Хапи е египетски бог на Нил и на жетвата.[1] Го почитувале низ целиот Египет. Прикажан е со сина кожа, а го обожавале дури и повеќе од самиот Ра, посебно заради мислењето дека во темница можат да живеат, но без Нил - не. Неговото име често се меша со синот на Хор кој исто така се вика Хапи. Некои од титулите на Хапи биле „Господар на рибите и птиците од мочуриштата“ и „Господар на реката што носи вегетација“. Хапи вообичаено бил прикажуван како андрогена фигура со голем стомак и големи дојки, со ткаенина околу слабините и со церемонијална лажна брада.[2]
