Bagdad

Bagdad (/ˈbæɡdæd,_bəɡˈdæd/; bahaso Arab: بَغْدَاد‎ [baɣˈdaːd] ( danga)) adolah ibu kota Irak dan salah satu kota gadang di Timur Tangah. Laweh wilayahnyo mancapai 673 km² dan talatak di sapanjang Batang Tigris, dakek runtuahan Akkadia (kota lamo Babilonia) jo Ctesiphon (ibu kota Persia Saisuak). Kota Bagdad partamo kali didirikan pado abaik kasalapan dan manjadi ibu kota Kakhalifahan Abbasiyah. Dalam wakatu singkek, Bagdad bakambang manjadi kota nan manjadi pusek budaya, niago, jo kailimuan di Dunia Islam nan ditandoi jo adonyo Baitul Hikmah sabagai pustaka paliang banyak buku di maso itu.

Bagdad بَغْدَاد
Metropolitan jo ibu kota
Kawalikotaan Baghdad
Saarah jarum jam dari ateh: Panorama aerial Zona Ijau; Museum Irak; Masjid Al-Kazhimiyah; Monumen Padang Qadisiyah; Universitas Al-Mustansiriyah
Julukan: Kota nan Damai (مدينة السلام)[1]
Nagara	Irak
Kagubernuran	Bagdad
Batagak	762 Masehi
Pandiri	Khalifah al-Mansur
Pamarintahan
• Jinih	Walikota–konsil
• Lembaga	Konsil Panasihaik Kota Bagdad
• Walikota	Alaa Al-Amari
Laweh
• Total	673 km2 (260 sq mi)
Katinggian	34 m (112 ft)
Panduduak
• Pakiroan (2018)	8,126,755[2]
• Paringkek	1
Demonim	Baghdadi
Zona wakatu	Standar Wakatu Arab (UTC+3)
• Musim paneh (DST)	Indak ado (UTC+3)
Kode pos	10001 to 10090
Situs web	Kawalikotaan Bagdad

Bagdad manjadi kota paliang gadang di dunia samaso pamarintahan Kakhalifahan Abbasiyah salamo Maso Kaamehan Islam hinggo populasinyo mancapai sajuta urang.^[3] Kota ko ancua dek Kakaisaran Mongol pado 1258, nan mambuek kota ko samakin taruih tapuruak. Inggo pado maso Iraq manjadi nagara mardeka (sabalunnyo Mandaik Britania Mesopotamia) pado 1932, kota ko baliak bakambang manjadi pusek paradaban Arab jo populasi manjadi labiah dari 7 juta.^{[note 1]}

Pado maso kini ko, kota ko acok maalami karusakan infrastruktur barulang. Nan paliang baru dek Invasi Iraq 2003 dek Amerika Sarikat nan kudian Parang Iraq nan barakhia pado Desember 2011. Akhia-akhia ko, kota ko manjadi sasaran panyarangan pambarontak, sainggo banyak warisan budaya jo sijarah nan musnah. Pado 2018, Bagdad tadaftar manjadi ciek kota gadang nan paliang indak ramah diuni sarato kota jo kualitas iduik paliang buruak dek Mercer.^[8]