Јазлест струпник
Јазлест струпник или обичен струпник (науч. Scrophularia nodosa) — повеќегодишно зелјесто растение од семејството на струпниците (Scrophulariaceae). Вирее во умерените краишта на северната полутопка со исклучок на западна Северна Америка.[1] Расте на влажно и запуштено обработливо земјиште.[2] Растението е присутно и во Македонија.[3]
| Јазлест струпник | |
|---|---|
 | |
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| клад: | Астериди |
| Ред: | Усноцветовидни |
| Семејство: | Струпници |
| Род: | Струпник |
| Вид: | Јазлест струпник |
| Научен назив | |
| Scrophularia nodosa L. | |
Раст
Расте право на квадратни месести стебла до висина од 150 см и има хоризонтално корениште. Листовите се спротиставени, јајцевидни во основата и копјести кон врвот, сите со назабени рабови. Цветовите се сместени во лабави класовидни соцветија со облик на издолжени или пирамидални метлички. Поединечните цветови се топчести, со по пет зелени чашкини ливчиња околу зелени или виолетови венечни ливчиња и јајцевидна семена чаура.[4]
Фосилни наоди
Семињата на јазлестиот струпник се пронајдени во потстепенот IIIa од средниот плеистоцен.[5]
Во традиционалната медицина
Според учењето за сигнатурите, се сметало дека растението може да ја излечи туберкулоза на лимфните жлезди на грлото поради грлениот облик на неговите цветови.[6]
Наводи
Надворешни врски
Јазлест струпник на Ризницата ?- „Јазлест струпник“ — Енциклопедија на живиот свет
- Јазлест струпник — „Хенриетин билкарник“ (англиски)
- Јазлест струпник — Хомеопатски лекови (англиски)
