ವಾರೆನ್ ಬಫೆಟ್
ವಾರೆನ್ ಎಡ್ವರ್ಡ್‌ ಬಫೆಟ್ ರು (ಜನನ ಆಗಸ್ಟ್ 30, 1930) ಓರ್ವ ಅಮೇರಿಕನ್‌ ಹೂಡಿಕೆದಾರ, ಉದ್ಯಮಿ, ಹಾಗೂ ಲೋಕೋಪಕಾರಿಯಾಗಿದ್ದಾರೆ. ಅವರು ಇದುವರೆಗಿನ ಇತಿಹಾಸದಲ್ಲೇ ಅತ್ಯಂತ ಯಶಸ್ವಿ ಹೂಡಿಕೆದಾರರಾಗಿದ್ದು, ಬರ್ಕ್ಷೈರ್ ಹಾಥ್‌ವೇನ[೪] ಅಗ್ರ ಷೇರುದಾರರು ಮತ್ತು CEO ಆಗಿದ್ದಾರಲ್ಲದೇ 2008ರಲ್ಲಿ ಫೋರ್ಬ್ಸ್‌ ನಿಂದ ಸರಿಸುಮಾರು $62 ಶತಕೋಟಿಯಷ್ಟು[೫] ಅಂದಾಜು ನಿವ್ವಳ ಆದಾಯವನ್ನು ಹೊಂದಿರುವ ವಿಶ್ವದಲ್ಲೇ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿದ್ದರು. 2009ರಲ್ಲಿ, ಅನೇಕ ಶತಕೋಟಿ ಡಾಲರ್‌ಗಳನ್ನು ದತ್ತಿಗಳಿಗೆ ದಾನ ಮಾಡಿದ ನಂತರ, ಬಫೆಟ್ ನಿವ್ವಳ $40 ಶತಕೋಟಿಗಳಷ್ಟು ಆದಾಯದೊಂದಿಗೆ ಯುನೈಟೆಡ್ ಸ್ಟೇಟ್ಸ್ನ ಎರಡನೇ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.[೬][೭] ಕೇವಲ ಬಿಲ್‌ ಗೇಟ್ಸ್‌ ಮಾತ್ರವೇ ಪ್ರಸ್ತುತ ಬಫೆಟ್‌‌ರಿಗಿಂತ ಉತ್ತಮ ಶ್ರೇಯಾಂಕವನ್ನು ಹೊಂದಿದ್ದಾರೆ.
Warren Buffett | |
|---|---|
 Buffett speaking to students from the Kansas University School of Business, May 6, 2005 | |
| Born | Warren Edward Buffett ೩೦ ಆಗಸ್ಟ್ ೧೯೩೦ Omaha, Nebraska, U.S. |
| Nationality | American |
| Alma mater | University of Pennsylvania University of Nebraska–Lincoln Columbia University |
| Occupation(s) | Chairman & CEO, Berkshire Hathaway |
| Spouse(s) | Susan Thompson Buffett (Deceased) (1932–2004) (her death), Astrid Menks (2006–)[೧] |
| Children | Susan Alice Buffett, Howard Graham Buffett, Peter Andrew Buffett |
ಬಫೆಟ್ರನ್ನು ಸಾಮಾನ್ಯವಾಗಿ "ಒಮಾಹಾನ ದೈವವಾಣಿ" ಎಂದು ಕರೆಯಲಾಗುತ್ತದೆ[೮]ಅಥವಾ "ಒಮಾಹಾದ ವೇದಾಂತಿ"[೯] ಎನ್ನಲಾಗುತ್ತದಲ್ಲದೇ ಮೌಲ್ಯಯುತ ಹೂಡಿಕೆ ಸಿದ್ಧಾಂತಕ್ಕೆ ಬದ್ಧರಾಗಿರುವುದು ಹಾಗೂ ತಮ್ಮ ವೈಯಕ್ತಿಕ ಮಿತವ್ಯಯಿತ್ವ ತನ್ನಲ್ಲಿರುವ ಅಪಾರ ಐಶ್ವರ್ಯದ ಹೊರತಾಗಿಯೂ ಪಾಲಿಸುವ ವಿಚಾರಗಳಿಗೆ ಪ್ರಸಿದ್ಧರಾಗಿದ್ದಾರೆ.[೧೦] ಬಫೆಟ್ರು ತಮ್ಮ ಐಶ್ವರ್ಯದ ಪ್ರತಿಶತ 85ರಷ್ಟನ್ನು ಗೇಟ್ಸ್‌ ಪ್ರತಿಷ್ಠಾನಕ್ಕೆ ದಾನ ಮಾಡಲು ವಾಗ್ದಾನ ಮಾಡಿರುವಂತಹಾ ಗಮನಾರ್ಹ ಲೋಕೋಪಕಾರಿಯೂ ಹೌದು. ಗ್ರಿನ್ನೆಲ್‌ ಮಹಾವಿದ್ಯಾಲಯದಲ್ಲಿ ವಿಶ್ವಸ್ಥ ಮಂಡಲಿಯ ಸದಸ್ಯರಾಗಿಯೂ ಕಾರ್ಯನಿರ್ವಹಿಸುತ್ತಿದ್ದಾರೆ.[೧೧]
1999ರಲ್ಲಿ, ಕಾರ್ಸನ್‌ ಗ್ರೂಪ್‌ ಸಂಸ್ಥೆಯು ನಡೆಸಿದ ಸಮೀಕ್ಷೆಯಲ್ಲಿ, ಪೀಟರ್‌ ಲಿಂಚ್‌ ಮತ್ತು ಜಾನ್ ಟೆಂಪಲ್‌ಟನ್‌‌ರನ್ನು ಹಿಂದಿಕ್ಕಿ ಇಪ್ಪತ್ತನೇ ಶತಮಾನದ ಅತ್ಯುತ್ತಮ ವಿತ್ತ ನಿರ್ವಾಹಕರಾಗಿ ಬಫೆಟ್ ಹೊರಹೊಮ್ಮಿದರು.[೧೨] 2007ರಲ್ಲಿ, ಟೈಮ್‌ ಪತ್ರಿಕೆಯ ವಿಶ್ವದ 100 ಅತ್ಯಂತ ಪ್ರಭಾವಿ ವ್ಯಕ್ತಿಗಳ ಪಟ್ಟಿಯಲ್ಲಿ ಅವರ ಹೆಸರನ್ನು ದಾಖಲಿಸಲಾಗಿತ್ತು.[೧೩]
ಬಾಲ್ಯ ಜೀವನ
ಬಫೆಟ್ ನೆಬ್ರಾಸ್ಕಾದ ಒಮಾಹಾದಲ್ಲಿ, ಉದ್ಯಮಿ/ರಾಜಕಾರಣಿ ಹೋವರ್ಡ್‌ ಬಫೆಟ್ ಹಾಗೂ ಲೇಲಾ/ಲೈಲಾ (ನೀ ಸ್ಟಾಹ್ಲ್‌/née Stahl) ದಂಪತಿಗಳ ಏಕೈಕ ಸುಪುತ್ರರಾಗಿ ಹಾಗೂ ಮೂರು ಮಕ್ಕಳಲ್ಲಿ ಎರಡನೆಯವರಾಗಿ ಜನಿಸಿದರು.[೧೪] ಆತ ತನ್ನ ಅಜ್ಜನ ಕಿರಾಣಿ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದರು. 1943ರಲ್ಲಿ, ಬಫೆಟ್, ಬೈಸಿಕಲ್‌/ಸೈಕಲ್ ಹಾಗೂ ಕೈಗಡಿಯಾರಗಳ ವೆಚ್ಚವನ್ನು ವೃತ್ತಪತ್ರಿಕೆ ಹಂಚುವ ಹುಡುಗನಾಗಿ ಕಾರ್ಯನಿರ್ವಹಣೆಯ ವೆಚ್ಚವೆಂದು $35ನ್ನು ಮುರಿದುಕೊಂಡು ತಮ್ಮ ಪ್ರಪ್ರಥಮ ಆದಾಯ ತೆರಿಗೆ ದಾಖಲೆಗಳನ್ನು ಸಲ್ಲಿಸಿದರು.[೧೫] ಶಾಸನಸಭೆಗೆ ಆತನ ತಂದೆ ಆಯ್ಕೆಯಾದ ನಂತರ, ಬಫೆಟ್ರಿಗೆ, ವಾಷಿಂಗ್ಟನ್‌, D.C[೧೬] ಯ ವುಡ್ರೋ ವಿಲ್ಸನ್‌ ಪ್ರೌಢಶಾಲೆಯಲ್ಲಿ ಶಿಕ್ಷಣ ಕೊಡಿಸಲಾಯಿತು. 1945ರಲ್ಲಿ, ಪ್ರೌಢಶಾಲೆಯ ಪ್ರಥಮ ವರ್ಷದ ವಿದ್ಯಾರ್ಥಿಯಾಗಿದ್ದಾಗ, ಬಫೆಟ್ ಹಾಗೂ ಆತನ ಸ್ನೇಹಿತ $25 ಬೆಲೆಯ ಬಳಸಿದ ಪಿನ್‌ಬಾಲ್‌ ಆಟದ ಯಂತ್ರವನ್ನು ಕೊಂಡು, ಅದನ್ನು ಕ್ಷೌರಿಕನ ಅಂಗಡಿಯಲ್ಲಿಟ್ಟರು. ಕೆಲವೇ ತಿಂಗಳುಗಳಲ್ಲಿ, ಅವರು ವಿವಿಧ ಸ್ಥಳಗಳಲ್ಲಿದ್ದ ಮೂರು ಯಂತ್ರಗಳ ಮಾಲಿಕರಾದರು.
ಬಫೆಟ್ ಮೊದಲಿಗೆ ಪೆನ್ಸಿಲ್‌ವೇನಿಯಾ ವಿಶ್ವವಿದ್ಯಾಲಯದ, (1947–49) ದ ವಾರ್ಟನ್‌ ವಿದ್ಯಾಲಯಕ್ಕೆ ದಾಖಲುಗೊಂಡರಲ್ಲದೇ, ಅಲ್ಲಿನ ಆಲ್ಫಾ ಸಿಗ್ಮಾ ಫೈ/ಫಿ ವಿದ್ಯಾರ್ಥಿ ಸಂಘಕ್ಕೆ ಸೇರಿದರು. ಆತನ ತಂದೆ ಹಾಗೂ ಚಿಕ್ಕಪ್ಪಂದಿರು ನೆಬ್ರಾಸ್ಕಾದಲ್ಲಿನ ವರ್ಗದ ಆಲ್ಫಾ ಸಿಗ್ಮಾ ಫೈ/ಫಿ ಒಡನಾಡಿಗಳಾಗಿದ್ದವರು. 1950ರಲ್ಲಿ, ನೆಬ್ರಾಸ್ಕಾ ವಿಶ್ವವಿದ್ಯಾಲಯಕ್ಕೆ ಅವರು ವರ್ಗಾವಣೆಯಾದರು ಹಾಗೂ ಅಲ್ಲಿಯೇ ಅರ್ಥಶಾಸ್ತ್ರದ B.S. ಪದವಿಯನ್ನು ಪಡೆದರು.[೧೭]
ಬಫೆಟ್, ಇಬ್ಬರು ಸುಪ್ರಸಿದ್ಧ ಆಧಾರಪತ್ರ ವಿಶ್ಲೇಷಕರುಗಳಾದ ಬೆಂಜಮಿನ್‌ ಗ್ರಹಾಂ , (ದ ಇಂಟೆಲಿಜೆಂಟ್‌ ಇನ್‌ವೆಸ್ಟರ್‌ ಪುಸ್ತಕದ ಲೇಖಕ), ಹಾಗೂ ಡೇವಿಡ್ ಡಾಡ್‌ರು ಕೊಲಂಬಿಯಾ ಉದ್ಯಮಶಾಲೆಯಲ್ಲಿ ಪಾಠ ಮಾಡುತ್ತಾರೆ ಎಂದು ತಿಳಿದುಕೊಂಡ ನಂತರ ಅಲ್ಲಿಗೆ ದಾಖಲಾದರು. ಅವರು ನಂತರ ಕೊಲಂಬಿಯಾ ವಿಶ್ವವಿದ್ಯಾಲಯದಿಂದ 1951ರಲ್ಲಿ ಅರ್ಥಶಾಸ್ತ್ರದಲ್ಲಿ M.S. ಪದವಿ ಪಡೆದರು.
ಬಫೆಟ್‌‌ರದೇ ಮಾತುಗಳಲ್ಲಿ ಹೇಳುವುದಾದರೆ:
ನಾನು 15 ಪ್ರತಿಶತ ಫಿಷರ್‌ ಹಾಗೂ 85 ಪ್ರತಿಶತ ಬೆಂಜಮಿನ್‌ ಗ್ರಹಾಂ ಆಗಿದ್ದೇನೆ.[೧೮]
ಹೂಡಿಕೆಯಲ್ಲಿನ ಮೂಲ ಕಲ್ಪನೆಗಳೆಂದರೆ ಸ್ಟಾಕ್‌/ದಾಸ್ತಾನುಗಳನ್ನು ಉದ್ದಿಮೆಯಾಗಿ ಪರಿಗಣಿಸಿ, ಮಾರುಕಟ್ಟೆಯ ಅನಿಶ್ಚಿತತೆಗಳನ್ನು ತನ್ನ ಅನುಕೂಲತೆಗೆ ತಕ್ಕಂತೆ ಬಳಸಿಕೊಂಡು ಸುರಕ್ಷತಾ ಅಂತರವನ್ನು ಕಾಯ್ದುಕೊಳ್ಳುವುದು. ಇದನ್ನೇ ನಮಗೆ ಬೆನ್‌ ಗ್ರಹಾಂ ಹೇಳಿಕೊಟ್ಟದ್ದು. ಇನ್ನೂ ನೂರು ವರ್ಷಗಳ ನಂತರವೂ ಇವೇ ಹೂಡಿಕೆದಾರರಿಗೆ ಬುನಾದಿಯಾಗಿರಲಿವೆ.[೧೯]
ವೃತ್ತಿಜೀವನ
ಬಫೆಟ್ರು 1951ರಿಂದ-54ರವರೆಗೆ ಒಮಾಹಾದ ಬಫೆಟ್-ಫಾಕ್‌ & Co. ಕಂಪೆನಿಯಲ್ಲಿ ಹೂಡಿಕೆ ಮಾರಾಟಗಾರರಾಗಿ, 1954ರಿಂದ–1956ರವರೆಗೆ ನ್ಯೂಯಾರ್ಕ್‌ನ ಗ್ರಹಾಮ್‌-ನ್ಯೂಮನ್‌ Corp. ಕಂಪೆನಿಯಲ್ಲಿ, ಆಧಾರಪತ್ರ ವಿಶ್ಲೇಷಕರಾಗಿ, 1956ರಿಂದ–1969ರವರೆಗೆ ಒಮಾಹಾದ ಬಫೆಟ್ ಪಾರ್ಟ್‌ನರ್‌ಶಿಪ್‌, Ltd. ಕಂಪೆನಿಯ ಪ್ರಧಾನ ಭಾಗೀದಾರರಾಗಿದ್ದುದಲ್ಲದೇ, 1970ರಿಂದ–ಪ್ರಸ್ತುತದವರೆಗೆ ಒಮಾಹಾದ ಬರ್ಕ್ಷೈರ್ ಹಾಥ್‌ವೇ Inc ಕಂಪೆನಿಯ ಅಧ್ಯಕ್ಷ, CEO ಆಗಿ ಕೆಲಸ ನಿರ್ವಹಿಸಿದ್ದಾರೆ.
1952ರಲ್ಲಿ, ಗ್ರಹಾಮ್‌ರು GEICO ವಿಮಾಸಂಸ್ಥೆಯ ಮಂಡಳಿಯಲ್ಲಿದ್ದಾರೆಂಬುದನ್ನು ಬಫೆಟ್ ತಿಳಿದುಕೊಂಡರು. ಒಂದು ಶನಿವಾರದಂದು ರೈಲನ್ನು ಹಿಡಿದು ವಾಷಿಂಗ್ಟನ್‌ , D.C.ಗೆ ಪಯಣಿಸಿದ ಅವರು GEICOನ ಪ್ರಧಾನ ಕಛೇರಿಯ ಬಾಗಿಲನ್ನು ದ್ವಾರಪಾಲಕನು ತಮ್ಮನ್ನು ಒಳಬಿಡುವವರೆಗೆ ತಟ್ಟಿದರು. ಅಲ್ಲಿ ಗೀಕೋನ ಉಪಾಧ್ಯಕ್ಷ ಲೊರಿಮರ್‌ ಡೇವಿಡ್‌ಸನ್‌ರನ್ನು ಭೇಟಿ ಮಾಡಿದ ನಂತರ, ಇಬ್ಬರೂ ವಿಮೆ ಉದ್ಯಮದ ಬಗ್ಗೆ ಗಂಟೆಗಳ ಕಾಲ ಚರ್ಚಿಸಿದರು. ಡೇವಿಡ್‌ಸನ್‌ ಅಂತಿಮವಾಗಿ ಬಫೆಟ್ರ ಜೀವಮಾನದ ಗೆಳೆಯರಾಗಿ ಹಾಗೂ ಶಾಶ್ವತ ಪ್ರಭಾವ ಬೀರಿದರಲ್ಲದೇ [೨೦] ನಂತರ ಅವರು ಹೇಳಿಕೊಂಡ ಪ್ರಕಾರ, ಬಫೆಟ್ರನ್ನು ಭೇಟಿ ಮಾಡಿದ ಕೇವಲ ಹದಿನೈದು ನಿಮಿಷಗಳಲ್ಲೇ ಅವರನ್ನು ಓರ್ವ “ಅಸಾಧಾರಣ ವ್ಯಕ್ತಿ”ಯೆಂದು ಗುರುತಿಸಿದ್ದರು. ಬಫೆಟ್ ಕೊಲಂಬಿಯಾದಿಂದ ಪದವಿ ಪಡೆದ ನಂತರ ವಾಲ್‌ ಸ್ಟ್ರೀಟ್‌ನಲ್ಲಿ ಕೆಲಸ ಮಾಡಲು ಇಚ್ಛಿಸಿದ್ದರು, ಆದಾಗ್ಯೂ, ಅವರ ತಂದೆ ಹಾಗೂ ಬೆನ್‌ ಗ್ರಹಾಂ ಇಬ್ಬರೂ ಆತನನ್ನು ಹಾಗೆ ಮಾಡದಂತೆ ಆಗ್ರಹಿಸಿದರು. ಅವರು ಗ್ರಹಾಮ್‌ರ ಸಹಾಯಕರಾಗಿ ಉಚಿತವಾಗಿ ಕೆಲಸ ಮಾಡುವೆನೆಂದಾಗ, ಗ್ರಹಾಮ್‌ ನಿರಾಕರಿಸಿದರು.
ಒಮಾಹಾಗೆ ಮರಳಿದ ಬಫೆಟ್ ಷೇರು ದಲ್ಲಾಳಿಯಾಗಿ ಕಾರ್ಯನಿರ್ವಹಿಸುತ್ತಾ ಡೇಲ್‌ ಕಾರ್ನೆಗೀ ಸಾರ್ವಜನಿಕ ಸಂಭಾಷಣಾ ತರಬೇತಿ ಪಡೆದುಕೊಂಡರು. [ಸಾಕ್ಷ್ಯಾಧಾರ ಬೇಕಾಗಿದೆ] ತಾನು ಕಲಿತದ್ದನ್ನು ಬಳಸಿಕೊಂಡು, "ಹೂಡಿಕೆಯ ಮೂಲತತ್ವಗಳ" ಬಗ್ಗೆ ಹೇಳಿಕೊಡಬಲ್ಲೆನೆಂಬ ಆತ್ಮವಿಶ್ವಾಸ ಹೊಂದಿದ ಅವರು ನೆಬ್ರಾಸ್ಕಾ ವಿಶ್ವವಿದ್ಯಾಲಯದಲ್ಲಿ ರಾತ್ರಿ ತರಗತಿಗಳಲ್ಲಿ ಪಾಠ ಮಾಡಲಾರಂಭಿಸಿದರು. ಆತನ ವಿದ್ಯಾರ್ಥಿಗಳ ಸರಾಸರಿ ವಯಸ್ಸು ಆತನ ವಯಸ್ಸಿನ ಎರಡು ಪಟ್ಟಿಗಿಂತ ಹೆಚ್ಚಿತ್ತು. ಇದೇ ಅವಧಿಯಲ್ಲಿ ಅವರು ಸಿಂಕ್ಲೇರ್‌ ಟೆಕ್ಸಾಕೋ ಅನಿಲ ಕೇಂದ್ರವನ್ನು ಉಪ ಹೂಡಿಕೆಯಾಗಿ ಕೊಂಡುಕೊಂಡರು. ಆದಾಗ್ಯೂ, ಅದು ಯಶಸ್ವಿ ಉದ್ಯಮವಾಗಿ ಕೈಗೂಡಲು ಸಾಧ್ಯವಾಗಲಿಲ್ಲ.
