Месен Лист

Месен Лист — блиско вонгалактичко подрачје каде Млечниот Пат, припадниците на Месната Група и други галаксии делат слична особена брзина.^[2] Ова подрачје се наоѓа во полупречник од околу 7 Мпс (23 Мсг),^[3] и има дебелина од 0,46 Мпс (1,5 Мсг).^[1] Галаксиите подалеку од тоа подрачје имаат изразено различни брзини.^[3] Месната Група има само релативно мала особена брзина од 66 км⋅с⁻¹ во однос на Месниот Лист. Типичната брзинска распределба на галаксиите изнесува само 40 км⋅с⁻¹ во полупречничка насока.^[2] Речиси сите недалечни сјајни галаксии му припаѓаат на Месниот Лист.^[1] Тој е дел од Месната Зафатнина и е сместен во суперјатото Девица (Месно Суперјато).^[4] Месниот Лист образува ѕид од галаксии кој исцртува една граница на Месната Шуплина.^[5]

Месен Лист
Податоци од набљудување (епоха )
Најсјаен член	Месна Група
Голема полуоска	17 Мсг (5 Мпс) [1]
Мала полуоска	1,5 Мсг (0,5 Мпс) [1]
Црвено поместување	0.00
Оддалеченост (содружна)	0 Мсг (0 Мпс)

Значителна составница на средната брзина на галаксиите во Месниот Лист е производ на гравитациското привлекување на галактичкото јато Девица, што прави особено движење од ~185 км⋅с⁻¹ кон јатото.^[2] Втора составница е насочена вон средиштето на Месната Шуплина — просторно подрачје сиромашно со галаксии кое се шири и има тековна големина од 45 Мпс (150 Мсг).^[3] Оваа составница има брзина од 259 км⋅с⁻¹.^[2] Месниот Лист е наклонет 8° од Месно Суперјато (Девица).^[4]

Таканаречениот Совет на Џинови е прстен од дванаесет големи галаксии кои ја обиколуваат Месната Група во Месниот Лист и има полупречник од 3,75 Мпс (12,2 Мсг).^[4] Десет од нив се спирални, а останатите две се елиптични. Елиптичните (Мафеи 1 и Кентаур A) се наоѓаат на спротивните страни од Месната Група.

* Масата е наведена како логаритам на масата во сончеви маси.