಹಾಗೂ ಕುಟುಂಬಕ್ಕೆ ತಾನು ತೋರಿಸಿದ ನಿಷ್ಠೆಗಾಗಿ ಪಾಲ್‌ ನ್ಯೂಮನ್ ಹೆಸರು ಪಡೆದಿದ್ದ. ದಾಂಪತ್ಯ ದ್ರೋಹದ ಕುರಿತಾಗಿ ಕೇಳಿದಾಗ, "ಮನೆಯಲ್ಲೇ ಸೊಗಸಾದ ಮಾಂಸವಿರುವಾಗ ಹ್ಯಾಂಬರ್ಗರ್‌‌ಗೋಸ್ಕರ ಹೊರಗಡೆ ಯಾತಕ್ಕಾಗಿ ಹೋಗಬೇಕು?" ಎಂದು ಅವನು ಭರ್ಜರಿಯಾಗಿ ವ್ಯಂಗ್ಯವಾದ ಶೈಲಿಯಲ್ಲಿ ಉತ್ತರಿಸಿದ್ದ[೩೨][೩೩]
ರಾಜಕೀಯ ಕ್ರಿಯಾವಾದ
1968ರಲ್ಲಿ ಯೂಜೀನ್‌ ಮೆಕ್‌ಕಾರ್ಥಿಗೆ ಅವನು ನೀಡಿದ ಬೆಂಬಲದಿಂದಾಗಿ (ಕ್ಯಾಲಿಫೋರ್ನಿಯಾದಲ್ಲಿ ದೂರದರ್ಶನ ಜಾಹೀರಾತುಗಳನ್ನು ಪರಿಣಾಮಕಾರಿಯಾಗಿ ಬಳಕೆಮಾಡಿಕೊಂಡ ಕಾರಣದಿಂದಾಗಿ) ಮತ್ತು ವಿಯೆಟ್ನಾಂನಲ್ಲಿನ ಯುದ್ಧಕ್ಕೆ ಅವನು ವಿರೋಧವನ್ನು ವ್ಯಕ್ತಪಡಿಸಿದ ಕಾರಣದಿಂದಾಗಿ, ರಿಚರ್ಡ್‌ ನಿಕ್ಷನ್‌ನ ಶತ್ರುಗಳ ಪಟ್ಟಿಯಲ್ಲಿ[೩೪] ಅವನಿಗೆ ಹತ್ತೊಂಬತ್ತನೇ ಸ್ಥಾನ ದೊರೆತಿತ್ತು ಮತ್ತು ಇದನ್ನಾತ ತನ್ನ ಮಹಾನ್‌ ಬಯಕೆಯ ಈಡೇರಿಕೆಯಾಗಿದೆ ಎಂಬುದಾಗಿ ಸಮರ್ಥಿಸಿಕೊಂಡಿದ್ದ.
ಉದಾರವಾದಿ ಉದ್ದೇಶಗಳಿಗೆ ಮೀಸಲಾಗಿರುವ ತನ್ನ ಕೆಲಸದೊಂದಿಗೆ ಏಕನಿಷ್ಠೆಯನ್ನು ತೋರಿದ ನ್ಯೂಮನ್, 2006ರ ಕನೆಕ್ಟಿಕಟ್‌ ಡೆಮೊಕ್ರಾಟಿಕ್‌ ಪ್ರೈಮರಿಯಲ್ಲಿ ಸೆನೆಟ್‌ ಸದಸ್ಯ ಜೋ ಲೈಬರ್‌ಮನ್‌ ಎಂಬಾತನ ವಿರುದ್ಧದ ನೆಡ್‌ ಲ್ಯಾಮಂಟ್ನ ಉಮೇದುವಾರಿಕೆಯನ್ನು ಬಹಿರಂಗವಾಗಿ ಬೆಂಬಲಿಸಿದ. ಅಷ್ಟೇ ಅಲ್ಲ, ಓರ್ವ ವಿಶ್ವಾಸಾರ್ಹ ಪರ್ಯಾಯ ಅಭ್ಯರ್ಥಿಯಾಗಿ ಲ್ಯಾಮಂಟ್ನ ಹೆಸರು ಹೊರಬೀಳುವವರೆಗೂ, ಸ್ವತಃ ನ್ಯೂಮನ್‌ನ ಹೆಸರೇ ಅಭ್ಯರ್ಥಿಯ ಹೆಸರಾಗಿ ಗಾಳಿಸುದ್ದಿಯಂತೆ ಹಬ್ಬಿತ್ತು. ಕ್ರಿಸ್‌ ಡಾಡ್‌‌‌ನ ಅಧ್ಯಕ್ಷೀಯ ಪ್ರಚಾರಾಂದೋಲನಕ್ಕೆ ಅವನು ದೇಣಿಗೆ ನೀಡಿದ.[೩೫]
1970ರ ಏಪ್ರಿಲ್‌ 22ರಂದು ಮ್ಯಾನ್‌ಹಾಟ್ಟನ್‌‌‌ನಲ್ಲಿ ನಡೆದ ಭೂಮಿಯ ದಿನದ ಮೊದಲ ಕಾರ್ಯಕ್ರಮದಲ್ಲಿ ಅವನು ಭಾಗವಹಿಸಿದ. ಸಲಿಂಗ ಮದುವೆಯೂ ಸೇರಿದಂತೆ ಸಲಿಂಗಕಾಮಿ ಹಕ್ಕುಗಳ ಓರ್ವ ಧ್ವನಿಪೂರ್ಣ ಬೆಂಬಲಿಗನಾಗಿಯೂ ನ್ಯೂಮನ್ ಗುರುತಿಸಿಕೊಂಡಿದ್ದ.[೩೬]
ಜಾಗತಿಕ ತಾಪಮಾನ ಏರಿಕೆಯ ಕುರಿತಾಗಿ ತೀವ್ರ ಕಳವಳವನ್ನು ವ್ಯಕ್ತಪಡಿಸಿದ್ದ ನ್ಯೂಮನ್, ಇದರ ಒಂದು ಪರಿಹಾರೋಪಾಯವಾಗಿ ಪರಮಾಣು ಶಕ್ತಿ ಅಭಿವೃದ್ಧಿಯನ್ನು ಬೆಂಬಲಿಸಿದ.[೩೭]
ವಾಹನಗಳ ಓಟದ ಪಂದ್ಯ
ವಾಹನಗಳ ಓಟದ ಪಂದ್ಯದ ಕುರಿತು ನ್ಯೂಮನ್ ಓರ್ವ ತೀವ್ರಾಸಕ್ತ ಉತ್ಸಾಹಿ ಎನಿಸಿಕೊಂಡಿದ್ದ. ಒಂದು 1969ರ ಚಲನಚಿತ್ರವಾದ ವಿನ್ನಿಂಗ್‌ ನ ಚಿತ್ರೀಕರಣಕ್ಕೆ ಸಂಬಂಧಿಸಿದಂತೆ ವಾಟ್ಕಿನ್ಸ್‌ ಗ್ಲೆನ್‌ ರೇಸಿಂಗ್‌ ಸ್ಕೂಲ್‌‌ನಲ್ಲಿ ತರಬೇತಿಯನ್ನು ಪಡೆಯುತ್ತಿರುವಾಗ, ವಾಹನ ಕ್ರೀಡೆಗಳಲ್ಲಿ ಮೊಟ್ಟಮೊದಲ ಬಾರಿಗೆ ಅವನು ಆಸಕ್ತಿಯನ್ನು ತಳೆದ. ನ್ಯೂಮನ್‌ನ ಮೊಟ್ಟಮೊದಲ ವೃತ್ತಿಪರ ಸ್ಪರ್ಧೆಯು 1972ರಲ್ಲಿ ಕನೆಕ್ಟಿಕಟ್ನ ಥಾಂಪ್ಸನ್‌ ಎಂಬಲ್ಲಿ ನಡೆಯಿತು, ಮತ್ತು ದಶಕದ ಉಳಿದ ಭಾಗದಲ್ಲಿ ಅವನು ಸ್ಪೋರ್ಟ್ಸ್‌ ಕಾರ್‌ ಕ್ಲಬ್‌ ಆಫ್ ಅಮೆರಿಕಾದ (SCCA) ಸ್ಪರ್ಧೆಗಳಲ್ಲಿ ಓರ್ವ ವಾಡಿಕೆಯ ಪ್ರತಿಸ್ಪರ್ಧಿಯಾಗಿರುತ್ತಿದ್ದು, ಅಂತಿಮವಾಗಿ ಹಲವಾರು ಚಾಂಪಿಯನ್‌ಗಿರಿಗಳನ್ನು ಗೆದ್ದುಕೊಳ್ಳುತ್ತಿದ್ದ. ನಂತರದಲ್ಲಿ ಆತ 1979ರ 24 ಅವರ್ಸ್‌ ಆಫ್ ಲೆ ಮಾನ್ಸ್‌ ಪಂದ್ಯದಲ್ಲಿ ಡಿಕ್‌ ಬಾರ್ಬರ್‌ನ ಪೋರ್ಷೆ 935 ಕಾರನ್ನು ಓಡಿಸಿ, ಎರಡನೇ ಸ್ಥಾನವನ್ನು ಪಡೆದ.[೩೮] ಪೆಟಿಟ್‌ ಲೆ ಮಾನ್ಸ್‌ ಪಂದ್ಯದಲ್ಲಿ ಸ್ಪರ್ಧಿಸುವುದಕ್ಕಾಗಿ ಆತ 2000ದಲ್ಲಿ ಮತ್ತೊಮ್ಮೆ ಬಾರ್ಬರ್‌ ಜೊತೆಯಲ್ಲಿ ಸೇರಿದ.[೩೯]
- REDIRECT Template:Infobox Le Mans driver
1970ರ ದಶಕದ ಮಧ್ಯಭಾಗದಿಂದ 1990ರ ದಶಕದ ಆರಂಭದವರೆಗೆ, ಬಾಬ್‌ ಶಾರ್ಪ್‌ ರೇಸಿಂಗ್‌ ತಂಡದ ಪರವಾಗಿ ಟ್ರಾನ್ಸ್‌-ಆಮ್‌ ಸರಣಿಯಲ್ಲಿ ಪ್ರಧಾನವಾಗಿ ಡಾಟ್ಸನ್‌‌ಗಳನ್ನು (ನಂತರ ಇವು ನಿಸಾನ್ಸ್‌ ಎಂದು ಮತ್ತೆ ಬ್ರಾಂಡ್‌ ಮಾಡಲ್ಪಟ್ಟವು) ಅವನು ಓಡಿಸಿದ. 1980ರ ದಶಕದ ಅವಧಿಯಲ್ಲಿ ಅವನು ಸದರಿ ಬ್ರಾಂಡ್‌ನೊಂದಿಗೆ ತೀರಾ ನಿಕಟವಾಗಿ ಗುರುತಿಸಿಕೊಂಡ, ಮತ್ತು ಅವುಗಳಿಗೆ ಸಂಬಂಧಿಸಿದ ಜಾಹೀರಾತುಗಳಲ್ಲೂ ಕಾಣಿಸಿಕೊಂಡ. 70 ವರ್ಷಗಳು ಮತ್ತು 8 ದಿನಗಳಷ್ಟು ವಯಸ್ಸಾಗಿದ್ದಾಗ, ಪ್ರಮುಖ ಅನುಮೋದಿತ ಓಟದ ಪಂದ್ಯದಲ್ಲಿನ[೪೦] ಒಂದು ವಿಜಯಶಾಲಿ ತಂಡದ ಭಾಗವಾಗಿದ್ದ ಅತ್ಯಂತ ವಯಸ್ಸಾದ ಚಾಲಕ ಎಂದು ಅವನು ಕರೆಸಿಕೊಂಡ, ಹಾಗೂ ತನ್ನ ವರ್ಗದಲ್ಲಿ 1995ರ 24 ಅವರ್ಸ್‌ ಆಫ್ ಡೇಟೋನಾ ಪಂದ್ಯವನ್ನು ಗೆದ್ದುಕೊಂಡ.[೪೧] ಅವನ ಕಟ್ಟಕಡೆಯ ಓಟದ ಪಂದ್ಯಗಳ ಪೈಕಿ 2004ರಲ್ಲಿ ಬಂದ ಬಾಜಾ 1000 ಹಾಗೂ 2005ರಲ್ಲಿ ಮತ್ತೊಮ್ಮೆ ಬಂದ 24 ಅವರ್ಸ್‌ ಆಫ್ ಡೇಟೋನಾ ಪಂದ್ಯಗಳು ಸೇರಿದ್ದವು.[೪೨]
ಆರಂಭದಲ್ಲಿ ನ್ಯೂಮನ್ ತನ್ನದೇ ಆದ ಓಟದ ಪಂದ್ಯದ ತಂಡವನ್ನು ಹೊಂದಿದ್ದು, ಅದು ಕ್ಯಾನ್‌-ಆಮ್‌ ಸರಣಿಯಲ್ಲಿ ಸ್ಪರ್ಧಿಸಿತ್ತು. ಆದರೆ, ನಂತರ 1983ರಲ್ಲಿ ಕಾರ್ಲ್‌ ಹಾಸ್‌ ಎಂಬ ಒಂದು ಚಾಂಪ್‌ ಕಾರು ತಂಡದೊಂದಿಗೆ ಸೇರಿಕೊಂಡು ನ್ಯೂಮನ್/ಹಾಸ್‌ ರೇಸಿಂಗ್‌ ಎಂಬ ತಂಡದ ಸ್ಥಾಪನೆಯಲ್ಲಿ ಸಹ-ಸಂಸ್ಥಾಪಕನ ಪಾತ್ರವಹಿಸಿದ. 1996ರ ಓಟದ ಪಂದ್ಯದ ಋತುವು ಸೂಪರ್‌ ಸ್ಪೀಡ್‌ವೇ ಎಂಬ IMAX ಚಲನಚಿತ್ರದಲ್ಲಿ ದಾಖಲಿಸಲ್ಪಟ್ಟಿತು; ಇದಕ್ಕೆ ನ್ಯೂಮನ್ ನಿರೂಪಣೆಯನ್ನು ಒದಗಿಸಿದ್ದ. ನ್ಯೂಮನ್ ವ್ಯಾಕ್ಸ್‌ ರೇಸಿಂಗ್‌ ಎಂಬ ಅಟ್ಲಾಂಟಿಕ್‌ ಚಾಂಪಿಯನ್‌ಷಿಪ್‌ ತಂಡದಲ್ಲೂ ಸಹ ಅವನು ಓರ್ವ ಪಾಲುದಾರನಾಗಿದ್ದ. ಒಂದು NASCAR ವಿನ್ಸ್‌ಟನ್‌ ಕಪ್‌ ಕಾರನ್ನು ನ್ಯೂಮನ್ ಹೊಂದಿದ್ದ; ಈಗ ಅದು ಪೆನ್ಸ್‌‌ಕೆ ರೇಸಿಂಗ್‌ ತಂಡಕ್ಕೆ ಮಾರಲ್ಪಟ್ಟಿದ್ದು, ಅದು ಅಲ್ಲಿ #12 ಕಾರಾಗಿ ಸೇವೆ ಸಲ್ಲಿಸುತ್ತಿದೆ.