1952[೨೧] ರಲ್ಲಿ ಬಫೆಟ್ ಸೂಸನ್‌ ಥಾಂಪ್ಸನ್‌ರನ್ನು ಮದುವೆಯಾದರು ಹಾಗೂ ಮರುವರ್ಷವೇ ತಮ್ಮ ಪ್ರಥಮ ಮಗುವಾಗಿ, ಸೂಸನ್‌ ಅಲೈಸ್‌ ಬಫೆಟ್‌‌ಳನ್ನು ಪಡೆದರು. 1954ರಲ್ಲಿ, ಬಫೆಟ್ ಬೆಂಜಮಿನ್‌ ಗ್ರಹಾಂರ ಸಹಭಾಗಿತ್ವದಲ್ಲಿ ಉದ್ಯೋಗವೊಂದನ್ನು ಒಪ್ಪಿಕೊಂಡರು. ಅವರ ಆರಂಭಿಕ ವೇತನವು ವಾರ್ಷಿಕ $12,000ರಷ್ಟಿತ್ತು (2008ರ ಡಾಲರ್ ಮೌಲ್ಯಕ್ಕೆ ಸರಿದೂಗಿಸಿದಂತೆ ಸರಿಸುಮಾರು $97,000). ಅಲ್ಲಿ ಅವರು ವಾಲ್ಟರ್‌ ಷ್ಲಾಸ್‌/ಸ್ಕಾಲ್ಸ್‌ರ ನಿಕಟವರ್ತಿಯಾಗಿ ಕೆಲಸ ಮಾಡಿದರು. ಗ್ರಹಾಮ್‌ರ ಕೈಕೆಳಗೆ ಕೆಲಸ ಮಾಡುವುದು ಕಷ್ಟಸಾಧ್ಯವಾಗಿತ್ತು. ಅವರು ಷೇರುಗಳ ಬೆಲೆ ಹಾಗೂ ಅವುಗಳ ಆಂತರಿಕ ಮೌಲ್ಯಗಳ ನಡುವಿನ ತುಲನೆಯನ್ನು ಮಾಡಿದ ನಂತರ, ಷೇರುಗಳು ಸುರಕ್ಷತಾ ಅಂತರವನ್ನು ವ್ಯಾಪಕಗೊಳಿಸುತ್ತದೆ ಎಂಬ ಅಚಲ ನಂಬಿಕೆಯನ್ನು ಹೊಂದಿದ್ದರು. ಈ ವಾದವು ಬಫೆಟ್‌‌‌ರಿಗೂ ಸೂಕ್ತವೆನಿಸಿದರೂ, ಇದರ ಮಾನದಂಡಗಳು ವಿಪರೀತ ಕಠಿಣವಾಗಿದೆ ಎಂದು ವಾದಿಸಿದ ಅವರು, ಕಂಪೆನಿಯು ಇದರಿಂದಾಗಿಯೇ ಉತ್ತಮ ಗುಣಮಟ್ಟದ ಮೌಲ್ಯಗಳನ್ನು ಹೊಂದಿರುವ ಇತರೆ ಪ್ರಭಾವೀ ಕಂಪೆನಿಗಳ ಅವಕಾಶಗಳನ್ನು ಕಳೆದುಕೊಳ್ಳುತ್ತಿದೆ ಎಂದರು.
ಅದೇ ವರ್ಷವೇ ಬಫೆಟ್ ದಂಪತಿಗಳು ಹೋವರ್ಡ್‌ ಗ್ರಹಾಮ್‌ ಬಫೆಟ್ ಎಂಬ ತಮ್ಮ ಎರಡನೇ ಮಗುವನ್ನು ಪಡೆದರು. 1956ರಲ್ಲಿ, ಬೆಂಜಮಿನ್‌ ಗ್ರಹಾಂ ನಿವೃತ್ತಿ ತೆಗೆದುಕೊಂಡು ತಮ್ಮ ಭಾಗೀದಾರಿಕೆಯನ್ನು ಅಂತ್ಯಗೊಳಿಸಿದರು. ಈ ಸಮಯದ ಹೊತ್ತಿಗೆ ಬಫೆಟ್ರ ವೈಯಕ್ತಿಕ ಉಳಿಕೆಗಳು $174,000ಗೂ ಮೀರಿದ್ದವು ಹಾಗೂ ಅವರು ಒಮಾಹಾದಲ್ಲಿ ಬಫೆಟ್ ಪಾರ್ಟ್‌ನರ್‌ಶಿಪ್‌ Ltd. ಎಂಬ ಹೂಡಿಕೆ ಭಾಗಿದಾರತ್ವದ ಸಂಸ್ಥೆಯನ್ನು ಆರಂಭಿಸಿದರು.
1957ರಲ್ಲಿ, ಬಫೆಟ್ ಇಡೀ ವರ್ಷವೂ ಕಾರ್ಯಪ್ರವೃತ್ತವಾಗಿರುವ ಮೂರು ಭಾಗೀದಾರಿಕೆಗಳನ್ನು ಹೊಂದಿದ್ದರು. ಅವರು ತಾವು ಈಗಲೂ ವಾಸಿಸುತ್ತಿರುವ ಐದು-ಮಲಗುವಕೋಣೆಗಳ ಅಲಂಕೃತ ನಯವಾದ ಗಾರೆಯ ಮನೆಯನ್ನು ಒಮಾಹಾದಲ್ಲಿ, $31,500 ಬೆಲೆಗೆ ಕೊಂಡರು. 1958ರಲ್ಲಿ ಬಫೆಟ್ರ ಮೂರನೇ ಮಗುವಾಗಿ, ಪೀಟರ್‌ ಆಂಡ್ರ್ಯೂ ಬಫೆಟ್ ಹುಟ್ಟಿದನು. ಬಫೆಟ್ ಇಡೀ ವರ್ಷದಲ್ಲಿ ಐದು ಸಹಭಾಗಿತ್ವಗಳಲ್ಲಿ ಕಾರ್ಯಾಚರಿಸಿದರು. 1959ರಲ್ಲಿ, ಕಂಪೆನಿಯು ಇಡೀ ವರ್ಷ ಆರು ಸಹಭಾಗಿತ್ವದ ಕಾರ್ಯಾಚರಣೆಯ ಮಟ್ಟ ಮುಟ್ಟಿತಲ್ಲದೇ ಬಫೆಟ್ರಿಗೆ ಚಾರ್ಲೀ ಮುಂಗರ್‌ರ ಪರಿಚಯವಾಯಿತು. 1960ರ ಹೊತ್ತಿಗೆ, ಬಫೆಟ್ ಬಫೆಟ್ ಅಸೋಸಿಯೇಟ್ಸ್‌, ಬಫೆಟ್ ಫಂಡ್‌, ಡಾಸೀ, ಎಂಡೀ, ಗ್ಲೆನಾಫ್‌, ಮೊ-ಬಫ್‌ ಹಾಗೂ ಅಂಡರ್‌ವುಡ್‌ ಎಂಬ ಏಳು ಕಾರ್ಯಾಚರಣೆಯಲ್ಲಿರುವ ಸಹಭಾಗಿತ್ವಗಳನ್ನು ಹೊಂದಿದ್ದರು. ಆತ ತನ್ನ ಪಾಲುದಾರರಲ್ಲಿ ಓರ್ವ ವೈದ್ಯರಿಗೆ, ತಮ್ಮ ಸಹಭಾಗಿತ್ವದಲ್ಲಿ ಪ್ರತಿಯೊಬ್ಬರೂ $10,000ರಷ್ಟನ್ನು ಹೂಡಲು ಇಚ್ಛೆಯುಳ್ಳ ಇನ್ನಿತರ ಹತ್ತು ವೈದ್ಯರನ್ನು ಕರೆದುತರಲು ಕೇಳಿದರು. ಅಂತಿಮವಾಗಿ ಹನ್ನೊಂದು ಮಂದಿ ಒಪ್ಪಿದರು. 1961ರಲ್ಲಿ, ಬಫೆಟ್ ಸ್ಯಾನ್‌ಬಾರ್ನ್‌ ಮ್ಯಾಪ್‌ ಕಂಪೆನಿಯು ಸಹಭಾಗಿತ್ವದ 35%ರಷ್ಟು ಆಸ್ತಿಯನ್ನು ಹೊಂದಿದೆ ಎಂದು ಬಹಿರಂಗಗೊಳಿಸಿದರು. 1958ರಲ್ಲಿ ಸ್ಯಾನ್‌ಬಾರ್ನ್‌ ಷೇರುಗಳು ಸ್ಯಾನ್‌ಬಾರ್ನ್‌ ಹೂಡಿಕೆ ಬಂಡವಾಳಪಟ್ಟಿಯ ಮೌಲ್ಯವು ಪ್ರತಿ ಷೇರಿಗೆ $65ರಷ್ಟಿದ್ದಾಗ ಪ್ರತಿ ಷೇರಿಗೆ ಕೇವಲ $45ರಂತೆ ಮಾರಾಟವಾಗಿದ್ದಾಗಿ ವಿವರಿಸಿದರು. ಇದರರ್ಥವೇನಿತ್ತೆಂದರೆ ಕೊಳ್ಳುಗರು ಸ್ಯಾನ್‌ಬಾರ್ನ್‌ನ ಪ್ರತಿ ಷೇರಿಗೆ "$20 ನಷ್ಟದ ಮೊತ್ತ"ದ ಬೆಲೆ ಕಟ್ಟಿದ್ದರು ಹಾಗೂ ಭೂಪಟ ಉದ್ಯಮದ ಹೂಡಿಕೆ ಬಂಡವಾಳಪಟ್ಟಿಯಲ್ಲಿನ ಪ್ರತಿ ಡಾಲರ್‌ಗೆ 70 ಸೆಂಟ್‌ಗಳಿಗಿಂತ ಹೆಚ್ಚಿನ ಮೊತ್ತವನ್ನು ತೆರಲು ಸಿದ್ಧರಿರಲಿಲ್ಲ. ಈ ವಿವರಣೆಯು ಅವರಿಗೆ ಸ್ಯಾನ್‌ಬಾರ್ನ್‌ನ ಆಡಳಿತ ಮಂಡಳಿಯಲ್ಲಿ ಸ್ಥಾನ ದೊರಕಿಸಿಕೊಟ್ಟಿತು.
ಐಶ್ವರ್ಯದೆಡೆಗಿನ ಹಾದಿ
1962ರಲ್ಲಿ, ಬಫೆಟ್ ತಮ್ಮ ಪಾಲುದಾರಿಕೆಗಳಿಂದ ದಶಲಕ್ಷಾಧಿಪತಿ/ಕೋಟ್ಯಾಧಿಪತಿಗಳಾದರು, ಅವುಗಳಲ್ಲಿ ಜನವರಿ 1962ರಂತೆ $7,178,500ರಷ್ಟು ಹೆಚ್ಚುವರಿ ಮೊತ್ತವಿದ್ದು, ಅದರಲ್ಲಿ $1,025,000ಕ್ಕೂ ಹೆಚ್ಚಿನ ಮೊತ್ತ ಬಫೆಟ್ರಿಗೆ ಸೇರಿದ್ದಾಗಿತ್ತು. ಬಫೆಟ್ ಎಲ್ಲಾ ಸಹಭಾಗಿತ್ವಗಳನ್ನೂ ಒಂದೇ ಸಹಭಾಗಿತ್ವದಲ್ಲಿ ವಿಲೀನಗೊಳಿಸಿದರು. ಬಫೆಟ್, ಬರ್ಕ್ಷೈರ್ ಹಾಥ್‌ವೇ ಎಂಬ ವಸ್ತ್ರ ಉತ್ಪಾದನೆಯ ಸಂಸ್ಥೆಯೊಂದನ್ನು ಗಮನಿಸಿದರು. ಬಫೆಟ್ರ ಸಹಭಾಗಿತ್ವವು ಪ್ರತಿ ಷೇರಿಗೆ $7.60ರಂತೆ ಷೇರುಗಳನ್ನು ಕೊಳ್ಳುವುದರಿಂದ ಆರಂಭವಾಯಿತು. 1965ರಲ್ಲಿ, ಬಫೆಟ್ರ ಸಹಭಾಗಿತ್ವಗಳು ಹುರುಪಿನಿಂದ ಬರ್ಕ್‌ಷೈರ್‌ಅನ್ನು ಕೊಳ್ಳಲು ಆರಂಭಿಸಿದಾಗ, ಅವರು ಪ್ರತಿ ಷೇರಿಗೆ $14.86 ತೆತ್ತರು, ಆದರೆ ಕಂಪೆನಿಯ ದುಡಿಯುವ ಬಂಡವಾಳವು ಪ್ರತಿ ಷೇರಿಗೆ $19ರಷ್ಟಿತ್ತು. ಇದರಲ್ಲಿ ಸ್ಥಿರಾಸ್ತಿಯ ಮೌಲ್ಯವು ಒಳಗೊಂಡಿರಲಿಲ್ಲ (ಕಾರ್ಖಾನೆ ಹಾಗೂ ಸಲಕರಣೆಗಳು). ಬರ್ಕ್ಷೈರ್ ಹಾಥ್‌ವೇನ ನಿಯಂತ್ರಣವನ್ನು ಆಡಳಿತ ಮಂಡಳಿಯ ಸಭೆಯಲ್ಲಿ ಪಡೆದುಕೊಂಡ ಬಫೆಟ್ , ಕಂಪೆನಿಯನ್ನು ನಡೆಸಲು ಕೆನ್‌ ಚೇಸ್‌, ಎಂಬ ನೂತನ ಅಧ್ಯಕ್ಷರನ್ನು ನೇಮಕ ಮಾಡಿದರು. 1966ರಲ್ಲಿ, ಬಫೆಟ್ ಸಹಭಾಗಿತ್ವವನ್ನು ನವೀನ ಬಂಡವಾಳಗಳಿಗೆ ಮುಚ್ಚಿದರು. ಬಫೆಟ್ ತಮ್ಮ ಪತ್ರದಲ್ಲಿ ಹೀಗೆ ಬರೆದಿದ್ದರು:
ಪರಿಸ್ಥಿತಿಗಳು ಬದಲಾಗಿವೆಯೆಂಬುದು ಸ್ಪಷ್ಟವಾಗದ ಹೊರತು (ಕೆಲ ಪರಿಸ್ಥಿತಿಗಳಲ್ಲಿ ಕ್ರೋಢೀಕರಿಸಿದ ಬಂಡವಾಳವು ಉತ್ತಮ ಫಲಿತಾಂಶವನ್ನು ನೀಡುತ್ತದೆ) ಅಥವಾ ಹೊಸ ಭಾಗೀದಾರರು ಸರಳ ಬಂಡವಾಳದ ಹೊರತಾಗಿ ಭಾಗೀದಾರತ್ವಕ್ಕೆ ಕೆಲ ಸ್ವತ್ತುಗಳನ್ನು ತರಲು ಸಾಧ್ಯವಾಗದಿದ್ದರೆ, BPLಗೆ ಹೊಸ ಭಾಗೀದಾರರನ್ನು ಸೇರಿಸಿಕೊಳ್ಳುವ ಯಾವುದೇ ಉದ್ದೇಶವನ್ನು ನಾನು ಹೊಂದಿಲ್ಲ.
ತಮ್ಮ ಎರಡನೇ ಪತ್ರದಲ್ಲಿ, ಬಫೆಟ್ ಖಾಸಗಿ ಉದ್ಯಮವೊಂದರಲ್ಲಿ ತಮ್ಮ ಪ್ರಪ್ರಥಮ ಹೂಡಿಕೆಯನ್ನು ಮಾಡಿರುವುದಾಗಿ ಘೋಷಿಸಿದರು — ಇದು ಹೊಚ್‌ಷಿಲ್ಡ್‌, ಕೊಹ್ನ್‌ ಅಂಡ್‌ Co, ಎಂಬ ಖಾಸಗಿ ಮಾಲಿಕತ್ವದ ಬಾಲ್ಟಿಮೋರ್‌ನ ವಿವಿಧ ಸರಕಿನ ಮಳಿಗೆಯಾಗಿತ್ತು. 1967ರಲ್ಲಿ, ಬರ್ಕ್ಷೈರ್ ತನ್ನ ಪ್ರಪ್ರಥಮ ಹಾಗೂ ಕೇವಲ 10 ಸೆಂಟ್‌ಗಳ ಲಾಭಾಂಶವನ್ನು ಪಾವತಿಸಿತು. 1969ರಲ್ಲಿ, ತನ್ನ ಅತ್ಯಂತ ಯಶಸ್ವಿ ವರ್ಷದ ನಂತರದ ವರ್ಷದಲ್ಲಿ, ಬಫೆಟ್ ಸಹಭಾಗಿತ್ವವನ್ನು ಕೊನೆಗೊಳಿಸಿ ಅದರ ಸ್ವತ್ತುಗಳನ್ನು ತನ್ನ ಭಾಗಿದಾರರುಗಳಿಗೆ ವರ್ಗಾಯಿಸಿದರು. ಪಾವತಿಸಿದ ಸ್ವತ್ತುಗಳಲ್ಲಿ ಬರ್ಕ್ಷೈರ್ ಹಾಥ್‌ವೇನ ಷೇರುಗಳೂ ಸೇರಿದ್ದವು. 1970ರಲ್ಲಿ, ಬರ್ಕ್ಷೈರ್ ಹಾಥ್‌ವೇನ ಅಧ್ಯಕ್ಷರಾಗಿ, ಬಫೆಟ್ ಈಗ ಪ್ರಸಿದ್ಧವಾಗಿರುವ ತಮ್ಮ ಷೇರುದಾರರಿಗೆ ವಾರ್ಷಿಕ ಪತ್ರಗಳನ್ನು ಬರೆಯುವಿಕೆಯನ್ನು ಆರಂಭಿಸಿದರು.
ಆದಾಗ್ಯೂ, ಅವರು ಕೇವಲ ತಮ್ಮ ವಾರ್ಷಿಕ $50,000ರ ವೇತನ ಹಾಗೂ ಹೊರಗಿನ ಹೂಡಿಕೆಯ ಆದಾಯದಲ್ಲಿಯೇ ತಮ್ಮ ಜೀವನವನ್ನು ನಡೆಸಿದರು. 1979ರಲ್ಲಿ, ಬರ್ಕ್‌ಷೈರ್‌ನ ವ್ಯಾವಹಾರಿಕ ವರ್ಷದ ಆರಂಭದಲ್ಲಿ ಪ್ರತಿ ಷೇರಿಗೆ $775 ಬೆಲೆಯಿದ್ದರೆ ವರ್ಷದ ಕೊನೆಯ ಹೊತ್ತಿಗೆ $1,310ರಷ್ಟಿತ್ತು. ಬಫೆಟ್ರ ನಿವ್ವಳ ಆದಾಯವು $620 ದಶಲಕ್ಷವನ್ನು ಮುಟ್ಟಿತಲ್ಲದೇ, ಅವರನ್ನು ಪ್ರಥಮ ಬಾರಿಗೆ ಫೋರ್ಬ್ಸ್‌ 400ನ ಪಟ್ಟಿಯಲ್ಲಿ ಸೇರಿಸಲಾಯಿತು.
