Градиште (познато и како Деволград) — населба од раноантичкото и римското време во атарот на селото Дреново, Македонија. На 2,5 километри од селото, на десниот брег на реката Раец, на висок рид со доминантна положба и пред влезот во Раечка Клисура се гледаат ѕидови, архитектонска пластика и многубројни фрагменти од керамички садови и бронзени монети, кои укажуваат на поголема значајна населба. Наоѓалиштето зафаќа површина од околу 10 хектара. Се претпоставува дека се работи за античкиот град Еударистон. Наодите се чуваат во Музејот на Македонија во Скопје и во Музејот и галерија во Кавадарци.[1]