2009ರ ಫೆಬ್ರುವರಿ 21ರಂದು ನೆವಡಾದ ಲಾಸ್‌ ವೆಗಾಸ್‌‌‌ನಲ್ಲಿ ನಡೆದ ರಾಷ್ಟ್ರೀಯ ಸಮ್ಮೇಳನದಲ್ಲಿ SCCA ಕೀರ್ತಿಭವನದಲ್ಲಿ ನ್ಯೂಮನ್ ಹೆಸರನ್ನು ದಾಖಲಿಸಲಾಯಿತು.[೪೩]
ಅಸ್ವಸ್ಥತೆ ಮತ್ತು ಸಾವು
ಜಾನ್‌ ಸ್ಟೀನ್‌ಬೆಕ್‌ ಎಂಬಾತನ ಆಫ್ ಮೈಸ್‌ ಅಂಡ್‌ ಮೆನ್‌ ಕೃತಿಗೆ ಸಂಬಂಧಿಸಿದ ವೆಸ್ಟ್‌ಪೋರ್ಟ್‌ ಕೌಂಟಿ ಪ್ಲೇಹೌಸ್‌‌‌‌ನ 2008ರ ನಿರ್ಮಾಣದೊಂದಿಗೆ ತನ್ನ ವೃತ್ತಿಪರ ರಂಗ ನಿರ್ದೇಶನದ ಪ್ರಥಮ ಪರಿಚಯಕ್ಕೆ ಅಡಿಯಿಡಲು ನ್ಯೂಮನ್ ಹೆಸರನ್ನು ನಿಯೋಜಿಸಲಾಗಿತ್ತು, ಆದರೆ ತನ್ನ ಆರೋಗ್ಯ ಸಮಸ್ಯೆಗಳನ್ನು ಮುಂದುಮಾಡುವುದರ ಮೂಲಕ ಅವನು 2008ರ ಮೇ 23ರಂದು ಈ ಕರ್ತವ್ಯದಿಂದ ಕೆಳಗಿಳಿದ.[೪೪]
2008ರ ಜೂನ್‌ನಲ್ಲಿ ವ್ಯಾಪಕವಾಗಿ ವರದಿಯಾದ ಪ್ರಕಾರ, ಹಿಂದೆ ಓರ್ವ ಸರಣಿ ಧೂಮಪಾನಿಯಾಗಿದ್ದ ನ್ಯೂಮನ್‌ಗೆ ಶ್ವಾಸಕೋಶದ ಕ್ಯಾನ್ಸರ್‌ ತಗುಲಿಕೊಂಡಿರುವುದು ಪತ್ತೆಯಾಗಿತ್ತು ಮತ್ತು ನ್ಯೂಯಾರ್ಕ್‌ ನಗರದಲ್ಲಿನ ಸ್ಲೋವನ್‌-ಕೆಟ್ಟೆರಿಂಗ್‌ ಆಸ್ಪತ್ರೆಯಲ್ಲಿ ಆತ ಇದಕ್ಕೆ ಸಂಬಂಧಿಸಿದ ಚಿಕಿತ್ಸೆಯನ್ನು ಪಡೆಯುತ್ತಿದ್ದ.[೪೫] ಮೇ ಮತ್ತು ಜೂನ್‌ ತಿಂಗಳುಗಳಲ್ಲಿ ತೆಗೆದುಕೊಳ್ಳಲಾದ ನ್ಯೂಮನ್‌ನ ಛಾಯಾಚಿತ್ರಗಳು ಅವನು ತೀರಾ ಬಡಕಲಾಗಿರುವುದನ್ನು ತೋರಿಸಿದ್ದವು.[೪೬] 1980ರ ದಶಕದಲ್ಲಿ ನ್ಯೂಮನ್'ಸ್‌ ಓನ್‌ ಎಂಬ ಕಂಪನಿಯನ್ನು ನ್ಯೂಮನ್ ಪ್ರಾರಂಭಿಸಿದಾಗ ಅದಕ್ಕೆ ಪಾಲುದಾರನಾಗಿದ್ದ A.E. ಹಾಚ್ನರ್ ಎಂಬ ಬರಹಗಾರನು ಅಸೋಸಿಯೇಟೆಡ್‌ ಪ್ರೆಸ್‌ಗೆ ಹೇಳಿದ ಪ್ರಕಾರ, ಸದರಿ ಸಂದರ್ಶನಕ್ಕೆ ಸುಮಾರು ಹದಿನೆಂಟು ತಿಂಗಳುಗಳಷ್ಟು ಮುಂಚಿತವಾಗಿ ತನಗೆ ಕಾಯಿಲೆಯಿರುವುದರ ಕುರಿತಾಗಿ ಹಾಚ್ನರ್ ಬಳಿಯಲ್ಲಿ ನ್ಯೂಮನ್ ಹೇಳಿಕೊಂಡಿದ್ದ.[೪೭] ನ್ಯೂಮನ್‌ನ ವಕ್ತಾರನು ಪತ್ರಿಕೆಗೆ ತಿಳಿಸಿದ ಪ್ರಕಾರ, ಅವನ ಹಣೆಬರಹ "ಚೆನ್ನಾಗಿಯೇ ಇತ್ತು", ಆದರೆ ಅವನಿಗೆ ಕ್ಯಾನ್ಸರ್‌ ಇದ್ದ ಬಗೆಗೆ ಅದು ದೃಢೀಕರಿಸಲೂ ಇಲ್ಲ ಅಥವಾ ನಿರಾಕರಿಸಲೂ ಇಲ್ಲ.[೪೮] ಆಗಸ್ಟ್‌‌ನಲ್ಲಿ, ರಾಸಾಯನಿಕ ಚಿಕಿತ್ಸೆಯನ್ನು (ಕೆಮೋಥೆರಪಿಯನ್ನು) ಮುಗಿಸಿಕೊಂಡ ನಂತರ, ತನ್ನ ಮನೆಯಲ್ಲೇ ತಾನು ಸಾಯಲು ಬಯಸಿರುವುದಾಗಿ ನ್ಯೂಮನ್ ತನ್ನ ಕುಟುಂಬಕ್ಕೆ ತಿಳಿಸಿದ ಎಂದು ವರದಿಯಾಗಿತ್ತು. ತನ್ನ 83ನೇ ವಯಸ್ಸಿನಲ್ಲಿ 2008ರ ಸೆಪ್ಟೆಂಬರ್‌ 26ರಂದು ಅವನು ಅಸುನೀಗಿದ; ಈ ಸಂದರ್ಭದಲ್ಲಿ ಅವನ ಕುಟುಂಬದವರು ಹಾಗೂ ನಿಕಟ ಸ್ನೇಹಿತರು ಅವನನ್ನು ಸುತ್ತುವರೆದಿದ್ದರು.[೪೯][೫೦][೫೧][೫೨]ವೆಸ್ಟ್‌ಪೋರ್ಟ್‌ನಲ್ಲಿನ ಅವನ ಮನೆಯ ಸಮೀಪದಲ್ಲಿ ಒಂದು ಖಾಸಗಿ ಅಂತ್ಯಕ್ರಿಯೆ ಸೇವೆಯಾದ ನಂತರ, ಅವನ ಅವಶೇಷಗಳನ್ನು ತರುವಾಯದಲ್ಲಿ ಸಮಾಧಿ ಮಾಡಲಾಯಿತು.[೫೩]
ಚಲನಚಿತ್ರಗಳ ಪಟ್ಟಿ, ಪ್ರಶಸ್ತಿಗಳು, ಮತ್ತು ನಾಮನಿರ್ದೇಶನಗಳು
ನಟನಾಗಿ
| ವರ್ಷ | ಚಲನಚಿತ್ರ | ಪಾತ್ರ | ಟಿಪ್ಪಣಿಗಳು |
|---|---|---|---|
| 1954 | ದಿ ಸಿಲ್ವರ್ ಚಾಲೈಸ್‌ | ಬೇಸಿಲ್‌ | |
| 1956 | ಸಮ್‌ಬಡಿ ಅಪ್‌ ದೇರ್‌ ಲೈಕ್ಸ್‌ ಮಿ | ರಾಕಿ ಗ್ರೇಜಿಯಾನೊ | ಅತ್ಯುತ್ತಮ ವಿದೇಶಿ ನಟನಿಗಾಗಿರುವ ಸಿನಿಮಾ ರೈಟರ್ಸ್‌ ಸರ್ಕಲ್‌ ಪ್ರಶಸ್ತಿ |
| ದಿ ರ್ಯಾಕ್‌ | ಕ್ಯಾಪ್ಟನ್‌ ಎಡ್ವರ್ಡ್‌ W. ಹಾಲ್‌ ಜೂನಿಯರ್‌ | ||
| 1957 | ದಿ ಹೆಲೆನ್‌ ಮೋರ್ಗಾನ್‌ ಸ್ಟೋರಿ | ಲ್ಯಾರಿ ಮ್ಯಾಡಕ್ಸ್‌ | |
| ಅಂಟಿಲ್‌ ದೆ ಸೈಲ್‌ | ಕ್ಯಾಪ್ಟನ್‌ ಜ್ಯಾಕ್‌ ಹಾರ್ಡಿಂಗ್‌ | ||
| 1958 | ದಿ ಲಾಂಗ್‌, ಹಾಟ್‌ ಸಮ್ಮರ್‌ | ಬೆನ್‌ ಕ್ವಿಕ್‌ | ಅತ್ಯುತ್ತಮ ನಟ ಪ್ರಶಸ್ತಿ (ಕ್ಯಾನೆಸ್‌ ಚಿತ್ರೋತ್ಸವ) |
| ದಿ ಲೆಫ್ಟ್‌ ಹ್ಯಾಂಡೆಡ್‌ ಗನ್‌ | ಬಿಲ್ಲಿ ದಿ ಕಿಡ್‌ | ||