2006ರ ಜೂನ್‌ನಲ್ಲಿ, ಜುಲೈ 2006ರಲ್ಲಿ ಆರಂಭಿಸಿ ತಮ್ಮ ಬರ್ಕ್ಷೈರ್ ಹಿಡುವಳಿಗಳ 85%ರಷ್ಟನ್ನು ಕ್ರಮೇಣ ಐದು ಪ್ರತಿಷ್ಠಾನಗಳಿಗೆ ಷೇರುಗಳ ವಾರ್ಷಿಕ ಉಡುಗೊರೆಯ ರೂಪದಲ್ಲಿ ದಾನ ನೀಡುತ್ತೇನೆಂದು ಬಫೆಟ್ ಘೋಷಿಸಿದರು. ಅತಿ ಹೆಚ್ಚಿನ ದೇಣಿಗೆಯು ಬಿಲ್‌ ಮತ್ತು ಮೆಲಿಂಡಾ ಗೇಟ್ಸ್‌ ಪ್ರತಿಷ್ಠಾನಕ್ಕೆ ನೀಡಲಾಗುತ್ತಿದೆ.[೨೨]
2007ರಲ್ಲಿ, ಷೇರುದಾರರಿಗೆ ಬರೆದ ಪತ್ರದಲ್ಲಿ, ಬಫೆಟ್ ತಾವು ತಮ್ಮ ಹೂಡಿಕೆಯ ಉದ್ಯಮವನ್ನು ನಡೆಸಿಕೊಂಡು ಹೋಗಲು ಸಮರ್ಥನಾದ ಯುವ ಉತ್ತರಾಧಿಕಾರಿಯನ್ನು, ಅಥವಾ ಬಹುಶಃ ಉತ್ತರಾಧಿಕಾರಿಗಳನ್ನು ನಿರೀಕ್ಷಿಸುತ್ತಿರುವುದಾಗಿ ಘೋಷಿಸಿದರು.[೨೩] ಬಫೆಟ್ ಈ ಹಿಂದೆ ಲೂ ಸಿಂಪ್ಸನ್‌ರನ್ನು ಗೀಕೋದಲ್ಲಿನ ಹೂಡಿಕೆಗಳನ್ನು ನಡೆಸುತ್ತಿದ್ದ, ಈ ಜವಾಬ್ದಾರಿಯನ್ನು ನೀಡಲು ಆಯ್ಕೆ ಮಾಡಿದ್ದರು. ಆದರೆ, ಸಿಂಪ್ಸನ್‌ರು ಬಫೆಟ್‌‌ರಿಗಿಂತ ಕೇವಲ ಆರು ವರ್ಷಗಳಷ್ಟೇ ಚಿಕ್ಕವರು.
2008ರಲ್ಲಿ, ಬಫೆಟ್ ಬಿಲ್‌ ಗೇಟ್ಸ್‌ರನ್ನು ಹಿಂದಿಕ್ಕಿ, ಫೋರ್ಬ್ಸ್‌ನ ಪ್ರಕಾರ $62 ಶತಕೋಟಿ ಆದಾಯವನ್ನು,[೨೪] ಹಾಗೂ Yahooನ ಪ್ರಕಾರ $58 ಶತಕೋಟಿ ಆದಾಯವನ್ನು ಹೊಂದಿದ್ದು ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಹೊರಹೊಮ್ಮಿದರು.[೨೫] ಬಿಲ್‌ ಗೇಟ್ಸ್‌ರು ಫೋರ್ಬ್ಸ್‌ ಪಟ್ಟಿಯಲ್ಲಿ 13 ವರ್ಷಗಳ ಕಾಲ ನಿರಂತರವಾಗಿ ಮೊದಲನೇ ಸ್ಥಾನವನ್ನು ಪಡೆದಿದ್ದರು.[೨೬] ಮಾರ್ಚ್‌ 11 2009ರಂದು, ಬಿಲ್‌ ಗೇಟ್ಸ್‌ ಫೋರ್ಬ್ಸ್‌ ನಿಯತಕಾಲಿಕೆಯ ಪ್ರಕಾರ, ಬಫೆಟ್ರನ್ನು ಎರಡನೇ ಸ್ಥಾನಕ್ಕೆ ಕಳಿಸಿ ಪಟ್ಟಿಯಲ್ಲಿ ಒಂದನೇ ಸ್ಥಾನವನ್ನು ಮತ್ತೆ ಪಡೆದುಕೊಂಡರು. ಅವರ ಆದಾಯಗಳು ಅನುಕ್ರಮವಾಗಿ $40 ಶತಕೋಟಿ ಹಾಗೂ $37 ಶತಕೋಟಿಗಳಷ್ಟು ಕೆಳಗೆ ಇಳಿದಿದ್ದವು,[೨೭] ಬಫೆಟ್ (ಫೋರ್ಬ್ಸ್‌ನ ಪ್ರಕಾರ) 2008/2009ರ ಅವಧಿಯ 12 ತಿಂಗಳುಗಳಲ್ಲಿ $25 ಶತಕೋಟಿ ಮೊತ್ತವನ್ನು ಕಳೆದುಕೊಂಡಿದ್ದಾರೆ.[೨೮]
ಗಳಿಕೆಗಳು
1973ರಲ್ಲಿ, ಬರ್ಕ್ಷೈರ್ ವಾಷಿಂಗ್ಟನ್‌ ಪೋಸ್ಟ್‌ ಕಂಪೆನಿಯ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಆರಂಭಿಸಿತು. ಬಫೆಟ್ ಆ ಕಂಪೆನಿಯನ್ನು ಹಾಗೂ ಅದರ ಹೆಗ್ಗಳಿಕೆಯ ಸುದ್ದಿಪತ್ರಿಕೆಯನ್ನು ನಿಯಂತ್ರಿಸುತ್ತಿದ್ದ ಕಾಥರೀನ್‌ ಗ್ರಹಾಮ್‌ರ ನಿಕಟವರ್ತಿ ಸ್ನೇಹಿತರಾದರಲ್ಲದೇ, ಅದರ ನಿರ್ದೇಶಕ ಮಂಡಳಿಯಲ್ಲಿ ಸದಸ್ಯತ್ವ ಪಡೆದರು.
1974ರಲ್ಲಿ, SECಯು ವಾರೆನ್ ಬಫೆಟ್ ಮತ್ತು ಬರ್ಕ್‌ಷೈರ್‌ಗಳ WESCO ಸಂಸ್ಥೆಯ ಸ್ವಾಧೀನಪಡಿಸಿಕೊಳ್ಳುವಿಕೆಯಲ್ಲಿ ಖಾಸಗಿ ಹಿತಾಸಕ್ತಿಯ ಸಾಧ್ಯತೆಯ ಬಗ್ಗೆ ನಿಯಮಾನುಸಾರ ತನಿಖೆ ಕೈಗೊಂಡಿತು. ಯಾವುದೇ ಆಪಾದನೆಗಳು ಸಾಬೀತಾಗಲಿಲ್ಲ.
1977ರಲ್ಲಿ, ಬರ್ಕ್ಷೈರ್ ಬಫೆಲೊ ಈವ್‌ನಿಂಗ್‌ ನ್ಯೂಸ್‌ ಸಂಸ್ಥೆಯನ್ನು $32.5 ದಶಲಕ್ಷ ಮೊತ್ತಕ್ಕೆ ಪರೋಕ್ಷವಾಗಿ ಕೊಂಡಿತು. ಅದರ ಪ್ರತಿಸ್ಪರ್ಧಿ ಬಫೆಲೊ ಕೊರಿಯರ್‌-ಎಕ್ಸ್‌ಪ್ರೆಸ್‌ ಸಂಸ್ಥೆಯಿಂದ ಪ್ರೇರಿತವಾಗಿ ವಿಶ್ವಾಸದ್ರೋಹದ ಆಪಾದನೆಗಳನ್ನು ಹೊರಿಸಲಾಯಿತು. ಕೊರಿಯರ್‌-ಎಕ್ಸ್‌ಪ್ರೆಸ್‌ ಸಂಸ್ಥೆಯು 1982ರಲ್ಲಿ ಮುಚ್ಚುವ ಹೊತ್ತಿಗೆ ಎರಡೂ ಸುದ್ದಿಸಂಸ್ಥೆಗಳು ಹಣವನ್ನು ಕಳೆದುಕೊಂಡಿದ್ದವು.
1979ರಲ್ಲಿ, ಬರ್ಕ್ಷೈರ್ ABC ಸಂಸ್ಥೆಯ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಆರಂಭಿಸಿತು. $3.5 ಶತಕೋಟಿಗಳಿಗೆ ABC ಸಂಸ್ಥೆಯನ್ನು ಮಾರ್ಚ್‌ 18, 1985ರಂದು ಕ್ಯಾಪಿಟಲ್‌ ಸಿಟೀಸ್‌ ಕೊಂಡಿದ್ದನ್ನು ಘೋಷಿಸಿದಾಗ ಮಾಧ್ಯಮ ಉದ್ಯಮವೇ ನಿಬ್ಬೆರಗಾಯಿತು, ಏಕೆಂದರೆ ಆ ಸಮಯದಲ್ಲಿ ABC ಸಂಸ್ಥೆಯು ಕ್ಯಾಪಿಟಲ್‌ ಸಿಟೀಸ್‌ ಸಂಸ್ಥೆಗಿಂತ ನಾಲ್ಕು ಪಟ್ಟಿಗಿಂತಲೂ ಹೆಚ್ಚು ದೊಡ್ಡದಾಗಿತ್ತು. ಬರ್ಕ್ಷೈರ್ ಹಾಥ್‌ವೇನ ಅಧ್ಯಕ್ಷರಾದ ವಾರೆನ್ ಬಫೆಟ್ ಸಂಯೋಜಿತ ಕಂಪೆನಿಯ 25 ಪ್ರತಿಶತ ಹೂಡಿಕೆಯ ವಿನಿಮಯದ ಪ್ರತಿಫಲವಾಗಿ ಈ ವ್ಯವಹಾರಕ್ಕೆ ಹಣಕಾಸು ನೆರವನ್ನು ನೀಡಿದರು.[೨೯] ಕ್ಯಾಪಿಟಲ್‌ ಸಿಟೀಸ್‌/ABC (ಅಥವಾ ಕ್ಯಾಪ್‌ಸಿಟೀಸ್‌/ABC) ಎಂದು ಹೆಸರಾದ ಹೊಸದಾಗಿ ವಿಲೀನಗೊಂಡ ಕಂಪೆನಿಯು FCC ಮಾಲೀಕತ್ವದ ನಿಯಮಗಳಿಂದಾಗಿ ಕೆಲ ಕೇಂದ್ರಗಳನ್ನು ಮಾರಬೇಕಾದ ಅನಿವಾರ್ಯತೆ ಎದುರಿಸಿತು. ಹಾಗೆಯೇ ಇವೆರಡೂ ಕಂಪೆನಿಗಳು ಅದೇ ಮಾರುಕಟ್ಟೆ ವ್ಯಾಪ್ತಿಯ ಅನೇಕ ರೇಡಿಯೋ ಕೇಂದ್ರಗಳ ಮಾಲೀಕತ್ವ ಪಡೆದವು.[೩೦]
1987ರಲ್ಲಿ, ಬರ್ಕ್ಷೈರ್ ಹಾಥ್‌ವೇ ಸಂಸ್ಥೆಯು ಸಾಲೊಮನ್‌ Inc. ಸಂಸ್ಥೆಯ 12% ಹೂಡಿಕೆಯನ್ನು ಕೊಂಡು ಅತ್ಯಂತ ಹೆಚ್ಚಿನ ಷೇರುದಾರನೆನಿಸಿಕೊಂಡು, ಬಫೆಟ್ರನ್ನು ಅದರ ನಿರ್ದೇಶಕರನ್ನಾಗಿಸಿತು. 1990ರಲ್ಲಿ, ಜಾನ್ ಗಟ್‌ಫ್ರಾಂಡ್‌ರನ್ನು (ಸಾಲೊಮನ್‌ ಬ್ರದರ್ಸ್‌ ಸಂಸ್ಥೆಯ ಮಾಜಿ CEO) ಒಳಗೊಂಡ ಹಗರಣವು ಬೆಳಕು ಕಂಡಿತು. ಪಾಲ್‌ ಮೋಜರ್‌ ಎಂಬ ಓರ್ವ ವಂಚಕ ವ್ಯಾಪಾರಿಯು, ಖಜಾನೆ ನಿಯಮಗಳನ್ನು ಉಲ್ಲಂಘಿಸಿ ಹೆಚ್ಚಿನ ಮೊತ್ತದ ಬಿಡ್‌ಗಳನ್ನು ಮಾಡುತ್ತಿದ್ದರು. ಇದನ್ನು ಪತ್ತೆಹಚ್ಚಿ ಗಟ್‌ಫ್ರಾಂಡ್‌ರ ಗಮನಕ್ಕೆ ತಂದಾಗ ಅವರು ತಕ್ಷಣವೇ ವಂಚಕ ವ್ಯಾಪಾರಿಯ ವ್ಯವಹಾರವನ್ನು ಸ್ಥಗಿತಗೊಳಿಸಲಿಲ್ಲ. ಗಟ್‌ಫ್ರಾಂಡ್‌ ಆಗಸ್ಟ್ 1991ರಲ್ಲಿ ಕಂಪೆನಿಯನ್ನು ತ್ಯಜಿಸಿದರು.[೩೧] ಈ ಬಿಕ್ಕಟ್ಟು ನಿವಾರಣೆಯಾಗುವವರೆಗೆ ಬಫೆಟ್ ಸಾಲೊಮನ್‌ನ CEO ಆಗಿ ಕಾರ್ಯನಿರ್ವಹಿಸಿದ್ದರು; ಸೆಪ್ಟೆಂಬರ್‌ 4 1991ರಂದು, ಶಾಸನಸಭೆಯ ಮುಂದೆ ಸಾಕ್ಷಿ ಹೇಳಿದರು.[೩೨]
1988ರಲ್ಲಿ, ಬಫೆಟ್ ಕೋಕಾ-ಕೋಲಾ ಕಂಪೆನಿಯ ಷೇರುಗಳನ್ನು ಕೊಳ್ಳಲು ಪ್ರಾರಂಭಿಸಿ, ಅಂತಿಮವಾಗಿ ಕಂಪೆನಿಯ 7 ಪ್ರತಿಶತದವರೆಗಿನ ಷೇರುಗಳನ್ನು $1.02 ಶತಕೋಟಿಗಳಿಗೆ ಕೊಂಡರು. ಈ ವ್ಯವಹಾರವು ಬರ್ಕ್‌ಷೈರ್‌ನ ಇದುವರೆಗಿನ ಅತ್ಯಂತ ಲಾಭದಾಯಕ ಹೂಡಿಕೆಯಾಗಿದ್ದು ಈಗಲೂ ಸ್ವಾಧೀನದಲ್ಲಿರುವ ಹೂಡಿಕೆಗಳಲ್ಲೊಂದಾಗಿದೆ.
2002ರಲ್ಲಿ, ಬಫೆಟ್ U.S. ಡಾಲರ್‌ಗಳನ್ನು ಇತರೆ ಚಲಾವಣಾ ಮಾನಕ/ಕರೆನ್ಸಿಗಳ ಬದಲಿಗೆ ನೀಡುವ $11 ಶತಕೋಟಿ ಮೌಲ್ಯದ ಮುಂಗಡ ಒಪ್ಪಂದಗಳಿಗೆ ವ್ಯವಹಾರವನ್ನು ಆರಂಭಿಸಿದರು. ಏಪ್ರಿಲ್‌ 2006ರ ಹೊತ್ತಿಗೆ, ಈ ಒಪ್ಪಂದಗಳಿಂದಾಗಿ ಅವರು ಪಡೆದ ಒಟ್ಟಾರೆ ಲಾಭವು $2 ಶತಕೋಟಿಗಳಿಗೂ ಮೀರಿದ್ದಾಗಿತ್ತು.
