ട്രയത്‌ലോൺ

മൂന്ന് എന്ന അർത്ഥമുള്ള ഗ്രീക്ക് പദമായ ട്രൈസ് ( τρεῖς or treis) വിനോദം-സ്‌പോർട് എന്നർത്ഥമുള്ള അത്‌ലോസ് ( ἆθλος or athlos) എന്നീ പദങ്ങൾ ചേർന്നാണ് ട്രിയത്‌ലോൺ എന്ന വാക്ക് ഉദ്ഭവിച്ചത്.^[2]

ട്രയത്‌ലോൺ തുടങ്ങിയത് 1920ൽ ഫ്രാൻസിലാണെന്നാണ് ചില വിലയിരുത്തലുകൾ. ^[3] ട്രയത്‌ലോൺ ചരിത്രകാരനും എഴുത്തുകാരനുമായ സ്‌കോട് ടിൻലിയുടെയും മറ്റു ചിലരുടേയും^[4] അഭിപ്രായത്തിൽ 1920- 30കളിൽ ലെസ് ട്രോയിസ് സ്‌പോർട്‌സ് എന്ന പേരിലാണ് ഇത് ആരംഭിക്കുന്നത്.ആധുനിക രീതിയിലുള്ള ട്രയത്‌ലോൺ നീന്തൽ, സൈക്കിളിങ്, ഓട്ടം എന്ന രീതിയിൽ തുടക്കം കുറിച്ചത് 1974 സെപ്തംബർ 25ന് കാലിഫോർണിയയിലാണ്.

2000ൽ സിഡ്‌നിയിൽ നടന്ന ഒളിമ്പിക്‌സിലാണ് ആദ്യാമായി ട്രയത്‌ലോൺ ഒളിമ്പിക്‌സ് മത്സര ഇനമായത്. 1500 മീറ്റർ നീന്തൽ, 40 കിലോ മീറ്റർ സൈക്കിളിങ്, 10 കിലോമീറ്റർ ഓട്ടവുമാണ് ഒളിമ്പിക്‌സിലെ ഈ മത്സരത്തിന്റെ ദൂരം.