| ಕ್ಯಾಟ್‌ ಆನ್‌ ಎ ಹಾಟ್‌ ಟಿನ್‌ ರೂಫ್‌ | ಬ್ರಿಕ್‌ ಪೊಲ್ಲಿಟ್‌ | ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಪ್ರಧಾನ ಪಾತ್ರವೊಂದರಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿ | |
| ರ್ಯಾಲಿ 'ರೌಂಡ್‌ ದಿ ಫ್ಲ್ಯಾಗ್‌, ಬಾಯ್ಸ್‌! | ಹ್ಯಾರಿ ಬನ್ನೇರ್‌‌ಮನ್‌ | ||
| 1959 | ದಿ ಯಂಗ್‌ ಫಿಲಡೆಲ್ಫಿಯನ್ಸ್‌ | ಆಂಟನಿ ಜುಡ್‌ಸನ್‌ ಲಾರೆನ್ಸ್‌ | |
| 1960 | ಫ್ರಂ ದಿ ಟೆರೇಸ್‌ | ಡೇವಿಡ್‌ ಆಲ್‌ಫ್ರೆಡ್‌ ಈಟನ್‌ | |
| ಎಕ್ಸೋಡಸ್‌ | ಅರಿ ಬೆನ್‌ ಕೆನಾನ್‌ | ||
| 1961 | ದಿ ಹಸ್ಲರ್‌ | ಎಡ್ಡೀ ಫೆಲ್ಸನ್‌ | ಪ್ರಮುಖ ಪಾತ್ರವೊಂದರಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿ ಮಾರ್‌ ಡೆಲ್‌ ಪ್ಲಾಟಾ ಚಿತ್ರೋತ್ಸವದ ಅತ್ಯುತ್ತಮ ನಟ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ |
| ಪ್ಯಾರಿಸ್‌ ಬ್ಲೂಸ್‌ | ರ್ಯಾಮ್‌ ಬೋವೆನ್‌ | ||
| 1962 | ಸ್ವೀಟ್‌ ಬರ್ಡ್‌ ಆಫ್ ಯೂತ್‌ | ಚಾನ್ಸ್‌ ವೇಯ್ನೆ | ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ |
| ಹೆಮಿಂಗ್ವೆ'ಸ್‌ ಅಡ್ವೆಂಚರ್ಸ್‌ ಆಫ್ ಎ ಯಂಗ್‌ ಮ್ಯಾನ್‌ | ಆಡ್‌ ಫ್ರಾನ್ಸಿಸ್‌, 'ದಿ ಬ್ಯಾಟ್ಲರ್‌' | ನಾಮನಿರ್ದೇಶಿತ – ಅತ್ಯುತ್ತಮ ಪೋಷಕ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ | |
| 1963 | ಹುಡ್‌ | ಹುಡ್‌ ಬ್ಯಾನನ್‌ | ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಪ್ರಧಾನ ಪಾತ್ರವೊಂದರಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ |
| ಎ ನ್ಯೂ ಕೈಂಡ್‌ ಆಫ್ ಲವ್‌ | ಸ್ಟೀವ್‌ ಷೆರ್ಮಾನ್‌ | ||
| ದಿ ಪ್ರೈಜ್‌ | ಆಂಡ್ರ್ಯೂ ಕ್ರೇಗ್‌ | ||
| 1964 | ವಾಟ್‌ ಎ ವೇ ಟು ಗೋ! | ಲ್ಯಾರಿ ಫ್ಲಿಂಟ್‌ | |
| ದಿ ಔಟ್‌ರೇಜ್‌ | ಜುವಾನ್‌ ಕರ್ರಾಸ್ಕೊ | ||
| 1965 | ಲೇಡಿ L | ಅರ್ಮಾಂಡ್‌ ಡೆನಿಸ್‌ | |
| 1966 | ಹಾರ್ಪರ್‌ | ಲ್ಯೂ ಹಾರ್ಪರ್‌ | |
| ಟೋರ್ನ್‌ ಕರ್ಟನ್‌ | ಪ್ರೊಫೆಸರ್‌ ಮೈಕೇಲ್‌ ಆರ್ಮ್‌ಸ್ಟ್ರಾಂಗ್‌ | ||
| 1967 | ಹೊಂಬ್ರೆ | ಜಾನ್‌ ರಸ್ಸೆಲ್‌ | |
| ಕೂಲ್‌ ಹ್ಯಾಂಡ್‌ ಲ್ಯೂಕ್‌ | ಲ್ಯೂಕ್‌ ಜ್ಯಾಕ್ಸನ್‌ | ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ | |
| 1968 | ದಿ ಸೀಕ್ರೆಟ್‌ ವಾರ್‌ ಆಫ್ ಹ್ಯಾರಿ ಫ್ರಿಗ್‌ | ಪ್ರೈವೇಟ್‌ ಹ್ಯಾರಿ ಫ್ರಿಗ್‌ | |
| 1969 | ವಿನ್ನಿಂಗ್‌ | ಫ್ರಾಂಕ್‌ ಕಪುವಾ | |
| ಬುಚ್‌ ಕ್ಯಾಸಿಡಿ ಅಂಡ್‌ ದಿ ಸನ್‌ಡಾನ್ಸ್‌ ಕಿಡ್‌ | ಬುಚ್‌ ಕ್ಯಾಸಿಡಿ | ನಾಮನಿರ್ದೇಶಿತ – ಪ್ರಧಾನ ಪಾತ್ರವೊಂದರಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿ | |
| 1970 | WUSA | ರೆಯಿನ್‌ಹಾರ್ಡ್ಟ್‌ | |
| 1971 | ಸಮ್‌ಟೈಮ್ಸ್‌ ಎ ಗ್ರೇಟ್‌ ನೋಷನ್‌ | ಹ್ಯಾಂಕ್‌ ಸ್ಟ್ಯಾಂಪರ್‌ | |
| ಒನ್ಸ್‌ ಅಪಾನ್‌ ಎ ವೀಲ್‌ (1971ರ TV ಕಾರ್ಯಕ್ರಮ) | ಸ್ವತಃ ಅವನೇ | ವಿಜೇತ: ವಿಶ್ವ ದೂರದರ್ಶನ ಉತ್ಸವ ಪ್ರಶಸ್ತಿ, ವಿಜೇತ: ಅತ್ಯುತ್ತಮ ಅಂತರರಾಷ್ಟ್ರೀಯ ಕ್ರೀಡಾ ಸಾಕ್ಷ್ಯಚಿತ್ರ | |
| 1972 | ಪಾಕೆಟ್‌ ಮನಿ | ಜಿಮ್‌ ಕೇನ್‌ | |
| ದಿ ಲೈಫ್‌ ಅಂಡ್‌ ಟೈಮ್ಸ್‌ ಆಫ್ ಜಡ್ಜ್‌ ರಾಯ್‌ ಬೀನ್‌ | ಜಡ್ಜ್‌ ರಾಯ್‌ ಬೀನ್‌ | ||
| 1973 | ದಿ ಮ್ಯಾಕಿಂತೋಷ್‌ ಮ್ಯಾನ್‌ | ಜೋಸೆಫ್‌ ರಿಯರ್‌ಡೆನ್‌ | |
| ದಿ ಸ್ಟಿಂಗ್‌ | ಹೆನ್ರಿ ಗೊಂಡಾರ್ಫ್‌ | ||
| 1974 | ದಿ ಟವರಿಂಗ್‌ ಇನ್‌ಫರ್ನೊ | ಡೌಗ್‌ ರಾಬರ್ಟ್ಸ್‌ | |