1998ರಲ್ಲಿ, ಅವರು ಜನರಲ್‌ ರೇ, (ಅಪರೂಪದ ವ್ಯವಹಾರವಾಗಿ ಷೇರುಗಳ ವಿನಿಮಯವಾಗಿ) ಸಂಸ್ಥೆಯನ್ನು ಸ್ವಾಧೀನಪಡಿಸಿಕೊಂಡರು. 2002ರಲ್ಲಿ, AIGಯ ಮಾರಿಸ್‌ R. ಗ್ರೀನ್‌ಬರ್ಗ್‌ರೊಂದಿಗೆ ಸೇರಿಕೊಂಡು, ಮರುವಿಮೆಯನ್ನು ಜನರಲ್‌ ರೇ ಸಂಸ್ಥೆಯು ನೀಡುವ ರೀತಿಯಲ್ಲಿ ಬಫೆಟ್ ಪಾಲ್ಗೊಂಡರು. ಮಾರ್ಚ್‌ 15, 2005ರಂದು, AIGಯ ಮಂಡಳಿಯು ನ್ಯೂಯಾರ್ಕ್‌ ರಾಜ್ಯದ ಅಟಾರ್ನಿ ಜನರಲ್‌ ಎಲಿಯಟ್‌ ಸ್ಪಿಟ್ಜರ್‌ರಿಂದ ಟೀಕೆಗೆ ಒಳಗಾದ ಹಿನ್ನೆಲೆಯಲ್ಲಿ ಅಧ್ಯಕ್ಷ ಹಾಗೂ CEO ಹುದ್ದೆಗಳಿಗೆ ರಾಜೀನಾಮೆ ನೀಡುವಂತೆ ಗ್ರೀನ್‌ಬರ್ಗ್‌ರ ಮೇಲೆ ಒತ್ತಡ ಹೇರಿತು. ಫೆಬ್ರವರಿ 9, 2006ರಂದು, AIG ಮತ್ತು ನ್ಯೂಯಾರ್ಕ್‌ ರಾಜ್ಯದ ಅಟಾರ್ನಿ ಜನರಲ್‌ ಕಛೇರಿಗಳು, AIG ಸಂಸ್ಥೆಯು $1.6 ಶತಕೋಟಿಗಳ ದಂಡವನ್ನು ಪಾವತಿಸಬೇಕೆಂಬ ಒಪ್ಪಂದಕ್ಕೆ ಬಂದವು.[೩೩]
2009ರಲ್ಲಿ, ವಾರೆನ್ ಬಫೆಟ್ ಸ್ವಿಸ್‌ ರೇ ಸಂಸ್ಥೆಯ ಸಾಮಾನ್ಯ ಷೇರು ಬಂಡವಾಳಗಳ ಹೂಡಿಕೆಯ ಭಾಗವಾಗಿ $2.6 ಶತಕೋಟಿಗಳನ್ನು ಹೂಡಿದರು.[೩೪][೩೫] ಬರ್ಕ್ಷೈರ್ ಹಾಥ್‌ವೇ ಸಂಸ್ಥೆಯು ಇದರಲ್ಲಿ ಈಗಾಗಲೇ 3% ಷೇರುಗಳನ್ನು ಹೊಂದಿದ್ದು, 20%ಗೂ ಹೆಚ್ಚಿನದನ್ನು ಕೊಳ್ಳಬಲ್ಲ ಹಕ್ಕನ್ನು ಹೊಂದಿದೆ.[೩೬]
2009ರಲ್ಲಿ, ವಾರೆನ್ ಬಫೆಟ್ ಬರ್ಲಿಂಗ್‌ಟನ್‌ ನಾರ್ಥರ್ನ್‌ ಸಾಂಟಾ ಫೆ Corp. ಸಂಸ್ಥೆಯನ್ನು $34 ಶತಕೋಟಿ ಮೌಲ್ಯದ ನಗದು ಹಾಗೂ ಷೇರುಗಳ ರೂಪದಲ್ಲಿ ಸ್ವಾಧೀನಪಡಿಸಿಕೊಂಡರು. ಸ್ನೋಬಾಲ್‌ ಕೃತಿಯ ಲೇಖಕಿಯಾದ ಅಲೈಸ್‌ ಷ್ರೋಡರ್‌ರು ಹೇಳುವಂತೆ ಈ ಕೊಳ್ಳುವಿಕೆಯ ಉದ್ದೇಶವು ಬರ್ಕ್ಷೈರ್ ಹಾಥ್‌ವೇ ಸಂಸ್ಥೆಯನ್ನು ಹಣಕಾಸು ಉದ್ಯಮದಿಂದ ಭಿನ್ನವಾದ ಉದ್ಯಮದಲ್ಲಿ ತೊಡಗಿಕೊಳ್ಳುವಂತೆ ಮಾಡುವುದಾಗಿತ್ತು.[೧]
2000ನೇ ಇಸವಿಯ ಅಂತ್ಯದಲ್ಲಿನ ಕುಸಿತ
ಬಫೆಟ್ 2000ನೇ ಇಸವಿಯ ಅಂತ್ಯದಲ್ಲಿನ ಕುಸಿತ ಅಂಗವಾದ 2007–2008ರ ಬಿಕ್ಕಟ್ಟಿನ ಸಂದರ್ಭದಲ್ಲಿ, ಬಂಡವಾಳವನ್ನು ತುಂಬ ಮುಂಚೆಯೇ ಹೂಡಿ ಅಲ್ಪಲಾಭದಾಯಕ ವ್ಯವಹಾರಗಳಿಗೆ ಕಾರಣರಾದರೆಂಬ ಟೀಕೆಗಳಿಗೆ ಒಳಗಾದರು[೩೭]. “ಅಮೇರಿಕನ್‌ ವಸ್ತುಗಳನ್ನು ಕೊಳ್ಳಿ. ನಾನೂ ಹಾಗೆ ಮಾಡುವೆ.” ಎಂಬುದು ಇತ್ತೀಚೆಗೆ ನ್ಯೂಯಾರ್ಕ್‌ ಟೈಮ್ಸ್‌ ಪತ್ರಿಕೆಯಲ್ಲಿ ಪ್ರಕಟವಾದ ವಾರೆನ್ ಬಫೆಟ್ರ ಅಭಿಪ್ರಾಯದ ತುಣುಕು.[೩೮]
ಬಫೆಟ್ 2007ರಿಂದ—ಪ್ರಸ್ತುತದವರೆಗಿನ ಆರ್ಥಿಕ ವಲಯದಲ್ಲಿನ ಹಿಂಜರಿಕೆಯನ್ನು "ಕವಿಸಮಯದ ನ್ಯಾಯ" ಎಂದು ಕರೆದಿದ್ದಾರೆ.[೩೯]
ಬಫೆಟ್ರ ಬರ್ಕ್ಷೈರ್ ಹಾಥ್‌ವೇ ಕಂಪೆನಿಯು 2008ರ Q3ರಲ್ಲಿ ಆದಾಯದಲ್ಲಿ 77% ಇಳಿಕೆ ಅನುಭವಿಸಿತು ಹಾಗೂ ಆತನ ಅನೇಕ ಇತ್ತೀಚಿನ ವ್ಯವಹಾರಗಳು ಮಾರುಕಟ್ಟೆ ಬೆಲೆಗಿಂತ ಅಲ್ಪಬೆಲೆಯ ವ್ಯವಹಾರಗಳ ಬೃಹತ್‌ ನಷ್ಟಗಳಾಗಿ ಪರಿಣಮಿಸಿವೆ.[೪೦]
ಬರ್ಕ್ಷೈರ್ ಹಾಥ್‌ವೇ ಗೋಲ್ಡ್‌ಮನ್‌ ಸ್ಯಾಷ್‌[೪೧] ನ 10% ಸತತ ಆದ್ಯತೆಯ ಷೇರುಗಳನ್ನು ಸ್ವಾಧೀನಪಡಿಸಿಕೊಂಡಿದೆ. ಬಫೆಟ್ರು ಬರೆದ (ಮಾರಿದ) ಕೆಲ ಇಂಡೆಕ್ಸ್‌ ಪುಟ್‌ ಆಯ್ಕೆಗಳು (ಮುಕ್ತಾಯದಲ್ಲಿ ಮಾತ್ರವೇ ಯೂರೋಪಿನಲ್ಲಿ ಚಲಾವಣೆ ಮಾಡಲಾಗುತ್ತದೆ) $6.73 ಶತಕೋಟಿಯಷ್ಟು ಮಾರುಕಟ್ಟೆ ಬೆಲೆಗಿಂತ ಅಲ್ಪಬೆಲೆಯ ವ್ಯವಹಾರಗಳ ನಷ್ಟವನ್ನನುಭವಿಸುತ್ತಿವೆ.[೪೨] ಸಂಭಾವ್ಯ ನಷ್ಟದ ಬೃಹತ್‌ ಪ್ರಮಾಣವು SECಯನ್ನು ಒಪ್ಪಂದಗಳ ನಿರ್ಣಯಗಳಿಗೆ ಬಳಸುವ ಮಾನಕಗಳ "ಹೆಚ್ಚು ಸಾಮರ್ಥ್ಯದ ಪ್ರಕಟಣೆಗಳನ್ನು" ನೀಡುವಂತೆ ಬರ್ಕ್‌ಷೈರ್‌ಗೆ ಒತ್ತಾಯಪಡಿಸುವಂತೆ ಮಾಡಿದೆ.[೪೨]
ಡೌ ಕೆಮಿಕಲ್‌ಗೆ ತಾನು ಪಡೆದುಕೊಂಡ ರಾಹ್ಮ್‌ & ಹಾಸ್‌ ಸಂಸ್ಥೆಯ ಸ್ವಾಧೀನತೆಯ ಮೊತ್ತವಾದ $18.8 ಶತಕೋಟಿಯನ್ನು ಪಾವತಿಸಲು ಸಹಾ ಬಫೆಟ್ ಸಹಾಯ ಮಾಡಿದ್ದಾರೆ. ಇದರಿಂದಾಗಿ ಅವರು ತಮ್ಮ ಬರ್ಕ್ಷೈರ್ ಹಾಥ್‌ವೇಯೊಂದಿಗೆ ವಿಸ್ತೃತ ಸಮೂಹದ $3 ಶತಕೋಟಿ ಮೌಲ್ಯದ ಏಕೈಕ ಅತಿ ದೊಡ್ಡ ಷೇರುದಾರರೆನಿಸಿಕೊಂಡರಲ್ಲದೇ, ಸಾಲ ಹಾಗೂ ಸಾಮಾನ್ಯ ಷೇರು ಮಾರುಕಟ್ಟೆಗಳ ಪ್ರಸಕ್ತ ಬಿಕ್ಕಟ್ಟಿನ ಸಂದರ್ಭದಲ್ಲಿ ತಾವು ಕಾರಣಕರ್ತರಾಗಿರುವ ಪಾತ್ರವನ್ನು ಎತ್ತಿತೋರಿಸಿದಂತಾಗಿದೆ.[೪೩]
ಅಕ್ಟೋಬರ್‌ 2008ರಲ್ಲಿ, ಜನರಲ್‌ ಎಲೆಕ್ಟ್ರಿಕ್‌ (GE)ನ ಆದ್ಯತೆಯ ಷೇರುಗಳನ್ನು ಕೊಳ್ಳಲು ವಾರೆನ್ ಬಫೆಟ್ ಒಪ್ಪಿಗೆ ನೀಡಿದ್ದಾಗಿ ಮಾಧ್ಯಮಗಳು ವರದಿ ಮಾಡಿದ್ದವು.[೪೪] ಈ ಚಟುವಟಿಕೆಯು ಅಧಿಕ ವಿಶೇಷ ಪ್ರೋತ್ಸಾಹಕಗಳನ್ನೊಳಗೊಂಡಿತ್ತು: ಅವರು ಮುಂದಿನ ಐದು ವರ್ಷಗಳಲ್ಲಿ 3 ಶತಕೋಟಿ ಮೌಲ್ಯದ GE ಷೇರುಗಳನ್ನು $22.25ರ ದರದಲ್ಲಿ ಕೊಳ್ಳುವ ಆಯ್ಕೆಯನ್ನು ಹಾಗೂ (ಮೂರು ವರ್ಷಗಳಲ್ಲಿ ಯಾವಾಗ ಬೇಕಾದರೂ ಪಡೆಯಬಹುದಾದ) 10% ಲಾಭಾಂಶವನ್ನು ಪಡೆದರು. ಫೆಬ್ರವರಿ 2009ರಲ್ಲಿ, ವಾರೆನ್ ಬಫೆಟ್ ತನ್ನ ಸ್ವಾಮ್ಯದ ಪ್ರಾಕ್ಟರ್‌ & ಗ್ಯಾಂಬಲ್‌ Co, ಹಾಗೂ ಜಾನ್‌ಸನ್‌ & ಜಾನ್‌ಸನ್‌ ಷೇರುಗಳ ಕೆಲ ಭಾಗವನ್ನು ಮಾರಿದರು.[೪೫]
ಅವೇಳೆಯಲ್ಲಿ ಹೂಡಿಕೆ ಮಾಡದಿರುವ ಸಲಹೆಗಳ ಜೊತೆಗೆ, 1998ರಲ್ಲಿ $86ರಷ್ಟು ಶೃಂಗಮೌಲ್ಯವನ್ನು ಪಡೆದಿದ್ದ ಕೋಕಾ-ಕೋಲಾ ಕಂಪೆನಿಯ (NYSE:KO) ಷೇರುಗಳೂ ಸೇರಿದಂತೆ ಬರ್ಕ್‌ಷೈರ್‌ನ ಕೆಲ ಪ್ರಮುಖ ಹೂಡಿಕೆಗಳನ್ನು ತಾವೇ ಇಟ್ಟುಕೊಂಡಿದ್ದ ಚತುರತೆಯ ಬಗ್ಗೆ ಪ್ರಶ್ನೆಗಳೂ ಎದ್ದಿದ್ದವು. ಬಫೆಟ್ ಷೇರುಗಳನ್ನು ಯಾವಾಗ ಮಾರಬೇಕೆಂದು ನಿರ್ಧರಿಸುವುದಲ್ಲಿರುವ ಸಮಸ್ಯೆಗಳನ್ನು ಕಂಪೆನಿಯ 2004ರ ವಾರ್ಷಿಕ ವರದಿಯಲ್ಲಿ ಚರ್ಚಿಸಿದ್ದರು : "ಅದನ್ನು ಯಾವಾಗಲೂ ಶುಭ್ರವಾಗಿರುವ ಹಿಮ್ಮುಖ ನೋಟ ನೀಡುವ ಕನ್ನಡಿಯಲ್ಲಿ ನೋಡಿದಾಗ ಮಾಡಲು ಸುಲಭವೆಂಬಂತೆ ಕಾಣಿಸಬಹುದು. ಆದಾಗ್ಯೂ ದುರದೃಷ್ಟಕರವಾಗಿ, ಯಾವಾಗಲೂ ಕವಿದುಕೊಂಡಿರುವ ಗಾಳಿರೋಧಕ ಗಾಜಿನ ಮೂಲಕವಾಗಿ ಹೂಡಿಕೆದಾರರು ನೋಡಬೇಕಾಗಿರುತ್ತದೆ."[೪೬] ಮಾರ್ಚ್‌ 2009ರಲ್ಲಿ, ಕೇಬಲ್‌ ವಾಹಿನಿಯೊಂದರ ಸಂದರ್ಶನದಲ್ಲಿ ಆರ್ಥಿಕತೆಯು " ಪ್ರಪಾತಕ್ಕೆ ಬಿದ್ದಿದೆ. ಆರ್ಥಿಕತೆಯ ಗತಿಯು ಮಂದವಾಗಿರುವುದಲ್ಲದೇ, ಜನರು ತಮ್ಮ ಹವ್ಯಾಸಗಳನ್ನು ನಾನು ಇದುವರೆಗೆ ಎಂದೂ ಕಾಣದ ರೀತಿಯಲ್ಲಿ ಬದಲಾಯಿಸಿಕೊಂಡಿದ್ದಾರೆ." ಎಂದು ಬಫೆಟ್ ಹೇಳಿಕೆ ನೀಡಿದ್ದರು. ಇದರೊಂದಿಗೆ, ಅನೇಕ ವರ್ಷಗಳ ಕಾಲ ಮುಂದುವರೆದ ಯಾತನಾದಾಯಕ ಉಬ್ಬರಮಂದ ಸ್ಥಿತಿಗೆ ಕಾರಣವಾಗಿದ್ದ 1970ರ ಸಾಲಿನ ಹಣದುಬ್ಬರದ ಮಟ್ಟವನ್ನು ನಾವೆಲ್ಲಿ ತಲುಪಬೇಕಾಗುತ್ತದೋ ಎಂಬ ಆತಂಕವನ್ನು ಬಫೆಟ್ ವ್ಯಕ್ತಪಡಿಸಿದ್ದಾರೆ.[೪೭][೪೮]
2009ರಲ್ಲಿ, ಬಫೆಟ್ ತಮ್ಮ ಕೊನೊಕೊಫಿಲಿಪ್ಸ್‌ನಲ್ಲಿನ ನಷ್ಟದಾಯಕವಾದ ಹೂಡಿಕೆಯನ್ನು, ತಮ್ಮ ಬರ್ಕ್ಷೈರ್ ಹೂಡಿಕೆದಾರರಿಗೆ "ನಾನು ಕೊನೊಕೊಫಿಲಿಪ್ಸ್‌ನ ಅಗಾಧ ಪ್ರಮಾಣದ ಷೇರುಗಳನ್ನು ತೈಲ ಹಾಗೂ ಅನಿಲ ಬೆಲೆಗಳು ತಮ್ಮ ಉತ್ತುಂಗ ಸ್ಥಿತಿ ತಲುಪಿದ್ದಾಗ ಕೊಂಡಿದ್ದೆ. ನಾನು ಕಳೆದ ಅರ್ಧ ವರ್ಷದಲ್ಲಿನ ಇಂಧನ ಬೆಲೆಗಳಲ್ಲಿನ ಈ ರೀತಿಯ ನಾಟಕೀಯ ಕುಸಿತವನ್ನು ಯಾವುದೇ ರೀತಿಯಲ್ಲಿಯೂ ನಿರೀಕ್ಷಿಸಿರಲಿಲ್ಲ. ನಾನು ಈಗಲೂ ಪ್ರಸಕ್ತ ಬೆಲೆಯಾದ $40-$50ಗಿಂತ ಬಹಳ ಹೆಚ್ಚಿನ ಬೆಲೆಯಲ್ಲಿ ಭವಿಷ್ಯದಲ್ಲಿ ತೈಲವು ಮಾರಾಟವಾಗುವ ಸಾಧ್ಯತೆಗಳಿವೆಯೆಂದು ನಂಬಿದ್ದೇನೆ. ಆದರೆ ಇದುವರೆಗಿನ ನನ್ನ ನಿರ್ಣಯದಲ್ಲಿ ತೀವ್ರ ತಪ್ಪಾಗಿದೆ. ಬೆಲೆಗಳು ಒಂದೊಮ್ಮೆ ಹೆಚ್ಚಾದರೂ ಕೂಡಾ, ನಾನು ಕೊಂಡುಕೊಂಡ ಅಪರಿಪಕ್ವ ಸಮಯದಿಂದಾಗಿ ಬರ್ಕ್ಷೈರ್ ಸಂಸ್ಥೆಗೆ ಅನೇಕ ಶತಕೋಟಿ ಡಾಲರ್‌ಗಳ ನಷ್ಟವಾಗಿದೆ." ಎಂದು ಹೇಳಿ ಪರಭಾರೆ ಮಾಡಿದರು.[೪೯]
2009ರ ಸಾಲಿನ - ಪ್ರಸ್ತಾಪಿತ ಬರ್ಲಿಂಗ್‌ಟನ್‌ ನಾರ್ಥರ್ನ್‌ ಸಾಂಟಾ ಫೆ ರೈಲ್ವೆ (BNSF)ಯ ಜೊತೆಗಿನ ವಿಲೀನವು, BNSFನ 1Q2010ರ ಮೊದಲ ತ್ರೈಮಾಸಿಕ ಅವಧಿಯ ಷೇರುದಾರರ ಒಪ್ಪಿಗೆಯ ನಂತರ ಪೂರ್ಣಗೊಳ್ಳಲಿದೆ. ಈ ವ್ಯವಹಾರವನ್ನು ಸರಿಸುಮಾರು 34 ಶತಕೋಟಿ US ಡಾಲರಗಳಷ್ಟು ಮೌಲ್ಯದ್ದು ಎನ್ನಲಾಗಿದೆಯಲ್ಲದೇ ಹಿಂದಿನ 22%ರಷ್ಟಿದ್ದ ಹೂಡಿಕೆಯಲ್ಲಿ ಏರಿಕೆಯನ್ನು ಮಾಡಲಿದೆ.
2009ರ ವೆರಿಸ್ಕ್‌ ಷೇರುಗಳ ಸ್ವಾಧೀನ ಪಡೆಯುವಿಕೆಯಿಂದಾಗಿ - ವೆರಿಸ್ಕ್‌ (ISO [ಇನ್‌ಷ್ಯೂರೆನ್ಸ್‌ ಸರ್ವಿಸಸ್‌ ಆಫೀಸ್‌]) ಸಾರ್ವಜನಿಕರಿಗೆ ಮುಕ್ತಗೊಳ್ಳುವ ಮೊದಲೇ, ಬಫೆಟ್ ಅದರಲ್ಲಿ ಸುಮಾರು 5%ರಷ್ಟು ಷೇರುಗಳನ್ನು ಕೊಂಡಿದ್ದರು. ಮೇ 2009ರಲ್ಲಿ ವೆರಿಸ್ಕ್‌ ಸಾರ್ವಜನಿಕರಿಗೆ ಮುಕ್ತಗೊಂಡ ಸಮಯದಲ್ಲಿ, ವೆರಿಸ್ಕ್‌ನ ಇನ್ನೂ 6% ಷೇರುಗಳನ್ನು ಬಫೆಟ್ ಕೊಂಡರು.
