Неуспешни обиди за учество на Евровизија

Катар Радио е моментално придружен член на Европската Радиодифузна Унија, додека сите натпреварувачки држави на Евровизија се активни членки на унијата. Радиодифузерот откри дека е заинтересиран да стане активен член на 12 мај 2009, кое би му овозможило на Катар да се натпреварува на Евровизија. Катар Радио наведе дека се надеваа да учествуваат на Евровизија 2011.^[2]

Катар прво се вклучи на фестивалот во 2009, кога радиодифузерот испрати делегација на фестивалот и емитуваше неделно радио шоу наречено '12pointsqatar' посветено на Евросонг. Шоуто доби позитивни критики и иницира понатамошно вклучување на Катар на Евровизија.^[2]

Казахстан нема учествувано сѐ уште на Евровизија. Казахстан преговара за да се придружи кон ЕБУ. Државната Телевизиска Компанија Казахстан-1 очекува одговор за доделување на членство во ЕБУ од 2008 година. Ако ова се случи, Казахстан може да учествува на Евросонг 2014.^[3] Казахстан го пренесуваше натпреварот во 2010, 2012 и 2013.

Географски, 5% од територијата на Казахстан припаѓа во Европа.

Тунис нема учествувано сѐ уште на Евровизија. Имаше можност да учествува во 1977 година, но го откажа учеството, затоа што не сакаше да учествува заедно со Израел.

Лихтенштајн нема учествувано сѐ уште на Евровизија. Лихтенштајн преговара за да се придружи кон ЕБУ.

Косово никогаш не учествувало на Евровизија. Косовската државна телевизија, РТК аплицираше за членство во ЕБУ, но сѐ уште не е прифатена како полноправен член.^[4]

Либан никогаш не учествувал на Евровизија. Државната телевизија, Теле Либан, ќе направеше деби на Евровизија 2005 во Киев со песната "Quand tout s'enfuit" изведена од Алин Лахуд, но се повлече поради Либанските закони кои не наложуваа да се емитува Израелската песна.

Година	Место на одржување	Исполнител	Име на песната	Финале	Бодови	Полуфинале	Бодови
2005	Киев	Алин Лахуд	«Quand tout s’enfuit»	дисквалификација

Советскиот Сојуз никогаш не учествувал на Евровизија, но имаше неколку обиди за учество во 80. години од минатиот век.

Во 2009. Едуард Фомин, поранешен работник во Министерството за Образование на РСФР, обелодени дека во 1987. министерот за образование, Георги Веселов, ја ставил идејата за учество на Советскиот Сојуз на Евровизија поради голем број на политички реформи направени од Претседателот на Советскиот Сојуз, Михаил Горбачов во текот на 1980. Идејата главно беше политичка, со замисла дека победа на натпреварот за Советскиот Сојуз би имала улога во односите меѓу Советскиот Сојуз и капиталистичките држави на запад. Валери Леонтјев беше предложен за прв пејач кој би го претставувал Советскиот Сојуз на Евровизија, но идеите на Веселов не биле поддржани од Комунистичката партија на СССР, или од Горбачов, верувајќи дека тоа е премногу радикален чекор, така што Советскиот Сојуз никогаш не се појавил на натпреварот до неговиот распад.

Десетте поранешни републики на Советскиот Сојуз подоцна ќе се натпреваруваат поединечно во 90-тите и 2000-тите: Русија, Естонија, Литванија, Латвија, Украина, Белорусија, Молдавија, Ерменија, Грузија, и Азербејџан, со пет од овие држави кои веќе победиле на Евровизија (Естонија, Латвија, Украина, Русија и Азербејџан). Во последно време е сугерирано дека и Казахстан ќе учествува на Евровизија, која исто така беше поранешна советска република.

Наводи