| 1975 | ದಿ ಡ್ರೌನಿಂಗ್‌ ಪೂಲ್‌ | ಲ್ಯೂ ಹಾರ್ಪರ್‌ | |
| 1976 | ಸೈಲೆಂಟ್‌ ಮೂವೀ | ಸ್ವತಃ ಅವನೇ | |
| ಬಫೆಲೊ ಬಿಲ್‌ ಅಂಡ್‌ ದಿ ಇಂಡಿಯನ್ಸ್‌ | ವಿಲಿಯಂ F. "ಬಫೆಲೊ ಬಿಲ್‌" ಕೋಡಿ | ||
| 1977 | ಸ್ಲ್ಯಾಪ್‌ ಷಾಟ್‌ | ರೆಗ್ಗೀ "ರೆಗ್‌" ಡನ್‌ಲಪ್‌ | |
| 1979 | ಕ್ವಿಂಟೆಟ್‌ | ಎಸೆಕ್ಸ್‌ | |
| 1980 | ವೆನ್‌ ಟೈಮ್‌ ರ್ಯಾನ್‌ ಔಟ್... | ಹ್ಯಾಂಕ್‌ ಆಂಡರ್‌ಸನ್‌ | |
| 1981 | ಫೋರ್ಟ್‌ ಅಪಾಚೆ, ದಿ ಬ್ರಾಂಕ್ಸ್‌ | ಮರ್ಫಿ | |
| ಆಬ್ಸೆನ್ಸ್‌ ಆಫ್ ಮ್ಯಾಲೀಸ್‌ | ಮೈಕೇಲ್‌ ಕಾಲಿನ್‌ ಗ್ಯಾಲಾಘರ್‌ | ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ | |
| 1982 | ಕಮ್‌ ಅಲಾಂಗ್‌ ವಿತ್‌ ಮೀ | TV | |
| ದಿ ವರ್ಡಿಕ್ಟ್‌ | ಫ್ರಾಂಕ್‌ ಗಾಲ್ವಿನ್‌ | ಅತ್ಯುತ್ತಮ ವಿದೇಶಿ ನಟನಿಗಾಗಿರುವ ಡೇವಿಡ್‌ ಡಿ ಡೊನಾಟೆಲ್ಲೊ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ | |
| 1984 | ಹ್ಯಾರಿ & ಸನ್‌ | ಹ್ಯಾರಿ ಕೀಚ್‌ | |
| 1986 | ದಿ ಕಲರ್‌ ಆಫ್ ಮನಿ | ಫಾಸ್ಟ್‌ ಎಡ್ಡೀ ಫೆಲ್ಸನ್‌ | ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ಅತ್ಯುತ್ತಮ ನಟನಿಗಾಗಿರುವ ನ್ಯಾಷನಲ್ ಬೋರ್ಡ್ ಆಫ್ ರಿವ್ಯೂ ಪ್ರಶಸ್ತಿ. ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ |
| 1989 | ಫ್ಯಾಟ್‌ ಮ್ಯಾನ್‌ ಅಂಡ್‌ ಲಿಟ್ಲ್‌ ಬಾಯ್‌ | ಜನರಲ್‌ ಲೆಸ್ಲೀ R. ಗ್ರೋವ್ಸ್‌ | |
| ಬ್ಲೇಜ್‌ | ಗವರ್ನರ್‌ ಅರ್ಲ್‌ K. ಲಾಂಗ್‌ | ||
| 1990 | ಮಿಸ್ಟರ್‌ ಅಂಡ್‌ ಮಿಸ್ಟ್ರೆಸ್‌ ಬ್ರಿಜ್‌ | ವಾಲ್ಟರ್‌ ಬ್ರಿಜ್‌ | |
| 1993 | ಲಾ ಕ್ಲಾಸ್ಸೆ ಅಮೆರಿಕೇನ್‌ | ಡೇವ್‌ | ಮರುಮಾತಿನ ಲೇಪನವನ್ನು ಮಾಡಿರುವ ದಫ್ತರಖಾನೆಯ ಚಿತ್ರತುಣುಕಿನಲ್ಲಿ ಮಾತ್ರ |
| 1994 | ದಿ ಹುಡ್‌ಸಕರ್‌ ಪ್ರಾಕ್ಸಿ | ಸಿಡ್ನೆ J. ಮುಸ್‌ಬರ್ಗರ್‌ | |
| ನೋಬಡಿ ಈಸ್‌ ಫೂಲ್‌ | ಡೊನಾಲ್ಡ್‌ J. "ಸಲ್ಲಿ" ಸಲ್ಲಿವಾನ್‌ | ಅತ್ಯುತ್ತಮ ನಟನಿಗಾಗಿರುವ ಸಿಲ್ವರ್ ಬೇರ್‌ ಪ್ರಶಸ್ತಿ ಅತ್ಯುತ್ತಮ ನಟನಿಗಾಗಿರುವ ನ್ಯಾಷನಲ್ ಸೊಸೈಟಿ ಆಫ್ ಫಿಲ್ಮ್ ಕ್ರಿಟಿಕ್ಸ್ ಪ್ರಶಸ್ತಿ ಅತ್ಯುತ್ತಮ ನಟನಿಗಾಗಿರುವ ನ್ಯೂಯಾರ್ಕ್‌ ಫಿಲ್ಮ್ ಕ್ರಿಟಿಕ್ಸ್ ಸರ್ಕಲ್‌ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ – ಚಲನಚಿತ್ರ ರೂಪಕ ನಾಮನಿರ್ದೇಶಿತ - [[ಪ್ರಧಾನ ಪಾತ್ರವೊಂದರಲ್ಲಿನ ಓರ್ವ ನಟನ ಮಹೋನ್ನತ ಪಾತ್ರನಿರ್ವಹಣೆಗಾಗಿರುವ ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್‌ ಪ್ರಶಸ್ತಿ]] | |
| 1998 | ಟ್ವಿಲೈಟ್‌ | ಹ್ಯಾರಿ ರಾಸ್‌ | |
| 1999 | ಮೆಸೇಜ್‌ ಇನ್ ಎ ಬಾಟಲ್‌ | ಡಾಡ್ಜ್‌ ಬ್ಲೇಕ್‌ | |
| 2000 | ವೇರ್‌ ದಿ ಮನಿ ಈಸ್‌ | ಹೆನ್ರಿ ಮ್ಯಾನಿಂಗ್‌ | |
| 2001 | ದಿ ಬ್ಲಂಡರ್‌ ಇಯರ್ಸ್‌ (ದಿ ಸಿಂಪ್ಸನ್ಸ್‌ ಸಂಚಿಕೆ) | ಸ್ವತಃ ಅವನೇ | ಕಂಠದಾನ |
| 2002 | ರೋಡ್ ಟು ಪೆರ್ಡಿಷನ್ | ಜಾನ್‌ ರೂನಿ | ಅತ್ಯುತ್ತಮ ಪೋಷಕ ನಟನಿಗಾಗಿರುವ ಫೀನಿಕ್ಸ್‌ ಫಿಲ್ಮ್ ಕ್ರಿಟಿಕ್ಸ್ ಸೊಸೈಟಿ ಪ್ರಶಸ್ತಿ ನಾಮನಿರ್ದೇಶಿತ — ಅತ್ಯುತ್ತಮ ಪೋಷಕ ನಟನಿಗಾಗಿರುವ ಅಕಾಡೆಮಿ ಪ್ರಶಸ್ತಿ ನಾಮನಿರ್ದೇಶಿತ – ಪೋಷಕ ಪಾತ್ರವೊಂದರಲ್ಲಿನ ಅತ್ಯುತ್ತಮ ನಟನಿಗಾಗಿರುವ BAFTA ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ಪೋಷಕ ನಟನಿಗಾಗಿರುವ ಬ್ರಾಡ್‌ಕಾಸ್ಟ್‌ ಫಿಲ್ಮ್ ಕ್ರಿಟಿಕ್ಸ್ ಅಸೋಷಿಯೇಷನ್‌ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ಪೋಷಕ ನಟನಿಗಾಗಿರುವ ಚಿಕಾಗೊ ಫಿಲ್ಮ್ ಕ್ರಿಟಿಕ್ಸ್ ಅಸೋಷಿಯೇಷನ್‌ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ಪೋಷಕ ನಟನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ - ಚಲನಚಿತ್ರ ನಾಮ ನಿರ್ದೇಶಿತ - ಅತ್ಯುತ್ತಮ ಪೋಷಕ ನಟನಿಗಾಗಿರುವ ಆನ್‌ಲೈನ್ ಫಿಲ್ಮ್ ಕ್ರಿಟಿಕ್ಸ್ ಸೊಸೈಟಿ ಪ್ರಶಸ್ತಿ ನಾಮನಿರ್ದೇಶಿತ – ಅತ್ಯುತ್ತಮ ಪೋಷಕ ನಟನಿಗಾಗಿರುವ ಸ್ಯಾಟೆಲೈಟ್‌ ಪ್ರಶಸ್ತಿ - ಚಲನಚಿತ್ರ |
| 2003 | ಅವರ್‌ ಟೌನ್‌ | ಸ್ಟೇಜ್‌ ಮ್ಯಾನೇಜರ್‌ | ನಾಮನಿರ್ದೇಶಿತ - ಎಮಿ ಪ್ರಶಸ್ತಿ |
| 2005 | ಎಂಪೈರ್‌ ಫಾಲ್ಸ್‌ | ಮ್ಯಾಕ್ಸ್‌ ರೋಬಿ | ಎಮಿ ಪ್ರಶಸ್ತಿ; ಗೋಲ್ಡನ್ ಗ್ಲೋಬ್ |
| Magnificent Desolation: Walking on the Moon 3D | ಡೇವ್‌ ಸ್ಕಾಟ್‌ | ಕಂಠದಾನ | |
| 2006 | ಕಾರ್ಸ್‌ | ಡಾಕ್‌ ಹಡ್ಸನ್‌/ಹಡ್ಸನ್‌ ಹಾರ್ನೆಟ್‌ | ಕಂಠದಾನ |
| 2007 | ಡೇಲ್‌ | ನಿರೂಪಕ | ಕಂಠದಾನ |
| 2009 | ದಿ ಮೀರ್‌ಕ್ಯಾಟ್ಸ್‌ | ನಿರೂಪಕ | ಕಂಠದಾನ |
ನಿರ್ದೇಶಕ ಅಥವಾ ನಿರ್ಮಾಪಕನಾಗಿ
| ವರ್ಷ | ಚಲನಚಿತ್ರ | ಟಿಪ್ಪಣಿಗಳು |
|---|---|---|
| 1968 | ರ್ಯಾಚೆಲ್‌, ರ್ಯಾಚೆಲ್‌ | ಚಲನಚಿತ್ರದ ಅತ್ಯುತ್ತಮ ನಿರ್ದೇಶಕನಿಗಾಗಿರುವ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ನಾಮನಿರ್ದೇಶಿತ - ಅತ್ಯುತ್ತಮ ಚಲನಚಿತ್ರಕ್ಕಾಗಿರುವ ಅಕಾಡೆಮಿ ಪ್ರಶಸ್ತಿ ನ್ಯೂಯಾರ್ಕ್‌ ಫಿಲ್ಮ್ ಕ್ರಿಟಿಕ್ಸ್ ಸರ್ಕಲ್‌ ಪ್ರಶಸ್ತಿ (ಅತ್ಯುತ್ತಮ ನಿರ್ದೇಶಕ)[೫೪] |
| 1969 | ಬುಚ್‌ ಕ್ಯಾಸಿಡಿ ಅಂಡ್‌ ದಿ ಸನ್‌ಡಾನ್ಸ್‌ ಕಿಡ್‌ | ಸಹ-ಕಾರ್ಯಕಾರಿ ನಿರ್ಮಾಪಕ (ಮಾನ್ಯತೆ ದೊರೆಯಲಿಲ್ಲ) |
| ವಿನ್ನಿಂಗ್‌ | ಸಹ-ಕಾರ್ಯಕಾರಿ ನಿರ್ಮಾಪಕ (ಮಾನ್ಯತೆ ದೊರೆಯಲಿಲ್ಲ) | |
| 1970 | WUSA | ಸಹ-ನಿರ್ಮಾಪಕ |
| 1971 | ಸಮ್‌ಟೈಮ್ಸ್‌ ಎ ಗ್ರೇಟ್‌ ನೋಷನ್‌ | ನಿರ್ದೇಶಕ ಮತ್ತು ಸಹ-ಕಾರ್ಯಕಾರಿ ನಿರ್ಮಾಪಕ |
| ದೆ ಮೈಟ್‌ ಬಿ ಜೈಂಟ್ಸ್‌ | ನಿರ್ಮಾಪಕ | |
| 1972 | ದಿ ಎಫೆಕ್ಟ್‌ ಆಫ್ ಗಾಮಾ ರೇಸ್‌ ಆನ್‌ ಮ್ಯಾನ್‌-ಇನ್-ದಿ-ಮೂನ್‌ ಮೇರಿಗೋಲ್ಡ್ಸ್‌ | ನಿರ್ದೇಶಕ ಮತ್ತು ನಿರ್ಮಾಪಕ |
| ದಿ ಲೈಫ್‌ ಅಂಡ್‌ ಟೈಮ್ಸ್‌ ಆಫ್ ಜಡ್ಜ್‌ ರಾಯ್‌ ಬೀನ್‌ | ಸಹ-ಕಾರ್ಯಕಾರಿ ನಿರ್ಮಾಪಕ (ಮಾನ್ಯತೆ ದೊರೆಯಲಿಲ್ಲ) | |
| 1980 | ದಿ ಷ್ಯಾಡೋ ಬಾಕ್ಸ್‌ | ನಾಮನಿರ್ದೇಶಿತ - [[ಒಂದು ಕಿರುಸರಣಿ, ಚಲನಚಿತ್ರ ಅಥವಾ ನಾಟಕೀಯ ವಿಶೇಷತೆಗಾಗೆ ಸಂಬಂಧಿಸಿದ ಅತ್ಯುತ್ತಮ ನಿರ್ದೇಶಕನಿಗಾಗಿರುವ ಎಮಿ ಪ್ರಶಸ್ತಿ]] |
| 1984 | ಹ್ಯಾರಿ & ಸನ್‌ | ನಿರ್ದೇಶಕ ಮತ್ತು ನಿರ್ಮಾಪಕ |
| 1987 | ದಿ ಗ್ಲಾಸ್‌ ಮೆನಗೆರೀ | |
| 2005 | ಎಂಪೈರ್‌ ಫಾಲ್ಸ್‌ | ನಿರ್ಮಾಪಕ, ನಾಮನಿರ್ದೇಶಿತ: ಮಹೋನ್ನತ ಕಿರುಸರಣಿಗಾಗಿರುವ ಪ್ರೈಮ್‌ಟೈಂ ಎಮಿ ಪ್ರಶಸ್ತಿ |
ಹೆಚ್ಚುವರಿ ಪ್ರಶಸ್ತಿಗಳು ಹಾಗೂ ಗೌರವಗಳು
ನಿರ್ದಿಷ್ಟ ಪಾತ್ರಗಳಿಗೆ ಸಂಬಂಧಿಸಿದಂತೆ ನ್ಯೂಮನ್ ಗೆದ್ದುಕೊಂಡ ಪ್ರಶಸ್ತಿಗಳ ಜೊತೆಯಲ್ಲಿ, ಅವನು 1986ರಲ್ಲಿ ಒಂದು ಗೌರವಾರ್ಥ ಅಕಾಡೆಮಿ ಪ್ರಶಸ್ತಿಯನ್ನು ಸ್ವೀಕರಿಸಿದ; "ಚಲನಚಿತ್ರಗಳಲ್ಲಿನ ಅವನ ಅನೇಕ ಮತ್ತು ಸ್ಮರಣೀಯ ಹಾಗೂ ಗಮನ ಸೆಳೆಯುವ ಕಾರ್ಯನಿರ್ವಹಣೆಗಳಿಗಾಗಿ" ಈ ಗೌರವವು ಅವನಿಗೆ ಲಭಿಸಿತು. ಇಷ್ಟೇ ಅಲ್ಲ, ಅವನು ಕೈಗೊಂಡ ಅನಾಥಾಶ್ರಮದ ಕೆಲಸಕ್ಕಾಗಿ 1994ರಲ್ಲಿ ಅವನಿಗೆ ಜೀನ್‌ ಹರ್ಷೋಲ್ಟ್‌ ಹ್ಯುಮಾನಿಟೇರಿಯನ್‌ ಪ್ರಶಸ್ತಿಯೂ ಲಭಿಸಿತು.