ವೈಯಕ್ತಿಕ ಜೀವನ
ಬಫೆಟ್ ಸೂಸನ್‌ ಥಾಂಪ್ಸನ್‌ರನ್ನು 1952ರಲ್ಲಿ ಮದುವೆಯಾದರು. ಅವರಿಗೆ, ಸೂಸಿ, ಹಾವರ್ಡ್‌, ಮತ್ತು ಪೀಟರ್‌ ಎಂಬ ಮೂರು ಮಕ್ಕಳಿದ್ದಾರೆ. ದಂಪತಿಗಳು ಜುಲೈ 2004ರಲ್ಲಿ ಆಕೆ ಮರಣಿಸುವವರೆಗೂ ವಿವಾಹಿತರಾಗಿಯೇ ಇದ್ದರೂ 1977ರಲ್ಲಿಯೇ ಪ್ರತ್ಯೇಕವಾಗಿ ವಾಸಿಸಲು ಆರಂಭಿಸಿದ್ದರು. ಅವರ ಮಗಳು, ಸೂಸಿ, ಒಮಾಹಾದಲ್ಲಿ ವಾಸಿಸುತ್ತಾ ಸೂಸನ್‌ A. ಬಫೆಟ್ ಪ್ರತಿಷ್ಠಾನ ದ ಮೂಲಕ ಪರೋಪಕಾರಿ ಕಾರ್ಯಗಳನ್ನು ನಡೆಸುತ್ತಿದ್ದಾರಲ್ಲದೇ ಗರ್ಲ್ಸ್‌, Incನ ಮಂಡಳಿಯ ರಾಷ್ಟ್ರಮಟ್ಟದ ಸದಸ್ಯರೂ ಆಗಿದ್ದಾರೆ. 2006ರಲ್ಲಿ, ತಮ್ಮ ಎಪ್ಪತ್ತಾರನೇ ಹುಟ್ಟಿದಹಬ್ಬ/ದಿನದಂದು, ವಾರೆನ್ ಅದುವರೆಗೆ ಅವಿವಾಹಿತರಾಗಿದ್ದ ಆಗ ಅರವತ್ತು ವರ್ಷದವರಾಗಿದ್ದ ದೀರ್ಘಕಾಲೀನ-ಜೊತೆಗಾತಿ ಆಸ್ಟ್ರಿಡ್‌ ಮೆಂಕ್ಸ್‌ರನ್ನು ವಿವಾಹವಾದರು. ಆಕೆಯು 1977ರಲ್ಲಿ ಆತನ ಪತ್ನಿಯು ಪ್ರತ್ಯೇಕಗೊಂಡು ಸ್ಯಾನ್‌ ಫ್ರಾನ್ಸಿಸ್ಕೋಗೆ ತೆರಳಿದ್ದಾಗಿನಿಂದ ಆತನ ಜೊತೆಗೆ ವಾಸಿಸುತ್ತಿದ್ದಾರೆ.[೫೦] ತನ್ನ ಹಾಡುಗಾರಿಕೆಯ ವೃತ್ತಿಜೀವನಕ್ಕೆಂದು ಒಮಾಹಾದಿಂದ ತೆರಳುವ ಮುನ್ನ ಇವರಿಬ್ಬರನ್ನು ಸೂಸನ್‌ ಬಫೆಟ್‌‌‌ರೇ ಭೇಟಿ ಮಾಡಿಸಿದ್ದರು. ಮೂವರೂ ಅತ್ಯಂತ ನಿಕಟವರ್ತಿಗಳಾಗಿದ್ದುದಲ್ಲದೇ ಸ್ನೇಹಿತರಿಗೆ ಕಳುಹಿಸುತ್ತಿದ್ದ ರಜಾದಿನಗಳ ಕಾರ್ಡುಗಳಲ್ಲಿಯೂ "ವಾರೆನ್, ಸೂಸಿ ಮತ್ತು ಆಸ್ಟ್ರಿಡ್‌" ಎಂದು ಮೂವರ ಸಹಿಯೂ ಇರುತ್ತಿತ್ತು.[೫೧] ಆಕೆಯ ಸಾವಿನ ಕೆಲಕಾಲದ ಮುಂಚೆಯಷ್ಟೇ ನಡೆದಿದ್ದ ಚಾರ್ಲೀ ರೋಸ್‌ ಷೋ ಕಾರ್ಯಕ್ರಮದ ಸಂದರ್ಶನದಲ್ಲಿ ಈ ಬಾಂಧವ್ಯದ ಬಗ್ಗೆ ಸಂಕ್ಷಿಪ್ತವಾಗಿ ಪ್ರಸ್ತಾಪಿಸಿದ್ದ ಸೂಸನ್‌ ಬಫೆಟ್ರು ಬಫೆಟ್ ಖಾಸಗೀ ಜೀವನದ ಅಪರೂಪದ ಒಳನೋಟ ನೀಡಿದ್ದರು.[೫೨]
ಅವರ 2006ರ ವಾರ್ಷಿಕ ವೇತನವು ಸುಮಾರು $100,000ರಷ್ಟಿದ್ದು, ಹೋಲಿಸಬಹುದಾದ ಕಂಪೆನಿಗಳ ಹಿರಿಯ ಕಾರ್ಯನಿರ್ವಾಹಕರ ಸಂಭಾವನೆಗೆ ಹೋಲಿಸಿದರೆ ಕಡಿಮೆಯದಾಗಿತ್ತು.[೫೩] 2007 ಮತ್ತು 2008ರಲ್ಲಿ, ಅವರು ಮೂಲ ವೇತನವಾದ ಕೇವಲ $100,000 ಸೇರಿದಂತೆ ಒಟ್ಟಾರೆ $175,000ರಷ್ಟು ವೇತನವನ್ನು ಪಡೆದಿದ್ದರು.[೫೪][೫೫] (ಕ್ಯಾಲಿಫೋರ್ನಿಯಾದ ಲಗುನಾ ತೀರದಲ್ಲಿ $4 ದಶಲಕ್ಷ ಮೌಲ್ಯದ ಮನೆಯನ್ನು ಹೊಂದಿದ್ದರೂ) ಒಮಾಹಾನ ಸಮೀಪದ ಡುಂಡೀ ಕೇಂದ್ರಭಾಗದಲ್ಲಿನ 1958ರಲ್ಲಿ $31,500ಕ್ಕೆ ಕೊಂಡುಕೊಂಡಿದ್ದ ಅದೇ ಮನೆಯಲ್ಲಿಯೇ ಈಗಲೂ ವಾಸಿಸುತ್ತಿದ್ದು, ಅದರ ಈಗಿನ ಬೆಲೆ ಸುಮಾರು $700,000ರಷ್ಟಿದೆ.[೫೬] 1989ರಲ್ಲಿ ಬರ್ಕ್‌ಷೈರ್‌ನ ಹಣದಿಂದ ಸುಮಾರು 10 ದಶಲಕ್ಷ ಡಾಲರ್‌ಗಳನ್ನು[೫೭] ವ್ಯಯಿಸಿ ಖಾಸಗಿ ಜೆಟ್‌ ವಿಮಾನವನ್ನು, ಕೊಂಡ ನಂತರ ಬಫೆಟ್ ಸಂಕೋಚದಿಂದ ಅದಕ್ಕೆ "ದ ಇನ್‌ಡೆಫೆನ್ಸೆಬಲ್‌ ಎಂದು ಹೆಸರನ್ನಿಟ್ಟರು." ಈ ನಡೆಯು ಅವರ ಹಿಂದಿನ ಇತರ CEOಗಳ ದುಂದುವೆಚ್ಚದ ಕೊಳ್ಳುವಿಕೆಗಳ ಮೇಲೆ ಮಾಡಿದ ಖಂಡನೆಗಳ ಹಾಗೂ ಆತನ ಹೆಚ್ಚು ಸಾರ್ವಜನಿಕ ಸಾರಿಗೆಗಳನ್ನು ಬಳಸುವ ಹವ್ಯಾಸದಿಂದ ಹೊರಬಂದ ಹಾಗಿತ್ತು.[೫೮]
ಅವರು ಈಗಲೂ ಬ್ರಿಡ್ಜ್‌ ಎಂಬ ಕಾರ್ಡ್‌ ಆಟದ ಅತ್ಯಾಸಕ್ತ ಆಟಗಾರರಾಗಿದ್ದು, ಅದನ್ನು ಅವರು ಶರೋನ್‌ ಓಸ್‌ಬರ್ಗ್‌ರಿಂದ ಕಲಿತುಕೊಂಡಿದ್ದರಲ್ಲದೇ, ಬಿಲ್‌ ಗೇಟ್ಸ್‌ ಹಾಗೂ ಆಕೆಯೊಂದಿಗೆ ಈ ಆಟವನ್ನು ಆಡುತ್ತಾರೆ.[೫೯] ಅವರು ವಾರದಲ್ಲಿ ಹನ್ನೆರಡು ಗಂಟೆಗಳ ಕಾಲವನ್ನು ಈ ಆಟದಲ್ಲಿ ಕಳೆಯುತ್ತಾರೆ.[೬೦] 2006ರಲ್ಲಿ, ಅವರು ಬಫೆಟ್ ಕಪ್‌ ಎಂಬ ಬ್ರಿಡ್ಜ್‌ ಆಟದ ಪಂದ್ಯದ ಪ್ರಾಯೋಜಕರಾಗಿದ್ದರು. ಗಾಲ್ಫ್‌ನ ರೈಡರ್‌ ಕಪ್‌ನ ಮೇಲೆ ಆಧಾರಿತವಾಗಿದ್ದ, ಅದಕ್ಕೆ ಕೆಲವೇ ದಿನಗಳ ಮುನ್ನವೇ ಅದೇ ನಗರದಲ್ಲಿ ನಡೆಸಲಾದ ಈ ಪಂದ್ಯದಲ್ಲಿ ಯುನೈಟೆಡ್ ಸ್ಟೇಟ್ಸ್ನ ಹನ್ನೆರಡು ಬ್ರಿಡ್ಜ್‌ ಆಟಗಾರರ ತಂಡವು ಹನ್ನೆರಡು ಐರೋಪ್ಯ ಆಟಗಾರರನ್ನು ಈ ಪಂದ್ಯದಲ್ಲಿ ಎದುರಿಸಿದರು.
ವಾರೆನ್ ಬಫೆಟ್‌ರ‌‌ವರು, ಕ್ರಿಸ್ಟೋಫರ್‌ ವೆಬ್ಬರ್‌ ಹಾಗೂ DiC ಎಂಟರ್‌ಟೇನ್‌ಮೆಂಟ್‌ ಸಂಸ್ಥೆಯ ಮುಖ್ಯಸ್ಥ ಆಂಡಿ ಹೇವರ್ಡ್‌ರೊಂದಿಗೆ ಸಜೀವಚಿತ್ರಿಕೆ ಸರಣಿಯಲ್ಲಿ ಕೆಲಸ ಮಾಡಿದ್ದಾರೆ, ಹಾಗೂ ನಂತರ A ಸ್ಕ್ವೇರ್‌ಡ್‌ ಎಂಟರ್‌ಟೇನ್‌ಮೆಂಟ್‌ ಸಂಸ್ಥೆಯೊಂದಿಗೂ ಮಾಡಿದ್ದಾರೆ. ಬಫೆಟ್ ಮತ್ತು ಮಂಗರ್‌ ಕಾಣಿಸಿಕೊಂಡಿರುವ ಈ ಸರಣಿಯು ಮಕ್ಕಳಿಗೆ ಜೀವನದಲ್ಲಿ ಹಣಕಾಸಿನ ಉತ್ತಮ ಹವ್ಯಾಸಗಳನ್ನು ಇಟ್ಟುಕೊಳ್ಳುವ ಬಗ್ಗೆ ಹೇಳಿಕೊಡುತ್ತದೆ.[೬೧][೬೨]
ಬಫೆಟ್ರು ಪ್ರೆಸ್‌ಬೈಟೀರಿಯನ್‌ ಪಂಥದಲ್ಲಿ ಬೆಳೆದವರಾದರೂ, ನಂತರ ತಮ್ಮನ್ನು ಧಾರ್ಮಿಕ ನಂಬಿಕೆಗಳ ವಿಚಾರ ಪ್ರಸ್ತಾಪವಾದಾಗ ತಮ್ಮನ್ನು ನಾಸ್ತಿಕರೆಂದು [೬೩] ಹೇಳಿಕೊಳ್ಳುತ್ತಾರೆ. ಡಿಸೆಂಬರ್‌ 2006ರಲ್ಲಿ ವರದಿಯಾದ ಪ್ರಕಾರ ಬಫೆಟ್ರು ಸಂಚಾರಿ ದೂರವಾಣಿಯನ್ನು ಹಾಗೆಯೇ ತಮ್ಮ ಮೇಜಿನ ಮೇಲೆ ಗಣಕವನ್ನು ಕೂಡಾ ಹೊಂದಿಲ್ಲ ಹಾಗೂ ತಮ್ಮ ಕ್ಯಾಡಿಲಾಕ್‌ DTS ವಾಹನವನ್ನು [೬೪] ತಾವೇ ಚಲಾಯಿಸುತ್ತಾರೆ.[೬೫]
ಬಫೆಟ್ರು ಟ್ರಾಂಡ್ಸ್‌ ಎಂಬ ಚೀನೀ ಸಂಸ್ಥೆಯ ದರ್ಜಿಯಿಂದ-ತಯಾರಿಸಲ್ಪಟ್ಟ ಸೂಟ್‌ಗಳನ್ನು ಧರಿಸುತ್ತಾರೆ; ಮುಂಚೆ ಅವರು ಎರ್‌ಮೆನೆಗಿಲ್ಡೋ ಜೆಗ್ನಾ ಸಂಸ್ಥೆಯ ಉಡುಪುಗಳನ್ನು ಧರಿಸುತ್ತಿದ್ದರು.[೬೬]
ವಂಶ/ಮನೆತನ
ಬಫೆಟ್ರ DNA ವರದಿಯ ಪ್ರಕಾರ ಅವರ ತಂದೆಯ ಕಡೆಯ ಪೂರ್ವಜರು ಉತ್ತರ ಸ್ಕಾಂಡಿನೇವಿಯಾ ಮೂಲದವರಾಗಿದ್ದರೆ, ತಾಯಿಯ ಕಡೆಯ ಪೂರ್ವಜರು ಐಬೀರಿಯಾ ಅಥವಾ ಎಸ್ಟೋನಿಯಾ ಮೂಲದವರಾಗಿದ್ದಾರೆ.[೬೭] ತನ್ನ ತಾಯಿಯ ಕಡೆಯಿಂದ ಅವರು ಹಾಡುಗಾರ ಹ್ಯಾರಿ ಚಾಪಿನ್‌[೬೮] ರ ದೂರದ ಸಂಬಂಧಿಯಾಗಿದ್ದು, ಇದಕ್ಕೆ ವಿರುದ್ಧವಾಗಿ ವ್ಯಾಪಕ ಸಲಹೆಗಳಿದ್ದಾಗ್ಯೂ, ಹಾಗೂ ಎರಡೂ ಕುಟುಂಬಗಳ ನಡುವೆ ಏರ್ಪಟ್ಟ ವಾಡಿಕೆಯ ಸ್ನೇಹದ ಹೊರತಾಗಿ, ವಾರೆನ್ ಬಫೆಟ್ ಜನಪ್ರಿಯ ಹಾಡುಗಾರ ಜಿಮ್ಮಿ ಬಫೆಟ್‌‌ರೊಂದಿಗೆ ಯಾವುದೇ ಸ್ಪಷ್ಟ ಸಂಬಂಧ ಹೊಂದಿಲ್ಲ.
ರಾಜಕೀಯ
ಅನೇಕ ವರ್ಷಗಳಿಂದ ನೀಡುತ್ತಿರುವ ಇತರೆ ರಾಜಕೀಯ ಕೊಡುಗೆಗಳ ಹೊರತಾಗಿ, ಬಫೆಟ್ ಅಧಿಕೃತವಾಗಿ ಬರಾಕ್‌ ಒಬಾಮರ ಅಧ್ಯಕ್ಷೀಯ ಚುನಾವಣಾ ಪ್ರಚಾರಕ್ಕೆ ಬೆಂಬಲ ಸೂಚಿಸಿ ಪ್ರಚಾರಕ್ಕೆ ಕಾಣಿಕೆಗಳನ್ನು ಕೊಟ್ಟಿದ್ದಾರೆ. ಇವರೊಂದಿಗೆ ಸಂಬಂಧ ಹೊಂದಿರುವ ಓರ್ವ ಬಹಳ ದೂರದ ಪೂರ್ವಜರ ಮೂಲಕ ಏಳನೆಯ ಸೋದರಸಂಬಂಧಿಯೊಬ್ಬರು ಮೂರು ಬಾರಿ ಅಧಿಕಾರದಿಂದ ಕೆಳಗಿಳಿದಿದ್ದಾರೆ. ಜುಲೈ 2, 2008ರಂದು, ಒಬಾಮರ ಪ್ರಚಾರವೆಚ್ಚ ನಿಧಿ ಪಡೆಯಲು ಒಬಾಮರ ರಾಷ್ಟ್ರೀಯ ಹಣಕಾಸು ಪೀಠದ ಅಧ್ಯಕ್ಷೆ, ಪೆನ್ನಿ ಪ್ರಿಟ್ಜ್‌ಕರ್‌ ಹಾಗೂ ಆಕೆಯ ಪತಿ, ಜೊತೆಗೆ ಒಬಾಮರ ಸಲಹಾಕಾರ ವಾಲೆರೀ ಜಾರೆಟ್ಟ್‌ ಷಿಕಾಗೋದಲ್ಲಿ ಆಯೋಜಿಸಿದ್ದ ಪ್ರತಿ ತಟ್ಟೆ ಊಟಕ್ಕೆ $28,500 ಬೆಲೆಯ ಕಾರ್ಯಕ್ರಮದಲ್ಲಿ ಬಫೆಟ್ ಭಾಗವಹಿಸಿದ್ದರು.[೬೯] ಬಫೆಟ್ ಒಬಾಮರನ್ನು ಅಧ್ಯಕ್ಷೀಯ ಚುನಾವಣೆಯಲ್ಲಿ ಬೆಂಬಲಿಸಿ ಸಾಮಾಜಿಕ ನ್ಯಾಯದ ಬಗೆಗಿನ ತಮ್ಮ ನಿಲುವುಗಳು ಜಾನ್ ಮೆಕ್‌ಕೇನ್‌ರ ನಿಲುವುಗಳಿಗಿಂತ ತೀವ್ರ ಭಿನ್ನತೆಯನ್ನು ಹೊಂದಿದ್ದು ತಮ್ಮ ಬೆಂಬಲವನ್ನು ಬದಲಿಸಬೇಕೆಂದರೆ ಮೆಕ್‌ಕೇನ್‌ರು ತಮಗೆ "ಮಾನಸಿಕ ಶಸ್ತ್ರಚಿಕಿತ್ಸೆ"ಯನ್ನು ಮಾಡಿಸಬೇಕಾಗುತ್ತದೆ ಎಂದು ಬಫೆಟ್ರು ಹೇಳಿದ್ದರು.[೭೦]ಎರಡನೇ 2008 U.S. ಅಧ್ಯಕ್ಷೀಯ ಚರ್ಚಾಕೂಟದ ಸಮಯದಲ್ಲಿ, ಅಭ್ಯರ್ಥಿಗಳಾದ ಜಾನ್ ಮೆಕ್‌ಕೇನ್‌ ಮತ್ತು ಬರಾಕ್‌ ಒಬಾಮರನ್ನು, ಅಧ್ಯಕ್ಷೀಯ ಚರ್ಚಾಕೂಟದ ಮಧ್ಯವರ್ತಿ ಟಾಮ್‌ ಬ್ರೋಕಾರು ಮೊದಲಿಗೆ ಪ್ರಶ್ನಿಸಿದಾಗ, ಇಬ್ಬರೂ ಬಫೆಟ್ರನ್ನು ಸಂಭಾವ್ಯ ಭವಿಷ್ಯದ ಖಜಾನೆಯ ಕಾರ್ಯದರ್ಶಿಯಾಗಿ ಸೂಚಿಸಿದರು.[೭೧] ನಂತರ, ಮೂರನೆಯ ಹಾಗೂ ಕೊನೆಯ ಅಧ್ಯಕ್ಷೀಯ ಚರ್ಚಾಕೂಟದಲ್ಲಿ, ಒಬಾಮರು ಬಫೆಟ್ರನ್ನು ಸಂಭಾವ್ಯ ಆರ್ಥಿಕ ಸಲಹೆಗಾರರಾಗಿ ಸೂಚಿಸಿದರು.[೭೨] ಬಫೆಟ್ 2003ರ ಚುನಾವಣಾ ಪ್ರಚಾರದ ಸಮಯದಲ್ಲಿ ಕ್ಯಾಲಿಫೋರ್ನಿಯಾದ ರಿಪಬ್ಲಿಕನ್‌ ರಾಜ್ಯಪಾಲ ಅರ್ನಾಲ್ಡ್‌ ಷ್ವಾರ್‌ಜೆನೆಗ್ಗರ್‌ರ ಹಣಕಾಸು ಸಲಹೆಗಾರರಾಗಿದ್ದರು.[೭೩]
ಬರಹಗಳು(ಪೂರಕ ಮಾಹಿತಿಗಳು)
ವಾರೆನ್ ಬಫೆಟ್ರ ಬರಹಗಳಲ್ಲಿ ಅವರ ವಾರ್ಷಿಕ ವರದಿಗಳು ಹಾಗೂ ಅನೇಕ ಲೇಖನಗಳು ಸೇರಿವೆ.
