ഏകകം
ഒരു വ്യവസ്ഥാപിത രീതിയോ നിയമമോ വഴി സ്വീകരിച്ച അളവിന്റെ തോതിനെയാണ് ഏകകം എന്നുപറയുന്നത്. ഒരേ തരത്തിലുള്ള അളവുകളെ കണക്കാക്കുന്നതിനുള്ള അടിസ്ഥാന അളവുകോലായി ഇതിനെ ഉപയോഗിക്കുന്നു.[1] ഇതേ പ്രകാരത്തിലുള്ള ഏതൊരു അളവിനേയും അതിന്റെ യുണിറ്റ് അളവിന്റെ ഗുണിതങ്ങളായി കണക്കാക്കുന്നു.
ചരിത്രം
യുണൈറ്റഡ് സ്റ്റേറ്റ്സ് കസ്റ്റമറി സിസ്റ്റം, ബ്രിട്ടീഷ് കസ്റ്റമറി സിസ്റ്റം, ഇന്റർനാഷണൽ സിസ്റ്റം എന്നിങ്ങനെ ലോകമെമ്പാടും, ഇന്ന്, ഒന്നിലധികം സംവിധാനങ്ങൾ ഉപയോഗിച്ചുവരുന്നു. എന്നിരുന്നാലും, ഇതുവരെ മെട്രിക് സിസ്റ്റത്തിലേക്ക് പൂർണ്ണമായും മാറാത്ത ഒരു വ്യാവസായിക രാജ്യം അമേരിക്കയാണ്. മ്യാന്മർ, ലൈബീരിയ എന്നിവയടക്കം മൂന്ന് രാജ്യങ്ങളാണ് ഇത്തരത്തിലുള്ളത്. സാർവത്രികമായി സ്വീകാര്യമായ ഒരു യൂണിറ്റ് സംവിധാനം വികസിപ്പിക്കാനുള്ള ആസൂത്രിതമായ ശ്രമം 1790 മുതൽ നടന്നു വരുന്നുണ്ട്. ഫ്രഞ്ച് നാഷണൽ അസംബ്ലി ഫ്രഞ്ച് അക്കാദമി ഓഫ് സയൻസസിനോട് അത്തരമൊരു യൂണിറ്റ് സംവിധാനം കൊണ്ടുവരാൻ ആവശ്യപ്പെട്ടു. ഫ്രാൻസിൽ വികസിപ്പിച്ചെടുത്ത മെട്രിക് സമ്പ്രദായത്തിന്റെ മുന്നോടിയായിരുന്നു ഈ സംവിധാനം, എന്നാൽ 1875-ൽ 17 രാജ്യങ്ങൾ മെട്രിക് കൺവെൻഷൻ ഉടമ്പടി ഒപ്പുവെക്കുന്നതുവരെ ഇതിന് സ്വീകാര്യത ലഭിച്ചിരുന്നില്ല. ഈ ഉടമ്പടി ഒപ്പുവച്ചതിനുശേഷം, ഭാരം, അളവുകൾ എന്നിവയുടെ ഒരു സമിതി (സി.ജി.പി.എം) സ്ഥാപിച്ചു. സി.ജി.പി.എം നിലവിലെ എസ്‌ഐ സമ്പ്രദായം നിർമ്മിച്ചു, അത് 1954 ൽ സമിതിയുടെ പത്താമത്തെ സമ്മേളനത്തിൽ അംഗീകരിച്ചു. നിലവിൽ, എസ്‌ഐ സിസ്റ്റവും യു‌എസ് കസ്റ്റമറി സിസ്റ്റവും ഉപയോഗിക്കുന്ന ഒരു ഇരട്ട സിസ്റ്റം സൊസൈറ്റിയാണ് യുണൈറ്റഡ് സ്റ്റേറ്റ്സ്. [2]