ದಿ ಸಿಲ್ವರ್ ಚಾಲೈಸ್‌ (1957) ಚಲನಚಿತ್ರಕ್ಕಾಗಿ ಗೋಲ್ಡನ್ ಗ್ಲೋಬ್ ವರ್ಷದ ಹೊಸ ತಾರೆ - ನಟ ಪ್ರಶಸ್ತಿಯನ್ನು, 1964 ಹಾಗೂ 1966ರಲ್ಲಿ ಹೆನ್ರೀಟ್ಟಾ ಅವಾರ್ಡ್‌ ವರ್ಲ್ಡ್‌ ಫಿಲ್ಮ್ ಫೇವರಿಟ್‌ - ನಟ ಪ್ರಶಸ್ತಿಯನ್ನೂ ಮತ್ತು ಜೀವಮಾನ ಸಾಧನೆಗಾಗಿ 1984ರಲ್ಲಿ ಸೆಸಿಲ್‌ B. ಡೆಮಿಲ್ಲೆ ಪ್ರಶಸ್ತಿಯನ್ನೂ ಅವನು ಪಡೆದುಕೊಂಡ.
ದಿ ಲಾಂಗ್‌, ಹಾಟ್‌ ಸಮ್ಮರ್‌ ಚಲನಚಿತ್ರಕ್ಕೆ ಸಂಬಂಧಿಸಿದಂತೆ ಕ್ಯಾನೆಸ್‌ ಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಟ ಪ್ರಶಸ್ತಿಯನ್ನೂ, ನೋಬಡಿ ಈಸ್‌ ಫೂಲ್‌ ಚಿತ್ರಕ್ಕೆ ಸಂಬಂಧಿಸಿದಂತೆ ಬರ್ಲಿನ್‌ ಚಿತ್ರೋತ್ಸವದಲ್ಲಿ ಸಿಲ್ವರ್ ಬೇರ್‌ ಪ್ರಶಸ್ತಿಯನ್ನೂ ನ್ಯೂಮನ್ ಗೆದ್ದುಕೊಂಡ.
1968ರಲ್ಲಿ, ಹೇಸ್ಟಿ ಪುಡಿಂಗ್‌ ಥಿಯೇಟ್ರಿಕಲ್ಸ್‌ ಎಂಬ ಹೆಸರಿನ ಹಾರ್ವರ್ಡ್‌ ವಿಶ್ವವಿದ್ಯಾಲಯದ ಕಾರ್ಯನಿರ್ವಹಣಾ ಸಮೂಹವು ನ್ಯೂಮನ್‌ನನ್ನು "ವರ್ಷದ ವ್ಯಕ್ತಿ" ಎಂದು ಹೆಸರಿಸಿತು.
1970ರ ದಶಕದಿಂದಲೂ, ಕೆನ್ಯನ್‌ ಕಾಲೇಜು, ಬೇಟ್ಸ್‌ ಕಾಲೇಜು, ಪ್ರಿನ್ಸ್‌ಟನ್‌ ವಿಶ್ವವಿದ್ಯಾಲಯ ಹಾಗೂ ಅಮೆರಿಕಾದ ಇತರ ಕಾಲೇಜುಗಳಲ್ಲಿ ನ್ಯೂಮನ್ ದಿನಾಚರಣೆಯನ್ನು ಆಚರಿಸಲಾಗುತ್ತಿದೆ. 2004ರಲ್ಲಿ, ಸದರಿ ಕಾರ್ಯಕ್ರಮವನ್ನು ತನ್ನ ಹೆಸರಿನಿಂದ ಪ್ರತ್ಯೇಕಿಸುವಂತೆ ಪ್ರಿನ್ಸ್‌ಟನ್‌ ವಿಶ್ವವಿದ್ಯಾಲಯಕ್ಕೆ ನ್ಯೂಮನ್ ಮನವಿ ಸಲ್ಲಿಸಿದ; ಇದಕ್ಕೆ ಸಂಬಂಧಿಸಿದಂತೆ, "ಶಿಕ್ಷಣದ ಮೂಲಕ ಮಾದಕವಸ್ತುವಿನ ದುರುಪಯೋಗವನ್ನು ತಡೆಗಟ್ಟುವುದಕ್ಕೆ ತನ್ನನ್ನು ಸಮರ್ಪಿಸಿಕೊಂಡಿದ್ದ" ಸ್ಕಾಟ್‌ ನ್ಯೂಮನ್ ಸೆಂಟರ್‌‌ನ್ನು 1980ರಲ್ಲಿ ತಾನು ಸೃಷ್ಟಿಸಿದ್ದನ್ನು ಉಲ್ಲೇಖಿಸಿದ ಆತ, ಸದರಿ ವಿಶ್ವವಿದ್ಯಾಲಯದ ವ್ಯಾಪ್ತಿಯಲ್ಲಿನ ವಿದ್ಯಾರ್ಥಿಗಳ ವರ್ತನೆಗಳನ್ನು ತಾನು ಅನುಮೋದಿಸದಿರುವುದೇ ಇದಕ್ಕೆ ಕಾರಣ ಎಂದು ತಿಳಿಸಿದ.[೫೫][೫೬]
ಮರಣಾನಂತರ, ನ್ಯೂಮನ್‌ನ ಹೆಸರನ್ನು ಕನೆಕ್ಟಿಕಟ್‌ ಕೀರ್ತಿಭವನದಲ್ಲಿ ದಾಖಲಿಸಲಾಯಿತು, ಮತ್ತು ಅವನ ಗೌರವಾರ್ಥವಾಗಿ ವೆಸ್ಟ್ಪೋರ್ಟ್ನಲ್ಲಿ 37 ಎಕರೆಯಷ್ಟು ವ್ಯಾಪ್ತಿಯ ಒಂದು ಪ್ರಕೃತಿ ಸಂರಕ್ಷಣಾ ಸಜ್ಜಿಕೆಯನ್ನು ಸ್ಥಾಪಿಸಿ ಅವನಿಗೆ ಗೌರವ ಸಲ್ಲಿಸಲಾಯಿತು. ಅವನ ಸಾವಿನ ನಂತರ ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ಶಾಸನಸಭೆಯೂ ಸಹ ಅವನಿಗೆ ಗೌರವವನ್ನು ಸಲ್ಲಿಸಿತು.
ಪ್ರಕಟಿಸಲ್ಪಟ್ಟಿರುವ ಕೃತಿಗಳು
- ನ್ಯೂಮನ್, ಪಾಲ್‌; ಹಾಚ್ನರ್, A.E. ನ್ಯೂಮನ್'ಸ್‌ ಓನ್‌ ಕುಕ್‌ಬುಕ್‌ . ಸೈಮನ್‌ & ಷುಸ್ಟರ್‌, 1998. ISBN 0-684-84832-5.
- ನ್ಯೂಮನ್, ಪಾಲ್‌; ಹಾಚ್ನರ್, A.E. ಷೇಮ್‌ಲೆಸ್‌ ಎಕ್ಸ್‌ಪ್ಲಾಯ್ಟೇಷನ್‌ ಇನ್ ಪರ್ಸೂಟ್‌ ಆಫ್ ದಿ ಕಾಮನ್‌ ಗಾಡ್‌ . ಡಬಲ್‌ಡೇ ಪಬ್ಲಿಷಿಂಗ್‌, 2003. ISBN 0-385-50802-6.