ಅವರು ಹಣದುಬ್ಬರದ ವಿನಾಶಕಾರಿ ಪರಿಣಾಮಗಳ ಬಗ್ಗೆ ಎಚ್ಚರಿಸಿದ್ದರು:
| “ | The arithmetic makes it plain that inflation is a far more devastating tax than anything that has been enacted by our legislatures. The inflation tax has a fantastic ability to simply consume capital. It makes no difference to a widow with her savings in a 5 percent passbook account whether she pays 100 percent income tax on her interest income during a period of zero inflation, or pays no income taxes during years of 5 percent inflation.[೭೪] | ” |
ತಮ್ಮ ಲೇಖನ ದ ಸೂಪರ್‌ ಇನ್‌ವೆಸ್ಟರ್ಸ್‌ ಆಫ್ ಗ್ರಹಾಮ್‌-ಅಂಡ್‌-ಡೊಡ್ಸ್‌ವಿಲ್ಲೆ ಯಲ್ಲಿ, ಬಫೆಟ್ ಶೈಕ್ಷಣಿಕವಾದ ದಕ್ಷ-ಮಾರುಕಟ್ಟೆ ಕಲ್ಪನೆಯ ಬಗ್ಗೆ ಖಂಡಿಸಿ, ಗ್ರಹಾಮ್‌ ಮತ್ತು ಡಾಡ್ಡ್‌‌ರ ವಿಷಮ ಮೌಲ್ಯ ಹೂಡಿಕೆ ಆಲೋಚನಾ ಶೈಲಿಯ ಅಸಂಖ್ಯ ವಿದ್ಯಾರ್ಥಿಗಳನ್ನು ಉಲ್ಲೇಖಿಸಿ S&P 500ಯನ್ನು ಸೋಲಿಸಿದ್ದು "ಶುದ್ಧ ಅದೃಷ್ಟ ಮಾತ್ರ" ಎಂದಿದ್ದರು. ಇದಕ್ಕೆ ಉದಾಹರಣೆಯಾಗಿ ತಮ್ಮೊಂದಿಗೆ, ಬಫೆಟ್ ವಾಲ್ಟರ್‌ J. ಷ್ಲಾಸ್‌, ಟಾಮ್‌ ನ್ಯಾಪ್‌, ಎಡ್‌ ಆಂಡರ್‌‌ಸನ್‌ (ಟ್ವೀಡಿ, ಬ್ರೌನ್‌ Inc.), ಬಿಲ್‌ ರಾನೆ (ಸೆಕ್ವೋಯಾ ಫಂಡ್‌, Inc.), ಚಾರ್ಲ್ಸ್‌ ಮಂಗರ್‌ (ಬಫೆಟ್ರ ಬರ್ಕ್‌ಷೈರ್‌ನ ಸ್ವಂತ ಉದ್ಯಮದ ಭಾಗೀದಾರ), ರಿಕ್‌ ಗುಯೆರಿನ್‌ (ಪೆಸಿಫಿಕ್‌ ಪಾರ್ಟ್‌ನರ್ಸ್‌, Ltd.), ಹಾಗೂ ಸ್ಟಾನ್‌ ಪರ್ಲ್‌ಮೀಟರ್‌ (ಪರ್ಲ್‌ಮೀಟರ್‌ ಇನ್‌ವೆಸ್ಟ್‌ಮೆಂಟ್ಸ್‌)ಗಳನ್ನು ಉಲ್ಲೇಖಿಸಿದರು.[೭೫]
ತಮ್ಮ ನವೆಂಬರ್‌, 1999ರ ಫಾರ್ಚ್ಯೂನ್‌ ಲೇಖನದಲ್ಲಿ, ಹೂಡಿಕೆದಾರರಿಗೆ ಅವಾಸ್ತವಿಕ ನಿರೀಕ್ಷಣೆಗಳ ಬಗ್ಗೆ ಎಚ್ಚರಿಸಿದ್ದರು:
| “ | Let me summarize what I've been saying about the stock market: I think it's very hard to come up with a persuasive case that equities will over the next 17 years perform anything like--anything like--they've performed in the past 17. If I had to pick the most probable return, from appreciation and dividends combined, that investors in aggregate--repeat, aggregate--would earn in a world of constant interest rates, 2% inflation, and those ever hurtful frictional costs, it would be 6%.[೭೬] | ” |
ಲೋಕೋಪಕಾರ
1988ರಲ್ಲಿನ ಕೆಳಕಂಡ ಹೇಳಿಕೆಯು, ವಾರೆನ್ ಬಫೆಟ್ರು ತಮ್ಮ ಐಶ್ವರ್ಯದ ಬಗ್ಗೆ ಹೊಂದಿದ್ದ ನಿಲುವನ್ನು ಹಾಗೂ ಅವರು ಅದನ್ನು ಮರು-ವಿತರಣೆ ಮಾಡಲು ಏಕೆ ದೀರ್ಘ ಕಾಲದ ಯೋಜನೆ ಮಾಡಿದರು ಎಂಬುದನ್ನು ಅನುಕ್ರಮವಾಗಿ ಸೂಚಿಸುತ್ತದೆ:
| “ | I don't have a problem with guilt about money. The way I see it is that my money represents an enormous number of claim checks on society. It's like I have these little pieces of paper that I can turn into consumption. If I wanted to, I could hire 10,000 people to do nothing but paint my picture every day for the rest of my life. And the GDP would go up. But the utility of the product would be zilch, and I would be keeping those 10,000 people from doing AIDS research, or teaching, or nursing. I don't do that though. I don't use very many of those claim checks. There's nothing material I want very much. And I'm going to give virtually all of those claim checks to charity when my wife and I die. (Lowe 1997:165–166) | ” |
NY ಟೈಮ್ಸ್‌ ನ ಲೇಖನವೊಂದರಲ್ಲಿ : ಶ್ರೀಮಂತ ಸಂದರ್ಭಗಳಲ್ಲಿ ಬೆಳೆದ ಮಂದಿಯನ್ನು ಅವರು "ಅದೃಷ್ಟಶಾಲಿ ವೀರ್ಯವಂತರ ಸಂಘದ ಸದಸ್ಯರು"[೭೭] ಎಂದು ಕರೆಯುತ್ತಿದ್ದ ವಾರೆನ್ ಬಫೆಟ್ ಹೀಗೆ ಹೇಳಿದರು "ನನಗೆ ವಂಶಪರಂಪರೆಯ ಐಶ್ವರ್ಯದಲ್ಲಿ ನಂಬಿಕೆಯಿಲ್ಲ" ಬಫೆಟ್ ಅನೇಕ ಬಾರಿ ತಮ್ಮ ಮಾರುಕಟ್ಟೆ ಆರ್ಥಿಕತೆಯಲ್ಲಿ, ಶ್ರೀಮಂತರು ತಮ್ಮ ಪ್ರತಿಭೆಗೆ ಮೀರಿದ ಪ್ರತಿಫಲವನ್ನು ಪಡೆಯುತ್ತಾರೆ ಎಂಬ ತಮ್ಮ ಅಭಿಪ್ರಾಯದ ಬಗ್ಗೆ ಬರೆದಿದ್ದಾರೆ:
| “ | A market economy creates some lopsided payoffs to participants. The right endowment of vocal chords, anatomical structure, physical strength, or mental powers can produce enormous piles of claim checks (stocks, bonds, and other forms of capital) on future national output. Proper selection of ancestors similarly can result in lifetime supplies of such tickets upon birth. If zero real investment returns diverted a bit greater portion of the national output from such stockholders to equally worthy and hardworking citizens lacking jackpot-producing talents, it would seem unlikely to pose such an insult to an equitable world as to risk Divine Intervention.[೭೮] | ” |
ಅವರ ಮಕ್ಕಳು ಆತನ ಸಂಪತ್ತಿನ ಬಹುಪಾಲು ಭಾಗಕ್ಕೆ ಹಕ್ಕುದಾರರಾಗಿರುವುದಿಲ್ಲ. ಈ ಎಲ್ಲಾ ಚಟುವಟಿಕೆಗಳು ಅವರು ಈ ಹಿಂದೆ ಉತ್ತಮ ಅದೃಷ್ಟವನ್ನು ಒಂದು ಪೀಳಿಗೆಯಿಂದ ಮುಂದಿನ ಪೀಳಿಗೆಗೆ ಹಸ್ತಾಂತರವಾಗುವುದನ್ನು ವಿರೋಧಿಸಿ ನೀಡಿದ ಹೇಳಿಕೆಗಳ ಪರವಾಗಿಯೇ ಇವೆ.[೭೯] ಒಮ್ಮೆ ಬಫೆಟ್ ಹೀಗೆ ಹೇಳಿದ್ದರು, "ನಾನು ನನ್ನ ಮಕ್ಕಳಿಗೆ ಅವರಿಗೆ ತಾವು ಏನು ಬೇಕಾದರೂ ಮಾಡಬಲ್ಲೆವೆಂಬುದಕ್ಕೆ ಎಷ್ಟು ಬೇಕೋ ಅಷ್ಟು ಮಾತ್ರ ಕೊಡಲಿಚ್ಛಿಸುತ್ತೇನೆಯೇ ಹೊರತು, ಏನೂ ಮಾಡದೆಯೇ ಇರಬಹುದಾದಷ್ಟು ಕೊಡಲಿಚ್ಛಿಸುವುದಿಲ್ಲ".[೮೦]
2006ರಲ್ಲಿ, ಅವರು ತಮ್ಮ 2001ರ ಲಿಂಕನ್‌ ಟೌನ್‌ ಕಾರ್‌ಅನ್ನು [೮೧] eBayನಲ್ಲಿ ಹರಾಜಿಗಿಟ್ಟು ಗರ್ಲ್ಸ್‌, Inc.ಗೆ ಹಣ ಹೊಂದಿಸಿದ್ದರು.[೮೨]
2007ರಲ್ಲಿ, ಅವರು ತಮ್ಮೊಂದಿಗೆ ಭೋಜನಕೂಟದಲ್ಲಿ ಭಾಗವಹಿಸುವಿಕೆಯನ್ನು ಹರಾಜಿಗಿಟ್ಟು $650,100ಗಳನ್ನು ದತ್ತಿನಿಧಿಗೆಂದು ಅಂತಿಮ ಬಿಡ್‌ ಪಡೆದಿದ್ದರು.[೮೩]
2006ರಲ್ಲಿ, ಅವರು ತಮ್ಮ ಶ್ರೀಮಂತಿಕೆಯನ್ನು ದತ್ತಿಗಳಿಗೆ ಕೊಡುವ ಯೋಜನೆಯಿದೆಯೆಂದು ಅದರ 83% ಭಾಗವು ಬಿಲ್‌ & ಮೆಲಿಂಡಾ ಗೇಟ್ಸ್‌ ಪ್ರತಿಷ್ಠಾನಕ್ಕೆ ಸಲ್ಲಲಿದೆಯೆಂದು ಘೋಷಿಸಿದರು.[೮೪] ಜೂನ್ 2006ರಲ್ಲಿ, ಬಫೆಟ್ ಸರಿಸುಮಾರು 10 ದಶಲಕ್ಷ ಬರ್ಕ್ಷೈರ್ ಹಾಥ್‌ವೇ B ವರ್ಗದ ಷೇರುಗಳನ್ನು ಬಿಲ್‌ & ಮೆಲಿಂಡಾ ಗೇಟ್ಸ್‌ ಪ್ರತಿಷ್ಠಾನ (23 ಜೂನ್ 2006ರ ಹಾಗೆ ಅದರ ಮೌಲ್ಯವು US$30.7 ಶತಕೋಟಿಯಷ್ಟಿತ್ತು)[೮೫] ನೀಡಿದರು. ಇದು ಇತಿಹಾಸದಲ್ಲೇ ಅತ್ಯಂತ ದೊಡ್ಡ ದತ್ತಿಯ ದೇಣಿಗೆಯೆನಿಸಿತಲ್ಲದೇ ಬಫೆಟ್ರನ್ನು ಲೋಕೋಪಕಾರಿ ಬಂಡವಾಳಶಾಹಿತ್ವದ ಕ್ರಾಂತಿಯ ನಾಯಕರಲ್ಲೊಬ್ಬರನ್ನಾಗಿ ಮಾಡಿತು.[೮೬] 2006ರಲ್ಲಿ ಆರಂಭಗೊಂಡು ಪ್ರತಿ ವರ್ಷದ ಜುಲೈನಲ್ಲಿ ಪ್ರತಿಷ್ಠಾನವು ಒಟ್ಟು ದೇಣಿಗೆಯ 5%ರಷ್ಟನ್ನು ವಾರ್ಷಿಕವಾಗಿ ಪಡೆಯಲಿದೆ. ಬಫೆಟ್ ಗೇಟ್ಸ್‌ ಪ್ರತಿಷ್ಠಾನದ ನಿರ್ದೇಶಕರ ಮಂಡಳಿಯಲ್ಲಿ ಸೇರಿಕೊಳ್ಳುವರಾದರೂ, ಅವರು ಪ್ರತಿಷ್ಠಾನದ ಹೂಡುವಿಕೆಗಳಲ್ಲಿ ಪಾಲ್ಗೊಳ್ಳುವ ವಿಚಾರವಾಗಿ ಯಾವುದೇ ನಿರ್ಧಾರ ಕೈಗೊಂಡಿಲ್ಲ.[೮೭][೮೮][ಸಾಕ್ಷ್ಯಾಧಾರ ಬೇಕಾಗಿದೆ]
ಬಫೆಟ್ರು ತಮ್ಮ ಬಫೆಟ್ ಪ್ರತಿಷ್ಠಾನಕ್ಕೆ ತಮ್ಮ ಬಹುಪಾಲು ಸಂಪತ್ತನ್ನು ನೀಡುವುದಾಗಿ ಈ ಹಿಂದೆ ನೀಡಿದ್ದ ಹೇಳಿಕೆಗಳಿಗಿಂತ ಈ ನಡೆ ಭಿನ್ನವಾಗಿದೆ.[೮೯] $2.6 ಶತಕೋಟಿ ಮೌಲ್ಯದ ಅವರ ಪತ್ನಿಯ ಒಡೆತನದಲ್ಲಿನ ಸ್ಥಿರಾಸ್ತಿಯ ಬಹುಪಾಲು ಆಕೆ, 2004ರಲ್ಲಿ ಮರಣಿಸಿದಾಗ ಈ ಪ್ರತಿಷ್ಠಾನಕ್ಕೆ ಸಂದಿದೆ.[೯೦]
ವಾಷಿಂಗ್ಟನ್‌ನಲ್ಲಿನ ತಾವು 2002ರಿಂದ ಸಲಹಾಕಾರರಾಗಿ ಕಾರ್ಯನಿರ್ವಹಿಸುತ್ತಿದ್ದ ಅಣ್ವಸ್ತ್ರ ಭೀತಿ ನಿವಾರಣಾ ಉಪಕ್ರಮಕ್ಕೆ, $50-ದಶಲಕ್ಷವನ್ನು ನೀಡುವುದಾಗಿ ವಾಗ್ದಾನ ನೀಡಿದ್ದಾರೆ.[೯೧]
27 ಜೂನ್ 2008ರಂದು, ಝಾವೋ ಡ್ಯಾನ್ಯಾಂಗ್‌ ಎಂಬ ಪ್ಯೂರ್‌ ಹಾರ್ಟ್‌ ಚೈನಾ ಗ್ರೋತ್‌ ಇನ್‌ವೆಸ್ಟ್‌ಮೆಂಟ್‌ ಫಂಡ್‌ ಸಂಸ್ಥೆಯ ಪ್ರಧಾನ ನಿರ್ವಾಹಕರು 2008ರ 5-ದಿನ ಆನ್‌ಲೈನ್‌ "ಪವರ್‌ ಲಂಚ್‌ ವಿತ್‌ ವಾರೆನ್ ಬಫೆಟ್" ದತ್ತಿ ಹರಾಜನ್ನು $2,110,100 ಮೊತ್ತದ ಬಿಡ್‌ ಮಾಡಿ ಗೆದ್ದರು. ಹರಾಜಿನ ಉತ್ಪತ್ತಿಗಳು ಸ್ಯಾನ್‌ ಫ್ರಾನ್ಸಿಸ್ಕೋದ ಗ್ಲೈಡ್‌ ಪ್ರತಿಷ್ಠಾನಕ್ಕೆ ಸಲ್ಲುತ್ತವೆ.[೯೨][೯೩]
೨೦೧೯ ಜೂನ್ ೧ಕ್ಕೆ ದಾನದ ಮೊತ್ತ
- ಬಫೆಟ್ ತನ್ನ ಬರ್ಕ್ಷೈರ್ ಷೇರುಗಳ ಒಂದು ಭಾಗವನ್ನು 2006 ರಿಂದ ದಾನಕ್ಕೆ ನೀಡುತ್ತಿದ್ದಾರೆ. ೧-೬-೨೦೧೯ ಸೋಮವಾರ ಪತ್ರಿಕಾ ಪ್ರಕಟಣೆಯ ಪ್ರಕಾರ, ಬಫೆಟ್‌ನ ಉಡುಗೊರೆಗಳ ಮೌಲ್ಯವು ಒಟ್ಟು 34 ಬಿಲಿಯನ್ (billion)ಆಗಿದೆ. 2006 ರಿಂದ ಬಫೆಟ್ ದಾನ ಪತ್ರಿಕಾ ಪ್ರಕಟಣೆಯಲ್ಲಿ ೧-೬-೨೦೧೯ ಸೋಮವಾರ, ಮೌಲ್ಯ ಟಿ ಟಿ ಬಫೆಟ್ರ ಉಡುಗೊರೆಗಳ ಗೆ ತಮ್ಮ ಬರ್ಕ್ಷೈರ್ ಷೇರುಗಳನ್ನು ಒಂದು ಭಾಗವನ್ನು ದಾನ ಮಾಡಲಾಗಿದೆ. ಅದರ ಪ್ರಕಾರ ಒಟ್ಟು ದಾನ $ 34 ಬಿಲಿಯನ್ (2,72000,00,00,000= 2,72,000 ಕೋಟಿ ರೂಪಾಯಿ/ ಎರಡು ಲಕ್ಷ ಎಪ್ಪತೆರಡು ಸಾವಿರ ಕೋಟಿ ರೂಪಾಯಿ.) ಆಗಿತ್ತು.[೯೪]
ಸಾರ್ವಜನಿಕ ಸ್ಥಾನಮಾನಗಳು
ಬಫೆಟ್ರ ಭಾಷಣಗಳು ಹಾಸ್ಯದೊಂದಿಗೆ ವ್ಯಾವಹಾರಿಕತೆಯನ್ನು ಹದವಾಗಿ ಬೆರೆಸಿದ ಸಂವಾದಗಳಿಂದ ಪ್ರಸಿದ್ಧವಾಗಿವೆ. ಪ್ರತಿ ವರ್ಷವೂ ನೆಬ್ರಾಸ್ಕಾದಲ್ಲಿನ ಒಮಾಹಾದ ಕ್ವೆಸ್ಟ್ ಸೆಂಟರ್‌ನಲ್ಲಿ ನಡೆಯುವ ಬರ್ಕ್ಷೈರ್ ಹಾಥ್‌ವೇಯ ವಾರ್ಷಿಕ ಷೇರುದಾರರ ಸಭೆಯಲ್ಲಿ ಬಫೆಟ್ ಅಧ್ಯಕ್ಷತೆ ವಹಿಸಿಕೊಳ್ಳುವುದರಿಂದ, ಯುನೈಟೆಡ್ ಸ್ಟೇಟ್ಸ್‌ ಹಾಗೂ ಹೊರದೇಶಗಳಿಂದ ಸರಿಸುಮಾರು 20,000ದಷ್ಟು ಸಂದರ್ಶಕರು ಇದರತ್ತ ಸೆಳೆಯಲ್ಪಡುವುದರಿಂದ, ಅದಕ್ಕೆ "ವುಡ್‌ಸ್ಟಾಕ್ ಆಫ್ ಕ್ಯಾಪಿಟಾಲಿಸಂ" ಎಂಬ ಹೆಸರೂ ಬಂದಿದೆ.[೯೫] ಬಫೆಟ್ ಸಿದ್ಧಪಡಿಸುವ ಬರ್ಕ್‌ಷೈರ್‌ನ ವಾರ್ಷಿಕ ವರದಿಗಳು ಹಾಗೂ ಷೇರುದಾರರಿಗೆ ಬರೆಯುವ ಪತ್ರಗಳನ್ನು, ವಿತ್ತೀಯ ಮಾಧ್ಯಮಗಳು ಆಗ್ಗಾಗ್ಗೆ ವರದಿ ಮಾಡುತ್ತಿರುತ್ತವೆ. ಬಫೆಟ್ರ ಬರಹಗಳು ಬೈಬಲ್‌ನಿಂದ ಮೇ ವೆಸ್ಟ್ ತನಕ ಎಲ್ಲ ರೀತಿಯ ಉಕ್ತಿಗಳನ್ನೂ,[೯೬] ಮಧ್ಯಪಾಶ್ಚಿಮಾತ್ಯರ ಸಲಹೆಗಳು, ಹಾಗೂ ಇನ್ನಿತರೆ ಹಾಸ್ಯಗಳನ್ನು ಒಳಗೊಂಡಿರುತ್ತದೆ ಎಂದು ಹೆಸರಾಗಿವೆ. ಬಫೆಟ್ರ ಗುಣಗಳನ್ನು ಹಲವಾರು ಅಂತರ್ಜಾಲ ತಾಣಗಳು ಪ್ರಶಂಸೆ ಮಾಡಿದರೆ ಇನ್ನಿತರೆ ತಾಣಗಳು ಬಫೆಟ್ರ ವ್ಯಾವಹಾರಿಕ ಮಾದರಿಗಳನ್ನು ಅಥವಾ ಅವರ ಸಲಹೆ ಹಾಗೂ ಬಂಡವಾಳ ನಿರ್ಣಯಗಳನ್ನು ಅಲ್ಲಗಳೆಯುತ್ತವೆ.
