Плеистоцен

Плеистоценот е епоха која на геолошката скала го опфаќа периодот од 1.808.000 до 11.550 година пред денешно време. Плеистоценот треба да ја опфати најблиската ера пропратена со низа леднички промени. Името плеистоцен потекнува од грчките зборови πλεῖστος (плеистос „најмногу“) и καινός (каинос „ново“).

Плеистоценот се надоврзува на плиоценот и е претходник на холоценската епоха. Плеистоценот е третиот период во неогенот, односно шестиот во кенозојската ера.^[1] Крајот на плеистоценот се поистоветува со крајот на палеолитската доба во археолошки рамки.