ಇವನ್ನೂ ನೋಡಿ
- ನ್ಯೂಮನ್ ಡೇ
ಆಕರಗಳು
ಟಿಪ್ಪಣಿಗಳು
ಗ್ರಂಥಸೂಚಿ
- ಡೆಮರ್ಸ್‌, ಜೆನಿಫರ್‌. ಪಾಲ್‌ ನ್ಯೂಮನ್: ದಿ ಡ್ರೀಮ್‌ ಹ್ಯಾಸ್‌ ಎಂಡೆಡ್‌
!. ಕ್ರಿಯೇಟ್‌ಸ್ಪೇಸ್‌, 2008. ISBN 1-4404-3323-2
- ಲ್ಯಾಕ್ಸ್, ಎರಿಕ್‌. ಪಾಲ್‌ ನ್ಯೂಮನ್: ಎ ಬಯಾಗ್ರಫಿ . ಟರ್ನರ್‌ ಪಬ್ಲಿಷಿಂಗ್‌, ಇನ್‌ಕಾರ್ಪೊರೇಟೆಡ್‌, 1999. ISBN 1-57036-286-6.
- ಮೋರೆಲ್ಲಾ, ಜೋ; ಎಪ್‌ಸ್ಟೀನ್‌, ಎಡ್ವರ್ಡ್‌ Z. ಪಾಲ್‌ ಅಂಡ್‌ ಜೊವಾನ್ನೆ: ಎ ಬಯಾಗ್ರಫಿ ಆಫ್ ಪಾಲ್‌ ನ್ಯೂಮನ್ ಅಂಡ್‌ ಜೊವಾನ್ನೆ ವುಡ್‌ವರ್ಡ್‌ . ಡೆಲಾಕಾರ್ಟೆ ಪ್ರೆಸ್‌, 1988. ISBN 0-440-50004-4.
- ಒ'ಬ್ರಿಯೆನ್‌, ಡೇನಿಯೆಲ್‌. ಪಾಲ್‌ ನ್ಯೂಮನ್ ಫೇಬರ್‌ & ಫೇಬರ್‌, ಲಿಮಿಟೆಡ್‌, 2005. ISBN 0-571-21987-X.
- ಔಮಾನೊ, ಎಲಿನಾ. ಪಾಲ್‌ ನ್ಯೂಮನ್ ಸೇಂಟ್‌ ಮಾರ್ಟಿನ್‌'ಸ್‌ ಪ್ರೆಸ್‌, 1990. ISBN 0-517-05934-7.
- ಕ್ವಿರ್ಕ್, ಲಾರೆನ್ಸ್‌ J. ದಿ ಫಿಲ್ಮ್ಸ್‌ ಆಫ್ ಪಾಲ್‌ ನ್ಯೂಮನ್ . ಟೇಲರ್‌ ಪಬ್ಲಿಕೇಷನ್ಸ್‌, 1986. ISBN 0-8065-0385-8.
- ಥಾಮ್ಸನ್‌, ಕೆನ್ನೆತ್‌. ದಿ ಫಿಲ್ಮ್ಸ್‌ ಆಫ್ ಪಾಲ್‌ ನ್ಯೂಮನ್ . 1978. ISBN 0-912616-87-3.
ಹೆಚ್ಚಿನ ಓದಿಗಾಗಿ
- Dherbier, Yann-Brice (2006). Paul Newman: A Life in Pictures. San Francisco, CA: Chronicle Books. ISBN 9780811857260. OCLC 71146543.
{{cite book}}: Unknown parameter|coauthors=ignored (|author=suggested) (help) - Godfrey, Lionel (1979, ©1978). Paul Newman, Superstar: A Critical Biography. New York, NY: St. Martin's Press. ISBN 9780312598198. OCLC 4739913.
{{cite book}}: Check date values in:|year=(help) - Hamblett, Charles (1975). Paul Newman. Chicago, IL: H. Regnery. ISBN 9780809282364. OCLC 1646636.
- Landry, J. C. (1983). Paul Newman. New York, NY: McGraw-Hill. ISBN 9780070361898. OCLC 9556372.
- Lax, Eric (1996). Newman: Paul Newman, A Celebration. London, UK: Pavilion. ISBN 9781857937305. OCLC 37355715.
- Lax, Eric (1996). Paul Newman: A Biography. Atlanta, GA: Turner Pub. ISBN 9781570362866. OCLC 33667112.
- Morella, Edward Z. (1988). Paul and Joanne: A Biography of Paul Newman and Joanne Woodward. New York, NY: Delacorte Press. ISBN 9780440500049. OCLC 18016049.
{{cite book}}: More than one of|first1=and|first=specified (help); Unknown parameter|unused_data=ignored (help) - Netter, Susan (1989). Paul Newman and Joanne Woodward. London, England: Piatkus. ISBN 9780861888696. OCLC 19778734.
- O'Brien, Daniel (2004). Paul Newman. London, UK: Faber. ISBN 9780571219865. OCLC 56658601.
- Oumano, Elena (1989). Paul Newman. New York, NY: St. Martin's Press. ISBN 9780312026271. OCLC 18558929.
- Quirk, Lawrence J. (1971). The Films of Paul Newman. New York, NY: Citadel Press. ISBN 0806502239. OCLC 171115.
{{cite book}}: Check|isbn=value: checksum (help) - Quirk, Lawrence J. (1996). Paul Newman. Dallas, TX: Taylor Pub. Co. ISBN 9780878339624. OCLC 35884602.
- Stern, Stewart (1989). No Tricks in My Pocket: Paul Newman Directs. New York, NY: Grove Press. ISBN 9780802111203. OCLC 18780705.
- Demers, Jenifer (2008). Paul Newman: The Dream has Ended!. California: Createspace. ISBN 9781440433238.
ಹೊರಗಿನ ಕೊಂಡಿಗಳು
- ಅಂತರಜಾಲ ಸಿನೆಮಾ ದತ್ತಸಂಚಯದಲ್ಲಿ ನ್ಯೂಮನ್
- Please use a more specific IBDB template. See the documentation for available templates.
- ಟೆಂಪ್ಲೇಟು:Amg name
- ಪಾಲ್‌ ನ್ಯೂಮನ್ at the TCM Movie Database
- ಪಾಲ್‌ ನ್ಯೂಮನ್ at Find a Grave
- ನ್ಯೂಮನ್/ಹಾಸ್‌/ಲಾಂಗಿಯನ್‌ ರೇಸಿಂಗ್‌
- ನ್ಯೂಮನ್'ಸ್‌ ಓನ್‌
- ನ್ಯೂಮನ್'ಸ್‌ ಓನ್‌ ಫೌಂಡೇಷನ್‌
- ದಿ ಗಾರ್ಡಿಯನ್‌ನಲ್ಲಿರುವ ಪಾಲ್‌ ನ್ಯೂಮನ್ ಚಿತ್ರಸಂಪುಟ
- ಪಾಲ್‌ ನ್ಯೂಮನ್ ಸ್ಪೀಕ್ಸ್‌ ಅಟ್‌ ದಿ ಅಮೆರಿಕನ್‌ ಐರ್ಲೆಂಡ್‌ ಫಂಡ್‌ ಡಿನ್ನರ್‌ ಗಾಲಾ 2007 - ವಿಡಿಯೋ Archived 2010-06-15 ವೇಬ್ಯಾಕ್ ಮೆಷಿನ್ ನಲ್ಲಿ.
- ಸಿನಿಮಾ ರೆಟ್ರೊ: ಸೆಲೆಬ್ರೇಟಿಂಗ್‌ ಪಾಲ್‌ ನ್ಯೂಮನ್
- ಪಾಲ್‌ ನ್ಯೂಮನ್ ಬಯೋ ಅಟ್‌ h2g2
- ಪಾಲ್‌ ನ್ಯೂಮನ್ ಸ್ಲೈಡ್‌ಷೋ ಅಟ್‌ AMCtv.com Archived 2009-10-02 ವೇಬ್ಯಾಕ್ ಮೆಷಿನ್ ನಲ್ಲಿ.
ಟೆಂಪ್ಲೇಟು:Paul Newman films
[[ವರ್ಗ:ಒಂದು ಕಿರು ಸರಣಿ ಅಥವಾ ದೂರದರ್ಶನ ಚಲನಚಿತ್ರದಲ್ಲಿ ಓರ್ವ ನಟನು ನೀಡಿರುವ ಮಹೋನ್ನತ ಪಾತ್ರನಿರ್ವಹಣೆಗಾಗಿರುವ ಮೂವೀ ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್‌ ಪ್ರಶಸ್ತಿ ವಿಜೇತರು]]