ಬಫೆಟ್ ಹಾಗೂ ತಂಬಾಕು
1987ನೇ ಇಸವಿಯಲ್ಲಿ RJR ನಬಿಸ್ಕೊ Inc.ಅನ್ನು ಪ್ರತಿಕೂಲವಾಗಿ ವಶಪಡಿಸಿಕೊಳ್ಳುವ ಹೋರಾಟದ ಸಂದರ್ಭದಲ್ಲಿ, ಬಫೆಟ್ ಜಾನ್ ಗಟ್‌ಫ್ರಾಂಡ್‌ರಿಗೆ ಈ ರೀತಿಯಾಗಿ ಹೇಳುತ್ತಾರೆ:
| “ | I’ll tell you why I like the cigarette business. It costs a penny to make. Sell it for a dollar. It’s addictive. And there’s fantastic brand loyalty.[೯೭] | ” |
1994ನೇ ಇಸವಿಯಲ್ಲಿ ನಡೆದ ಬರ್ಕ್ಷೈರ್ ಹಾಥ್‌ವೇ Inc.ನ ವಾರ್ಷಿಕ ಸಭೆಯಲ್ಲಿ ಬಫೆಟ್ ಹೇಳಿದ ಪ್ರಕಾರ, ತಂಬಾಕಿನ ಮೇಲೆ ಬಂಡವಾಳ ಹೂಡುವುದೆಂದರೆ:
| “ | fraught with questions that relate to societal attitudes and those of the present administration. I would not like to have a significant percentage of my net worth invested in tobacco businesses. The economy of the business may be fine, but that doesn't mean it has a bright future.[೯೮] | ” |
ಬಫೆಟ್ ಹಾಗೂ ಕಲಿದ್ದಲು
2007ನೇ ಇಸವಿಯಲ್ಲಿ, ಬಫೆಟ್ರ ಮಿಡ್‌ಅಮೇರಿಕನ್‌ ಎನರ್ಜಿ ಕಂಪನಿಯ ಅಧೀನದಲ್ಲಿರುವ ಪೆಸಿಫಿಕಾರ್ಪ್ ಸಂಸ್ಥೆಯು, ಯೋಜಿಸಲಾಗಿದ್ದ ಆರು ಕಲ್ಲಿದ್ದಲು ಅವಲಂಬಿತ ಶಕ್ತಿಸ್ಥಾವರಗಳನ್ನು ರದ್ದುಮಾಡಿತು. ಇವುಗಳಲ್ಲಿ ಉಟಾಹ್‌ನ ಪರ್ವತಗಳ ನಡುವಿನ ಶಕ್ತಿಯೋಜನೆಯ 3ನೇ ಘಟಕ, ಜಿಮ್ ಬ್ರಿಡ್ಜರ್‌ನ 5ನೇ ಘಟಕ, ಹಾಗೂ ಪೆಸಿಫಿಕಾರ್ಪ್‌ನ ಸಂಯೋಜಿತ ಸಂಪನ್ಮೂಲ ಯೋಜನೆ ಸೇರಿದ್ದವು. ಸಾಲ್ಟ್ ಲೇಕ್ ಪಟ್ಟಣದ ಸ್ಥಿರಾಸ್ತಿ ದಲ್ಲಾಳಿಯಾದ ಅಲೆಗ್ಸಾಂಡರ್ ಲಾಫ್ಟ್‌ರು ವೈಯಕ್ತಿಕವಾಗಿ ಬಫೆಟ್ರನ್ನು ಗುರಿಯಾಗಿಸಿಕೊಂಡು ರದ್ದತಿಗಾಗಿ ಏರ್ಪಡಿಸಿದ ಮನವಿ ಸಲ್ಲಿಕೆಯೂ ಸೇರಿದಂತೆ ನಿಯಂತ್ರಕರು ಹಾಗೂ ಸಾರ್ವಜನಿಕ ಗುಂಪುಗಳ ಒತ್ತಡದಿಂದಾಗಿ ಅವುಗಳನ್ನು ಸ್ಥಗಿತಗೊಳಿಸಬೇಕಾಯಿತು. ಅದರಲ್ಲಿ 1,600 ಅರ್ಜಿದಾರರು, ಒಕ್ಕೊರಲಿನಿಂದ ಬಫೆಟ್ರಿಗೆ ಪತ್ರವೊಂದನ್ನು ಬರೆದು ತಮ್ಮನ್ನು ತಾವು " ನಾಗರೀಕರ ಗುಂಪಾಗಿದ್ದು, ಉದ್ಯಮದ ಮಾಲೀಕರು ಹಾಗೂ ಪ್ರಬಂಧಕರು, ಸೇವಾ ವೃತ್ತಿಪರರು, ಸಾರ್ವಜನಿಕ ಸೇವಕರು, ಹಾಗೂ ಸಂಘಸಂಸ್ಥೆಯ ಪ್ರತಿನಿಧಿಗಳು... ನಿಮ್ಮ ಸ್ನೇಹಿತರು ಹಾಗೂ ಇಲ್ಲಿಂದೀಚೆಗೆ ಉಟಾಹ್‌ನಲ್ಲಿ ನಿಮ್ಮ ಹೊಸ ಗ್ರಾಹಕರಾದ ನಾವು, " ಎಂದು ವಿವರಿಸುತ್ತಾ, ಅವರ ದೃಷ್ಟಿಯಲ್ಲಿ, ಉಟಾಹ್‌ನಲ್ಲಿ ಕಲ್ಲಿದಲಿನ ಉತ್ಪಾದನೆಯನ್ನು ಮತ್ತೂ ಮುಂದುವರೆಸುವುದಾದರೆ "ನಮ್ಮ ಆರೋಗ್ಯವನ್ನು ಹಾಳುಮಾಡಿ, ನಮ್ಮ ದೃಷ್ಟಿಯನ್ನು ಮಂದಗೊಳಿಸುವುದಲ್ಲದೇ, ನಮ್ಮ ಜಲ ಮೂಲಗಳನ್ನು ಕುಗ್ಗಿಸುತ್ತವೆ ಹಾಗೂ ಕಲುಷಿತಗೊಳಿಸುತ್ತವೆ, ಹಾಗೂ ನಾವು ಇಷ್ಟಪಡುವ ಹಿಮಚ್ಛಾದಿತ ಪ್ರದೇಶವನ್ನು ಕರಗಿಸುತ್ತವೆ," ಎಂದು ಹೇಳಿ " ನಾವು ಜೀವನ ನಡೆಸುವ ಹಾಗೂ ಕಾರ್ಯ ನಿರ್ವಹಿಸುತ್ತಿರುವ ಆಕರ್ಷಕ ಪ್ರದೇಶವೆನಿಸಿಕೊಂಡಿರುವ ನಮ್ಮ ನಗರದ ಕೀರ್ತಿಯು ಇದರಿಂದಾಗಿ ಅಪಾಯಕ್ಕೊಳಗಾಗುವ ಸಂಭವವಿದೆ, ಹಾಗೂ ನಾವು ನೆಲೆಸಿರುವ ಪ್ರದೇಶವು ಒಂದು ರಾಜ್ಯವಾಗಿ ಮತ್ತು ಪ್ರಮುಖ ಮಹಾನಗರವಾಗಿ ಉತ್ತಮಗೊಳ್ಳುತ್ತಿರುವ ತನ್ನ ಆರ್ಥಿಕ ಸ್ಪರ್ಧಾತ್ಮಕತೆಯನ್ನು ಕಳೆದುಕೊಳ್ಳಬೇಕಾಗುತ್ತದೆ" ಎಂಬ ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ."[೯೯]
ಕ್ಲಮಾಥ್ ನದಿ
ಅಮೆರಿಕನ್‌ ಇಂಡಿಯನ್ ಬುಡಕಟ್ಟು ಜನಾಂಗ ಹಾಗೂ ಸಾಲ್ಮನ್ ಮೀನುಹಿಡಿಯುವವರು ವಾರೆನ್ ಬಫೆಟ್‌ರಿಂದ ಬೆಂಬಲಗಳಿಸಿ ಜಲವಿದ್ಯುತ್‌ ಯೋಜನೆಗಾಗಿ ಕ್ಲಮಾಥ್ ನದಿಗೆ ಅಣೆಕಟ್ಟೆ ಕಟ್ಟುವುದನ್ನು ತಡೆಯವುದರಲ್ಲಿ ಯಶಸ್ವಿಯಾದರು. ಅವರ ಜೊತೆಗಿದ್ದ ಡೇವಿಡ್ ಸೊಕೊಲ್‌ ಆ ಸಮಸ್ಯೆಗೆ FERC ಉತ್ತರ ನೀಡುತ್ತದೆ ಎಂದು ತಿಳಿಸಿದರು.[೧೦೦][೧೦೧]
ಉದ್ಯಮದ ಕೊರತೆಯ ಪ್ರಮಾಣ
ಯುನೈಟೆಡ್ ಸ್ಟೇಟ್ಸ್‌'ನ ಹೆಚ್ಚುತ್ತಿರುವ ಉದ್ಯಮದ ಕೊರತೆಯ ಪ್ರಮಾಣವು U.S. ಡಾಲರ್ ಹಾಗೂ U.S.ನ ಸೊತ್ತುಗಳ ಬೆಲೆಯನ್ನು ಕಡಿಮೆಮಾಡುವಂತಹಾ ಒಂದು ಶೈಲಿ ಎಂದು ಬಫೆಟ್ ಪರಿಗಣಿಸುತ್ತಾರೆ. ದೊಡ್ಡ ಪ್ರಮಾಣದಲ್ಲಿ U.S.ನ ಸ್ವತ್ತುಗಳ ಒಡೆತನವನ್ನು ವಿದೇಶೀಯರಿಗೆ ಒಪ್ಪಿಸುತ್ತಿರುವ ಪರಿಣಾಮವಾಗಿ ದೀರ್ಘಾವಧಿಯಲ್ಲಿ U.S. ಡಾಲರ್ ತನ್ನ ಬೆಲೆಯನ್ನು ಕಳೆದುಕೊಳ್ಳುತ್ತದೆ ಎಂದು ನಂಬಿದ್ದಾರೆ.
ವಾರೆನ್ ಬಫೆಟ್ ಇನ್ನು ಕೇವಲ ಹತ್ತು ವರ್ಷಗಳಲ್ಲಿ U.S.ನಲ್ಲಿ ಹೊರಗಿನವರ ಒಡೆತನವು ಒಟ್ಟಾರೆಯಾಗಿ ಸರಿಸುಮಾರು $11 ಸಹಸ್ರಕೋಟಿಯಷ್ಟಾಗುತ್ತದೆ ಎಂದು 2005ನೇ ಇಸವಿಯ ಮಾರ್ಚ್‌ನಲ್ಲಿ ಅಂದಾಜು ಮಾಡಿ ಷೇರುದಾರರಿಗೆ ಪತ್ರ ಬರೆದಿದ್ದರು. “ಅಮೇರಿಕಾದವರು… ತಮಗೆ ಸಾಲ ನೀಡುವವರು ಹಾಗೂ ವಿದೇಶಿ ಒಡೆಯರಿಗೆ ಸತತವಾಗಿ ಕಪ್ಪಕಾಣಿಕೆ ನೀಡುವ ಯೋಜನೆಯಿಂದ ಸಿಡಿಮಿಡಿಗೊಂಡಿದ್ದಾರೆ. ‘ಒಡೆತನ ಸಮಾಜ’ವನ್ನು ನಿರ್ಮಾಣ ಮಾಡಬೇಕೆಂಬ ಆಸೆ ಇರುವ ಒಂದು ದೇಶ ಸಂತೋಷವಾಗಿರಲು ಸಾಧ್ಯವಿಲ್ಲ—ಹಾಗೂ ಅದಕ್ಕೆ ನಾನು ಒತ್ತು ನೀಡುವ ಬದಲು ಉತ್ಪ್ರೇಕ್ಷೆಯಿಂದಲೇ—'ಷೇರು ಹುಟ್ಟು ಹಾಕಿದ ಸಮಾಜ’ ಎಂದು ಕರೆಯುತ್ತೇನೆ.” ಆನ್ ಪೆಟ್ಟಿಫರ್ ಎಂಬ ಲೇಖಕಿ: "ಅವರು ಹೇಳುವುದು ನಿಜ. ಹಾಗೂ ನಾವುಗಳು ಈ ಸಮಯದಲ್ಲಿ ಕೇವಲ ಬ್ಯಾಂಕುಗಳು ಕುಸಿದುಬೀಳುವುದರ ಹಾಗೂ ಬಂಡವಾಳ ಹೂಡಿಕೆಯ ಬಗ್ಗೆ ಅಥವಾ ಹಣಕಾಸಿನ ರಚನೆಯಲ್ಲಷ್ಟೇ ಅಲ್ಲದೆ 'ಷೇರು ಹುಟ್ಟು ಹಾಕುವವರ ಸಮಾಜವು ತಾವು ಕುಸಿದುಬೀಳುವಾಗ ತೋರುವ ಕ್ರೋಧದ ರೀತಿ'ಯ ಬಗ್ಗೆಯೂ ಎಚ್ಚರಿಕೆ ವಹಿಸಬೇಕಾಗಿದೆ ಎಂದು ತಮ್ಮ ಲೇಖನದಲ್ಲಿ ಹೇಳುತ್ತಾರೆ".[೧೦೨]
ಡಾಲರ್ ಹಾಗೂ ಚಿನ್ನ
ಬಫೆಟ್ ಮೊದಲ ಬಾರಿಗೆ 2002ನೇ ಇಸವಿಯಲ್ಲಿ ವಿದೇಶೀ ನಗದು ಮಾನಕದ ಮಾರುಕಟ್ಟೆಗೆ ಪ್ರವೇಶಿಸುವುದಕ್ಕೆ ಇದು ಕಾರಣವಾಯಿತು. ಆದಾಗ್ಯೂ, ಬದಲಾಗುತ್ತಿರುವ ಬಡ್ಡಿ ದರಗಳು ಹಾಗೂ ವಿದೇಶಿ ಹಣವನ್ನು ತಡೆಹಿಡಿಯುವ ಬೆಲೆ ಏರಿಕೆ ಕಂಡಿದ್ದರಿಂದಾಗಿ ಅವರು 2005ನೇ ಇಸವಿಯಲ್ಲಿ ತಮ್ಮ ಷೇರುಗಳನ್ನು ಕಡಿಮೆ ಮಾಡಿದರು. ಬಫೆಟ್ರು ಡಾಲರ್ ಬೆಲೆ ಕುಸಿಯುವಂತೆ ಮಾಡುವುದನ್ನು ಮುಂದುವರೆಸಿದ್ದು, ಯುನೈಟೆಡ್ ಸ್ಟೇಟ್ಸ್ನ ಹೊರಗಿನಿಂದ ಸಾಕಷ್ಟು ಪ್ರಮಾಣದಲ್ಲಿ ವರಮಾನಗಳನ್ನು ಗಳಿಸುತ್ತಿರುವ ಕಂಪನಿಗಳನ್ನು ಗಳಿಸಬೇಕು ಎಂದುಕೊಂಡಿದ್ದೇನೆ ಎಂಬುದಾಗಿ ಅವರು ಹೇಳುತ್ತಾರೆ.
