Desultura nartatoria

Desultura nartatoria^[1][2][3] est genus athleticum, in quo athleta, desultor^[4] nominatus, nartis indutus de colle quam longissime desilire conatur.

Colles desulturae magnitudine multum variant: de aliquibus nemo plusquam 80 metra salire quit, de nonnullis autem amplius quam 200 metra saliri potest. Longissimus orbis terrarum saltus in certaminibus virilibus est 253.5 metra, a Stephano Kraft saltus; in certaminibus autem muliebribus, longissime desiluit Daniela Iraschko-Stolz, nominatim 200,0 metra.^[5]

Viri desulturā nartatoriā in Olympiis hiemalibus inde a primis Olympiis anni 1924 certant; mulieres autem non antequam in Olympiis hiemalibus 2014 certaverunt.