ಬಫೆಟ್ USDಗೆ ಸ್ವರ್ಣ ಮಾನಕ ಬಳಸುವುದರ ಅನುತ್ಪಾದಕತೆಯ ಬಗ್ಗೆ 1998ರಲ್ಲಿ ಹಾರ್ವರ್ಡ್‌ನಲ್ಲಿ ವಿಷದವಾಗಿ ಹೇಳಿದ್ದರು:
| “ | It gets dug out of the ground in Africa, or someplace. Then we melt it down, dig another hole, bury it again and pay people to stand around guarding it. It has no utility. Anyone watching from Mars would be scratching their head. | ” |
1977ರಲ್ಲಿ ಬಫೆಟ್ ಷೇರುಗಳು, ಚಿನ್ನ, ಹೊಲಗಳು ಹಾಗೂ ಹಣದುಬ್ಬರಗಳ ಬಗ್ಗೆ ಹೇಳಿದ್ದರೆಂದು ತಿಳಿಸಲಾಗಿದೆ:
| “ | stocks are probably still the best of all the poor alternatives in an era of inflation—at least they are if you buy in at appropriate prices.[೧೦೩] | ” |
ತೆರಿಗೆಗಳು
ಬಫೆಟ್ ತನ್ನ ಆದಾಯದ ಕೇವಲ 19%ರಷ್ಟನ್ನು ಮಾತ್ರವೇ 2006ರಲ್ಲಿ ($48.1 ದಶಲಕ್ಷ) ಒಟ್ಟಾರೆ ಒಕ್ಕೂಟ ತೆರಿಗೆಯಾಗಿ ಪಾವತಿಸಿದ್ದರೆ, (ಅವು ಲಾಭಾಂಶಗಳು ಹಾಗೂ ಬಂಡವಾಳದ ಲಾಭಗಳಾದುದರಿಂದ), ಆತನ ಉದ್ಯೋಗಿಗಳು ಕಡಿಮೆ ಆದಾಯದ ಹೊರತಾಗಿಯೂ ತಮ್ಮ ಆದಾಯದ 33%ರಷ್ಟನ್ನು ತೆರಿಗೆಯಾಗಿ ಕಟ್ಟಿದ್ದರು ಎಂದು ತಿಳಿಸಿದ್ದರು.[೧೦೪] ಆದರೆ 2008ರಲ್ಲಿ ಬರ್ಕ್ಷೈರ್ ಹಾಥ್‌ವೇಯು $7.5 ಶತಕೋಟಿಗಳ ಆದಾಯಕ್ಕೆ $1.9 ಶತಕೋಟಿ ಮೊತ್ತವನ್ನು ಒಕ್ಕೂಟದ ಸಾಂಸ್ಥಿಕ ಆದಾಯ ತೆರಿಗೆಯ ರೂಪದಲ್ಲಿ (ಕೇವಲ ಒಕ್ಕೂಟದ ತೆರಿಗೆಯಲ್ಲೇ 26%ಗೂ ಹೆಚ್ಚಿಗೆ) ಪಾವತಿಸಿತ್ತು.[೧೦೫] ಬಫೆಟ್ರು ಉತ್ತರಾಧಿಕಾರ ತೆರಿಗೆಯನ್ನು ರದ್ದು ಮಾಡುವುದೆಂದರೆ "2000ದ ಒಲಿಂಪಿಕ್ಸ್‌‌ನ ಚಿನ್ನದ-ಪದಕ ವಿಜೇತರ ಹಿರಿಯ ಪುತ್ರರನ್ನು ಸೇರಿಸಿ 2020ರ ಒಲಿಂಪಿಕ್‌ ತಂಡವನ್ನು ಕಟ್ಟಿದ ಹಾಗೆ" ಎಂದು ಅದರ ಪರವಾಗಿ ಹೇಳಿದ್ದಾರೆ.[೧೦೬] 2007ರಲ್ಲಿ, ಬಫೆಟ್ರು ಸೆನೆಟ್‌ನ ಮುಂದೆ ಹಾಜರಾಗಿ ಹೇಳಿಕೆ ನೀಡುತ್ತಾ ಧನಿಕರ ಪ್ರಭುತ್ವವನ್ನು ತಪ್ಪಿಸಲು ಸ್ಥಿರಾಸ್ತಿ ತೆರಿಗೆಯನ್ನು ಹಾಗೆಯೇ ಉಳಿಸಲು ಆಗ್ರಹಿಸಿದ್ದರು.[೧೦೭] ಕೆಲವು ವಿಮರ್ಶಕರು ಬರ್ಕ್ಷೈರ್ ಹಾಥ್‌ವೇಯು ಹಿಂದಿನ ವ್ಯವಹಾರಗಳಲ್ಲಿ ಸ್ಥಿರಾಸ್ತಿ ತೆರಿಗೆಯಿಂದಾಗಿ ಪಾಲಿಸಿದಾರರನ್ನು ಭವಿಷ್ಯದ ಸ್ಥಿರಾಸ್ತಿ ತೆರಿಗೆ ಪಾವತಿಗಳಿಂದ ತಪ್ಪಿಸಿಕೊಳ್ಳಲು ಅನುಕೂಲವಾಗುವಂತೆ ವಿಮಾ ಪಾಲಿಸಿಗಳನ್ನು ಸಿದ್ಧಪಡಿಸಿ ಅವುಗಳ ಪ್ರಚಾರ ಮಾಡಿ ಅದರ ಲಾಭ ಪಡೆದಿದೆಯಾದ್ದರಿಂದ ಬಫೆಟ್ರು (ಬರ್ಕ್ಷೈರ್ ಹಾಥ್‌ವೇ ಮೂಲಕ) ಸ್ಥಿರಾಸ್ತಿ ತೆರಿಗೆಯ ಮುಂದುವರಿಕೆಯ ಬಗ್ಗೆ ಖಾಸಗಿ ಹಿತಾಸಕ್ತಿ ಹೊಂದಿದ್ದರೆಂದು ವಾದಿಸಿದ್ದರು.[೧೦೮]
ಬಫೆಟ್ರು ಸರ್ಕಾರವು ಜೂಜನ್ನು ಜನರ ಮೌಢ್ಯಕ್ಕೆ ಕಟ್ಟುವ ತೆರಿಗೆಯೆಂದು ಕರೆದು ಆ ವ್ಯವಹಾರದಲ್ಲಿ ತೊಡಗುವುದು ಹಾಗೂ ಜೂಜುಕಟ್ಟೆಗಳನ್ನು ಕಾನೂನುಬದ್ಧಗೊಳಿಸುವಂತಹಾ ಚಟುವಟಿಕೆಗಳಲ್ಲಿ ತೊಡಗಬಾರದು ಎಂಬ ಅಭಿಪ್ರಾಯ ಹೊಂದಿದ್ದರು.[೧೦೯]
ಷೇರುಗಳ ಆಯ್ಕೆಯ ವೆಚ್ಚಗಳು
ಅವರು ಆದಾಯ ದಾಖಲಾತಿಗಳಲ್ಲಿ ಷೇರು ಅವಕಾಶ/ಆಯ್ಕೆಯ ವೆಚ್ಚ ಮಾಡುವಿಕೆಯ ಬಗ್ಗೆ ದೃಢವಾಗಿ ಪ್ರೋತ್ಸಾಹ ನೀಡಿದ್ದರು. 2004ರ ವಾರ್ಷಿಕ ಸಭೆಯಲ್ಲಿ, ಕೇವಲ ಕೆಲವೇ ಕಂಪೆನಿಗಳಿಂದ-ನೀಡಲ್ಪಟ್ಟ ಷೇರು ಆಯ್ಕೆ ಪರಿಹಾರವನ್ನು ಮಾತ್ರವೇ ವೆಚ್ಚವೆಂದು ಪರಿಗಣಿಸುವ ಯುನೈಟೆಡ್ ಸ್ಟೇಟ್ಸ್‌ ಶಾಸನಸಭೆಯ ಮುಂದಿದ್ದ ಮಸೂದೆಯೊಂದನ್ನು ಉಗ್ರವಾಗಿ ಖಂಡಿಸಿ ಇಂಡಿಯಾನಾದ ಪ್ರತಿನಿಧಿ ಸಭೆಯಲ್ಲಿ ಒಮ್ಮೆ Piನ ಬೆಲೆಯನ್ನು 3.14159ರಿಂದ 3.2ಕ್ಕೆ 'ಬದಲಾಯಿಸಿದ್ದಕ್ಕೆ' ಈ ಮಸೂದೆಯನ್ನು ಹೋಲಿಸಿ ವ್ಯಂಗ್ಯವಾಡಿದ್ದರು.[೧೧೦]
ಯಾವುದೇ ಕಂಪೆನಿಯು ಮೌಲ್ಯಯುತವಾದ ಏನನ್ನೇ ಆಗಲಿ ತನ್ನ ಉದ್ಯೋಗಿಗಳ ಸೇವೆಗೆ ಬದಲಾಗಿ ನೀಡಿದರೆ, ಅದು ಸ್ಪಷ್ಟವಾಗಿ ವೇತನ ವೆಚ್ಚವಾಗಿರುತ್ತದೆ. ಹಾಗೂ ಈ ವೆಚ್ಚಗಳು ಆದಾಯ ದಾಖಲೆಯ ಭಾಗವಲ್ಲದೇ ಹೋದರೆ ಬೇರೆ ಯಾವುದರ ಭಾಗವಾಗಿರಬೇಕು?[೧೧೧]
ಚೀನಾದಲ್ಲಿನ ಹೂಡಿಕೆ
ಬಫೆಟ್ ಪೆಟ್ರೋಚೀನಾ ಕಂಪೆನಿ ಲಿಮಿಟೆಡ್‌ ಸಂಸ್ಥೆಯಲ್ಲಿ ಹಣ ಹೂಡಿದರಲ್ಲದೇ, ಅಪರೂಪದ ನಡೆಯೊಂದರಲ್ಲಿ ಬರ್ಕ್ಷೈರ್ ಹಾಥ್‌ವೇಯ ಜಾಲತಾಣದಲ್ಲಿ ಹಾರ್ವರ್ಡ್‌ 2005ರಲ್ಲಿ ಈ ಕಂಪೆನಿಯಿಂದ ಹೂಡಿಕೆ ಮರಳಿ ಪಡೆಯಲು ಕಾರಣವಾಗಿದ್ದ ಸೂಡಾನಿನ ನರಮೇಧದೊಂದಿಗಿರುವ ಸಂಪರ್ಕದಿಂದಾಗಿ ಕೆಲ ಪ್ರತಿಪಾದಕರಿಂದ ವಿರೋಧ ವ್ಯಕ್ತವಾದರೂ ಕೂಡ ಕಂಪೆನಿಯಿಂದ ಹೂಡಿಕೆ ಹಿಂತೆಗೆತ ಮಾಡದಿರುವ ಬಗ್ಗೆ ವಿವರಣೆ[೧೧೨] ನೀಡಿದ್ದರು. ಆದಾಗ್ಯೂ ಅವರು, ಕೆಲವೇ ಸಮಯದ ನಂತರ ತಮ್ಮ ಹೂಡಿಕೆಗಳನ್ನು ಮಾರಿದರು, ಇದರಿಂದಾಗಿ 2008ರ ಬೇಸಿಗೆಯಲ್ಲಿ ತೀವ್ರ ಇಳಿಕೆ ಕಂಡ ತೈಲ ಬೆಲೆಯ ಸಮಯದಲ್ಲಿಯೂ ಸಹಾ ಕಂಪೆನಿಯೊಂದಿಗಿದ್ದಿದ್ದರೆ ಅವರಿಗಾಗಬಹುದಾಗಿದ್ದ ಅನೇಕ ಶತಕೋಟಿ ಡಾಲರ್‌ಗಳ ನಷ್ಟದಿಂದ ಪಾರಾದರು.
ಅಕ್ಟೋಬರ್‌ 2008ರಲ್ಲಿ, ಬಫೆಟ್, BYD ಆಟೋ ವಿದ್ಯುಚ್ಚಾಲಿತ ವಾಹನ ಉತ್ಪಾದಕ ಉಪಸಂಸ್ಥೆಯನ್ನು ನಡೆಸುತ್ತಿದ್ದ BYD ಕಂಪೆನಿ(SEHK: 1211)ಯ 10% ಷೇರುಗಳಿಗೆ $230 ದಶಲಕ್ಷಗಳನ್ನು ಪಾವತಿಸುವ ಮೂಲಕ ನವೀನ ಚೈತನ್ಯದ ವಾಹನೋದ್ಯಮದಲ್ಲಿ ಬಂಡವಾಳ ಹೂಡಿದರು. ಒಂದು ವರ್ಷಕ್ಕೂ ಕಡಿಮೆ ಸಮಯದಲ್ಲೇ, ಈ ಹೂಡಿಕೆಯು ಅವರಿಗೆ 500%ಗೂ ಹೆಚ್ಚಿನ ಲಾಭವನ್ನು ಮರಳಿಸಿತು[೧೧೩].
ವಾರೆನ್ ಬಫೆಟ್ರ ಬಗೆಗಿನ ಪುಸ್ತಕಗಳು
ವಾರೆನ್ ಬಫೆಟ್ ಹಾಗೂ ಅವರ ಹೂಡಿಕೆ ಯೋಜನೆಗಳ ಬಗ್ಗೆ ಅಸಂಖ್ಯಾತ ಪುಸ್ತಕಗಳನ್ನು ಬರೆಯಲಾಗಿದೆ. ಅಕ್ಟೋಬರ್‌ 2008ರಲ್ಲಿ, ಬಫೆಟ್ರ ಹೆಸರನ್ನು ಶೀರ್ಷಿಕೆಯಲ್ಲಿ ಹೊಂದಿರುವ ಕನಿಷ್ಟ 47 ಪುಸ್ತಕಗಳು ಮುದ್ರಣಗೊಳ್ಳುತ್ತಿವೆ ಎಂದು USA ಟುಡೇ ಪತ್ರಿಕೆಯು ವರದಿ ಮಾಡಿತ್ತು. ಬಾರ್ಡರ್ಸ್‌ ಬುಕ್ಸ್‌ ಸಂಸ್ಥೆಯ CEO, ಜಾರ್ಜ್‌ ಜೋನ್ಸ್‌ರು, ಕೇವಲ U.S. ಅಧ್ಯಕ್ಷರುಗಳು, ವಿಶ್ವದ ಪ್ರಮುಖ ರಾಜಕೀಯ ನೇತಾರರು ಹಾಗೂ, ದಲಾಯಿ ಲಾಮಾರು ಮಾತ್ರವೇ ಇಷ್ಟು ಸಂಖ್ಯೆಯ ಪುಸ್ತಕಗಳ ಶೀರ್ಷಿಕೆಯಲ್ಲಿ ಕಾಣಿಸಿಕೊಂಡಿರುವ ಇತರೆ ಜೀವಿತ ವ್ಯಕ್ತಿಗಳು ಎಂದು ಹೇಳಿದುದಾಗಿ ಲೇಖನದಲ್ಲಿ ಉಲ್ಲೇಖಿಸಲಾಗಿದೆ.[೧೧೪] ಬಫೆಟ್ರು ಹೇಳಿದ ಪ್ರಕಾರ ಅವರ ವೈಯಕ್ತಿಕ ಅಚ್ಚುಮೆಚ್ಚಿನ ಪುಸ್ತಕವೆಂದರೆ ಅವರೇ ಹೇಳುವ ಪ್ರಕಾರ ಲ್ಯಾರ್ರಿ ಕನ್ನಿಂಗ್‌ಹ್ಯಾಂರಿಂದ ಸಂಪಾದಿಸಲ್ಪಟ್ಟ "ನನ್ನ ವಾರ್ಷಿಕ ವರದಿ ಪತ್ರಗಳಲ್ಲಿನ ಯೋಜನೆಗಳ ಸುಸಂಬದ್ಧವಾದ ಮರುಜೋಡಣೆ" ದ ಎಸ್ಸೇಸ್‌ ಆಫ್ ವಾರೆನ್ ಬಫೆಟ್ ,[೧೧೫] ಎಂಬ ಹೆಸರಿನ ಅವರದೇ ಪ್ರಬಂಧಗಳ ಪುಸ್ತಕ.[೧೧೪]
ಕೆಲ ಉತ್ತಮ-ಮಾರಾಟವಾದ, ಅಥವಾ ಬೇರೆ ರೀತಿಯಲ್ಲಿ ಹೇಳುವುದಾದರೆ ಬಫೆಟ್ರ ಬಗೆಗಿನ ಗಮನಾರ್ಹ ಪುಸ್ತಕಗಳೆಂದರೆ:
- ರೋಜರ್‌ ಲೋವೆನ್‌ಸ್ಟೇನ್‌, ಬಫೆಟ್, ಮೇಕಿಂಗ್‌ ಆಫ್ ಆನ್ ಅಮೇರಿಕನ್‌ ಕ್ಯಾಪಿಟಲಿಸ್ಟ್‌
- ರಾಬರ್ಟ್ ಹಾಗ್‌ಸ್ಟಾರ್ಮ್‌, ದ ವಾರೆನ್ ಬಫೆಟ್ ವೇ .[೧೧೬] (2008ರ ಹಾಗೆ, ಬಫೆಟ್ರ ಬಗೆಗಿನ ಹೆಚ್ಚು ಮಾರಾಟ ಕಂಡ ಪುಸ್ತಕ.)[೧೧೪]
- ಅಲೈಸ್‌ ಷ್ರೋಡರ್‌ , The Snowball: Warren Buffett and the Business of Life .[೧೧೭] (ಬಫೆಟ್ರ ಸಹಕಾರದೊಂದಿಗೆ ಬರೆದದ್ದು.)[೧೧೮]
- ಮೇರಿ ಬಫೆಟ್ ಹಾಗೂ ಡೇಚಿಡ್‌ ಕ್ಲಾರ್ಕ್‌ , ಬಫೆಟಾಲಜಿ [೧೧೯] ಹಾಗೂ ನಾಲ್ಕು ತರುವಾಯದ ಪುಸ್ತಕಗಳು. (1.5 ದಶಲಕ್ಷ ಪ್ರತಿಗಳು ಒಟ್ಟಾರೆಯಾಗಿ ಮಾರಾಟ ಕಂಡವು.)[೧೧೪]
- ಜಾನೆಟ್‌ ಲೋವೆ, ವಾರೆನ್ ಬಫೆಟ್ ಸ್ಪೀಕ್ಸ್‌: ವಿಟ್‌ ಅಂಡ್‌ ವಿಸ್‌ಡಂ ಫ್ರಂ ದ ವರ್ಲ್ಡ್ಸ್‌ ಗ್ರೇಟೆಸ್ಟ್‌ ಇನ್‌ವೆಸ್ಟರ್‌ .[೧೨೦]
- ಜಾನ್ ಟ್ರೈನ್‌, ದ ಮಿಡಾಸ್‌ ಟಚ್‌: ದ ಸ್ಟ್ರಾಟಜೀಸ್‌ ದಟ್‌ ಹ್ಯಾವ್‌ ಮೇಡ್‌ ವಾರೆನ್ ಬಫೆಟ್ 'ಅಮೇರಿಕಾಸ್‌ ಪ್ರಿಎಮಿನೆಂಟ್‌ ಇನ್‌ವೆಸ್ಟರ್‌'. [೧೨೧]
- ಆಂಡ್ರ್ಯೂ ಕಿಲ್ಪಾಟ್ರಿಕ್‌, ಆಫ್ ಪರ್ಮನೆಂಟ್‌ ವ್ಯಾಲ್ಯೂ: ದ ಸ್ಟೋರಿ ಆಫ್ ವಾರೆನ್ ಬಫೆಟ್ .[೧೨೨] (330 ಅಧ್ಯಾಯಗಳು, 1,874 ಪುಟಗಳು ಹಾಗೂ 1,400 ಚಿತ್ರಗಳು, 10.2 ಪೌಂಡ್‌ಗಳ ತೂಕದೊಂದಿಗೆ ಬಫೆಟ್ರ ಬಗೆಗಿನ ದೀರ್ಘವಾದ ಪುಸ್ತಕ.)[೧೧೪]
- ವಾರೆನ್ ಬಫೆಟ್, ಲಾರೆನ್ಸ್‌ ಕನ್ನಿಂಗ್‌ಹ್ಯಾಂ (ಸಂಪಾದಕ), ದ ಎಸ್ಸೇಸ್‌ ಆಫ್ ವಾರೆನ್ ಬಫೆಟ್ .[೧೨೩] (ವಿಷಯವಸ್ತುವಿನ ಮೇಲೆ ಮರುಜೋಡಣೆಯಾಗಿರುವ ಅಧ್ಯಕ್ಷರ ಪತ್ರಗಳು.)
- ಜಾನೆಟ್‌ M. ತವಕೊಲಿ, ಡಿಯರ್‌ Mr. ಬಫೆಟ್: ವಾಟ್‌ ಆನ್ ಇನ್‌ವೆಸ್ಟರ್‌ ಲರ್ನ್ಸ್‌ 1,269 ಮೈಲ್ಸ್‌ ಫ್ರಂ ವಾಲ್‌ ಸ್ಟ್ರೀಟ್‌ [೧೨೪]
ಹಲೋ, ನಾನು ಆಡಮ್ಸ್ ಜಾನ್, ಖಾಸಗಿ ಸಾಲ ಸಾಲ ನಾನು ಸಾಲದ ಅಗತ್ಯ ಎಂದು ಆ ಸಾಲ ನೀಡಲು, ಮತ್ತು ಬಯಸುವ ಆ ನಾನು ವೈಯಕ್ತಿಕ ಸಾಲಗಳು, ಉದ್ಯಮ ಸಾಲ, ವಿದ್ಯಾರ್ಥಿಗಳ ಸಾಲ, ಕಂಪನಿ ಸಾಲ ಮತ್ತು ಎಲ್ಲಾ ರೀತಿಯ ನೀಡಲು ಹೊಸ ವ್ಯಾಪಾರ ಪ್ರಾರಂಭಿಸಲು adamsjohnloanfirm@hotmail.com: ಸಾಲ, ಆಸಕ್ತಿ ದರ 2% ಸಂಪರ್ಕ ಇಂದು ನಲ್ಲಿ
ಬಾಹ್ಯ ಕೊಂಡಿಗಳು
- ಬರ್ಕ್ಷೈರ್ ಹಾಥ್‌ವೇಯ ಅಧಿಕೃತ ಜಾಲತಾಣ
- ಬರ್ಕ್ಷೈರ್ ಹಾಥ್‌ವೇನ ಹಣಕಾಸು ಪತ್ರದ ಇತ್ತೀಚಿನ ಬಂಡವಾಳಪತ್ರಗಳು
- ಬರ್ಕ್ಷೈರ್ ಹಾಥ್‌ವೇನ ಹಣಕಾಸು ಪತ್ರದ ಇತ್ತೀಚಿನ ಬಂಡವಾಳಪತ್ರಗಳು Archived 2012-10-22 ವೇಬ್ಯಾಕ್ ಮೆಷಿನ್ ನಲ್ಲಿ. (Google ಫೈನಾನ್ಸ್‌ನ ಬೆಲೆಗಳೊಂದಿಗೆ)
- ಬರ್ಕ್ಷೈರ್ ಹಾಥ್‌ವೇನ ಹಣಕಾಸು ಪತ್ರದ ಇತ್ತೀಚಿನ ಬಂಡವಾಳಪತ್ರಗಳು, ತತ್ಕಾಲೀನ
| Honorary titles | ||
|---|---|---|
| ಪೂರ್ವಾಧಿಕಾರಿ Ingvar Kamprad | World's Richest Person ?—1995 | ಉತ್ತರಾಧಿಕಾರಿ Bill Gates |
| ಪೂರ್ವಾಧಿಕಾರಿ Bill Gates | World's Richest Person 2008–2009 | ಉತ್ತರಾಧಿಕಾರಿ Bill Gates |